Fréttir - Eyjafréttir - 14.08.2008, Blaðsíða 2
2
Fréttir / Fimmtudagur 14. ágúst 2008
Vinnslustöðin tapaði
950 milljónum króna
-Ekki til að hafa áhyggjur af segir framkvæmdastjóri um sex mánaða
uppgjörið - Rekstrarhorfur ágætar fyrir seinni hluta ársins
Vinnslustöðin tapaði 950 milljónum
króna á fyrri helmingi ársins. Er það
mikill viðsnúningur frá fyrra ári
þegar hagnaðurinn nam 1.116
milljónum króna fyrstu sex mánuði
ársins.
Þetta kemur fram í tilkynningu frá
félaginu þar sem segir að heildar-
tekjur félagsins hafi verið 3.857
milljónir króna og hækkað um 16%
frá sama tímabili í fyrra.
Rekstrartekjur fiskvinnslu jukust
um rúm 11% en tekjur útgerðar
lækkuðu lítillega. Rekstrargjöld
jukust um liðlega 22%. Jukust þau í
útgerðardeildum en lækkuðu í
fiskvinnsludeildum.
Framlegð, hagnaður fyrir afskriftir
og fjármagnsliði, var 968 milljónir
króna. Er hún nánast sama og á
sama tímabili í fyrra en fram-
legðarhlutfall lækkaði úr 28,9% í
fyrra í 25,1%.
Veltufé frá rekstri var 892 milljónir
og var 23% af rekstrartekjum, jókst
hlutfallið um 6% frá sama tímabili í
fyrra. Afskriftir hækkuðu um rúm-
ar 7 milljónir króna milli ára og
voru 219 milljónir króna.
Sigurgeir Brynjar Kristgeirsson,
framkvæmdastjóri Vinnslustöðv-
arinnar, sagði að þetta væri ekki til
að hafa áhyggjur af. „Þrátt fyrir
tölulegt tap erum við að fá hærra
verð fyrir afurðir okkar í krónum
talið,“ sagði Binni og vísaði til
gengislækkunar krónunnar. „Við
höfum meira á milli handanna á
meðan að ástandið er svona. Hvað
sem það endist lengi en þetta styrkir
líka landsbyggðina gagnvart höfuð-
borgarsvæðinu," bætti hann við.
Rekstarhorfur ágætar
Rekstrarhorfur það sem eftir er
ársins eru ágætar, segir í tilkynn-
ingunni. Veik króna og hátt
afurðaverð flestra afurða félagsins,
einkum mjöls og lýsis, vekur vonir
um að afkoma á seinni hluta ársins
verði ágæt. Veiðar uppsjávarskipa
félagsins hafa gengið vel og
makrílveiði er góð búbót.
Hækkandi verð ýmissa aðfanga
vinnur á móti ávinningi af gengis-
falli krónu. Hátt olíuverð vegur
þungt í rekstri félagsins og hefur
neikvæð áhrif auk þess sem áhrifa
minnkandi eftirspurnar er tekið að
gæta, einkum í dýrari afurða-
flokkum.
Trillukarlar fá bramafisk á handfæri
Þrír bramafiskar hafa veiðst við
Eyjar síðustu daga. Kristján
Egilsson, forstöðumaður fiska- og
náttúrugripasafnsins sagði
fremur sjaldgæft að þessi flsk-
tegund veiddist hér við land.
„Bramafiskur hrygnir í
Miðjarðarhafinu og gengur
stundum með Bretlandi og
Noregi. Hann er talinn mög gott
fiskmeti og ekkert ólíklegt að við
höfum smakkað hann þegar við
dvöldum á sólarströnd, “ sagði
Kristján en bramarfiskur hcfur
hingað til komið í troll við Eyjar
en hann er veiddur á línu í
Miðjarðarhafinu.
„Nú hefur bramafiskur veiðst á
handfæri sem er frekar óvenju-
legt. Sigurður Hlöðversson, á
Hlödda VE kom með tvo fiska
sem hann fékk á handfæri á
mánudag. Hann fékk þá 14 mílur
austan við Eyjar á 70 til 80
faðma dýpi. Annar var lifandi en
drapst eftir fyrsta daginn. Georg
Eiður Arnarson á Blíðu VE hafði
samband við mig í gær,
miðvikudag, og hann var með
einn um borð sem hann fékk líka
á handfæri. Það er frekar
óvenjulegt að það veiðist þrír
bramfiskar við þessar aðstæður
en samkvæmt mínum
upplýsingum þá var fyrst vart við
þessa tegund, hér við land, í sep-
tember 1901. Við eigum einn
uppstoppaðan á safninu en þessi
tegund fæst kannski á 10 ára
fresti, “ sagði Kristján sem tók
mynd af fiskinum en hann var 54
sentímetrar.
Bramafiskur getur orðið 60 sentí-
metrar en er yfirleitt um 50
sentímetrar þannig að þetta er
fullvaxinn fiskur.
