Fréttir - Eyjafréttir - 14.08.2008, Blaðsíða 7
Fréttir / Fimmtudagur 14. ágúst 2008
7
FÖGUR VAR BREKKAN Þannig leit Brekkan út á föstudagskvöldið en á sunnudagskvöldið var hún orðin eitt forarsvað.
auk heimamanna, svo ekki sé talað
um flugið sem gæti bætt ofan á þá
tölu a.m.k. úr Reykjavík."
Margt á mörkum þess
að sleppa fyrir horn
Karl Gauti boðaði til fundar með
þjóðhátíðarnefnd og bæjarstjóra, í
þeim tilgangi að fara yfir
framkvæmd Þjóðhátíðar 2008.
„Tilgangur fundarins var í raun að
fara yfir nýliðna Þjóðhátíð til þess
að reyna að bæta það sem aflaga
fór og gera betur að ári. Einnig að
ræða hugsanlega fjölgun gesta á
hátíðinni, sérstaklega með tilkomu
Landeyjahafnar árið 2010. Eg vildi
einnig ræða nokkur atriði sem
Sýslumannsembættinu kemur
vissulega ekkert við en mér fannst
mikilvægt að ræða þessa hluti í
heild sinni.
Ef ég fer yfir Þjóðhátíðina þá er
þetta e.t.v. stærsta þjóðhátíð frá
upphafi. Miðað við gestafjölda upp
á 10.000 til 11.000 manns tókst
hátíðin vel að mati lögreglu.
Ekkert kynferðisbrot hefur enn
borist vegna þjóðhátíðar.
Lfkamsárásir voru sex til sjö, þar
af tvær til þrjár alvarlegri og fíkni-
efnamál voru u.þ.b. 20 talsins.
Þannig hefur brotum enn fækkað í
flestum málaflokkum, þrátt fyrir
meiri löggæslu og sérstaklega aukið
fíkniefnaeftirlit. Lítið var af öðrum
lögbrotum, s.s. ölvunarakstri,
eignaskemmdum og þjófnuðum.
Heilt yfír þá hefði þessi hátíð
sloppið löggæslulega séð, en það
hefði verið á mörkunum. Ljóst er
að ef hátíðin stækkar enn frekar
verður lögregla, hátíðarhaldari og
bæjaryfirvöld að breyta áherslum
varðandi nokkur atriði. Dalurinn
og allar hefðir í kringum hátíðina
eru í ákveðinni hættu ef hátíðin
stækkar meira og sérstaklega er hér
litið til þess sem gæti gerst með
tilkomu Bakkafjöru."
Löggæslu- og gæslu-
kostnaður, tæpar 12 m
Karl Gauti sagði að löggæslukostn-
aður vegna þessarar helgar væri
e.t.v. fimm til sex milljónir, en
hátíðarhaldari greiðir nálægt 1.7
milljónir króna og embættið tekur
á sig nálægt fjórum milljónum
króna. „Þessi kostnaður er auðvitað
þungur baggi á embættinu og í
skoðun fyrir næstu áramót er að
segja upp samningnum, einfaldlega
vegna fjárskorts. Fundarmenn voru
sammála um að nauðsynlegt væri
að tryggja embættinu aukið fjár-
magn til þess að unnt væri að efla
löggæslu enn frekar. Kostnaður við
Iöggæslu og gæslu er mikill og
þjóðhátíðamefnd er að greiða sex
milljónir fyrir gæslu inni í Dal.“
Gæslan undirmönnuð
Karl Gauti sagði að á fundinum
hefði komið fram að efla þyrfti
gæslu í Dalnum á daginn og þá
sérstaklega á mánudeginum.
Gæslan á mánudeginum kæmi þá í
veg fyrir gripdeildir, tjaldelda og
læti í Dalnum. Spumingin væri
hins vegar hver ætti í raun að sjá
um gæslu á svæðinu þegar Þjóð-
hátíð væri formlega slitið?
