Fréttir - Eyjafréttir - 28.08.2008, Blaðsíða 15
Frcttif / Fimmtudagur 28. ágúst 2008
15
J!
1. deild karla: KA - IBV 2:1 - Síðasti heimaleikurinn í kvöld
Væri gaman að sjá ÍBV í efstu deild
- segir varnarmaðurinn Bjarni Hólm Aðalsteinsson
FAGN. Vonandi fá leikmenn ÍBV tækifæri til að fagna í kvöld í leiknum gegn Haukum. Sigur er nauðsyn-
lcgur í toppbaráttu 1. deildar.
Eyjamenn sóttu ekki gull úr
greipum KA síðasta fimmtudag
þegar liðin mættust í 18. umferð 1.
deildar karla. Jafnræði var með
liðunum í fyrri hálfleik en
Eyjamenn voru þó örlítið hættulegri.
KA menn komust gegn gangi
leiksins yfir á 43. mínútu,
markamínútunni frægu, þegar Elmar
Dan Sigþórsson skoraði með góðu
skoti eftir homspymu. Eftir markið
fjaraði fyrri hálfleikurinn út og
staðan því I -0 fyrir heimamönnum í
leikhléi.
Heimir Hallgnmsson hefur greini-
lega látið sína menn heyra það í
hálfleik því Eyjamenn komu mun
grimmari til leiks í seinni hálfleik og
jöfnuðu metin á 76. mínútu.
Augustine Nsumba fékk boltann á
kantinum, fór illa með vamarmann
KA og sendi boltann á Andra Olafs-
son sem framlengdi honum á Inga
Rafn Ingibergsson sem skoraði með
góðu skoti. Eftir markið voru
Eyjamenn mun líklegri til að skora
og áttu ágætis færi en allt kom fyrir
ekki. Það var síðan þvert gegn gangi
leiksins þegar KA menn skoruðu
sigurmarkið. Andri Júlíusson átti þá
góða fyrirgjöf á Stein Gunnarsson
sem stakk sér fram fyrir varnarmann
ÍBV og skoraði framhjá Albert
Sævarssyni. Þung pressa var að
marki KA en Eyjamenn náðu ekki
að jafna og lokatölur því 2-1 fyrir
KA.
Lokamínúturnar Eyjamönnum
erfíðar
Eyjamenn em enn á toppi 1. deild-
arinnar og hafa þriggja stiga forskot
á Selfyssinga sem unnu Njarðvík
sannfærandi 4-1 á heimavelli.
Eyjamenn hafa unnið fjórtán leiki,
gert eitt jafntefli og tapað þremur
leikjum. Markatala IBV er afar góð
en þeir hafa skorað 34 mörk og
aðeins fengið á sig 11. ÍBV er því
með 23 mörk í plús sem verður að
teljast mjög gott.
Eyjamenn hafa tapað leikjum gegn
Haukum, Stjörnunni og KA og svo
virðist sem leikmenn ÍBV tapi þeim
leikjum sem spilaðir eru á gervigrasi
en leikirnir gegn Haukum og
Stjömunni vom báði leiknir á gervi-
grasi. Einnig reynast lokamínútum-
ar Eyjamönnum erfiðar því mörkin
sem liðið fær á sig í þeim leikjum
sem það misstígur sig koma flest
þegar lítið er eftir af leikjunum.
Sökin gæti verið einbeitingarleysi.
Stór hluti af velgengni strákanna í
sumar er hversu sterkur heimavöll-
urinn er. ÍBV hefur ekki tapað einu
stigi á heimavelli í sumar og það er
virkilega mikilvægt að taka öll stig
sem gefast á heimavellinum.
Verðum að vinna
Blaðamaður náði tali af Bjarna
Hólm Aðalsteinssyni og ræddi við
hann um framhaldið hjá liðinu en
Bjami er afar bjartsýnn fyrir næstu
leiki og líst vel á stöðuna.
„Mér líst mjög vel á framhaldið,
núna er þetta í okkar höndum og
staðan er bara orðin þannig að við
verðum að vinna.“
Næsti leikur Eyjamanna er á
fímmtudaginn en þá mætir liðið
Haukum á heimavelli. IBV tapaði
fyrir Haukum 2-0 á útivelli fyrr í
sumar og Bjarni vill ná fram hefnd-
um á fimtudaginn.
