Fréttir - Eyjafréttir - 17.07.2008, Blaðsíða 1

Bílaverkstæðið
BrAGGINN sf.
Flötum 20
Viðgerðir og smurstöð - Sími 481 3235
Réttingar og sprautun - Sími 481 1535
35. árg. I 29. tbl. I Vestmannaeyjum 17. júlí 2008 I Verð kr. 250 I Sími 481-1300 I Fax 481-1293 I www.eyjafrettir.is
EYJAMENN höfðu ástæðu til að fagna eftir öruggan sigur á liði Selfoss í síðustu viku. Þarna áttust við tvö efstu Iið 1. fyrstu deildarinnar í síðasta
leik fyrri umferðar. Með sigrinum er IBV á toppi fyrstu deildar, með átta stiga forskot á Selfoss sem er í öðru sæti. Nánar á bls. 15.
Menningarhús loks að líta dagsins ljós:
Stærsti hlutinn til Sæheima
-Líka gert ráð fyrir 400 fermetra viðbyggingu við Safnahús - Leitað að
lóð undir nýtt Náttúrugripasafn í samstarfi við Þekkingarsetur -
Eldheimar eru risaverkefni, segir Gunnlaugur Grettisson
Bygging menningarhúss í Vest-
mannaeyjum hefur verið á
stefnuskránni í mörg ár og áform
voru um að hefja byggingu hússins
sl. haust. Þau áform breyttust með
nýrri safnastefnu sem kynnt var í
vor og hugmyndir um Sagnaheima,
Sæheima og Eldheima litu dagsins
ljós.
Samningur um menningarhús í
Vestmannaeyjum gerir ráð fyrir að
ríkið legði fram 280 milljónir í
menningarhús og þar af væru 100
milljónir merktar safnastarfi gegn
120 milljón króna framlagi bæjar-
ins.
Gunnlaugur Grettisson, forseti
bæjarstjómar, situr í starfshóp um
menningarhús ásamt Magnúsi
Bragasyni, Ólafi Þór Snorrasyni og
Karítas Gunnarsdóttur úr Mennta-
málaráðuneyti.
Gunnlaugur var spurður út í stöðu
mála í dag. Hann benti á að í vor
hafi verið kynntar metnaðarfullar
hugmyndir í safnamálum Vest-
mannaeyja sem hefðu breytt fyrri
áformum. Fjármunir sem ætlaðir
hafi verið í menningarhús færu að
stærstum hluta í Sæheima þar sem
náttúrugripasafnið verður til húsa
og hluti fjármagnsins færi til
Sagnaheima og Eldheima.
„Það sem snýr að Sagnaheimum
felst í því að byggð verði viðbygg-
ing við Safnahúsið. Viðbyggingin
verður á tveimur hæðum og alls um
400 fermetrar þ.e. kjallari með
munageymslu fyrir safnið og salur
á jarðhæð, ætlaður fyrir farand-
sýningar og mun koma í staðinn
fyrir Vélasalinn. Gert er ráð fyrir að
þetta hús muni rísa á næstu mán-
uðum,“ sagði Gunnlaugur.
„Við sem erum í svokallaðri
Sagnaheimanefnd, ég, Maggi Braga
og Jóhanna Kristín Reynisdóttir,
eigum eftir að leggjast yfir þetta og
láta svo teikna húsið. Ýmis aðstaða
sem til staðar er í Safnahúsinu
verður samnýtt. Eldra húsið verður
tekið í gegn að utan og hefur
bærinn valið útlit og er það mál í
höndum eiganda hússins sem er
Fasteign."
Vill áframhaldandi
samstarf
Hvað með lagfæringar að innan,
lofthreinsibúnað o.fl?
„Lofthreinsibúnaðurinn hefur
verið til vandræða sl. ár en nú telja
menn að það vandamál sé að baki
og aðeins hafi verið um stillingar-
mál eða öllu heldur vanstillingar-
mál á loftræstibúnaði að ræða.
