Fréttir - Eyjafréttir - 06.11.2008, Blaðsíða 8
8
Fréttir / Fimmtudagur 6. nóvember 2008
Lögreglufélag Vestmannaeyja 40 ára - Tryggvi Kr. Olafsson formaður:
Verðum að sýna gott fordæmi
-Ef við förum ekki að lögum, hvernig getum við ætlast til að aðrir geri það
FORMAÐURINN og sýslumaður Tryggví Kr. formaður Lögreglufélagsins og Karl Gauti sýslumaður.
Um leið og fólk ákveður að fara í
ákveðin störf er það að velja sér lífs-
stíl. Þetta á ekki sfst við um lög-
regluna þar sem lögreglumaðurinn
er alltaf tengdur starfi sínu í öllum
sínum athöfnum, hvort sem er í
starfi eða einkalífí. Á það ekki síst
við um lögreglumenn á minni
stöðum eins og Vestmannaeyjum
þar sem allir þekkja alla. Þegar rætt
er við formann Lögreglufélags Vest-
mannaeyja, sem fagnaði 40 ára
afmæli á laugardaginn, segir hann
nálægðina bæði kost og galla. f
erfiðum málum geti nálægðin verið
þungbær en létt undir þegar leita
þarf upplýsinga.
í lögreglunni í 20 ár
Tryggvi Kr. Ólafsson, lögreglufull-
trúi, er formaður Lögreglufélagsins.
Hann hefur umsjón með rannsókn
sakamála og byrjaði í lögreglunni
vorið 1998. „Ég veit ekki,“ svarar
hann þegar hann er spurður um
hvers vegna hann hafi byrjað í
lögreglunni. „Kannski af forvitni,"
bætir hann við en heldur svo áfram.
„Ég var að vinna í Skipalyftunni á
þessum tíma og þar var eitthvert
millibilsástand. Ég var ekki að öllu
leyti sáttur við það sem þar var að
gerast og þegar ég sá stöðu í
lögreglunni auglýsta ákvað ég að
sækja um og fékk.“
Tryggvi segir að sér hafi fundist
starfið strax spennandi en auðvitað
komi alltaf upp erfið mál sem verði
að læra að lifa með. „Maður lenti
strax í erfiðum málum en það
erfiðasta held ég er morðmál sem
kom upp árið 1991. Það lá strax
fyrir hvað hafði gerst en þama var
maður óharðnaður og upplifði eitt-
hvað sem aldrei gleymist. Andlát
eru alltaf erfið og það koma fjögur
til limm tilfelli til okkar kasta á ein-
hvern hátt hér í Eyjum á hverju ári.
Það tekur á en maður gerir sér líka
grein fyrir því að þetta er alltaf
miklu erfiðara fyrir ættingjana. Svo
koma alltaf upp mál sem sitja í
manni. Ég lenti t.d. í að koma að í
bæði skiptin sem kviknaði í Skút-
anum. Lengi á eftir fann ég fyrir
reykjarlykt þegar ég kom þangað
inn án þess að nokkurs staðar væri
kviknað í,“ sagði Tryggvi.
Afskipti af fólki sem við
þekkjum
Þegar talið barst að því litla samfé-
lagi sem Vestmannaeyjar eru, sagði
Tryggvi að það gerði þetta oft
erfiðara. „Oft lendum við í því að
þurfa að hafa afskipti af fólki sem
við þekkjum vel. Það tekur á en
kemur sér vel þegar við þurfum að
leita upplýsinga um mál eða hafa
upp á fólki sem getur gefið okkur
upplýsingar um mál eða tengjast
þeim á einhvern hátt. En þegar upp
er staðið eru kostimir miklu fleiri.
Það sér maður á því sem lögreglan
þarf að takast á við t.d. í Reykjavík."
I spjalli um nálægðina kom
Tryggvi inn á þá staðreynd að sem
lögreglumaður sé hann alltaf undir
eftirliti borgaranna. Það vita jú allir
við hvað hann starfar. „Þú verður að
sýna gott fordæmi því ef þú ferð
ekki að lögum, hvernig getur þú
ætlast til að aðrir geri það.“
Tryggvi segir að starfið hafi
tvímælalaust sínar björtu hliðar og
ekki megi gleyma að eitt af stóru
hlutverkum lögreglu er að aðstoða
borgarana og hjálpa þeim. „Það er
ailtaf gaman að sjá krakka, sem hafa
lent vitlausu megin við lögin, ná að
komast á rétta braut. Ekki síst þegar
maður á dálítinn þátt í því sjálfur.
Sem betur fer komast flestir til
manns þó þeir eigi sín tímabil en
alltaf eru einhverjir sem ekki ná að
snúa við blaðinu. Ég fmn ekki mikið
fyrir illsku í minn garð frá þessum
krökkum enda hef ég alltaf haft það
að leiðarljósi að sýna þeim kurteisi
og lít á þá sem jafningja. Ég held að
krakkarnir kunni að meta það.“
Aukinn réttur sak-
borninga
Þegar Tryggvi er spurður hvort ekki
hafi orðið breyting á lögreglu-
starfmu á þeim 20 árum frá því hann
hóf störf, segir hann þær gífurlega
miklar og það á öllum sviðum. „Það
eru gerðar miklu meiri kröfur til
lögreglunnar í dag og tæknin er
önnur. Hefur lögreglan t.d. nýtt sér
tölvutæknina sem er mjög til bóta.
Réttindi sakbominga hafa líka auk-
ist til mikilla muna og það er eflaust
til bóta en oft finnur maður fyrir
reiði hjá fórnarlömbum sem finnst
alveg nóg um rétt þeirra sem brjóta
á þeim,“ sagði Tryggvi.
