Fréttir - Eyjafréttir - 04.09.2008, Blaðsíða 2

2
Fréttir / Fimmtudagur 4. september 2008
Kjaftfori kokkurinn veiddi og matreiddi lunda í Eyjum:
Datt í sjóinn og var bitinn af lunda
Cordon Ramsay, sjónvarps-
kokkurinn heimsfrægi, var í þætti
hjá Jay Leno á mánudagskvöld og
kom þá m.a. inn á gerð matreiðslu-
þáttar í Vestmanneyjum. Cordon,
sem kannski er þekktastur fyrir að
vera kjaftfori kokkurinn í Hell's
Kitchen og fleiri matreiðsluþáttum,
var í aðalhlutverki í þættinum ásamt
Ólafi Tý Guðjónssyni, kennara og
lundakarli. Þátturinn var tekinn upp
í júlímánuði og hefur þegar verið
sýndur í bresku sjónvarpi.
Fréttir komust yfir eintak af þætt-
inum sem er einstaklega skemmtile-
gur og virkilega flott kynning á
Vestmannaeyjum þar sem náttúran
skartar sínu fegursta. Cordon kemur
með lítilli flugvél til Eyja vegna
þess að hann hefur lengi dreymt um
að matreiða lunda en í þáttum sem
hann stýrir fer hann um heiminn til
að nálgast hráefni í ýmsa sérstaka
og framandi rétti.
Oli Týr tekur á móti kappanum og
sýnir honum réttu handtökin við
lundaveiði í Stórhöfða. Þeir fara
síðan út í Elliðaey þar sem þeir
veiða í soðið og það er létt yfir
veiðimönnunum þrátt fyrir að
Cordon sýni nú ekki mikil tilþrif við
veiðiskapinn og einn lundinn nái að
bíta kokkinn í nefið Þeir halda síðan
í land, baka brauð í hlíðum Eldfells
og Cordon matreiðir lundann eins
og honum einum er lagið. Þátturinn
er léttur og skemmtilegur og
tökurnar flottar, Eyjarnar einstök
náttúruperla í skjóli Eyjafjalla-
jökuls.
í þættinum hjá Jay Leno sagði
Cordon farir sínar ekki sléttar í
tengslum við tökurnar í Eyjum.
Hann hefði fallið í sjóinn og verið í
kafi í a.m.k. 45 sekúndur og ekki
mátti skilja hann öðruvísi en að
hann hafi verið í bráðri lífshættu.
Þegar þetta var borið undir Óla Tý
sagði hann frásögn Cordon ýkta en
skemmtilega. „Það var fjallað um
þetta atvik í Fréttablaðinu og okkur
þótti fyndið hvað þetta voru miklar
ýkjur. Cordon rann af steðjanum í
Elliðaey og datt í sjóinn. Við vorum
fljótir að ná honunt upp í tuðruna og
ég reikna með að hann hafi verið í
sjónum í um 45 sekúndur. Eg lét
hann hafa úlpuna mína svo honum
yrði ekki kalt og þeir fífluðust með
þetta á leiðinni í land. Cordon ýkir
þetta atvik og gerir ævintýralegt og
meira spennandi," segir Óli Týr og
hlær að öllu saman.
„Skemmtilegast var að fá viðbrögð
við þættinum eftir að hann var sýnd-
ur í breska sjónvarpinu. Þegar við
Cordon vorum að hamfletta lund-
ann, tók ég hjartað úr lundanum og
stakk upp í mig og át. Ég sagði
honum að gera það sama og hann
hlýddi. Eftir að þátturinn var sýndur
í breska sjónvarpinu var haft sam-
band við mig frá BBC því þeir
höfðu fengið margar fyrirspurnir frá
áhorfendum sem vildu vita hvort
þetta væri venja í Vestmanneyjum
eða hvort þetta væri fjölskylduhefð
o.s.frv.," segir Óli Týr. „Þetta var nú
bara hugdetta á staðnum til að sjá
viðbrögðin hjá Gordon og hann var
ekkert að tvínóna við þetta heldur
átt eitt hrátt hjarta sjálfur. Gott hjá
honum.“
Óli Týr segir að um 15 manns hafi
komið að þáttagerðinni hér í Eyjum
og fyllsta öryggis gætt. „Hann datt
bara í sjóinn af einskærum klaufa-
skap og það var aldrei nein hætta í
sambandi við það.“
Ber ekki alveg saman
í frétt á Vísi þann 28. júlí er sagt frá
Islandsförinni og því lýst þegar
Ramsey féll ofan af kletti niður í
ískaldan sjó og drukknaði næstum
því.
