Fréttir - Eyjafréttir

Útgáva

Fréttir - Eyjafréttir - 18.09.2008, Síða 1

Fréttir - Eyjafréttir - 18.09.2008, Síða 1
35. árg. I 38. tbl. I Vestmannaeyjum 18. september 2008 I Verð kr. 250 I Sími 481-1300 I Fax 481-1293 I www.eyjafrettir.is SAMFAGNA SYNINUM. ÍBV náði að endurheimta sæti sitt í efstu deildinni í fótboltanum á föstudaginn eftir sigur á KS/Leiftri á Siglufirði. Meðal þeirra sem tóku á móti liðinu við heimkomuna voru sæmdarhjónin Guðbjörg Einarsdóttir og Hallgrímur Þórðarson sem fögnuðu með syninum, Heimi, þjálfara meistarflokks IBV. Mynd Oskar Pétur. Vestmannaeyjaskipin með um þriðjung makrílaflans -Aflaverðmæti Hugins um 700 milljónir króna frá sjómannadegi Vestmannaeyjaskipin hafa veitt rösklega þriðjung af heildar makríl- afla íslensku skipanna í sumar og haust. Alls nemur makrflafli allra íslensku skipanna liðlega eitt hundr- að þúsund tonnum og þar af eru Vestmannaeyjaskipin með rúmlega 35 þúsund tonn. Stærstur hluti aflans hefur farið í bræðslu og mjög gott verð hefur verið fyrir mjöl og lýsi. Þvf má segja að makrílinn hafí verið drjúg búbót fyrir útgerðar- fyrirtækin í Vestmannaeyjum. Til samanburðar má geta þess að í fyrra fengu íslensk skip um 36 þúsund tonn af makríl, en munurinn á veiðunum er sá að aflinn hefur að þessu sinni aðallega fengist í ís- lenskri lögsögu, en ekki í þeirri færeysku eins og í fyrra. Veiðar á norsk-íslensku síldinni hafa einnig gengið vel og eru Vestmannaeyja- skipin búin að fá tæplega fimmtíu þúsund tonn af síld. Alls hafa skip Isfélagsins fengið um um þrjátíu þúsund tonn af sfld og um fimmtán þúsund tonn af makríl. Makríllinn hefur í fyrsta sinn í sögu ísfélagsins verið nýttur til manneldis, en áhöfnin á Guðmundi VE hefur náð góðum árangri í því að frysta hausskorinn og slógdreginn makríl. Rekstur Isfélagsins í Vestmanna- eyjum hefur verið með rólegra móti í sumar, aðeins tvær landanir í FES í júní og júlí, en bolfiskvinnsla var í frystihúsinu fram að sumarfríi í lok júlí. Bolftskvinnslan í frystihúsinu er nú farin af stað aftur af fullum krafti og starfsmenn FES eru í óða önn að undirbúa verksmiðjuna fyrir komandi veiðar á Islandssfldinni. A Þórshöfn hefur aftur á móti verið vertíð frá því eftir sjómannadag og búið að framleiða rúmlega átta þúsund tonn af mjöli og um 6.500 tonn af lýsi frá því í byrjun maí. ísfélagið hefur verið með fjögur skip að uppsjávarveiðum í sumar og haust; Guðmund, Álsey, Þorstein og Júpíter. Aflinn er frystur um borð í Guðmundi, en afli hinna skipanna hefur farið í bræðslu á Þórshöfn. Síldar- og makrílafli tveggja skipa Vinnslustöðvarinnar skiptist nánast jafnt. Alls hafa skipin, Kap og Sighvatur, fengið um 12.300 tonn af síld og um 12.500 tonn af makríl. Aflinn hefur nánast allur farið til bræðslu, enda gerir fyrirtækið ekki út neitt frystiskip. Farið er að undirbúa vertíðina á Islandssíldinni, sem hefst í næsta mánuði, en þá er lagt kapp á að sem mest af sfldinni fari í vinnslu til manneldis. Huginn er nú að síldveiðum í norsku lögsögunni og hafa veið- arnar gengið vel síðustu daga. Síðan á sjómannadag hefur Huginn fengið um átta þúsund tonn af makríl og um 6.500 tonn af síld. Af makrflaflanum voru um 1.750 tonn hausuð og fryst og unnin hafa verið um þúsund tonn af sfldarflökum. Aflaverðmæti