Fréttir - Eyjafréttir

Tölublað

Fréttir - Eyjafréttir - 27.11.2008, Blaðsíða 11

Fréttir - Eyjafréttir - 27.11.2008, Blaðsíða 11
Fréttir / Fimmtudagur 27. nóvember 2008 11 Hin árlega sælgætissala Kiwanis fer fram um helgina Grein Kristleifur Guðmundsson I skrifar Kæru Eyjamenn M Nú er komið að árlegri sölu jóla- sælgætis Kiwanis. Með von í hjarta við örkum hús úr húsi og óskum eftir aðstoð bæjarbúa við að hjálpa þeim sem um sárt eiga að binda í okkar dásamlega bæjar- félagi. Við Kiwanisfélagar erum í stór- kostlegum félagskap þar sem gleði og bræðralag er haft í fyrirrúmi en okkar flaggskip og stolt er líknar- starf það er við vinnum á hverju ári. Jólasælgætisaskja Kiwanis er okkar mikilvægasti sjóður og rennur ágóði allur óskiptur til líknarmála innanbæjar. Á síðasta ári voru styrktarverkefni mikil og góð og ber þar hæst að nefna umferðarljósin við Heiðar- veg til handa grunnskólabörnum á leið sinni á milli Barnaskóla og Iþróttamiðstöðvar og fylgjum þar með eftir gangbrautarljósum sem við settum á Illugagötuna fyrir all- nokkrum árum síðan. Einnig gáfum við nýjan fíkni- efnahund gegn þeirri vá er eiturlyf eru. Luna sem er komin í hendur lögreglu og leysir Tönju af sem Kiwanis gaf einnig fyrir talsverðum tíma síðan. Að vera í Kiwanis er meira en bara að hitta karla og spjalla eins og margir halda. A fundum eru öll heimsins mál leyst og stundum ekki. Allir geta eitthvað, enginn getur allt, eru kjörorð okkar og eiga sannarlega við þegar kemur að söfnun sem þessari. Við erum til vegna samfélagsverkefna í þágu Vestmannaeyja. Um næstu helgi verður bankað heima hjá þér og þér verður boðið að taka þátt í að gera eyjuna okkar betri með því einu að kaupa fullan kassa af sælgæti fyrir 900 krónur. Kiwaniskveðja Kristleifur Guðmundsson Forseti Kiwanisklúbbsins Helgafells UPPBOÐ Framhald uppboðs á eftirfarandi eignum verður háð á þeim sjálfum, sem hér segir Heiðarvegur 3, 218-3720, þingl. eig. Hvassafell ehf, gerðarbeiðendur Glitnir banki hf, Sýslumaðurinn í Vestmannaeyjum og Vestmannaeyjabær, miðvikudaginn 3. desember2008 kl. 14:15. Heiðarvegur 3, 224-7951, þingl. eig. Hvassafell ehf, gerðarbeiðendur Glitnirbanki hf og Vestmannaeyjabær, miðvikudaginn 3. desember 2008 kl. 14:00. Sýslumaðurinn í Vestmannaeyjum, 25. nóvember 2008. UPPBOÐ Uppboð munu byrja á skrifstofu embættisins að Heiðarvegi 15, Vestmannaeyjum fimmtudaginn 4. desember 2008 kl. 09:30 á eftir- farandi eignum: Ásavegur 30, 218-2406, þingl. eig. Ásta Steinunn Ástþórsdóttir, gerðarbeiðandi Tryggingamiðstöðin hf. Bárustígur 11, 218-2625, þingl. eig. Dominik Lipnik, gerðarbeiðandi Ibúðalánasjóður. Bárustígur 2, 218-2610, þingl. eig. Þröstur Bjarnhéðinsson, gerðar- beiðandi Vestmannaeyjabær. Bárustígur 2, 218-2612, þingl. eig. Þröstur Bjarnhéðinsson, gerðar- beiðandi Vestmannaeyjabær. Bárustígur 2, 218-2613, þingl. eig. Þröstur Bjarnhéðinsson, gerðar- beiðandi Vestmannaeyjabær. Bárustígur 2, 218-2615, þingl. eig. Áslaug Rut Áslaugsdóttir, gerðar- beiðandi Vestmannaeyjabær. Bárustígur 2, 224-4492, þingl. eig. Þröstur Bjarnhéðinsson, gerðar- beiðandi Vestmannaeyjabær. Brekastígur 5a, 218-2850, þingl. eig. Jólína Bjarnason, gerðarbeið- endur íbúðalánasjóður og Sjóvá-Almennar tryggingar hf. Brekastígur 7a, 218 2853, þingl. eig. Jón Ingvi Hilmarsson, gerðar- beiðandi Vátryggingafélag íslands hf. Foldahraun 39, 218-3446, þingl. eig. Gunnar Jónsson, gerðarbeiðandi Vátryggingafélag íslands hf. Hásteinsvegur 11, 218-3580, þingl. eig. Guðrún Linda Atladóttir og Sverrir Þór Guðmundsson, gerðarbeiðandi Ibúðalánasjóður. Heiðarvegur 43, 218-3781, samkvæmt kaupsamningi, þingl. eig. Sigurður Einar Gíslason og Gerhard Guðmundsson, gerðarbeiðendur Sigurður Einar Gíslason og Vestmannaeyjabær. Kirkjuvegur 21, 218-4385, þingl. eig. Lundinn-veitingahús ehf og Hvassafell ehf, gerðarbeiðendur Sýslumaðurinn í Vestmannaeyjum og Vestmannaeyjabær. Kirkjuvegur 53, 218-4418, samkvæmt þinglýstum kaupsamningi, þingl. eig. Jóhann Baldursson og Kristín Halla Stefánsdóttir, gerðar- beiðendur Glitnir banki hf og Vörður tryggingar hf. Kirkjuvegur 86, 218-4444, þingl. eig. Þórir