„Ramsey var hér að vinna að þætti
fyrir Channel 4 sjónvarpsstöðina,
þar sem hann ætlaði að veiða og
elda lunda. En það gekk ekki þrauta-
laust að koma lundanum á diskinn. I
breska dagblaðinu The Sun er sagt
frá því að þegar kokkurinn var að
príla niður klett hafi hann runnið til
og húrrað fram af rúmlega áttatíu
metra háum kletti. Ramsey lenti í
ísköldum sjó fyrir neðan og leist víst
ekki á blikuna.
„Ég hélt ég væri farinn. Skórnir
mínir og pollabuxumar drógu mig
niður. Eg er frábær sundmaður, en
ég komst ekki upp á yftrborðið. Ég
sturlaðist af hræðslu og lungun á
mér byrjuðu að fyllast af vatni,“ er
haft eftir kokkinum, sem náði þó
fyrir rest að losa sig úr skónum og
komast upp á yftrborðið. Tökuliðið,
sem hafði verið farið að óttast um
kokkinn eftir 45 sekúndur í kafi,
kastaði til hans kaðli og dró hann
upp.
Þetta voru ekki einu hremmingar-
nar sem Ramsey lenti í við
veiðamar. Einn lundinn beit hann í
nefið, með þeim afleiðingum að
sauma þurfti þrjú spor.
En lundinn var lamb að leika sér
við í samanburði við eiginkonuna
sem beið hans heima. „Ég þorði
ekki að segja henni frá þessu í
fyrstu. En hún vissi að eitthvað
hafði gerst. Hún varð alveg brjáluð,"
sagði Ramsey, og bætti við að óvíst
væri hvort eiginkonan leyfði sér að
mynda næstu þáttaröð sína -
Dangerous food for boys.
http://www.visir.is/
Sex mánaða uppgjör Sparisjóðs Vestmannaeyja :
Tap 29 milljónir en grunn-
rekstur skilaði hagnaði
-Ásættanlegt miðað við erfiðar aðstæður á markaði
Á föstudaginn var lagt fram sex
mánaða uppgjör Sparisjóðs Vest-
mannaeyja opinberað, tímabilið I.
janúar til 30. júní. Heildamiður-
staða rekstrar SPV er tap upp á 29
milljónir eftir skatta. Þá voru eignir
Sparisjóðsins í óskráðum félögum
færð niður um 209 milljónir. í frétt
frá Sparisjóðnum kemur fram að
stjóm sjóðsins telji afkomu fyrstu
sex mánuði ársins ásættanlega
miðað við erfiðar ytri aðstæður í
starfsemi fjármálafyrirtækja.
Grunnrekstur skilar
hagnaði
Helstu niðurstöður rekstrarreiknings
eru að hagnaður er af reglulegri
starfsemi en heildarniðurstaða
rekstrar er tap upp á 29 milljónir
króna eftir skatta. Eignir Spari-
sjóðsins í óskráðum félögum hafa
þá verið færðar niður um 209 millj-
ónir, markaðsverðbréf eru færð á
skráðu gengi í Kauphöll, virðisrýrn-
un útlána er reiknuð 40 milljónir til
gjalda og tekjuskattur til tekna er er
66 millj. kr„ m.a. vegna breytinga á
skattalögum.
Helstu niðurstöður efnahagsreikn-
ings eru 13.825 milljónir króna og
hefur hún hækkað um 13,5% frá
upphafi árs. Útlán eru 8.357
milljónir og hafa hækkað um tæp-
lega 8%. Innlán eru 8.519 milljónir
og hafa hækkað um tæplega 21 %. Á
tímabilinu veiktist íslenska krónan
verulega og verðlagshækkanir hafa
verið miklar. Eigið fé Sparisjóðsins
er 1.770 milljónir og hefur lækkað
um rúmlega 4% frá upphafi árs
vegna taps tímabilsins og arð-
greiðslna sem námu 50 milljónum.
Afkoma fyrstu sex mánaða ársins
verður að teljasl vel ásættanleg
miðað við erfiðar ytri aðstæður í
starfsemi fjármálafyrirtækja að mati
stjórnarinnar.