Hugins á vertíðinni nemur nú tæplega 700 milljónum króna. Bæjarstjórn Götu í heimsókn Hluti bæjarstjómar í Götu í Færeyjum er í heimsókn í Vestmannaeyjum en bæirnir tóku upp vinarbæjarsamband fyrir nokkrum árum. Bæjarstjórinn, Hans Mourits Foldbo, sagði í stuttu samtali við blaða- mann að tilgangur ferðarinnar væri fyrst og fremst að skoða rekstur skóla hér og allt sem að þeim snýr. Um næstu áramót verður Göta sameinað Leirvík og verða fbúar um tvö þúsund. Hluti af undirbúningi sameiningarinnar er einmitt heimsóknin hingað til Eyja. Skemmti- legasta fólk- ið fær miða Helliseyingar sjá um Lundaballið sem verður haldið laugardaginn 27. september og er Sigurður Bragason, einn þeirra. Sigurður segir segir undirbúning ganga vel og mikið lagt upp úr skemmtiatriðum og allri umgjörð ballsins. Tvö svið verða í Höllinni til þess að koma á móts við þarfir ákveðinna úteyjakarla og ekkert til sparað. Þátttaka er góð og allt bendir til þess að Helliseyingar velji inn á ballið. „Það eru flottar tölur úr öllum eyjum og við vitum um fjórar eyjur sem eru yfir meðaltali. Árgangur 44 og 48 hafa boðað komu sína auk hópa af fastaland- inu þannig að það er góð þátttaka. Hellisey verður með yfir 100 manns, sem er met úr einni eyju og ekkert nýtt því sláum met í öllu s.s. veiði, drykkju o.s.frv. Við slógum met þegar við héldum fyrsta lundaballið í Höllinni, þá komu 550 manns og uppselt. Nú verða tvö svið þannig að það er allt eins líklegt að við þurfum að fækka gestum frá því sem verið hefur þannig að þeir sem eru að spá ættu að hafa samband sem fyrst,“ sagði Sigurður þegar leitað var frétta af þátttöku á ballið. Sigurður sagði að eins og fram hefði komið á spjallsíðum yrðu tvær hjómsveitir á ballinu. „Við verðum með tvö svið og gömlu dansana á litla pallinum. Hann er aðallega hugsaður fyrir Bjamar- eyinga og Elliðaeyinga enda eru þeir lítið fyrir breytingar og aðal- lega í gömlu dönsunum. Litli danspallurinn verður lfka nær klósettunum og þá er styttra fyrir þá að fara,“ segir Sigurður og Ijóst að Helliseyingar hugsa fyrir öllu við undirbúninginn. „Dagskráin veður glæsileg og við höfum undirbúið hana sl. 9 mánuði. Við ætlum að nýta okkur tæknina og verðum með frábær skemmtiatriði. Maturinn hjá Einari Birgi verður spennandi og margar nýjungar í gangi. Hann þurfti t.d. að kaupa mörg tæki til að koma til móts við okkar kröfur en við verðum með suðrænan mat enda erum við sunnarlega. Hann hefur mikið eldað hangikjöt fyrir Bjarnareyinga og er þakklátur fyrir þetta tækifæri enda fer þetta allt í reynslubankann. Sigurður sagði að þar sem þátt- taka á ballið væri óhemju góð þá færu Helliseyingar þá leið að láta skemmtilegasta fólkið fá miða. „Það er Ijóst að við verðum að sortera inn. Við ætlum að taka 44 árganginn fram yfir sumar eyjar. Það á sérstaklega við þá sem halda úti heimasíðum, “ sagði Sigurður og var ófáanlegur til að skilgreina það nánar. SMURSTÖÐ OG ALHLIÐA VÉLA- OG BÍLAVIÐGERÐIR netjáhamar VÉLA- OG BlLAVERKSTÆÐI <50 ÞJÓNUSTUAÐILI í EYJUM / VIÐ ERUM Á MÓTI STRAUMI...! FLATIR2I / S.481-1216 / GSM.864-4616

x

Fréttir - Eyjafréttir

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Fréttir - Eyjafréttir
https://timarit.is/publication/977

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.