Fréttir - Eyjafréttir - 17.07.2008, Blaðsíða 2
2
Fréttir / Fimmtudagur 17. júlí 2008
Þjóðhátíðarnefnd lofar góðri dagskrá:
Sjaldan meiri aðsókn
TIL í SLAGINN Björn Jörundur, Óttar Proppé, Elva Ósk og Jónsi ætla að skemmta fólki á þjóðhátíðinni.
Á föstudaginn efndi þjóðhátíð-
arnefnd ÍBV til blaðamannafundar
þar sem dagskrá þjóðhátíðar var
kynnt. Þar kom fram mikil bjartsýni
vegna þjóðhátíðarinnar 2008 enda
telur nefndin að dagskráin sé bæði
fjölbreytt og góð. Þar mætir einvala-
lið hljómsveita og skemmtikrafta,
bæði þrautreyndir þjóðhátíðarjaxlar
og listamenn sem aldrei hafa áður
skemmt í Herjólfsdal..
Blaðamannafundurinn var með
nokkuð sérstöku sniði því byrjað
var á stuttri bátsferð í Klettshelli þar
sem Bjarni Ólafur Guðmundsson,
kynnir þjóðhátíðar, greindi frá því
helsta sem verður í boði. Mætt voru
Björn Jörundur úr Ný danskri, Jónsi
úr í svörtum fötum, Óttar Proppe úr
Dr. Spock og Elva Ósk Ólafsdóttir,
úr Heimilistónum. Elva Ósk flytur
auk þess hátíðarræðu þjóðhátíðar-
innar í ár.
Tryggvi Már Sæmundsson, tals-
maður þjóðhátíðamefndar, sagðist
líka óvenju bjartsýnn á góða aðsókn.
Pantanir í flugi væm meiri en áður
hefði þekkst og aðeins væri laust í
næturferðir Herjólfs í þjóðhátíðar-
vikunni. „Ég hef rætt við bæði full-
trúa Flugfélags Vestmannaeyja og
Flugfélags Islands og báðir segjast
ekki muna aðra eins eftirspurn.
„Árni Gunnarsson, hjá FI, segir
þetta algjöra sprengju. Búið er að
setja upp 18 ferðir á mánudeginum
eftir þjóðhátíð sem er besti mæli-
kvarðinn á aðsókn. Gestir eru að
koma til Eyja alla þjóðhátíðarvikuna
en langflestir vilja komast til baka á
mánudeginum. Er upppantað í 17
vélar en þeim verður fjölgað eftir
þörfum. Óg þetta eru allt greiddir
rniðar," sagði Tryggvi.
Hann sagði kveða við sama tón hjá
Valgeiri Arnórssyni hjá FV. „Hann
man ekki aðra eins eftirspurn og
sama er að segja um Herjólf. Þar er
aðeins laust í næturferðir.“
Tryggvi segir að dagskráin hafi
sjaldan eða nokkurn tíma verið
glæsilegri. „Það er sama hvar gripið
er niður, það eiga allir að finna eitt-
hvað við sitt hæfi í Herjólfsdal á
hátíðinni í ár. Helstu hljómsveitirnar
eru I svörtum fötum, Land og synir
sem verða á Húkkaraballinu og Ný
dönsk sem verður með tónleika á
laugardagskvöldinu. Á undan leika
Hoffman sem hafa fengið Sigríði
Guðnadóttur í lið með sér.
Sama kvöld verður glæsileg
dagskrá þar, sem Raggi Bjarna og
Jónsi prufukeyra dagskrá sem þeir
verða með á Borginni í haust. Til að
fá Eyjabragðið verður Obbi með
þeim. Þá munu Bubbi og Páll Óskar
hita upp fyrir Brekkusönginn. Á
Litla pallinum leika m.a. Eyja-
hljómsveitimar Tnkot og Dans á
rósum.“
Barnadagskráin hefur stöðugt
fengið meira vægi og Tryggvi segir
að ekki verði slegið slöku við í ár.
„Svo má að sjálfsögðu ekki gleyma
brennunni, flugeldasýningunni og
Brekkusöngnum sem verða á sínum
stað og er fyrir alla.“
Tryggvi vildi að lokum vekja
athygli á öflugri innmkkun. „Auk
þess verður fólk frá okkur á vappi
inni í Dal og mega gestir eiga von á
að verða stoppaðir og beðnir um að
sýna armböndin."
Taka upp köll háhyrninga
Hópur fólks hefur dvalið í
Vestmannaeyjum í nokkra daga til
þess að reyna að taka upp hljóð úr
háhyrningum. Hópurinn hefur haft
aðstöðu í Rannsóknarsetrinu og
hefur notið aðstoðar frá Páli
Marvin Jónssyni. Fréttir tóku
Marjenu Rasmussen tali en hún
kann mjög vel við Vestmannaeyjar.