„Haukarnir eru lúmskt sterkir, þeir
eru með virkilega gott sóknarlið að
mínu mati og það eru leikmenn
þama sem við Jturfum virkilega að
passa okkur á. Eg held hins vegar að
við hlökkum bara til að mæta þeim
hér á grasi, þetta er einnig síðasti
heimaleikurinn og við erum
staðráðnir í því að sýna góðan bolta
svo áhorfendur sjái hvað við getum"
Lið eiga að vera hrædd
Bjarni er mjög ánægður með
árangurinn á heimavelli en ÍBV
hefur ekki tapað stigi á Hásteinsvelli
í sumar.
„Svona á þetta að vera, þetta gekk
svona þegar ég kom héma fyrst og
ég man líka þegar ég var að koma
hingað að spila þá var maður alltaf
hálfsmeykur og þannig á það líka að
vera. Liðin ofan af landi eiga að
vera hrædd þegar þau koma hingað
og vita að þetta er einn erfiðasti
völlur á landinu."
Þegar Eyjamenn hafa misstigið sig
í sumar hafa þeir verið að fá mörk á
sig á lokamínútunum en Bjarni segir
að það sé til skýring á því.
„Við tókum þá ákvörðun í byrjun
sumars að þegar við erum með tap
eða jafntefli í höndunum og þurfum
að sækja þá fækkum við í vörninni
og reynum að setja fleiri leikmenn í
sókn og reyna að kreista fram jafn-
tefli eða sigur. Það er áhætta sem
við ákváðum að taka í byrjun leik-
tímabils og reyna að freista þess að
taka þrjú stig og að að því leytinu til
þá gæti það verið ástæðan en að
mínu mati er bara jákvætt að reyna
að taka þrjú stig heldur en að sætta
sig við eitt.“
Bjarni er bjartsýnn á framtíðina og
vill sjá sama leikmannahópinn prufa
að fara í efstu deild.
Gaman að spila saman í efstu
deild
„Það væri gaman að sjá þennan hóp
sem hefur verið saman í 3-4 ár spila
saman eitt leiktímabil í efstu deild
og reyna að bæta við sig mannskap
en auðvitað eru nokkrir leikmenn
með lausa samninga og auðvitað er
verið að reyna að næla í þá.“
IBV mætir Haukum á fímmtu-
daginn kl. 18.30. Vonandi munu sem
flestir mæta og styðja strákana
okkar til sigurs.
1 Staöan
ÍBV 18 14 1 3 34:11 43
Selfoss 18 12 4 2 44:28 40
Stjaman 18 10 5 3 36:20 35
Haukar 18 8 3 7 33:30 27
KA 18 7 5 6 26:21 26
Þór 18 6 3 9 26:34 21
Fjarðabyggð 18 4 8 6 29:31 20
Vikingur 18 5 5 8 24:27 20
Víkingur O. 18 4 8 6 14:23 20
Leiknir R. 18 4 5 9 22:35 17
Njarðvík 18 3 5 10 20:37 14
KS/Leiftur 18 1 8 9 15:26 11
Knattspyrna 3. deild karla: KFS - KFR 6:1 og lokahóf Eyjamanna
Stefán Björn valinn bestur
KFS lauk sínu tímabili í seinustu
viku með leik gegn KFR. KFS stóð
ekki undir þeim væntingum sem
liðinu voru gerðar í byrjun sumars
en liðinu var spáð að fara upp um
deild. KFS hefur þó ekki spilað
leiðinlega knattspymu í sumar, liðið
hefur spilað skemmtilegan bolta og
skorað ófá mörk.
Seinasti leikur liðsins var gegn
KFR á heimavelli. KFR hafði fyrir
leikinn aðeins unnið einn leik allt
sumarið og sat því í neðsta sæti
riðilsins. KFS var hins vegar í næst-
neðsta sæti með fjórtán stig,
leikurinn skipti því svo sem ekki
miklu máli fyrir hvorugt liðið.
KFS byrjaði leikinn mun betur og
komst yfir eftir aðeins tíu mínútna
leik með marki frá Sigurði Inga
Vilhjálmssyni sem átti stórleik í liði
KFS. Sigurður var aftur á ferðinni
um tíu mínútum fyrir hálfleik og
skoraði sitt annað mark. Hann full-
komnaði síðan þrennuna með marki
SIGURÐUR INGI VILHJÁLMSSON var markahæstur hjá KFS í
sumar en hér tekur hann við bikar af því tilefni úr hendi Hjalta
Kristjánssonar, þjálfara liðsins og guðföður félagsins.
rétt fyrir hálfleik. Staðan því 3-0
fyrir KFS í hálfleik og Sigurður Ingi
með þrennu. KFS kom ákveðið til
leiks í seinni hálfleik og var ekkert á
þeirri skoðun að leggja árar í bát.
