Fréttir - Eyjafréttir - 19.06.2008, Blaðsíða 8

8
Ffgttif / Fimmtudagur 19.júní2008
Við erum stolt af ykkur
-sagði Valgerður, forstöðumaður Visku, sem útskrifaði 20 nema á Háskólahátíðinni
aB Samantekt
* j Ómar Garðarsson
omar@eyjafrettir..is
Háskólahátíð Visku er orðinn fastur
liður í hátíðahöldum þjóðhátíðar-
dagsins 17. júní. Þar koma sama
útskriftamemar sem stundað hafa
nám við háskóla í gegnum fjar-
fundabúnað Visku auk Eyjamanna
sem útskrifast hafa eftir staðarnám
úr hinum ýmsu háskólum. Þetta er í
fjórða skipti sem Viska útskrifar
háskólanema sem að þessu sinni
voru 20. í allt stunda milli 60 og 70
manns háskólanám í fjarnámi í
Eyjum. Athöfnin fór að venju fram
í Alþýðuhúsinu sem var þéttsetið af
útskriftamemum og aðstandendum
þeirra.
Arnar Sigurmundsson stjómarfor-
maður Visku, Ólafur Proppé rektor
Kennaraháskólans, Eygló
Björnsdóttir lektor við Háskólann á
Akureyri, Dóra Guðrún Þórarins-
dóttir og Rut Haraldsdóttir, stað-
gengill bæjarstjóra fluttu ávörp auk
Valgerðar Guðjónsdóttur, forstöðu-
manns Visku. Arnar rakti sögu
Visku sem m.a. hefur lengi verið í
samstarfi við Kennaraháskólann.
Sagði Arnar það skemmtilega
tilviljun að rektor hans, Ólafur
Proppé,hefði unnið að björgunar-
störfum í gosinu 1973 en nú styttist
í að 35 ár verði frá lokum þess.
Ólafur kom inn á þetta í sínu
ávarpi en nú stendur kennaranám í
landinu á tímamótum því Kennara-
háskólinn hefur gengið í eina sæng
með Háskóla Islands.
Rut, sem sjálf lauk námi í
viðskiptafræðum fyrir þremur
árum, sagði það kosta sjálfsaga og
gott skipulag að stunda nám í fjar-
námi. Einnig að það yrði ekki gert
nema með samþykki og hjálp fjöl-
skyldunnar.
Valgerður sagði Viska hefði lagt
sig fram um að skapa nemendum
sem best umhverfi til náms sem
þyrfti að vera eins og gott kaffihús.
„Það leggur ekki bara til ómissandi
hráefni heldur býður það upp á
mikið úrval til að fullnægja ólíkum
bragðsmekk einstaklinga. Þetta
veitir nemendum svigrúm til að
uppgötva sitt náttúrulega áhuga-
svið, hneigðir og sérstaka hæfileika
svo vitnað sé í orð A. Jensens,"
sagði Valgerður.
„Þannig viljum við álíta að Viska
þjóni þeim nemum sem stunda nám
hér í heimabyggð. Við sækjumst
eftir því að búa svo um að nemum
líði vel, geti átt námssamfélag og
aðtöðu til vinnu við nám sitt. Eg
vitna oft í nema sem útskrifaðist
fyrir ári síðan, þegar aðstaða Visku
kemur til tals. Þessi nemi mætti
dag hvern niður í Setur klukkan
átta að morgni og hóf lærdóm og
lestur. Vann þannig fram eftir degi
og hvarf heim þegar líða tók á
daginn. Einn dag spurði ég þennan
nema af hverju hún lærði ekki
heima hjá sér frekar en að dúsa í
húsnæði Visku dag hvern. Ekki lá
á svari hennar: -Það er svo mikið
betra að koma til þín Valgerður og
læra hér, nota staðinn eins og að
fara til vinnu. Svo er enginn friður
til að læra heima því það eru alltaf
að koma einhverjar kerlingar að
sníkja kaffi.”
„Þið eruð dugnaðarfólk sem hefur
gefið sér tíma til að setjast niður
stund og stund til að nema ný fræði
eða rifja upp og bæta við fyrri
kunnáttu," sagði Valgerður í ávarpi
sínu til nemenda. „Við erum stolt af
ykkur fyrir að hafa gefið ykkur
tíma til að horfa fram á við og
safna í sarp ykkar fróðleik sem
mun skila sér til ykkar og þá um
leið okkar allra í samfélaginu.
Jákvætt hugarfar, „rétt“ viðhorf,
gildismat, fagvitund, samvinna og
vilji til að læra og bæta starfið er
kjarni málsins. Því „sterkur þekkist
af verkum sínum“.
Dóra Guðrún:
Mikill kostur að
geta stundað nám
í heimabyggð
Dóra Guðrún Þórarinsdóttir, sem
útskrifaðist sem grunnskólakennari
flutti ávarp fyrir hönd nemenda.