„Rannsóknin hefur gengið vel, við
höfum átt tvo mjög góða daga og
tekið upp mikið. Páll Marvin hefur
hjálpað okkur mikið og farið með
okkur út á bátnum til að finna
hvalina. Ég kann vel við mig hér í
Vestmannaeyjum, fólkið hér er afar
hjálpsamt og höfum við notið að-
stoðar frá mörgu góðu fóiki. Það
má nú líka segja að Vestmannaeyjar
séu draumastaður hvalaskoðara þvf
það er mikið af hvölum hér og
auðvelt að komast að þeim.”
Majena hefur mikinn áhuga á
hljóðunum sem háhyrningurinn
gefur frá sér þegar hann er að veiða
og vonast til þess að ná upptökum
af því. „Ég hef mikinn áhuga á
veiðihljóðunum úr háhyrningnum
og það yrði alger draumur að ná að
hljóðrita það en það gæti orðið
svolítið erfitt og mun krefjast
mikillar þolinmæði.”
MARJENA, til hægri, ásamt Philippe samstarfskonu sinni.
Hrina gjaldþrota
gengur yfir landið:
Ekki hægt
að mæla
fjölgun í
Eyjum
Ríkisútvarið fjallaði á þriðju-
dagskvöld um hrinu gjald-
þrota sem gengur nú yfir. I
frétt á ruv. is í gær, miðviku-
dag, segir að nokkur hundr-
uð fyrirtæki hafi verið lýst
gjaldþrota og lýst eftir kröfum
þeirra sem telja sig eiga eitt-
hvað inni hjá fyrirtækjunum.
„Frá og með deginum í dag
til 15. september, lýkur kröfu-
fresti í rúmlega 200 gjaldþrota
fyrirtæki. Þetta eru nánast allt
fremur smá fyrirtæki, einka-
hlutafélög í margs konar
rekstri,“ segir í fréttinni.
Ennfremur segir að í Lögbirt-
ingablaðinu sé lýst eftir kröf-
um í 19 önnur fyrirtæki „Þetta
eru fyrirtæki víða um land,
útgerðarfyrirtæki, verktaki,
veitingarekstur, fiskverkun,
tölvuþjónusta og fleira,“ segir
á ruv.is
Fréttir leituðu upplýsinga hjá
Héraðsdómi Suðurlands um
stöðuna í Eyjum og þá kom
fram að tvö fyrirtæki hafa
verið lýst gjaldþrota að beiðni
Sýslumannsembættisins í
Vestmannaeyjum á þessu ári.
Ein beiðni um gjaldþrotaskipti
liggur fyrir en úr þcssum töl-
um er ekki hægt að lesa um
vísbendingu um aukningu milli
ára.
Landeyjahöfn:
Undirbún-
ingur í
fullu gangi
Suðurverk í Hafnarfirði átti
lægsta tilboð í hafnargerð og
vegalagningu við Bakkafjöru .
Tilboðið hljóðaði upp á 1 millj-
arð, 867 þúsund krónur, eða
rétt rúmlega 60 prósent af
kostnaðaráætlun.
Siglingastofnun og Vegagerðin
sjá um að semja við fyrirtækið
og samkvæmt upplýsingum frá
Siglingastofnun verður skrifað
undir á næstu dögum. Fram-
kvæmdir við verkið eru ekki
hafnar en undirbúningur í
fullum gangi.
Eyfi syngur í
Golfskálanum
Eyjólfur Kristjánsson, tónlist-
armaður ætlar að halda tón-
leika í Golfskálanum laugar-
daginn 26. júlí.
Eyjólfur ætti að kannast vel
við sig þar enda kylfingur
góður og hefur komið á nokkur
mót í Vestmannaeyjum. Eyfi
mun flytja öll sín bestu lög en í
fréttatilkynningu er spurt
hvort Þorsteinn Hallgríms
muni syngja bakraddir með
Eyfa.
Fréttatilkynning
Úigefandi: Eyjasýn ehf. 480278-054!) - Vpstmannaeyjmn. Ritetjóri: Ómar OarBarsson.
Blaðamenn: Guðbjörg Sigurgeirsilóttir <ig Júlins lngason. fþróttir: Július Ingason.
Ábyrgdarmenn: Ómar Gardarsson & Gisli Valtýsson.
Prentvinna: Eyjasýn Eyjaprent. Vestnmnnaeyjum. Aðsetnr ritstjómar: Strandvegi 47.
Símar: 481 I.'!()() & 481 3310. Myndriti: 481-1293. Netfang/rafpóstnr. fi-ettir@eyjafrettir.is.
Veffang: liltp/www.eyjafrcttir.is
FRÉTTIR koma út alla fimratndaga. Blaðið er selt i áskrift og einnig í lausasölu á Kletti,
Tvistinum, Toppnum, Vöruval, Herjúlfi, Flughafnarversluninni, Krónunni, lsjakanum,
verslun 11-11 og Skýlinu i Friðarhöfn.. FRÉTTIR eru prenhiðar í 2000 eintökum.
FRÉTTlR crn aðilar að Samtöknm bæjar- og héraðsfréttablaða. Eftirprcntun, hljóðritun,
notkiin ljósmynda og annað er óhcimilt nema heimilda sé getið.