Fréttir - Eyjafréttir - 18.09.2008, Blaðsíða 7

Fréttir / Fimmtudagur 18. september 2008
7
Bæjarsálinni mikilvægt að
y
IBV standi sig vel
s
-segir Sigursveinn Þórðarson, formaður knattspyrnuráðs IBV
Viðtal
Viiheim Ö7 Krist-
insson
Vilhelmg @ simnet. is
Sigursveinn Þórðarson tók við
starfi formanns knattspyrnuráðs
ÍBV síðastliðið haust. Þrátt fyrir að
hann og félagar hans í ráðinu hefðu
ekki haft mikla reynslu af vinnu af
þessu tagi, hefur starfið gengið vel.
Meistaraflokkur ÍBV hefur verið á
góðri siglingu í fyrstu deildinni og
tryggði sér á föstudaginn sæti í
úrvalsdeild að ári. Fréttir ræddu við
Sigursvein á dögunum, þar sem
meðal annars bar á góma stúku-
málið margumrædda, árangurinn í
sumar og framtíð og gildi fótbolt-
ans hér í Vestmannaeyjum.
Góðir menn alltaf tilbúnir
-Við komum að rekstri deildarinnar
síðastliðið haust. Það var komið að
máli við mig um að koma inn í
ráðið þegar ljóst var að fráfarandi
knattspymuráð ætlaði að hætta. Eg
vissi við hverja fleiri var talað og
leist vel á þann hóp þannig að ég
ákvað að slá til. Það var boðað til
fundar og í fyrstu leit út fyrir að
það yrði stór hópur áhugamanna
sem tæki þetta að sér. Því miður
kvamaðist töluvert úr þeim hóp og
emm við fimm núna í ráðinu. En
fleiri em í kringum þetta og góðir
menn eru alltaf tilbúnir til þess að
aðstoða við hin ýmsu verk sem
falla til. Asamt mér í ráðinu eru
Magnús Steindórsson, Huginn
Helgason, Sigurjón Birgisson og
Bjarki Guðnason. Til þess að vel
ætti að vera þyrfti að tvöfalda fjöl-
da knattspyrnuráðsmanna.
Starfið hefur gengið
ágætlega
-Við emm tiltölulega reynslulitlir í
þessu starfi, reyndar hefur Sigurjón
áður starfað í knattspymuráði og
Magnús var í nokkur ár í knatt-
spymuráði kvenna. Við höfum því
rekið okkur á nokkra veggi en heilt
yfir hefur starfið gengið vel. Það
sem skyggir á er erfið staða í sam-
félaginu. Við lögðum af stað síðast-
liðið haust með ágætar væntingar
um fjármögnun en á nokkmm
mánuðum gjörbreyttist staðan í
samfélaginu og erfiðara og erfiðara
er að afla fjármagns. Við emm samt
sem áður með öfluga styrktaraðila
sem skipta sköpum í rekstrinum og
fyrirtæki í Eyjum hafa tekið okkur
vel þegar við höfum leitað til þeirra
og fyrir það emm við þakklátir.
Við fómm af stað með ungan
mannskap, fengum reyndar til
okkar reynsluboltann Albert Sæv-
arsson í markið sem hefur reynst
okkur vel en í öðmm stöðum vom
ungir og efnilegir peyjar sem hafa
staðið sig frábærlega í sumar.
Þrír Brasilískir leikmenn komu til
okkar fyrir tímabilið en það fór því
miður ekki eins vel og við vonuð-
umst til. Við sendum einn þeirra
heim fljótlega vegna agabrots. Við
gerðum okkur miklar vonir um
þessa stráka en þvf miður stóðu
þeir ekki undir þeim væntingum
sem til þeirra vom gerðar. Annar
þeirra komst aldrei af stað, meidd-
ist í æfmgaferðinni í Tyrklandi og
náði sér aldrei af þeim meiðslum.
