Fréttir - Eyjafréttir - 26.06.2008, Blaðsíða 7
Fréttir / Fimmtudagur 26. júní 2008
7
Fótbolti til framtíðar
-Kári Bjarnason veltir fyrir sér hugmyndum sérfræðinga um þróun knattspyrnunnar mitt í þeirri
veislu sem Evrópumeistaramótið er
Klúbbarnir munu þurfa að bregðast við þessum ótrúlegu valmöguleikum sem sjónvarpið og tölvan bjóða upp á ef einhver á eftir að nenna að
haska sér út á völlinn og þar sjá spekingarnir ekki síður spennandi framtíð: Fyrir framan hvert sæti mun verða komið fyrir snertiskjám þar sem
unnt er að flakka fram og til baka um völlinn, kíkja á aðra leiki eða panta sér hressingu sem kemur brunandi á vettvang.
Við sem eru unnendur knattspyrn-
unnar eigum stopula sæludaga.
Evrópukeppnin er ein slík nautna-
stund, þar sem sambland af dansi
og þaulhugsaðri bardagalist slær
saman - þjóðarstoltið rifnar af
gleði eða springur af harmi eftir því
hvemig tilviljun eða áralöng þjálf-
un setur tuðruna hina ætluðu leið
eða rétt framhjá. Hvílík gleði að fá
að lifa góðan leik, sjá þaulhugsaðan
undirbúninginn leiða til marks eða
einstaklingsfrumkvæðið töfra fram
ógleymanleg tilþrif. Evrópukeppn-
in, en því miður lýkur henni á
sunnudaginn, hefur boðið upp á
þvílíka dramatík að öll skáld mega
blygðast sín!
Eg ferðast alloft til Hafnar enda
em ýmis handrit sem tengjast
Vestmannaeyjum enn þar varðveitt,
til allrar hamingju. I þessum ferð-
um mínum gefst oft tími til að
horfa á góða leiki eða lesa sig til
um framvindu mála, enda er fót-
boltinn ótrúlega fjölbreyttur og
síhvikull heimur.
I síðustu ferð minni rakst ég á
frábæra sariiantekt eftir breska og
danska sérfræðinga um þróun
knattspymunnar á næstu áratugum
eða fram til ársins 2020. Það sem
hér fer á eftir er stutt samantekt en
vísað er á tímaritin Future of
Football (febr. 2008) og Tips bladet
weekend (febr. 2008) um nánari
greinargerð sem og skýrsluna í
heild, sjá m.a.
www.orange.co.uk/sport/football/pi
cs/3395_l.htm
Virk þátttaka
Þar segir að innan skamms munum
við geta flatmagað fyrir framan
sjónvarpið og horft á leikinn í
þrívídd án nokkurs aukabúnaðar,
súmað að vild inn á hvaða leik-
mann eða stöðu á vellinum sem er
og spólað fram og til baka á einstök
vafaatriði. Það verður þá nóg að
gera á fjarstýringunni! Auðvelt
verður að reikna sjálfur nákvæm-
lega út hraða og stefnu boltans,
breyta einstökum forsendum og
meta áhrif þeirra á gang leiksins.
Tækifærin fyrir venjulegan áhuga-
mann til þess að greina leikinn eftir
á eru að mati skýrsluhöfunda í raun
óendanlegir.
Ekki þarf síðan að minna lesendur
Frétta á ýmiss konar hópaspjalls-
möguleika í gegnum netið, þar sem
menn geta af auknum krafti borið
saman bækur sínar eða deilt um
„smáatriðin". Jafnframt gefst tæki-
færi til að hlaða inn á eigin tölvur
tölvugerða leiki t.d. síns fótbolta-
liðs og umbreyta yftr í fótboltaspil
með þeim viðbótum er menn sjálfir
kjósa. Tilvalið til að skella sér inn á
völlinn og taka sjálfur þátt í
leiknum!
