Fréttir - Eyjafréttir - 30.10.2008, Blaðsíða 2

2
Fréttir / Fimmtudagur 30. október 2008
Bæjarstjórn Vestmannaeyja - Dráttur á afhendingu nýrrar ferju:
Reiðubúin að standa að
stofnun félags um kaup
og rekstur nýs Herjólfs
Á fundi bæjarstjórnar Vest-
mannaeyja á fimmtudaginn 23.
október, var samþykkt ályktun þar
sem harmaður er sá dráttur sem
orðið hefur á endanlegum frágangi
við samninga um nýsmíði á
Vestmannaeyjaferju. Nú sé svo
komið að fátt virðist geta komið í
veg fyrir að verulegur dráttur verði á
afhendingu nýrrar ferju.
I ályktuninni, sem samþykkt var
með sjö samhljóða atkvæðum, segir
ennfremur:
-Bæjarstjórn skorar á Kristján
Möller samgönguráðherra að sjá til
þess að staðið verði við ítrekuð
loforð um að ný ferja hefji siglingar
í Landeyjahöfn eigi sfðar en 1. júlí
2010. Bæjarstjórn Vestmannaeyja
hefur skilning á erfiðri stöðu efna-
hags- og peningamála en minnir á
að ákvörðun um smíði nýrrar
Vestmannaeyjaferju og gerð l’erju-
hafnar í Bakkafjöru var tekin löngu
áður en umrótið hófst á fjármála-
mörkuðum og er hluti af gildandi
samgönguáætlun Alþingis.
Illu heilli valdi ríkið að hafna
tilboði heimamanna í eignarhald og
rekstur nýrrar Vestmannaeyjaferju í
maí síðastliðnum. Hefði því tilboði
verið tekið hefði smíði á nýju skipi
þegar hafist og fullvíst að hægt hefði
verið að standa við tímaáætlun þá
sem nú er í uppnámi. Bæjarstjórn
Vestmannaeyja lýsir sig nú reiðubú-
na til að standa að stofnun félags um
kaup og rekstur Herjólfs eins og
unnið var að í útboðsferli fyrr á
árinu með það að markmiði að hefja
siglingar í júlí 2010, enda náist
samningar við ríkið, fjárfesta og
lánastofnanir um fjármögnun
verkefnisins. Ákvörðun þessi er
tekin í þeirri vissu að farsælast er að
rekstur Vestmannaeyjaferju sé á for-
ræði heimamanna sem þekkja mikil-
vægi hennar fyrir samfélagið.
HERJÓLFUR eins og Eyjamenn og Vinnslustöðin ætluðu að bjóða upp á.
.... - ]
ÍHfilfr
s
Safnahelgin aðra helgi - Ovenju fjölbreytt dagskrá:
Landslið rithöfunda les úr verkum sínum
-Hjálmar og Lúðrasveitin - Bækur fást metnar - Myndlist og sögusýningar
Um aðra helgi, sjöunda, áttunda og
níunda nóvember, verður efnt til
Safnahelgar þar sem í boði verður
upp á ýmislegt sem tengist sögu
Vestmannaeyja og safnastarfi auk
menningarviðburða. Fyrsta safna-
helgin var haldin í Vestmannaeyjum
fyrir nokkrum árum en nú hefur
framtakið breiðst út og er boðið upp
á Safnahelgi í Reykjavík og þetta
árið er allt Suðurland í samfloti með
Vestmannaeyjum. Dagskráin í
Eyjum er bæði fjölbreytt og
athyglisverð.
Dagskráin í Eyjum hefst í Staf-
kirkjunni klukkan 18.00 á föstu-
daginn sjöunda þar sem séra
Kristján Björnsson setur hátíðina og
Gerður Bolladóttir syngur.
Á sama tíma verður „Stíll 2008 -
Framtíðin“ undankeppni í sal
Barnaskólans. Er þetta liður í
keppni félagsmiðstöðva í fatahönn-
un, förðun og hárgreiðslu.
Klukkan 20:00 verður opnuð sýn-
ing í Fiska- og náttúrugripasafni,
„Sambýli manns og lunda“. Sama
kvöld verða Hjálmar með tónleika í
Höllinni. Húsið verður opnað
klukkan 20.00 en Hjálmarnir byrja
að spila klukkan 21.00. Um leið
verður afhending verðlauna í hug-
myndasamkeppni um pysjuhótel.