Niðurstaða grunnrekstrarsé góð og
ekkert bendi til að seinni sex
mánuðir ársins verði með öðrum
hætti hvað varðar grunnreksturinn.
Sparisjóðurinn hefur verið lánveit-
andi á millibankamarkaði enda fjár-
magnaður að mestu með innlánum
og eigin fé. „Ljóst er að ytri
aðstæður eru fjármálafyrirtækjum
mótdrægar en fjárhagsleg staða
Sparisjóðsins er sterk og því er hann
vel í stakk búinn til að takast á við
framhaldið. Sparisjóðurinn er stöð-
ugt að leita leiða til að efla starfsem-
ina á starfssvæði sínu, sem spannar
frá Hveragerði í veslri að Breið-
dalsvík í austri, með höfuðstöðvar í
Vestmannaeyjum," segir í fréttinni.
TUTTUGU skemmtiferðaskip eru væntanleg hingað í sumar.
Skemmtiferðaskipin
eru vannýtt auðlind
-Lítið gert til þess að vekja áhuga far-
þeganna á Eyjunum
Um tuttugu skemmtiferðaskip eru
væntanleg hingað til Vestmannaeyja
í sumar.
Töluverð fjölgun hefur verið á
komu skipanna undanfarin ár í kjöl-
far skipulagðrar markaðsstarfsemi.
Þannig hafa fulltrúar bæjarins farið
á ferðaráðstefnur og kynnt Vest-
mannaeyjar sem viðkomustað
skemmtiferðaskipa og dreift upp-
lýsingaefni. Hvarvetna er litið á
komu þessara skipa sem drjúga
búbót fyrir viðkomustaðina, þar sem
farþegarnir nýta tækifærið, fara í
skipulagðar skoðunarferðir, kaupa
mynjagripi og fleira.
Fréttir hafa haldgóðar heimildir
fyrir því að tekjur okkar Vest-
mannaeyinga af þessum skipakom-
um séu fremur rýrar. Ástæðan er
fyrst og fremst sú að engin skipu-
lögð starfsemi er í bænum til þess að
taka á móti farþegum og beina þeim
í skoðunarferðir og nýta sér áhuga
þeirra á verslun. Dæmi eru um að
farþegar hafi gengið út úr rútum í
skoðunarferðum þar sem þeir áttu í
erliðleikum með að skilja þá ensku
sem leiðsögumaðurinn talaði.
Ljóst er að átaks er þörf til þess að
nýta þá auðlind sem skemmtiferða-
skipin eru. Samræma þarf kraftana
og vinna að þessu verkefni af fag-
mennsku. Ef til vill er slíkt ofmælt
þar sem í ferðaþjónustu í Vest-
mannaeyjum er hver höndin upp á
móti annarri og samvinna
erfiðleikum háð. Spurning er
hvenær utanaðkomandi aðilar sjá
sér þama leik á borði og taka á móti
skipunum af fagmennsku og mynd-
ugleik.
I
L'tficfaiidi: Byjasýn chí'. 480278-0549 - Vcstmannaeyjnm. RitBtjóri; Omar (iardarsson.
Bladameim: Guðbjörg Sigurgcirsdóttir og .Júlíus lngason. íþróttrr: Júliiis Ingason.
Ábyrgðarmenn: Ómar Garðarsson & Gísli Valtýsson.
Prentviima: Eyjasýn/ Eyjaprent. Vestmannacyjum. Aðsctur ritstjómar: Strandvegi 47.
SímaiC 481 1300 & 481 3310. Myndriti; 481-1293. Netfang/rafpóstnr: frettir@eyjafrottir.is.
Veffang: http/Awvw.eyjafrettir.is
FRÍJITLR koma út alla fimmtudaga. Blaðið er selt í áskrift og einnig í lausasöln á Kletti,
Tvistimim, Toppnum, Vöruval, Herjójfi, Flnghafnarverduninni, Krónunni, Isjakannm,
verslun 11-11 og Skýlinu i Friðarhöfn.. FRÉ'ITIK eru prentaðar i 2000 eintökum.
FRÉTTIR eruaðilar að Samtökum lnejar- og héraðsfréttahlaða. Bftirpreiitiiu, liljóðritun,
notkun ljósmynda og annað er óheimilt nema heimilda sé getið.