Lífið á vellinum
Klúbbamir munu þurfa að bregðast
við þessum ótrúlegu valmögu-
KÁRI
leikum sem sjónvarpið og tölvan
bjóða upp á ef einhver á eftir að
nenna að haska sér út á völlinn og
þar sjá spekingarnir ekki síður
spennandi framtíð: Fyrir framan
hvert sæti mun verða komið fyrir
snertiskjám þar sem unnt er að
flakka fram og til baka um völlinn,
kíkja á aðra leiki eða panta sér
hressingu sem kemur brunandi á
vettvang. Sætin verða hönnuð
þannig að þegar aðstæður á vell-
inum kalla á virka þátttöku munu
þau titra þar til sprottið er á fætur.
Þetta kallast að fá að vera með! Ef
maður verður fyrir því óláni að
komast hvorki á völlinn né ná að
fleygja sér fyrir framan næsta sjón-
varp á leiktíma verður unnt að sjá
leikinn á rauntíma í símanum.
Síðan er að bruna heim og hlaða
leiknum í tölvuna eða sjónvarpið og
njóta allra möguleika tækninnar til
að skoða betur vafaatriðin.
Breytingar hjá leik-
mönnum
Hvað leikmennina varðar munu
möguleikarnir á því að fylgjast náið
með líkamlegu atgervi gerbreytast.
Með örsmáum nemum verður hægt
að sjá slysahættu fyrir með allt að
300% meiri nákvæmni og bregðast
við aukinni hættu á tilteknum
slysum með nákvæmari lyfjagjöf-
um eða sérstakri fyrirbyggjandi
þjálfun. Spekingamir telja að með
slfkri nálgun sé hægt að auka þolið
verulega eða hlaupahraðann allt að
15% og hlaupalengdina jafnvel um
50%. Treyjurnar verða sérútbúnar
til að græða minniháttar sár og
þurrka upp svita eða kæla líkamann
niður, orkuplástrar munu hjálpa til
við að auka úthald og eingöngu
verður boðið upp á skó sem verða
sérhannaðir utan um hina dýrmætu
fætur.
Skómir verða merktir fyrirfram
sem hluti af heimaliði eða útiliði,
þannig að nemamir í skónum
greina hvort leikmaður t.d. er
rangstæður með því að bera saman
skópörin á vellinum. Búningarnir
verða hannaðir þannig að þeir geti
breytt um lit og jafnvel birt ein-
stakar auglýsingar tímabundið
meðan á leik stendur.
Breytingar á vellinum
Leikvellimir sjálfir verða eingöngu
með gervigrasi. Vellirnir verða
opnir en skýjabólstrar verða ein-
faldlega sprengdir upp vel fyrir
leikinn til að koma í veg fyrir
rigningu meðan á leiknum stendur.
Boltinn mun að sjálfsögðu breytast
mikið, við sjáum þegar í Evrópu-
keppninni sem nú stendur yfir að
sviftð er að aukast og þar með
aukinn möguleiki á nákvæmni. Lítil
örfluga inni í boltanum mun gera
dómara viðvart um það hvort
boltinn hafi farið yfir marklínu eða
ekki. Leysitækni mun gefa upp
nákvæma staðsetningu á innkasti,
frísparki og hvar 9 metra línan á að
standa. Ljósin munu þá sjást á
vellinum og taka af allan vafa.
Dómaramistök munu heyra sögunni
til, segir í skýrslunni og er ekki víst
að Pele sé hrifinn af þeim orðum.
Einn úr hópnum bætir því við að
innan fárra ára muni róbótar leysa
dómarann af hólmi.
Örflugu þjálfararnir
Þjálfararnir munu geta fylgst náið
með ástandi leikmanna sinna á vell-
inum og geta brugðist við þegar
styrkur þeirra tekur að dvína.