„Lögregla sinnir útköllum sem
berast vegna afbrota á svæðinu en
getur ekki vaktað svæðið. Þjóðhá-
tíðarnefnd hefur í raun aldrei
skorast undan því að hafa gæslu á
mánudeginum en það virðist alltaf
skorta mannskap þennan dag.
Einnig virðist hafa vantað gæslu á
tjaldsvæði bæjarins við Þórsvöllinn.
A fundinum kom fram að gæsla á
hátíðinni hafi verið undirmönnuð
miðað við mannfjöldann sem kom,
gæsla hefði verið aukin á nóttinni,
sem hefði þá komið niður á gæslu á
morgnana og á daginn. llla hefði
gengið að fá fólk til gæslustarfa á
mánudeginum en nauðsynlegt væri
að fá meiri mannskap til gæslu-
starfa í framtíðinni."
Varanlegt svið og stölluð
brekka
Karl Gauti sagði mikið hafa verið
rætt um brekkuna sem fer illa þegar
rignir á þjóðhátíð og hvort ekki
væri rétt að stalla brekkuna með
einhverjum hætti. „Sjálfum finnst
mér sjálfsagt að velta því upp hvort
ekki er þörf á varanlegu sviði sem
sneri þá að hluta til í tvær áttir svo
unnt væri að nota stærra svæði
undir brekku, þ.e. meira í austurátt,
en þar væri brekkan líka ekki eins
brött, Þetta mannvirki mætti svo
nota undir fleiri viðburði.
Rætt var um tjaldsvæði heima-
manna og hvort helluleggja ætti
fyrir framan hvítu tjöldin og göng-
ustíga og hvort ekki ætti að jafna
allt svæðið undir hvítu tjöldin, en
það væri heilagt fyrir sumum. Fram
kom að unnt væri að stýra fólki
meira niður að malbikinu við tjörn-
ina með því að hækka garðana við
hringtorgið, þá færi fólk fremur
niður veginn. Þannig væri líka
hægt að minnka átroðslu við hvítu
tjöldin sem þyrfti að vemda.
„Ég tel að það yrði til mikilla
bóta að helluleggja fyrir fram hvítu
tjöldin og einnig að göngustígana
mætti leggja með grashellum
Hugmynd kom upp um hvort ekki
þyrfti að fá landslagsarkitekt til að
teikna upp Dalinn. Elliði Vignisson
sagði að rætt hefði verið um að
setja nefnd í að gera eina heildar-
sýn fyrir Dalinn og þá einnig með
tilliti til markaðssetningar til fram-
tíðar. Stýrihópur var skipaður á
bæjarráðsfundi sama dag og óhætt
að segja að unnið hafi verið hratt
og vel í málinu. Hópurinn er
skipaður aðilum frá bænum og
Þjóðhátíðamefnd. .
Girðing, göngustígar og
sorphirða
Karl Gauti nefndi að nauðsynlegt
væri að styrkja girðingu ofan við
brekkuna til að koma í veg fyrir
grjóthrun. Helst þyrfti að gera
sterkan varanlegan garð, þama yrðu
slys á hverju ári og nú var einn
sjúkraflutningur vegna bakmeiðsla
af völdum grjóts í brekkunni og
bara tímaspursmál hvenær mjög
alvarlegt siys verði.
„Það er ýmislegt sem þarf að fara
yfir, bílstæðin em á tímum yfirfull
og fjölga þarf ruslagámum, þá yrði
betra yfirbragð á svæðinu. Fram
kom að sorphirðun í bænum og
Dalnum sjálfum er ekki tilbúin í
svona stóra hátíð. Það þyrfti að
endurskoða hana. Hugmynd kom
upp um hvort hægt væri að greiða
krökkum fyrir að tína flöskur og
skila þeim á svæðinu sjálfu og
mikilvægi þess að losna við gler-
flöskur úr Dalnum."