Tekjur eftir götum:
Hæstu laun
við Kirkju-
bæjarbraut
Fréttir birta í dag seinni hlutann
úr Skattskrá Vestmannaeyja 2007
í opnu blaðsins . Utfrá álögðu
útsvari voru einnig reiknuð út
meðallaun íbúa við hverja götu
fyrir sig. Rétt er að taka fram, að
sá útreikningur er meira til
gamans gerður og alls ekki vísin-
dalega unnin. I bestu falli vís-
bending um meðallaun fbúa gat-
nanna.
Götur: Meðalmánaðarlaun
Kirkjubæjarbraut 457.914 kr.
Litlagerði 454.770 kr.
Hraunslóð 443.893 kr.
Goðahraun 411.354 kr.
Birkihlíð 402.482 kr.
Sóleyjargata 395.031 kr.
Bessastígur 394.393 kr.
Heiðartún 390.209 kr.
Strandvegur 385.521 kr.
Sólhlíð 384.680 kr.
Búhamar 379.964 kr.
Gerðisbraut 372.821 kr.
Helgafellsbraut 370.151 kr.
Bessahraun 363.445 kr.
Búastaðabraut 362.492 kr.
Túngata 354.499 kr.
Stapavegur 354.219 kr.
Ásavegur 350.769 kr.
Vesturvegur 345.621 kr.
Illugagata 343.811 kr.
Smáragata 332.119 kr.
Hátún 331.240 kr.
Fjólugata 330.974 kr.
Heiðarvegur 319.065 kr.
Höfðavegur 316.601 kr.
Brekstígur 314.534 kr.
Óstaðsettir við
götur 301.984 kr.
Dverghamar 301.827 kr.
Hrauntún 301.350 kr.
Hólagata 300.743 kr.
Brimhólabraut 299.491 kr.
Strembugata 295.541 kr.
Kirkjuvegur 294.114 kr.
Brattagata 281.533 kr.
Miðstræti 278.527 kr.
Áshamar 274.427 kr.
Hásteinsvegur 269.975 kr.
Vesmannabraut 261.304 kr.
Skólavegur 256.830 kr.
Foldahraun 253.852 kr.
Brekkugata 252.280 kr.
Boðaslóð 252.134 kr.
Breiðabliksvegur 250.935 kr.
Faxastígur 248.134 kr.
Nýjabæjabraut 241.532 kr.
Herjólfsgata 237.051 kr.
Austurvegur 233.919 kr.
Vallargata 231.031 kr.
Fífilgata 229.002 kr.
Stóragerði 211.073 kr.
Hvítingavegur 209.341 kr.
Hilmisgata 194.511 kr.
Flatir 192.110 kr.
Lyfta í Spari-
sjóðinn
Umhverfis- og skipulagsráð hefur
samþykkt leyfi til handa
Sparisjóði Vestmannaeyja að
byggja lyftuhús við hús sitt við
Bárustíg. Um er að ræða glerhýsi
sem mun standa um tvo metra út
í götuna.
Ráðið samþykkti byggingu
lyftuhússins og breytingar á
gangstétt. Lyftuhúsið má ekki ná
lengra út í Bárustíginn en rampur
við norðudyr Sparisjóðsins sem
er um 2 m út í götuna. Færa þarf
blómaker og flakkstöng til vegna
framkvæmdanna. Ráðið leggur
áherslu á að framkvæmdum við
gangstétt verði lokið eigi síðar en
15. nóvember nk.
Húsið er þrjár hæðir.
ÍJtgefandi: Eyjasýn elif. 480278-0549 - Vcstmannaeyjum. Bitstjóri: Ómar Gaiðarsson.
Blaðamenri: Guðbjörg Sigurgeirsdóttir og Júlíus Ingason. ljiróttir: Júlíns Ingason.
Ábyigðarmenn: Omar Ganlarsson & Gísli Valtýsson.
Prentvinna; Eyjasýn/ Eyjaprent. Vestmannaeyjum. Aðsetur ritstjómar: Strandvegi 47.
Síinar’ 481 1300 & 481 3310. Myndriti: 481-1293. Netfang/rafpóstur: frettir@eyjafrettir.is.
Veffang: http/Avww.eyjafretti r. is
ERÉTTEB koma út alla fimmtudaga. Blaðið er selt i áskrift og einnig í lausasölu á Kletti,
Tvistinum, Toppnum, Vöruval, Herjólfi, Flughafnarversluninni, Krónunni, Isjakanuni,
verslun 11-11 og Skýlinu í Friðarliöfn.. FRÉ'fTlB eru preutaðar í 20(M) emtökum.
FRÉTTIBeruaðilar að Samtökimi bæjar- og kéraðsfréttablaða. Eftir]irentun, hljóðritun,
notkun ljósmýnda og annað er óbeimilt nema heimilda sé getið.