Skynjaramir, sem leikmenn bera,
gefa þjálfaranum jafnframt tækifæri
til að ræða við leikmenn sína og
koma þannig beinna að framvindu
leiksins. Sérstakar myndavélar
hlaðnar gervigreind fylgja hverjum
leikmanni eftir. Þær innihalda hvers
kyns upplýsingar um leikmanninn
og meta í ljósi fyrirliggjandi gagna
hversu mikinn hluta af getu leik-
mannsins hann nýtir eða hefur nýtt
og ráðleggja um skiptingu þegar
þörf er á. Slík tækni yrði einstak-
lingsmiðuð, þannig að þjálfarinn
getur greint á hverjum tíma stöðu
leikmannsins í samhengi við
fyrirliggjandi upplýsingar. Tæknin
yrði einnig nýtt til að para saman í
lið, velja einstaklinga í stöður á
vellinum sem passa best saman eða
geta bætt upp það sem á vantar.
Myndavélamar greina jafnframt
skapferlisbreytingar eða óvenjulega
hegðun þannig að þegar pundið
þyngist í leikmönnum gera þær
þjálfaranum viðvart. Slíkt hefði nú
aldeilis getað breytt sumum
leikjunum!
Innáskipting
Fyrir hina allra æstustu sjá spek-
ingarnir þá framtíðarsýn að leik-
vangurinn verði reistur inni í miðju
lokuðu íbúða- og verslunarhverfi.
íbúamir yrðu jafnframt meðeig-
endur í klúbbnum og þyrftu lítið að
fara út fyrir svæðið - nema á stöku
útileik! Fáir em þó svo hugaðir að
komast alla þessa leið, en líklega er
það himnaríki, sem gamla fólkið
dreymdi um, þama fólgið.
Þegar allt þetta er komið í kring
verður enn nauðsynlegra en áður að
unnendur knattspymunnar njóti
fullra forréttinda á sínu heimili þá
örfáu daga á ári sem góðir leikir
eru í boði. Góður undirbúningur að
slíku gefst á sunnudaginn kemur er
úrslitaleikurinn sjálfur verður leik-
inn.
Sögcisetrið 1627:
Reisubók Ólafs í enskri þýðingu
Reisubók Olafs Egilssonar er komin
út í enskri þýðingu. Þetta er í fyrsta
skipti sem bókin kemur út á ensku og
heitir The travels of reverend Olafur
Egilsson í enskri þýðingu. Karl Smári
Hreinsson og Adam Nichols gefa bók-
ina út en Sögusetrið 1627 styrkir út-
gáfuna. Bókin kom út í danskri
þýðingu 1741 og kom síðast út á
íslensku 1969.
Með ensku útgáfunni gefst erlend-
um fræði- og áhugamönnum einstakt
tækifæri til að nálgast þessar merku
samtímaheimildir um þá skelfilegu
atburði, sem jafnan em nefndir
Tyrkjaránið.
Goslokamessa í Seljakirkju:
Þrír klerkar með rætur í Eyjum þjóna fyrir altari
Helgina 4. - 6. júlí nk. verður þess minnst að 35 ár em
síðan gosi lauk í Heimaey. Mikil hátíðardagskrá verður í
Eyjum alla helgina og verður mikið um dýrðir. En eins og
gengur hafa ekki allir tök á því að sækja eyjamar heim og
því hefur verið ákveðið í samstarfi við Átthagafélag
Vestmannaeyinga á Reykjavfkursvæðinu (ÁtVR) að vera
með goslokamessu í Seljakirkju í Breiðholti af þessu tilefni
sunnudaginn 6. júlí kl. 20.00. Verður eyjastemningin þar
fyrirferðarmikil og munu eyjapeyjamir sr. Kristján
Bjömsson, sr. Olafur Jóhann Borgþórsson og sr. Þorvaldur
Víðisson þjóna fyrir altari og nokkrir félagar úr sönghóp
ÁtVR leiða sönginn. Að lokinni messu verður létt spjall,
kaffi og konfekt og notaleg stemning.