Fréttir - Eyjafréttir - 24.07.2008, Blaðsíða 2

2
Frcttir / Fimmtudagur 24. júlí 2008
ENDURBÆTUR voru gerðar á stæðum undir hvítu tjöldin í sumar sem skila fleiri tjaldstæðum og hættan á að enda með hæð eða hól inni í tjald-
inu heyrir nú sögunni til. Þessa skemmtulegu mynd tók Óskar Pétur af hátíðarsvæðinu og er brennan á Fjósakletti neðst á henni.
Undirbúningur í Herjólfsdal gengur vel - Líka unnið að smíði í bænum:
Heyra slagsmál um tjald-
stæði sögunni til?
-Hvergi er að sjá hóla og hæðir eftir endurbætur á efra svæðinu og 40 ný tjaldstæði
Undirbúningur í Herjólfsdal fyrir
þjóðhátíð stendur sem hæst. Hvert
mannvirkið af öðru rís í Dalnum og
önnur eru í smíðum vítt og breitt um
bæinn þannig að þó einhverjum
finnist hægt ganga er verkið lengra
komið en virðist við fyrstu sýn.
Mikið tjón varð á þjóðhátíðarmann-
virkjunum þegar kviknaði í þeim í
vor. Er unnið að viðgerðum og
smíði á því sem eyðilagðist og
skemmdist og gengur það vel. Núna
þegar lokaspretturinn er framundan
vantar fleira fólk því enn er margt
handtakið eftir. Endurbætur voru
gerðar á stæðum undir hvítu tjöldin
í sumar sem skila fleiri tjaldstæðum
og hættan á að enda með hæð eða
hól inni í tjaldinu heyrir nú sögunni
til.
„Undirbúningur gengur vel en það
er alltaf sama baráttan við að fá fólk
til að hjálpa okkur. Það var tals-
verður hópur sem kom um helgina
en við hefðum viljað sjá fleiri,“
sagði Tryggvi Már Sæmundsson,
framkvæmdastjóri þjóðhátíðar-
nefndar þegar hann var spurður um
ganginn í þjóðhátíðarundirbún-
ingnum.
„Það er þó ekki allt sem sýnist inni
í Dal því það er verið að vinna á
nokkrum stöðum úti í bæ. Dæmi
um það eru myllan og litla sviðið
sem fóru illa út úr brunanum. Litli
pallurinn er að verða klár og hefur
aldrei verið eins flottur. Viktor
rakari Ragnarsson, bassaleikari
Dans á rósum, þarf ekki að hafa
áhyggjur því nú getur hann staðið
fremst á sviðinu án þess að blotna.
Stóra sviðið er komið upp nema
aftasti gámurinn þar sem aðstaða er
fyrir starfsfólk. Hann skemmdist
mikið og eru smiðir að vinna í
honum.“
Tryggvi Már sagði að auðvitað yrði
allt klárt þegar hátíðin verður sett á
föstudaginn 1. ágúst en um leið
benti hann á að margar hendur vinna
létt verk. „Þannig að ég skora á alla
sem hafa tíma að mæta í Dalinn og
hjálpa okkur. “
í mörg ár hefur slagur um tjald-
stæði í Dalnum verið hluti af
þjóðhátíðarundirbúningnum. Þjóð-
hátíðarnefnd hefur auglýst hvenær
byrja má að tjalda en sjáist tjaldsúla
á ferðinni verður allt vitlaust og
annar hver bíll í bænum stormar í
Dalinn. Hefur ýmislegt fokið í
orðaskiptum manna á milli og
stundum hafa hnefar verið á lofti.
Nú ætti þetta að vera liðin tíð því í
vor var efri flötin sléttuð. Hvergi er
að sjá hóla og hæðir sem stundum
enduðu inni í tjaldi og urðu tilefni
deilna þegar þurfti að flytja tjöldin
til.
„Þessi framkvæmd tókst vel og er
allt annað að sjá svæðið sem er
orðið nánast alveg slétt,“ sagði
LITLI pallurinn hífður á sinn stað.
Tryggvi Már. „Tjöldin eru að
stækka og þeim er að fjölga þannig
að þetta var orðið löngu tímabært.
Við þetta fjölgar tjaldstæðum um
40 og færast syðstu göturnar nær
hlaupabrautinni. Þannig nýtist
svæðið betur og við bætum við einni
götu. Svo er næsta mál að lagfæra
neðra tjaldsvæðið, og vonumst við
til að geta farið í það næsta vor. Allt
er þetta liður í þeirri stefnu okkar að
gera aðstöðuna betri á hátíðar-
svæðinu og ekki veitir af nú þegar
stefnir í metaðsókn að þjóðhátíð-
inni,“ sagði Tryggvi Már að end-
ingu.