Ivar Róbertsson bætti tveimur
mörkum við og Sigurður Ingi skor-
aði sitt fjórða mark rétt fyrir leiks-
lok. KFR lagaði stöðuna aðeins með
einu marki og lokatölur því 6-1 fyrir
KFS. Glæsilegur endir á ágætis
sumri.
Lokahóf liðsins var haldið við
miklar dýrðir á laugardaginn þar
sem Birkir Hlynsson var valinn efni-
legastur en hann hefur staðið
frábærlega í vörn KFS í sumar.
Sigurður Ingi Vilhjálmsson var
markahæstur í liðinu með ellefu
mörk í tíu leikjum en hann var einn-
ig markahæstur í riðlinum. Stefán
Bjöm Hauksson var svo að lokum
valinn leikmaður ársins en hann stóð
sig afar vel í sumar og heldur nú til
Bandaríkjanna í nám.
íþróttir
5. flokkur í
úrslit
Strákamir í 5. flokki náðu þeim
stórkostlega árangri að komast í
úrslit Islandsmótsins í flokkum
A, B, C og D. ÍBV sendi fímm
lið til keppni í mótinu og fjögur
þeirra eru komin í úrslit sem fara
fram næstu helgi. Þetta er hreint
út sagt magnaður árangur sér-
staklega í ljósi þess hvað Vest-
mannaeyjar eru lítið bæjarfélag.
Ljóst er að þarna eru á ferðinni
framtíðar knattspyrn uhetj ur
Vestmannaeyja og vonandi að
strákarnir haldi áfram á söntu
braut. Heimir Hallgrímsson og
aðstoðarmenn hans eiga mikið
hrós skilið og eru greinilega að
vina frábært starf fyrir flokkinn.
Hermann á
tréverkið
Eyjamaðurinn Hermann Hreið-
arsson vermdi tréverkið hjá
Portsmouth á mánudag þegar
liðið tapaði 0:1 gegn Manchester
United. Hermann hefur fengið
aukna samkeppni um stöðu
vinstri bakvarðar en Arsenal-
maðurinn Armand Traore var
lánaður til Portsmouth en Traore
leikur sömu stöðu og Hermann.
Vonbrigði
með Gunnar
Islenski landsliðsmaðurinn
Gunnar Heiðar Þorvaldsson hefur
að mati danska vefmiðilsins
onside.dk ekki staðið sig sem
skyldi í fyrstu umferðum dönsku
úrvalsdeildarinnar í knattspyrnu.
Hann er í hópi þeirra fímm leik-
manna sem taldir eru hafa valdið
mestum vonbrigðum það sem af
er keppnistímabilinu. Gunnar
Heiðar var engu að síður í lands-
liði íslands sem mætti Aser-
baídsjan í æfíngaleik í síðustu
viku en náði ekki að skora.
Skoraði tvö á laugardag
Það er þó engin ástæða fyrir
Gunnar Heiðar að örvænta enda
aðeins fímm umferðir búnar.
Hann á þó enn eftir að skora í
deildaleik fyrir lið sitt Esbjerg en
þangað var hann keyptur nú í
sumar frá norska félaginu Váler-
enga. Gunnar Heiðar skoraði hins
vegar tvö mörk í bikarleik á laug-
ardaginn gegn neðrideildaliðinu
Tjæreborg og vonast menn til að
þar hafí hann komist á skotskóna.
Morgunblaðið
Framundan
Fimmtudagur 28. ágúst
Kl. 18.30 ÍBV-Haukar 1. deild.
Kl. 17.00 Grótta-ÍBV 3. fl. karla.
Föstudagur 29. ágúst
Kl. 17.00 Selfoss-ÍBV 4. fl. kk AB.
Laugardagur 30. ágúst
Kl. 14.00 ÍBV-BÍ/Bolungarvík 4.
fl. karla B.
Sunnudagur 31. ágúst
Kl. 13.00 Fylkir2-ÍBV 3. fí. karla B.
Mánudagur 1. septembcr
Kl. 18.00 Leiknir-ÍBV 3. fl.
karla.
Miðvikudagur 3. september
Njarðvík-ÍBV 1. deild karla.