Er þetta harðari heimur sem þið
eruð að fást við en áður? „Ég veit
ekki. Það er þó vissulega meira um
fíkniefni sem gerir þetta miskunn-
arlausara. Líkamsárásir eru grófari
og meira um beinbrot og alvarlegri
áverka. Þegar fólk er í harðari
efnum er það oft stjómlaust og gerir
sér ekki grein fyrir afleiðingum þess
sem það er að gera. Almennt hefur
ofbeldi gegn lögreglu farið vaxandi
og það á líka við um Vestmanna-
eyjar.“
Fleiri fíkniefnamál
Tryggvi segir erfitt að meta hvort
meiri fíkniefni séu í umferð í
Vestmannaeyjum nú en undanfarin
ár. „Það eru fíkniefni í Vestmanna-
eyjum og verða það áfram en ég
treysti mér ekki til að kasta mæli-
kvarða á stöðuna núna. Þetta er
sveiflukennt eins og allt annað en
reynslan segir að fíkniefni verði
meira áberandi þegar kreppir að.
I dag em ffkniefnamál orðin 34 á
þessu ári. Allt árið í fyrra voru þau
23 en það þarf ekki að segja alla
söguna. Auðvitað er þetta alltof
mikið en fjölgun mála gæti skýrst af
þjóðhátíðinni en meðan á henni
stendur er varla hægt að segja að
ástandið hér sé eðlilegt.“
Forvamir eru hluti af starfi lög-
reglunnar og fer lögreglumaður
reglulega í grunnskóla til að kynna
krökkunum hættuna sem felst í
notkun li'kniefna og hættuna sem
fylgir því að vera í umferðinni. „Við
förum líka í eldri bekkina og skólinn
er sjálfur með forvarnarstarf og það
er líka í fermingarfræðslunni.
Annars eru forvarnir alltaf í gangi
og það eitt að hafa hér fíkniefna-
hund er ákveðin forvörn.11
Kostir og gallar breytinga
Árið 2007 tóku gildi ný lög um
skipan lögreglumála í landinu sem
m.a. varð til þess að rannsókn stærri
mála fer fram í samstarfi við
rannsóknarlögregluna á Selfossi.
„Þetta á við stærri fíkniefnamál,
kynferðisbrot, alvarlegar líkams-
árásir og önnur stærri mál. Þó mál sé
unnið í gegnum Selfoss og á þeirra
forræði er breytingin ekki svo mikil
því rannsóknin fer fram hér. Við
reynum að vinna þetta saman og það
hefur gengið vel.“
Hvað með framtíðina? „Það eru
uppi hugmyndir um að fækka
lögregluembættum enn frekar og þá
yrði einn lögreglustjóri á Suðurlandi
sem er í samræmi við það að þegar
er einn dómstóll á Suðurlandi og um
áramótin verður til embætti héraðs-
saksóknara og verður einn sak-
sóknari þá yfir Suðurlandi. Þetta
hefur bæði sína kosti og galla en það
þarf að gera þetta rétt. Þetta má alls
ekki bitna á þjónustu í Vest-
Tryggvi segir að
starfíð hafi tvímæla-
laust sínar björtu
hliðar og að eitt af
stóru hlutverkum
lögreglu er að aðstoða
borgarana og hjálpa
þeim..
mannaeyjum. Við megum hins vegar
ekki vera hrædd við breytingar en
við verðum að vanda okkur við
þessar breytingar."
Lögreglan getur lent í erfiðum
málum eins kom fram hjá Tryggva í
upphafi viðtalsins. Áður var ekkert
til sem heitir áfallahjálp og segir
Tryggvi að eiginkonur lögreglu-
manna séu í raun sáluhjálparar
lögreglumanna. „Okkur stendur til
boða sálfræðiþjónusta hjá Ríkislög-
reglustjóra ef þörf krefur. Það
verður að huga að sálarlífi lög-
reglumanna því það getur verið jafn
erfitt að vera með sár á sálinni og
líkama. Lögreglumaður sem ekki er
í jafnvægi er jafn ófær til vinnu og
lögreglumaður í fatla,“ sagði
Tryggvi að lokum.
Samantekt:
Omar Garðarsson, Guðbjörg Sigur-
geirsdóttir og Júlíus Ingason.
Myndir: Oskar Pétur.
Lögreglulög - Hlutverk lögreglunnar
Ríkið heldur uppi starfsemi
lögreglu.
Hlutverk lögreglu er að gæta
almannaöryggis og halda uppi
lögum og reglu, leitast við að
tryggja réttaröryggi borgaranna
og vernda eignarrétt, opinbera
hagsmuni og hvers konar lög-
mæta starfsemi.
Að stemma stigu við afbrotum
og koma í veg fyrir athafnir sem
raska öryggi borgaranna og rík-
isins.
Að vinna að uppljóstran brota,
stöðva ólögmæta háttsemi og
fylgja málum eftir í samræmi við
það sem mælt er fyrir um í
lögum um meðferð opinberra
mála eða öðrum lögum.
Að greiða götu borgaranna eftir
því sem við á og aðstoða þá þegar
hætta steðjar að.
Að veita yfirvöldum vernd eða
aðstoð við framkvæmd starfa
sinna samkvæmt fyrirmælum
laga eða venju eftir því sem þörf
er á.
Að starfa í samvinnu við önnur
stjórnvöld og stofnanir sem hafa
með höndum verkefni sem
tengjast starfssviði lögreglu.
Að sinna öðrum verkefnum sem
henni eru falin í lögum eða leiðir
af venju.