Fréttir - Eyjafréttir - 30.10.2008, Blaðsíða 6
6
Fréttir / Fimmtudagur 30. október 2008
Lifnar yfir menningarlífinu í Vestmannaeyjum:
Monkies og Guitar
með tónleika um helgina
FOREIGN MONKIES Þannig var sveitin skipuð þegar hún vann Músíktilraunir, Bogi, Gísli, Bjarki sem er
hættur í hljómsveitinni og Víðir.
Tríóið Guitar Islancio, Gunnar, Jón og Björn.
Foreign
Islancio
Menningarlífið tekur góðan kipp
um helgina þegar tvær hljómsveitir,
Foreign Monkies og Tríóið Guitar
Islancio halda tónieika hér.
Plata væntanleg
Foreign Monkies verður með tón-
leika á Conero, annað kvöld, föstu-
dagskvöldið 31. október. Húsið
verður opnað klukkan níu og það
kostar 500 krónur inn.
I samtali við Fréttir sagði Gísli
Stefánsson, gítarleikari FM, að
framundan væri að skipuleggja
hljómleika í skólum. „Þá ætlum
við að nota til fjáröflunar sem og til
að vekja athygli á okkur og koma
okkur aftur í sviðsljósið," sagði
Gísli en FM unnu Músíktilraunir
2006.
„Einnig stendur til að reyna að
koma okkur á framfæri á fleiri
stöðum. Það er byrjað að spila lög
með okkur í útvarpi og erum við nú
þegar, eftir aðeins eina og hálfa
viku í spilun, komnir í 16. sætið á
X-Domínoslistanum á X-inu. Er
lagið bara rétt byrjað að klífa list-
ann ef marka má strákana á X-inu.“
Undanfarna mánuði hafa strák-
arnir verið með plötu í vinnslu og
segir Gísli að mikil vinna hafi verið
lögð í hana. „í desember fer platan
í „mastering" í Ameríku, nánar
tiltekið í Hollywood í Bemie
Grundman Mastering Studios. Þar
mun mikill meistari, Brian Gardner
mastera plötuna ef gengi krón-
unnar leyfir. Gardner hefur unnið
fyrir mikinn fjölda listamanna. Þar
á meðal eru Queen, Barry White,
Bob Marley, David Bowie, David
Hasselhoff, Depeche Mode og svo
mætti lengi telja. Það sem gerði þó
útslagið með það að við báðum
hann um að vinna fyrir okkur var
það að hann vann eina af plötum
Queens, Of The Stone Age, Songs
For The Deaf,“ sagði Gísli.
Það verður gaman að fá þetta
tækifæri lil að heyra í FM því lítið
hefur verið um alvörurokk í Vest-
mannaeyjum Það er tveir fyrir einn
tilboð á barnum til miðnættis. Það
er engin kreppa í Stefáni og
Helenu á Conero og hvet ég fólk til
að mæta,“ sagði Gísli sem lofar
hörku hljómleikum.
í fyrsta skipti í Eyjum
Tríóið Guitar Islancio heldur tón-
leika í Vestmannaeyjum helgina og
eftir helgi leika þeir í Grunnskól-
anum á vegum verkefnisins, Tónlist
fyrir alla.
Guilar Islancio heldur tónleikana í
Akóges á sunnudagskvöldið og
hefjast þeir klukkan átta. Guitar
Islancio, sem Gunnar Þórðarson,
Björn Thoroddsen sem leika á
gítara og Jón Rafnsson kontra-
bassaleikari skipa, hefur undanfarið
leikið vfða um landið í tilefni af tíu
ára afmæli sínu. Þetta er í fyrsta
skipti sem Guitar Islancio leikur í
Vestmannaeyjum.
„Við höfum endumýjað efnisskrá-
na að hluta í tilefni af þessari af-
mælisferð. íslensku þjóðlögin sem
við höfum leikið síðustu tíu ár eru
mörg hver á sínum stað sem og
lögin eftir Björn. Bæst hafa við eru
lög eftir Gunnar sem hafa heyrst
áður, en ekki í flutningi Guitar
Islancio, lög eins og Gaggó Vest,
Astarsæla og Harðsnúna Hanna,'
sagði Jón.
Tríóið mun einnig leika fyrir nem-
endur grunnskóla Vestmannaeyja á
mánudag og þriðjudag, á vegum
verkefnisins Tónlist fyrir alla.