Sagði hún það mikinn kost fyrir
Eyjamenn að geta stundað nám í
heimabyggð og þurfa ekki flytjast
búferlum upp á fastalandið.
„Viska, fræðslu og símenntunar-
miðstöð Vestmannaeyja, gerir
okkur þetta kleift,“ sagði Dóra
Guðrún.
Hún rifjaði upp að í lok ársins
2003 hefði Viska auglýst eftir
áhugasömu fólki sem vildi stunda
fjamám í kennslu- og leikskóla-
fræðum. „Það voru margir sem
sýndu náminu áhuga og góður
hópur náðist sem var forsenda þess
að kennslan færi af stað og síðan
eru liðin fjögur ár. Einnig eru hér
með okkur fjamemar sem hafa
lokið námi á jafnlöngum eða syttri
tíma frá öðrum háskólum."
Dóra Guðrún sagði að kennara-
og leikskólanám frá HA sé sett upp
með bekkjarfyrirkomulagi þar sem
nemendur hittast nokkurum sinnum
í viku og sitja tíma saman í gegnum
fjarfundarbúnað til Akureyrar, víða
að af landinu. „Slíkt kennslufyrir-
komulag er mjög gott og gefur
nemendum góða nálægð við kenn-
ara námskeiða og aðra fjarnema
sem eru á öðrum fjarfundarstöðum
á landinu. Einnig gefur bekkjar-
fyrirkomulagið nemendum góðan
stuðning, þar sem hægt er að vinna
náið saman með samnemendum í
ýmsum verkefnum sem unnin eru á
námstímanum. Það má segja að
Viska hafi staðið mjög vel á bak
við fjarfundafyrirkomulagið þar
sem allur búnaður var mjög góður
og stofurnar til fyrirmyndar sem
eykur enn fremur gæði kennslunnar
þegar til lengri tíma er litið.“
Dóra Guðrún sagði að Viska hefði
einnig haldið mjög vel utan um
námsaðstöðu fyrir nemendur og öll
lesaðstaða sé til fyrirmyndar sem
geri nemendum auðveldara að
stunda námið og getur einnig verið
tnjög dýrmætt þegar kemur að
prófatíma. „Staðarlotur eru mikil-
vægur þáttur í fjarnámi og þurfa
nemendur oft að fara upp á fasta-
landið til þess að sækja þær. Við
fórum ekki varhluta af því og þurft-
um nokkrum sinnum að fara slíkar
ferðir."
Þetta gátu verið svaðilfarir að því
er kom fram hjá Dóru Guðrúnu. Og
ekki voru Eyjamenn með á hreinu
hvemig veður og færð geta verið.
„Þar vorum kennaranemar saman
komnir á lítilli rútu á sumardekkj-
um, hálfbremsulausri og brunandi í
glerhálku, syngjandi þjóðhátíðarlög
á Holtavörðuheiðinni alveg granda-
lausir fyrir þeim hættum sem geta
leynst á heiðinni í slíku veðurfari."
Þau sem útskrifuðust frá HA vom
gestanemendur við Kennarahá-
skóla íslands, þau völdu sérhæfð
kjörsvið. „Það var mjög ánægjuleg
upplifun að fá að kynnast báðum
háskólunum þar sem þeir eru ólíkir
en samt svo líkir. Við, sem völdum
okkur náttúrufræðikjörsvið frá
Kennaraháskólanum, héldum að
fyrirkomulagið á kennslunni væri
eins og fyrir norðan þar sem unnið
var út frá bókinni. Það var hins
vegar ekki svo þar sem kennslu-
fyrirkomulagið er aðeins ólíkara í
Kennaraháskólanum, það er að
segja mun verklegra. Þegar við
mættum þar var okkur sagt að fara
út með box og tengur og finna
kóngulær og aðra félaga þeirra sem
var mjög áhugavert fyrir kóngulóa-
fælið fólk. Einnig var maður sendur
í fjörur til að skoða fjörulífið. Eg
verð nú að viðurkenna að maður
var ekki alveg undir þetta búinn
enda var ég klædd í sumarföt, leit-
andi að kuðungum og skeljum í
fjörunni, hundblaut og skjálfandi á
beinunum á meðan samnemendur
rnínir voru mjög vel gallaðir, í
regngöllum í haustrigningunni."
Að lokum sagði Dóra Guðrún að
Eyjamar séu ekki einungis ríkar að
fengsælum fiskimiðum og stórfeng-
legri náttúrufegurð heldur einnig
einstaklega ríkar af velmenntuðu og
sérhæfðu háskólafólki. „I dag
bætist stór og fjölbreyttur hópur inn
í menntaflóru Eyjanna og því má
segja að vertíðin hafi verið einkar
fengsæl að þessu sinni.