Fréttir - Eyjafréttir - 10.07.2008, Blaðsíða 15

Fréttir / Fimmtudagur 10. júlí 2008
15
tí-
.1
Knattspyrna - Fyrsta deild karla ÍBV 2 - KS/Leiftur 1
Knúðu fram sigur í erfiðum leik
Á laugardaginn mættu Eyjamenn
sameinuðu liði KS/Leifturs í l.
deildinni. Leikurinn reyndist IBV
mjög erfiður þar sem rnikil þreyta
sat í þunnum leikmannahópnum
eftir bikarleikinn gegn Fjölni sem
fór í framlengingu. Lið IBV var
skipað að meirihluta leikmönnum úr
2. flokki sökum mikillar manneklu.
KS/Leiftur var fyrir leikinn í næst-
neðsta sæti deildarinnar með aðeins
einn sigur í farteskinu. Því bjuggust
sumir við stórsigri Eyjamanna, en
annað kom á daginn. Staðan í
hálfleik var 1:1 en lokatölur 2:1,
heimamönnum í vil.
Leikurinn byrjaði heldur rólega en
Eyjamenn voru þó beittari í sinum
sóknaraðgerðum. Fengu sitt fyrsta
alvöru færi eftir aðeins tíu mínútna
leik. Atli Heimisson átti þá góðan
skalla en markvörður KS/Leifturs
náði á einhvern ótrúlegan hátt að slá
boltann frá.
Fimm mínútum seinna kom fyrsta
mark IBV, Italo Jorge tók stutta
homspyrnu á Augustine Nsumba
sem gaf aftur á Italo. Italo lék
boltanum að vítateigshorninu, átti
fast skot að markinu og þaðan fór
boltinn í slána, stöngina og inn.
Virkilega glæsilegt mark frá Italo
sem skoraði sitt fyrsta mark fyrir
ÍBV.
Eftir markið sóttu gestirni í sig
veðrið og náðu að jafna á 35. mínútu
eftir mikinn vandræðagang í vöm
heimamanna.
Staðan í hálfleik var því 1:1 en
Eyjamenn höfðu þó verið betri.
I seinni hálfleik lögðust gestimir í
vöm og spiluðu algera and-knatt-
spymu þar sem boltanum var þrum-
að upp völlinn. Ætluðu þeir sér að
halda jöfnu.
Eftir um fimmtán mínútna leik átti
i K. - ■ , Mr J %
. Vuuiuiuut),
ATLI náði að tryggja ÍBV sigur með marki á lokamínútunum.
atvik sér stað sem undirritaður á
engin svör við. Eyjamenn vora í
sókn og boltinn barst yfir til hægri á
Augustine Nsumba sem skaut að
marki andstæðinganna. Markvörður
þeirra átti í erfiðleikum með að
halda boltanum og missti inn í
markið. Dómari og línuvörður
dæmdu mark en þá hófust mikil
mótmæli KS/Leifturs. Eftir þau
breytti dómari leiksins ákvörðun
sinni og gaf gestunum aukaspyrnu.
Hreint út sagt ótrúleg ákvörðun hjá
slökum dómara leiksins.
Eyjamenn sóttu meira en einbeit-
ingarleysi háði þeim. Þegar þrjár
mínútur vora eftir sótti Þórarinn
Valdimarsson upp völlinn og lék á
fimm leikmenn gestanna. Sendi
hann boltann á Atla Heimisson sem
lék á einn vamarmann, skaut að
marki og söng boltinn í netinu. Gott
mark sem skrifast að mestu leyti á
frábært framtak Þórarinns Inga sem
átti frábæran leik og níundi sigur
IBV í deildinni því staðreynd.
Næsti Ieikur Eyjamanna er líklega
sá mikilvægasti í sumar en það er
sannkallaður toppslagur gegn
sprækum Selfyssingum sem hafa
komið verulega á óvart. Sigri
Eyjamenn eru þeir komnir í vænlega
stöðu svo það er um að gera að fjöl-
menna á Hásteinsvöll þann 10. júlí
og styðja strákana til sigurs.
Áhorfendafjöldi: Rúmlega 600.
Maður leiksins: Bjarni Hólm
Aðalsteinsson og Þórarinn Ingi
Valdimarsson áttu báðir góðan leik
og voru traustir í vöm Eyjamanna.
Ellert Scheving.

Fyrsta deild kvenna í kanttspyrnu ÍBV O - Próttur □
Eru í öðru
sæti þrátt
fyrir jafn-
teflið
Meistaraflokkur kvenna mætti
Þrótti á miðvikudag. Skildu liðin
jöfn, tókst hvorugu að skora
mark.