Sögusetrið 1627 hefur tekið að sér
rekstur byggðasafnsins en gerður
var við félagið skammtímasamn-
ingur. „Ég persónulega vona að
framhald verði á því samstarfi.
Hugmyndin er að farið verði í
endurskipulagningu safnsins og
fengnir sérfræðingar í þá vinnu. Við
viljum draga fram sérstöðu Vest-
mannaeyja eins og náttúru, sögu og
menningu. Eins og kynnt hefur
verið mun Náttúrugripasafnið verða
staðsett í Sæheimum og verður lík-
lega í sama húsnæði og Þekk-
ingarsetrið. Ég reikna með að það
verði í nýbyggingu og nú er verið
að negla niður staðsetningu fyrir
húsið. Eldheimar eru svo risa-
verkefni ef áform okkar verða að
veruleika með gosminjasafni fyrir
Surtseyjar- og Heimaeyjargosinu
o.fl. Allt eru þetta mjög spennandi
verkefni sem við viljum vanda
okkur við,“ sagði Gunnlaugur
Grettisson að endingu.
Vatns-
hreinsi-
búnaður
við Sorpu
Unnið hefur verið að endurbótum
á mengunarvömum við Sorp-
eyðingarstöðina í Eyjum.
Friðrik Björgvinsson, véliðnrek-
strarfræðingur og verkefnastjóri
hjá umhverfis- og framkvæmda-
ráði hefur unnið að því að bæta
brunaferli stöðvarinnar og komið
upp vatnshreinsibúnaði við
Sorpu.
„Stöðin mælist undir mengunar-
mörkum en rykið var hátt. Við
fórum út í það að koma upp
vatnshreinsibúnaði sem fellir út
ryk sem annars væri í reyknum,"
sagði Friðrik og er í framhaldinu
spurður hvort það þýði minni
sjónmengun. Sjónmengun mun
verða minni en reykurinn kemur
til með að verða gufulitaður.
„Utbúnaður, sem var settur upp,
gengur út á það að leiða reykinn í
gegnum vatnsúða sem við erum
með í kari, rykagnirnar sitja eftir,
og frárennslið er urðað. Við erum
að prófa okkar áfram, útbúnaður-
inn, sem við höfum sett upp, er
ekkert augnayndi en hann er að
virka og við viljum sjá hag-
kvæmari nýtingu á vatninu. Þetta
er á tilraunastigi og er verið að
vinna í þessu," sagði Friðrik en
hann hefur unnið þetta í samstarfi
við umhverfisstofnun,
Nýsköpunarmiðstöð og Mannvit,
verkfræðistofu.
Hvað með lyktarmengun?
„Lyktarmengunin kemur til
vegna þess að um árabil hefur
salt verið urðað í gryfjunni. Þegar
saltið bráðnar myndast holur á
yfirborðinu sem reynt hefur verið
að fylla upp í jafn óðum en
þaðan kemur þessi lykt.“
Mettúr hjá
Guðmundi
Guðmundur VE var væntanlegur
til löndunar á Þórshöfn í
gærkvöldi, miðvikudag, með
aflaverðmæti upp á 110 milljónir
eftir fjórtán daga veiðiferð.
Eyþór Harðarson, útgerðarstjóri
ísfélagsins, sagði þetta vera
verðmætasta túr sem Guðmundur
hefur komið með að landi. „Hann
er með frystar afurðir fyrir rúm-
lega 100 milljónir og hrat líka.
Þetta eru um áttahundruð tonn af
sfld og makríl, þar af eru þrjú-
hundruð tonn frystur makríll og
hitt eru sfidarafurðir.“ sagði
Eyþór.
VIÐ ERUM ÞJÓNUSTUAÐILI
TOYOTA í EYJUM
netáhamar
VÉLA- OG BÍLAVERKSTÆÐI
SMURSTÖÐ OG ALHLIÐA BÍLAVIÐGEÐIR / VIÐ ERUM Á MÓTI STRAUMI...!
FLATIR 21 / S.481-1216 / GSM.864-4616