Fréttir - Eyjafréttir - 26.06.2008, Blaðsíða 14
14
Fréttir / Fimmtudagur 26. júní 2008
Sumarsólstöðuganga um tinda Heimaeyjar
MYNDARHÓPUR Það voru um 60 manns sem mættu inni í Herjólfsdal þar sem gangan hófst.
Um scxtíu manns mættu í göngu
á iöstudagskvöld en rétt fyrir
miðnætti var lengstur sólar-
gangur og eftir það tók daginn að
stytta aftur. Og sumarið rétt að
byrja. Hafdís Kristjánsdóttir og
Ágústa Guðnadóttir skipulögðu
gönguna sem var bæði löng og
ströng. Dalfjall, Klif, Heima-
klettur, Eldfell, Helgafell og
Sæfjall voru takmarkið en hverj-
um og einum var í sjálfsvald sett
hvort hann gekk hluta eða alla
leiðina.
Hópurinn hélt af stað upp
Dalfjallið, klukkan rétt rúmlcga
tíu, og það var skemmtilegt að
sjá allan þennan fjölda ganga í
röð eftir göngustígnum. Upp
fjallið og fikra sig svo áfram
Eggjarnar, auðvitað mishratt, allt
eftir því hvað hverjum og einum
hentaði. Áfram var haldið og
þegar komið var yfir á Molda lá
lciðin niður á við og áfram niður
og meðfram Spröngunni að
Hlíðarbrekkum. Áfram, enda
Klifið næsta takmark og ckkert
ráðrúm til að gefa eftir. Sumir
styttu sér reyndar leið og fóru
með fram Litla Kliii og þaðan
upp á Klif en flestir fóru niður
brekkurnar og svo upp aftur.
Leiðin á Klif er nokkuð erfið,
sér í lagi þegar farið er um
skriðurnar. Eitt skref upp og tvö
til baka aftur en sem bctur fer
eru keðjur og kaðlar til stuðn-
ings á erfiðustu köfiunum og þá
hefst þetta allt saman.
Þeir sem voru fyrstir upp voru
reyndar að koma niður þegar
undirrituð ásamt samferðafólki
lagði í hann upp enda kapp-
göngufólkið í hreint frábæru
formi. Gangan gekk vel og þegar
komið var upp á Klif var gott að
setjast niður og dást að útsýninu.
Miðnætursólin skartaði sínu
fegursta og þarna gafst góður
tími til að staldra við og njóta
útiverunnar.
Síðan var haldið af stað aftur og
nú var hægt að leika sér í skrið-
unum á niðurleiðinni. Þaðan lá
leiðin inn á Eiði og aðeins komið
fram yfir miðnætti þegar haldið
var á Heimaklett. Reyndar voru
fyrstu göngugarparnir komnir
niður aftur og cinhvcrjir slepptu
Klifi og fóru beint á Heimaklett.
Þannig að það var allur gangur á
þessu. Það gekk prýðilega upp
stigana, uppgangan var fín og
allir hressir. Hópur fólks var á
toppnum þegar undirrituð kom
upp og allir skrifuðu í gestabók-
ina. Gott var að hvfla sig aðeins
áður en haldið var af stað aftur.
Heimaklettur er flottastur og
ekkert mál að fara þar upp, en
verra niður. Einhver talaði um
næturdögg og hálku og þá er um
að gera að fara varlega. Þegar
komið var niður að réttinni var
fólk á leiðinni upp og ekki hægt
annað en að taka smá spjall og
njóta þess að vera til í bjartri
sumarnóttinni. Og allir komust
heilu og höldnu upp og niður
aftur.
Margir létu norðurfjöllin nægja
og gengu ekki lengra en þeir allra
Á KLIFINU Stórum áfanga var náð þegar komið var upp á Klif. Það var um miðnætti og þá var sólin lægst á lofti þann sólarhringinn en ekki
fór hún ofar þetta árið og þar með fór daginn að stytta.
SÓTT Á BRATTANN Það er víða bratt á leiðinni og hér er hluti
hópsins að fara upp af Eggjunum.
LJÓSMYNDARINN Óskar Pétur ásamt fieirum á toppi Helgafells.
Var hann í hópi þeirra sem fór á alla tindana sex. Lét sig ekki muna
um það þó hann hafi fyllt fimmta tuginn 19. júní.
duglegustu héldu áfram og tóku
Eldfell, Helgafell og Sæfjall í
framhaldinu.
Óskar Pétur Friðriksson, ljós-
myndari, var einn þeirra og
sagðist áætla að rúmlega tuttugu
manns hefðu lokið göngunni sem
er hreint afrek út af fyrir sig.
Fimmtíu manns skráðu sig í
gestabókina á Heimakletti. Það
má því segja að sólstöðuganga
þeirra Hafdísar og Ágústu hafi
lukkast mjög vel og er í raun
frábært framtak. Vonandi verður
gangan árviss viðburður. Hér er
líka komið tækifæri fyrir ferða-
þjónustuaðila því möguleikar
okkar virðast nær óþjótandi, sex
fjöll og fell í einum pakka.
Texti: Guðbjörg Sigurgeirsdóttir
Myndir: Óskar Pétur.
Simmi Helga á toppi Sæfjalls
eftir að hafa klifið skriður og
kletta á leið sinni um tindana sex.