Mikil rigning var og völlurinn
virkilega efiður viðureignar.
Leikurinn fór rólega af stað og
liðin skiptust á að halda bolt-
anum, hvorugt liðið skapaði þó
neina hættu. Leikurinn ein-
kenndist af mikilli miðjubaráttu
og var ekki mikið fyrir augað.
I seinni hálfleik var nákvæmlega
það sama uppi á teningnum en
liðin tvö áttu virkilega erfitt með
að byggja upp sóknir.
Eyjastelpur áttu þó nokkur
hálffæri en náðu ekki að koma
boltanum inn frekar en gestirnir.
Leikurinn endaði því með
markalausu jafntefli.
IBV situr nú í öðru sæti deild-
arinnar með tíu stig eftir fimm
leiki en IR trónir á toppnum með
fimmtán stig og á leik til góða.
Næsti leikur stelpnanna er 15.
júlí á móti IA á útivelli en
stelpurnar unnu þær í fyrri
leiknum 7-1.
Það er því vonandi að stelp-
urnar haldi áfram þessum góða
árangri og sigri IA.
íþróttir
Féllu úr
bikarnum
Eyjamenn mættu úrvalsdeildarliði
Fjölnis í 16-liða úrslitum Visa-
Bikarsins í miklum baráttuleik þar
sem ÍBV sýndi og sannaði að þeir
geta alveg staðið í úrvalsdeildar-
liði. Eyjamenn náðu ekki að
komast áfram en til þess þurfti
framlengingu en staðan var 1:1
eftir venjulegan leiktíma. í fram-
lengingu náðu Fjölnismenn að
skora og komust áfram.
Eyjamenn byrjuðu leikinn betur
og náðu forystunni á tíundu mín-
útu með marki frá Andra Ólafs-
syni sem skoraði með frábærum
skalla eftir góða fyrirgjöf.
Eyjamenn urðu fyrir miklu áfalli
þegar Ingi Rafn Ingibergsson fékk
sitt annað gula spjald í leiknum og
var því rekinn af velli. Eyjamenn
spiluðu því einum manni færri í
seinni hálfleik.
Eyjamenn geta þó ekki verið
annað en sáttir, börðust eins og
Ijón og seldu sig dýrt.
KFS gerði
jafntefli gegn
efsta liðinu
KFS sótti Berserki heim á föstu-
daginn var. Berserkir vora fyrir
leikinn í efsta sætinu með fjórtán
stig en KFS í því næstneðsta nteð
sjö stig. KFS byrjaði leikinn
frábærlega og náði forystunni eftir
aðeins eina mínútu.
Þar var að verki Davíð Egilsson
sem skoraði með skalla eftir góða
hornspyrnu frá Einari Kristni
Kárasyni. Þannig stóðu leikar í
hálfieik. Berserkir jöfnuðu leikinn
þegar lílið var búið af fyrri
hálfleik en Sigurður Ingi Vil-
hjálmsson kom KFS aftur yfir
eftir góða sókn.
Forysta KFS stóð ekki lengi því
Berserkir jöfnuðu aftur. KFS sótti
svo meira það sem eftir lifði leiks
en allt kom fyrir ekki. KFS situr
því enn í næstneðsta sæti deild-
arinnar með átta stig en þessi
úrslit voru svo sannarlega góð og
vonandi að KFS sé að rétta úr
kútnum.
Alex hættur
Stjórn ÍBV og Alex Cerdeira,
knattspyrnumaður frá Brasilíu,
hafa kornist að samkomulagi um
starfslok Alex.
Hann hefur átt við þrálát meiðsli
að stríða síðan um miðjan mars og
ljóst að enn er langt í land með að
hann verði tilbúinn í slaginn.
Því þótti það besta lausnin, bæði
fyrir leikmanninn sjálfan og ÍBV
að hann yfirgefi félagið og haldi
aftur til heimalandsins.
Alex spilaði einn leik fyrir félag-
ið. IBV þakkar Alex fyrir framlag
hans til félagsins og óskar honum
velfarnaðar í framtíðinni.
Framundan
Föstudagur 27. júní
Kl. 20.00 ÍBV - Njarðvik,
meistaraflokkur karla
Frá miðvikudegi til laugardags
Pollamótið. Shellmót sjötta
flokks drengja í Eyjurn.
BARIST um boltann í leik ÍBV
og Þróttar