Fréttir - Eyjafréttir - 23.10.2008, Blaðsíða 2
2
Fréttir / Fimmtudagur 23. október 2008
Þ^inn 17. október voru tvö ár frá því lyftan í Skipalyftunni eyðilagðist:
Otækt að stærsta verstöðin
sé án upptökumannvirkja
-Voru skilaboðin sem þingmenn kjördæmisins fengu í heimsókn á þriðjudaginn. Var
bent á að það er óhemju dýrt að senda skip út til viðgerða og lagfæringa og við
viljum vera tilbúnir til að þjónusta a.m.k. okkar flota, segir Stefán Örn Jónsson
FÁTÆKRASLIPPURINN -Við erum með öfluga útgerð og við viljum þjónusta hana vel. Málið er komið í
þá stöðu að það þarf að taka ákvörðun um hvort menn vilja fara í þetta eða ekki,“ segir Stefán. Þessi mynd
er af Blátindi á búkka við Nausthamarsbryggju sem notaður var á árum áður þegar dytta þurfti að bátum.
Var hann kallaður fátækraslippurinn .
Nú eru tvö ár liðin frá því upptöku-
mannvirki Skipalyftunnar eyði-
lögðust og hefur lyftan verið án
slíkra mannvirkja síðan.
Stefán Jónsson, verkstjóri Skipa-
lyftunnar ásamt öðrum fulltrúum
Skipalyftunnar, hittu sex af þing-
mönnum Suðurlands sl. þriðjudag
og fóru yfir stöðu mála en leitað
hefur verið allra leiða til að fá tjónið
bætt. Málið hefur m.a. tafist því leita
hefur þurft til Brússel vegna reglu-
gerða á Evrópska efnahagssvæðinu.
„Þingmenn eru fullir af áhuga eins
og undanfarin tvö ár. Það er ekkert
nýtt í þessu en ég benti þeim á, að
þó svo að þessi holskefla ríði nú yfir
landið þá muni sjávarútvegur halda
uppi landinu eins og hann hefur
alltaf gert. Það er ekki eðlilegt að
stærsta verstöð landsins sé án upp-
tökumannverkja. Þegar staðan á
genginu er svona þá er óhemju dýrt
að senda skip út til viðgerða og
lagfæringa og við viljum vera
tilbúnir til að þjónusta a.m.k. okkar
flota. Við verðum að fá niðurstöðu í
þetta mál og getum ekki beðið
lengur, annaðhvort verðum við með
nokkra karla í vinnu hjá okkur eða
hugsum stærra. En það verða að
vera forsendur fyrir því og ég vil
benda á, að ef við fáum lyftu þá
fjölgar störfum líka við rafvirkjun,
smíðar og þjónustu."
Stefán segir að leitað hafi verið
eftir kostnaðaráætlun í lyftu sem er
92x20 og lyftir 3800 tonnum. „Við
fengum áætlun frá Kína, Hollandi
og Bandaríkjunum en það var áður
en breytingar urðu á gengismálum
hér á landi. Vestmannaeyjabær hefur
stutt okkur dyggilega og setti 350
milljónir til næstu þriggja ára, 250
milljónir eru til í Hafnarbótasjóði
sem eru ætlaðar í þurrkví og tjónið
hefur verið metið á 270 til 280
milljónir. Það er talan sem er verið
að slást um. Bent hefur verið á þann
möguleika að þegar ákvörðun hefur
verið tekin um byggingu á lyftu-
mannvirki þá megi bjóða reksturinn
út á Evrópska efnahagsvæðinu."
Stefán segir að útgerðarmenn í
Eyjum hafi mikinn metnað og hafi
látið smíða ný og öflug skip og séu
með skip í smíðum. „Við erum með
öfluga útgerð og við viljum þjónusta
hana vel. Málið er komið í þá stöðu
að það þarf að taka ákvörðun um
hvort menn vilja fara í þetta eða
ekki. Það er fyrst og fremst
ákvörðun samgönguráðherra með
stuðningi fjármálaráðherra, “ sagði
Stefán.