Italo Maciel var sá eini af þeim
sem spilaði eitthvað að viti fyrir
okkur og stóð sig gríðarlega vel.
Sigursveinn: -Ég get aðeins talað fyrir mig varðandi stúkumálið enda hefur ráðið ekki tekið neina formlega afstöðu til málsins. Kröfurnar sem
gerðar eru á félög í fótboltanum eru miklar. Mér er til efs að KSI gæti mannað 12 liða deild ef kröfurnar yrðu keyrðar á fullu í gegn..
Því miður ollu persónulegar að-
stæður því að hann óskaði eftir því
að fara aftur til heimalandsins. Við
urðum við því en vonbrigðin voru
mikil enda höfðum við eytt bæði
miklum fjármunum og tíma í þessa
leikmenn en uppskárum ekki eftir
því.
Árangurinn fram úr
björtustu vonum
- Við fórum í gegnum tímabilið án
þess að tapa stigi á Hásteinsvelli
sem er frábær árangur. IBV var í
ákveðnum vandræðum á heimavelli
árið 2007, þá gerðum við fjögur
jafntefli og töpuðum tveimur
leikjum og unnum aðeins fimm
leiki. Nú vinnum við alla ellefu
leikina okkar hér og það er grunn-
urinn af þeim góða árangri sem
peyjamir hafa náð í sumar. Við
eram búnir að tapa þremur leikjum.
Tveir þeirra hafa verið á gervigrasi
og það er einfaldlega allt annar
leikur og lið sem ekki era vön
þeirri spilamennsku eiga oft í
erfiðleikum þar. Heilt yfir má segja
að ungir strákar í liðinu hafi stigið
upp og sýnt að þeir eru tilbúnir í að
fara fyrir félaginu.
Það var gríðarlega ánægjulegt að
strákamir náðu að klára þetta á
Siglufirði um helgina. Þetta er
búið að vera frábært sumar hjá
liðinu. Markmiðið var alltaf að
fara upp og bónusinn er sigur í
deildinni. Ég tel ÍBV eiga fullt
erindi í efstu deild, við eram með
ungt lið og þó við verðum vissu-
lega að styrkja okkur þá verður það
að vera á skynsamlegum nótum.
Það sem við leggjum hins vegar
mestu áhersluna á þessa dagana er
að semja við þá leikmenn sem era
með lausa samninga í haust.
Margir af þessum strákum hafa
verið saman núna í þrjú ár og það
er okkur mikilvægt að þeir verði
með okkur áfram í þessari baráttu.
Heilt yfir held ég að ÍBV, eins og
það er skipað í dag, hefði vel getað
staðið sig í efstu deild. Það sem
okkur vantar hins vegar er breiddin.
Nú er spilað í 12 liða deildum,
leikirnir eru fleiri og leikbönn og
meiðsli verða meira vandamál.
Við verðum að vera undir það
búnir.
Stúkumálið
-Eg get aðeins talað fyrir mig
varðandi stúkumálið enda hefur
ráðið ekki tekið neina formlega
afstöðu til málsins. Kröfumar sem
gerðar era á félög í fótboltanum eru
miklar. Mér er til efs að KSI gæti
mannað 12 liða deild ef kröfurnar
yrðu keyrðar á fullu í gegn. Hins
vegar hefur Vestmannaeyjabær líkt
og önnur sveitarfélög haft góðan
aðlögunartíma til þess að koma
sínum málum á hreint. Það hefur
ekki verið gert og þess vegna eram
við komin í þá stöðu sem við erum
í.
Það er ekki við núverandi stjórn-
endur bæjarins að sakast, þetta mál
er búið að vera inn á borði bæjar-
yfirvalda síðan 2001. Ég held að
við getum vel náð góðum sáttum
við KSÍ og bæjaryfirvöld.