Jöfnunarsjóður sveitar-
félaga greiðir út:
Framlag
til Vest-
manna-
eyja 387
milljónir
Jöfnunarsjóður sveitarfélaga er
að ljúka greiðslu framlaga að
fjárhæð rúmlega tveir milljarðar
til sveitarfélaga í landinu. Fram-
lögin áttu að berast sveitarfé-
lögunum um næstu mánaðamót
en þeim var flýtt til að bæta
fjárhagsstöðu sveitarfélaga. I hlut
Vestmannaeyja koma 387.010.
668 krónur og er þá allt meðtalið.
Kristján L. Möller samgöngu-
ráðherra boðaði á fyrsta ársfundi
Jöfnunarsjóðs sveitarfélaga 17.
október síðastliðinn að flýtt yrði
greiðslu umræddra framlaga
Jöfnunarsjóðs og hafa starfsmenn
sjóðsins og samgönguráðu-
neytisins unnið hörðum höndum
að útreikningi og greiðslu fram-
laganna síðustu daga. Þetta kom
fram í frétt frá Samgönguráðu-
neytinu en einnig sagði ráðherra á
fundinum að stefnt yrði að því að
greiða í nóvember 250 milljónir
króna af eftirstöðvum vegna
1.400 milljóna króna aukafram-
lags í Jöfnunarsjóð á árinu en nú
þegar er búið að greiða 900 millj-
ónir.
Elliði Vignisson, bæjarstjóri,
sagði að framlag til Vestmanna-
eyjabæjar skiptist þannig; fast-
eignaframlag er 96.844.718
krónur, þjónustuframlag 178.971.
536 krónur og grunnskólaframlag
111.194.414 krónur. „Þetta er
mjög í takt við það sem er al-
mennt hjá sveitarfélögum,“ sagði
Elliði og sagði að ekki mætta
rugla þessu framlagi sjóðsins
saman við framlög sem veitt eru
byggðarlögum sem eiga í vök að
verjast.
I því sambandi má nefna að í
samgönguráðuneytinu er verið að
vinna að reglum fyrir úthlutun
250 milljóna króna framlags til
sveitarfélaga vegna skerðingar á
aflamarki og verða reglurnar
kynntar fljótlega.
Lögrcglan:
Þrír slitnuðu frá
Það var öllu rólegra hjá lögreglu í vikunni
sem leið en
undanfarnar
vikur.
Lögreglan
þurfti þó að
sinna nokkrum
útköllum
vegna þess
óveðurs sem gekk yfir landið aðfaranótt 24.
október sl„ en m.a. höfðu þrjú skip losnað en
í öllum tilvikum tókst að koma í veg fyrir
tjón. Auk þess aðstoðaði lögreglan, að vanda,
gesti skemmtistaða bæjarins sem í einhverjum
tilvikum höfðu fengið sér heldur duglega
neðan í því.
IÖGREGUW
Sjórinn sœkir ó viö Orðavita:
Bæjaryfirvöld vara við umgengni á svæðinu
Austur á Nýja hrauni hefur sjórinn brotið land
við Urðarvita. Skapast hefur talsverð hætta á
svæðinu að mati bæjaryfirvalda enda er erfitt
að sjá hættuna því sprungur eru jafnvel undir
vikri. Hafa borist fréttir af því að einn hafi lent
í að stíga í sprungu sem ekki sást og sökk hann
upp að mitti.
Sjórinn vinnur stöðugt á berginu og byrjar
neðan frá. Af því skapast hættan og er fólk því
vinsamlegast beðið um að vera ekki á ferli á
svæðinu eins og myndin hér sýnir.
Unnið er að því að setja upp skilti á svæðinu
til að vara við hættunni. Eins og sjá má á myn-
dinni hafa myndast rennur í gegnum bergið þar
sem sandurinn fer niður og út í sjó.
Lögreglan:
Líkamsárás og kærur
Ein líkamsárás var kærð til lögreglu eftir
skemmtanahald helg-
arinnar. Atti hún sér
stað á veitingastaðnum
Lundanum aðfaranótt
laugardags. Þarna
hafði orðið ágreiningur
á milli tveggja manna
sem endaði með því að
annar sló hinn með
þeim afleiðingum að sá er fyrir högginu varð
hlaut sár af. Ekki var um alvarlega áverka að
ræða.
Tvær kærur ligga fyrir vegna brota á um-
ferðarlögum en um er að ræða ólöglega lagn-
ingu bifreiða í Skvísusundi.