Fram kom að næsta skref í
skipulagsmálum Dalsins væri að
malbika snúningsplanið. „Mér
finnst að lengja þurfi göngustíginn
inn í Dal og sveigja hann í austur
að rakkunarskúrnum til að fólkið
gangi ekki yfir á bílaplanið.
Göngustígurinn var stórt fram-
faraskref á sínum tíma. Mér finnst
líka að leggja þurfi göngustig ofan
við Hásteinsvöll og tengja hann við
göngustíginn inn í Dal, en þama á
hominu gengur fólkið allt yfir göt-
una á leið inn og úr Dalnum.
Fólksflutningabifreiðar vora of fáar
og þar af leiðandi var meiri umferð
gangandi vegfarenda en áður.“
Heimamenn hurfu í
mannhafið
A fundinum kom fram að áætluð
flutningsgeta um Landeyjahöfn
væri um 2.500 farþegar á sólar-
hring, en með aukinni ferðatíðni
fyrir Þjóðhátíð mætti flytja a.m.k.
5.000 manns á sólarhring. „Elliði
Vignisson benti á að við gætum
verið að horfa á meira rennsli af
fólki, það kæmi e.t.v. á föstudegi en
færi daginn eftir og fleira í þeim
dúr, fólk dveldi kannski ekki allt
hér alla helgina þegar samgöngur
yrði betri.
Menn verða að átta sig á því strax
að með tilkomu aukinnar flutnings-
getu er ein leiðin að setja fjöldatak-
markanir á gestafjölda á Þjóð-
hátíið, það yrði hreinlega uppselt í
Dalinn þegar þeim fjölda yrði náð.
Kostirnir væri þó þeir að fólkið
væri líka fljótara í burtu og
auðveldara að fá aðstoð ofan af
landi, en minni viðvera fólks hefði
þá líka áhrif á minni verslun. Fólk
hefur kvartað yfir því að það fann
verulega fyrir því hvað hátíðin var
mannörg núna. Stundum hurfu
heimamenn í mannhafið og þá var
eins og maður væri staddur á
venjulegri hátíð uppi á landi.“
Fjöldatakmörk á
hátíðina
„Ég held að best sé að huga að
þessum margháttuðu breytingum
strax en ekki bíða og sjá hvað
verða vill. Þörf er á að allir hlutað-
eigandi aðilar leiti leiða til þess að
undirbúa mun stærri þjóðhátíðir en
hingað til hafa þekkst hér, ef menn
á annað borð vilja leitast við að
viðhalda sömu stemmningu og
hingað til. Ella er hætta á því að
Þjóðhátíðin eins og við þekkjum
hana nú, hverfi og heimamenn
verði í aukahlutverki vegna mikils
fjölda annarra gesta sem yfirgnæfa
skemmtanahald gestgjafanna.
Fjöldatakmarkanir gætu því verið
nauðsynlegar, ekki síst öryggis
vegna. Það er lögreglustjóra að
meta gestafjölda á slíkum hátíðum
um leið og hann gefur út samkomu-
leyfið. Fjöldi gesta ræðst af því
rými sem er í Dalnum þ.e. hversu
marga gesti svæðið ber og
umgjörðinni í kringum hátíðina.
Þetta væri leið til þess að bjarga
hátíðinni eins og hún er í dag.
Slíkar fjöldatakmarkanir eru
auðvitað ekki uppfinning mín og
tíðkast alls staðar erlendis. Við
höfum tvö ár til þess að undirbúa
okkur,“ sagði Karl Gauti sýslu-
maður að endingu.
Á fundinum kom fram að áætluð flutningsgeta um Landeyjahöfn væri
um 2.500 farþegar á sólarhring, en með aukinni ferðatíðni fyrir
Þjóðhátíð mætti flytja a.m.k. 5.000 manns á sólarhring.