Hásteinsvöllur er einn fallegasti
grasvöllur landsins, landslagið í
kringum völlinn er einstakt og að
mínu mati má það ekki verða auka-
atriði. Nú þegar era 535 sæti í
stúkunni norðanmegin. Menn geta
deilt um það endalaust hvort sá
gjömingur var réttur á sínum tíma
en sú aðstaða er fyrir hendi.
Við eigum að byggja yfir þá
stúku, jafnvel helminginn af henni,
þannig að efstu sætin séu undir
þaki. Ég hef trú á því að ef menn
setjist niður í rólegheitunum þá sé
hægt að leysa þetta mál farsællega.
Það er hundfúlt að á sama tíma og
liðið er að ná frábærum árangri þá
fellur það í skuggann af umræðum
um vallarmál félagsins.
Trúi að menn leysi málið
Telur þú að IBVfái ekki keppnis-
leyfi á Hásteinsvelli á næsta ári?
-Nei, ég trúi því að menn leysi
þetta mál fyrir næsta tímabil. Það
er mikið undir enda í sjálfu sér lítið
vit í að gera út knattspyrnulið
héðan ef menn geta ekki spilað hér.
Þama þarf KSI aðeins að slaka á.
Vestmannaeyjar eru ekki eina
bæjarfélagið í þessari stöðu. KSÍ
er að setja kröfur á félögin en það
era bæjarfélögin sem eiga vellina.
ÍBV er til fyrir bæjarfélagið, fólkið
í bænum sem kemur á leikina og
styður liðið á einn eða annan hátt.
Að neita þessu fólki að sjá liðið er í
sjálfu sér andhverfa þess sem KSI
og félögin í landinu standa fyrir.
Stærra verkefni en við
gerðum ráð fyrir
-Að reka knattspymudeildina hefur
verið mun meira verkefni en við
gerðum okkur í hugarlund. Þess
vegna er mikilvægt að ef vel á að
gera að fleiri komi að þessu. Það er
ljóst að á næsta ári aukast kröfumar
umtalsvert. Við verðum að vera
undir það búin.
Ég held að það sé bæjarsálinni
afskaplega mikilvægt að IBV standi
sig vel. Við höfum gott „record“
sem verður ekki tekið af okkur,
höfum Iandað fslandsmeistaratitl-
inum þrisvar, jafnoft og FH sem
líta nú orðið á sig sem stórveldi og
orðið bikarmeistarar fjórum sinn-
um. Eyjamenn vilja vera í fremstu
röð og þar eigum við heima.
ÍBV er lið sem á að gela státað af
félagi sem er í efstu deild ár eftir
ár. Ég tel líka að með tilkomu
ferðajöfnunarsjóðs og bættra sam-
gangna til Eyja muni aðstaða IBV
breytast mjög til batnaðar. Við
munum geta ferðast ódýrar f leiki
en nú er en ferðakostnaður er
gríðarlega stór hluti af okkar út-
gjöldum.
Ég held að framtfð fótboltans sé
björt að mörgu leyti. Til þess að
ÍBV get teflt fram öflugu liði í
efstu deild þurfa að koma tveir til
þrír góðir leikmenn úr hverjum
árgangi upp í meistaraflokk á hver-
ju ári. Lykillinn af góðum árangri
ÍBV eru heimamenn, strákar sem
hafa alist upp við það að spila fyrir
félagið og vita um hvað lífið hér
snýst. Það í bland við öfluga stráka
sem koma hingað að spila skapar
gott lið. Hvorugt gengur upp án
stuðnings frá hinu. Það er byrjað að
grafa fyrir knattspyrnuhúsinu og
það mun gjörbreyta æfinga-
aðstöðunni yfir vetrartímann. Það
mun skila sér í betri leikmönnum úr
yngri flokkum félagsins. Við erum
núna með marga unga og efnilega
peyja í liðinu sem eiga vonandi
eftir að halda uppi merkjum
félagsins næstu árin. Ef svo verður
áfram þá er framtíðin björt.
vilhelmg@ simnet.is