Hafdís Kristjánsdóttir
sendi þetta ljóð:
Það er
gryfja í
gang-
stéttinni
-Ævisaga í fímm stutt-
um köflum eftir
Portia Nelson.
1. Eg geng eftir götunni
Það er djúp gryfja í gangstéttinni
Ég fell í hana
Ég er týnd/ur.. Ég er hjálpar-
vana.
Það er ekki mér að kenna
Það tekur mig heila eillífð að
komast upp úr henni.
2. Ég geng eftir sömu götunni
Það er djúp gryfja í gangstéttinni
Ég læt eins og ég sjái hana ekki
Ég fell aftur í hana
Ég á erfitt með að trúa því að ég
sé á sama stað.
En það er ekki mér að kenna.
Samt tekur það mig langan tíma
að komast upp úr henni.
3. Ég geng eftir sömu götunni
Það er djúp gryfja í gangstéttinni
Ég sé hana
En fell samt í hana.. það er
vani..en augu mín eru opin og
ég veit hvar ég er.
Það er mér að kenna
Ég Jtem mér strax upp úr henni.
4. Ég geng eftir sömu götunni
Það er djúp gryfja í gangstéttinni
Ég j*eng framhjá henni.
5. Eg geng niður aðra götu.
Ljóðið sýnir svo vel það ferli
sem líf flestra fer eftir. 1 fyrstu
erum við ábyrgðarlaus, týnd og
hjálparvana og allt er öðrum að
kenna. Við gerum mistök, tökum
nýja stefnu en endum svo á sama
stað því við gerðum sömu mis-
tökin aftur. Og það er ekki okkur
að kenna!
Þegar við förum hins vegar að
axla ábyrgð á eigin gjörðum og
skilja að við erum þar sem við
erum af því að við völdum það
eða bara af því að við fylgdum
gömlum vana, getum við farið að
gera breytingar. Þá getum við
valið að gera þær breytingar sem
þarf til að líf okkar taki nýja
stefnu og við getum gengið niður
aðra götu.
Hafdís Kristjánsdóttir.
EYE blog í
fullum gangi
Framhaldsskólinn í Vestmanna-
eyjum er þátttakandi í Comeni-
usarverkefninu The EYEblog
project.
Auk Framhaldsskólans taka þátt
tveir skólar frá Italíu, Tyrklandi,
Frakklandi, Póllandi og Svíþjóð.
Verkefnið felst aðallega í því að
auka tengsl nemenda og kennara
skólanna og nota m.a. til þess
internetið og bloggið. Þá skiptast
skólamir á að heimsækja hver
annan og mynda þannig aukin
tengsl og efla þau. skoðuð.
Fyrr í mánuðinum hittist fjöldi
nemenda og kennara í Liskow í
Póllandi í tengslum við
verkefnið.
Verkefninu lýkur síðan í vor
með heimsókn til Tyrklands.
Útgefandi Byjasýn ehf. 480278-054!) - Vestmannaeyjum. Ritstjórk Ómar Garflarsson.
Blaflamenn: Guflbjörg Sigurgeirsdóttir og Júlíus Ingason. Tþróttir: Július Ingason.
Ábyrgflarmenn: Ómar Garflarsson & Gisli Valtýsson.
Prentvinna: Eyjasýn/ Eyjaprent. Vestmannaeyjum. Aflsetnr ritstjómar: Strandvegi 47.
Simar: 481 1300 & 481 3310. Mvndriti: 481-1293. Netfang/rafpóstnr: fi-ettir@eyjafrottir.is.
Veffang: littp/Avww.eyjafrettir.is
FRÉTi'lit koma út alla fimmtudaga. Blaðifl er selt i áskrift og einnig í lansasölu á Klotti,
Tvistinmn, Toppnum, Vöruval, Herjólfi, Flughafnarvorsluniimi, Krónunni, Ísjakanum,
verslun 11-11 og Skýlinu í Priflarhöfn.. FRÉTi'lR eru prentaðar i 2000 eintökum.
FHÉTi'iR eru aðilar að Samtökum bæjar- og héraðsfréttablaða. Eftirprentun, hljóðritun,
notkun ljósmynda og annafl er óheimilt nema heimilda sé getið.