Á laugardaginn hefst dagskráin
MUGISON tróð upp á nótt
safnunnu í fyrra en nú mæta
Hjálmar.
klukkan 12.00 með verðmætamati
þar sem fólk getur látið verðmeta
merkar bækur. Ari Gísli Bragason,
mætir ásamt föður sínum, Braga
Kristjónssyni sem á og rekur forn-
bókasöluna Bókina, og Valdimar
Tómasson sérfræðingur og safnari
munu ásamt forstöðumanni Bóka-
safnsins meta bækur til fjár og til
verðmæta. Þetta stendur til klukkan
18.00 og um leið verður haldinn
bókamarkaður þar sem allar bækur
eru á 100 kr.
Hefja á samstarfsverkefni fimm
almenningsbókasafna á Suðurlandi
um verkefnið Book Space.
Verkefnið hefst á Safnahelgi og
felst í því að hvert bókasafn, þ.m.t.
Bókasafn Vestmannaeyja, fær 200
bækur sem unnt er að fá léðar til
útláns. Bækurnar eru ólíkar venju-
bundnum bókum að því leyti að þær
eru auðar og notendur mega skrifa,
teikna, líma eða hvað annað inn í
bækurnar. Verkefnið stendur til
áramóta, þá verða bækurnar sendar
til síns heima sem vitnisburður sam-
tímans.
Klukkan 13.00 opnar Sigurdís
Arnardóttir myndlistarýningu á
verkum sínum í andyri Safnahúss og
Guðrún Eva Mínervudóttir les úr
nýrri bók sinni.
Kári Bjarnason og Guðjón Hjör-
leifsson kynna í samstarfi við ætt-
ingja og vini Ingólfs Guðjónssonar,
stofnun sérstakrar Ingólfsstofu á
Bókasafninu. Þar verður bókasafn
Ingólfs vistað ásamt öðrum munum
úr eigu hans. Klukkan 14.00 á
Bókasafninu lesa Guðjón
Friðriksson úr Ævisögu Ólafs
Ragnars Grímssonar forseta, Ólaf-
ur Gunnarsson úr skáldsögu sinni,
Dimmar rósir og Auður Jónsdóttir
úr skáldsögu sinni, Vetrarsól.
Klukkan 16.00 verður Lúðrasveit
Vestmannaeyja með styrktartónleika
í Hvítasunnukirkjunni. Klukkan
18.00 verða sagðar sjómannasögur í
Sjóminjasafni Þórðar Rafns á
Flötum. Klukkan 21.00 í Herjólfsbæ
lesa Hallgrímur Helgason og Einar
Kárason úr nýjum bókum sínum og
klukkan 22.00 verður tónlistarkvöld
á Kaffi Kró frá kl. 22:00.
Á sunnudeginum mun Ásmundur
Jónsson framkvæmdastjóri Smekk-
leysu kynnir nýja diska sem eru að
koma út. Jafnframt verður sýning á
eldri diskum Smekkleysu í anddyri
Safnahússins.
Samstarfsverkefni Bókasafnsins og
Söguseturs heitir Skáldskapur 17.
aldar. Ulfar Þormóðsson kynnir og
les úr nýrri skáldsögu sinni sem
byggir á ævi sr. Hallgríms Péturs-
sonar. Sjón kynnir og les úr nýrri
skáldsögu sinni sem byggir á ævi
Jóns lærða. Þá verður sett upp sýn-
ing og smádagskrá umfram það
sem að ofan getur að líta.
Klukkan 16.00 flytur Erpur Snær
Hansen erindi um vöktun fugla í
Fiska- og náttúrugripasafninu.
Söfnin verða öllum opin og veitin-
gastaðir bjóða upp á glæsilegan mat-
seðil í tilefni safnahelgarinnar.
Smábátaeigendur
álykta:
Þorskkvóti
verði
aukinn
Aðalfundur Landssambands
smábátaeigenda (LS) var haldinn
dagana 23. og 24. október 2008 í
Turninum í Kópavogi. Fundur-
inn ályktaði eftirfarandi:
Eftir gengishrun krónunnar með
fyrirsjáanlegu atvinnuleysi og
hraðvaxandi verðbólgu stendur
smábátaútgerðin í fullkominni
óvissu um framtíð sína, líkt og
sjávarútvegurinn í heild og
flestar atvinnugreinar í landinu.