Net vill selja hús sitt
^við Hlíðarveginn:
Öll starf-
semin
inn á Eiði
I Vaktinni í síðustu viku er hús-
næðið Hlíðarvegur 5, þar sem Net
hf. hefur verið til húsa í áratugi,
auglýst til sölu. Net, sem einnig
er með aðstöðu inni á Eiði er með
hugmyndir um að sameina rekst-
urinn á einum stað ef húsnæðið
selst.
„Við stefnum að því að fara á
einn stað og það munum við gera
ef hægt er að selja húsið okkar
við Hlíðarveginn. Það er í alla
staði hagstæðara að vera á einum
stað og eins er húsnæði okkar
óþarflega stórt,“ sagði Hall-
grímur Júlíusson, einn eiganda
Nets.
„Við erum með vilyrði fyrir lóð
austan við húsið okkar á Eiðinu.
Þar gætum bætt við einu bili og
flutt starfsemina af Hlíðar-
veginum, þar sem við erum með
trollviðgerðir," sagði Hallgrímur.
Hann sagði að miklar breytingar
hefðu orðið hjá netaverkstæðum í
Vestmannaeyjum á undanfömum
árum og starfsmönnum hefur
fækkað. Þegar mest var voru á
milli 40 og 50 manns hjá
Netagerð Ingólfs og rúmlega 20 í
Net. Núna eru sex til sjö hjá Net
og fjórir hjá ísneti þar sem áður
var Netagerð Ingólfs. Auk þessu
eru netagerðarmenn hjá Nethamri
og Vinnslustöðin og Bergur-
Huginn eru með eigin verkstæði
en samanlagt eru starfsmenn ekki
nema lítill hluti af því sem var
þegar umsvifin voru hvað mest
hér í Eyjum.
Húsnæðið við Hlíðarveginn er
980 fm á tveimur hæðum, hvor
hæð 490 fm. Húsið er steinsteypt
byggt árið 1966.
Brekkustólarnir
frábæru komnir
Brekkustólarnir frábæru eru
komnir aftur fyrir þjóðhátíðina.
Stólamir seldust upp í fyrra, en
nú er komin ný sending. Því
miður hafa gengismál sett
nokkurt strik í reikninginn, og
innkaupsverðið heftr hækkað
mikið. Því hefir verið mætt að
nokkru leyti með lægri álagningu
bæði frá umboðsmönnum og
sölufólki IBV, 5. fl. kvenna, sem
sér um söluna. Verðið er 2200 kr.
fyrir hvem stól.
Guðni tekur við
af Steingrími
Á sunnudaginn klukkan 3:00 er
hátíðarsamko-
ma í Hvíta-
sunnukirkjunni
þar sem fer
fram innsetning
nýs forstöðu-
manns safn-
aðarins, Guðna
Hjálmarssonar.
Snorri Oskarsson, Vörður
Traustason og fleiri taka þátt í
samkomunni. Kaffiveitingar að
samkomu lokinni.
I tilkynningu segir að allir éu
hjartanlega velkomnir.
Guðni tekur við af Steingrími
Jónssyni.
Útgefandi: Eyjasýn ehf. 480278-0549 - Vestmaiinaeyjum. Bitstjóri: Ómar Garðarsson.
Blaðamcnn: (íuBbjörg Sigurgeirsdóttir og Jítlíus Ingason. íþróttir: .h'ilíus Ingason.
Ábyrgdarmenn: Ómar Gardarsson & Gísli Valtýsson.
Prentvinna: Eyjasýn/ Eyjapivnt. Vestmannaeyjum. Adsetnr ritstjómar: Strandvegi 47.
Simar: 481 lilOO & 481 3310. Myndriti: 481-1293. Netfang/rafpóstur frottir@eyjafrottir.is.
Veffang: http/Avww.eyjafrettir.is
FRÉ'iTiB koma út alla fimmtudaga. Illailiö er selt í áskrift og einnig i lausasölu á Kletti,
Tvistínum, Toppnum, Vöruval, Hcrjólfi, Flughafnarversluninni, Krónunni, ísjakanum,
verslun II-II og Skýlinu í Friðarböfn.. FRÉTTEB eru prentaðar i 2000 eintökum.
FRÉTITR eru aðilar ad Samtökum bæjar- og héraðsfréttablaða. Eftirprontun, hljóðritun,
notkun ljósmynda og aunað er ólioimilt nema heimilda sé getíð.