Ofan á bætist að vísindamenn
Hafrannsóknastofnunarinnar
harðneita að taka minnsta mark á
þeirri eindregnu skoðun veiði-
manna, hringinn í kringum
landið, að ástand þorskstofnins
gefi ekkert tilefni til að skera
veiðiheimildir niður fyrir öll
söguleg lágmörk.
Ekki einu sinni gögn stofnunar-
innar sjálfrar réttlæta þennan
niðurskurð. Alþjóðahafrann-
sóknaráðið lagði til 160 þúsund
tonna hámarksafla þorsks fyrir
síðasta fiskveiðiár. Sú stofnun er
þekkt af öllu öðru en frjálslynd-
um tillögum varðandi veiðiheim-
ildir. Þetta mun í eina skiptið
sem farið er undir hennar tillögur
um aflamörk.
Hafrannsóknastofnunin skuldar
þjóðinni skýringar á því hvaða
vitneskju hún bjó yfir varðandi
íslenska þorskstofna, sem
Alþjóðahafrannsóknaráðinu var
ókunnugt um.
Fundurinn krefst þess að þorsk-
kvóti verði aukinn nú þegar og
það verulega.
Kaupendur íslenskra sjávar-
afurða gera sífellt harðari kröfur
um hvemig fiskur er veiddur og
að hann sé umhverfismerktur.
Áhugi kaupenda beinist í vaxan-
di mæli að kyrrstæðum veiðar-
færum. Það skýtur því herfilega
skökku við að dragnótaveiðar
eru í stórauknum mæli stundaðar
inná flóum og fjörðum á skipum
sem eru jafnvel fullvaxnir toga-
rar. Þá hefur orðið mikil fjölgun
öflugra togara sem geta
samkvæmt núgildandi reglum
veitt upp að 3 mfium.
Við tillögugerð sína um
aflamörk segist Hafrannsókna-
stofnunin verða að sýna fyllstu
varkámi til að halda trúverðug-
leika. Framangreind þróun virð-
ist hins vegar valda stofnuninni
litlum áhyggjum.
Þessu mótmælir LS harðlega og
krefst þess að dragnótaveiðar
verði færðar út fyrir 3 mílur frá
ströndum landsins sem og að
færa togveiðar umsvifalaust út
fyrir 12 mflur.
Fyrirsjáanlegir em miklir erfið-
leikar í smábátaútgerð. Hrikaleg
hækkun erlendra lána og allra
aðdrátta hafa gert rekstrar-
umhverfi stórs hluta hennar með
öllu vonlausa. Smábátaútgerðin
er lífæð fjölmargra sjávarþorpa,
allt í kringum landið. Það er
skilyrðislaus krafa fundarins að
stjórnvöld tryggi að svo verði
áfram.
Aðalfundur LS beinir því til
stjórnvalda að þau geri umsvif-
alaust ráðstafanir um raunhæfa
aðlögun lána að því rek-
strarumhverfi sem framundan er
í smábátaútgerðinni. Frysting
lána er skref í áttina, en aðeins
skammtímalausn.
Útgefandi: Eyjasýn elif. 480378-0549 - Vestniannaeyjiun. Ritstjóri: Óinar Garðarsson.
Blaðamenn: Guðbjörg Sigurgeirsdóttir og Jiilius Ingason. íþróttír: Jiilius lngason.
Ábyrgdarmenn: Ómar Gai-darsson & GrísH Valtýsson.
Prentííinna: Evjasýn/ Eyjaprent. Vestniannaeyjmn. Adsetur ritstjómar: Strandvegi 47.
Simar: 481 1300 & 481 3310. Myndriti: 481-1393. Netfang/rafpóstur frettii-@ey jafrettir.is.
Veffang: http/Avww.eyjafrettir.is
FRÉ'ITIR koma ót alla fiiiimtiidaga. Blaðiðer selt i áskriftogeinnig í lausasölu á lvletti,
Tvistiniim, Toppnum, Vöruval, Ilerjólfi, nnghafnarvei-sluninni, Krónnnni, lsjakanum,
vershm 11-11 og Skýlinu í Fridarliöfn.. FRÉTTEB eru preutadar í 3000 eintökum.
FRÉTTiK eru aöilar ad Samtökum bœjar- og liéradsl'réttablada. Eftirprentun, hljóðritun,
notkun ljósmynda og annad er óheimilt nema lieinnlda sé getið.