Þorsteinsson, gerðar- beiðandi Sparisjóðurinn í Keflavík. Sólhlíð 17, 218-4693, þingl. eig. Þröstur Bjarnhéðinsson, gerðarbeið- andi Vestmannaeyjabær. Vestmannabraut 37, 218-4990, samkvæmt kaupsamningi, afsal Sigmundur Andrésson, þingl. eig. Hvassafell ehf, gerðarbeiðandi Vestmannaeyjabær. Vesturvegur 19, 218-5078, þingl. eig. Gylfi Valberg Óskarsson, gerðarbeiðandi Vestmannaeyjabær. Sýslumaðurinn í Vestmannaeyjum, 25. nóvember 2008. Ragnar Oskarsson segir: „Við getum!" Qrcin Ragnar Óskarsson skrifar Atburðir síðustu vikna á íslandi hafa eðlilega valdið miklu umróti í samfélaginu. Fólk veit varla sitt rjúkandi ráð og til að bæta gráu ofan á svart fær almenningur vægast sagt afar misjafnar upp- lýsingar um það ástand sem skapast hefur og framundan er. Hvað svo sem um íslensk stjórnvöld má segja er þó tvímælalaust hægt að fullyrða að þau hafa illilega brugðist í upphafi þeirrar kreppu sem nú er illu heilli hafin á íslandi og eru að mestum hluta heimatilbúin. Stjórnvöld hafa sýnt ótrúlegan hroka, logið að almenningi og gefið misvísandi yfirlýsingar á sama tíma og þau ættu að sýna ábyrgð og samstóðu með þjóðinni og grípa til aðgerða sem duga til að draga úr áhrifum kreppunnar. Hér ætla ég ekki að rekja þá raunasögu sem valdið hefur því ástandi sem nú blasir við. Raunar nægir aðeins að nefna örfá dæmi: * Ekki allsfyrir löngu leiddi Sjálf- stœðisflokkurinn Nýfrjálshyggjuna til vegs og virðingar á Islandi. Þá hófst hér óheft og vœgðarlaus markaðshyggja og hin illrœmda einkavinavœðing. Bankarnir voru teknir afþjóðinni og gefnir útvóld- um gæðingum og sama gilti um ýmis fyrirtœki í eigu almennings í landinu svo sem Símann. * Islensk stjórnvóld fóru ekkert eftir viðvörunarorðum þeirra sem höfðu þekkingu og kunnáttu til að sjá að íslenska „ efnahagsundrið " gœti ekki staðist til lengdar og hlyti að hrynja með ómældum fórnarkostn- aði. Allir þeir sem reyndu aftur og aftur að vara við voru flokkaðir sem nöldrarar og að vera á móti framþróuninni. * Fjármálakerfi íslenska ríkisins var sett í hendur flokksgæðingum sem skorti kunnáttu og þekkingu til að stjórna. Þannig mætti áfram telja og sýna fram á hvernig gerðir íslenskra stjórnvalda hafa smám saman orðið til þess að skapa það ástand sem nú ríkir í landinu. Það að missa atvinnu sína, geta ekki staðið við fjárhagslegar skuld- bindingar og missa húsnæði sitt er eitt það versta sem fyrir nokkurn mann getur komið. Það ástand skapar mörg alvarleg og jafnvel óyfirstíganleg vandamál. Því er í raun er ekki að undra þótt fólk sé reitt um þessar mundir og enn reiðara verður fólk þegar stjórnvöld sýna tómlæti, hroka og lygar eins Það að missa atvinnu sína, geta ekki staðið við fjárhagslegar skuld- bindingar og missa hús- næði sitt er eitt það ver- sta sem fyrir nokkurn mann getur komið. Það ástand skapar mörg alvarleg og jafnvel óyfirstíganleg vandamál. og nú hefur gerst. Við þær aðstæður sem hér hafa verið gerðar að umtalsefni er verður hver og einn að meta við- brögð sín. Það getur enginn krafíst þess að þessi eða hinn eigi bara að vera jákvæður og þá muni allt lagast. Eða hvað? Er kannski ein leið út úr vandanum sú að vera jákvæður og taka að fullu þátt í allsherjar endurreisn, rifa sig upp úr kreppunni og endurvinna orðstír íslands sem um þessar mundir er nánast enginn? Já, auðvitað er það ein leiðin og örugglega sú sem borið getur árangur. En eigi hún að vera fær þarf að skapa skilyrði til þess að jákvæðni fái dafnað og geti borið ávöxt. Þar þarf að vanda til verka og þar þarf að stíga skynsam- leg skref. Til þess að skapa jákvæð viðhorf til endurreisnar þarf meðal annars að ganga út frá þeim grunn- forsendum: * Að öllum Nýfrjálshyggjuhug- myndum verði endanlega kastað fyrir róða. Þær hafa þegar skaðað íslenskan almenning nóg og meira en það. * Að eignir þjóðarinnar verði ekki miskunnarlaust gefnar útvöldum gæðingum sem nota þœr til eigin hagnaðar en til skaða fyrir þjóðina. * Að grunnstoðir samfélagsins, svo sem velferðarkerfið verði efldar til óryggis og hagsbóta fyrir almenn- ing og einkavinavæðing þeirra stoða komi þar hvergi við sógu. * Að heimili og atvinnulíf verði ekki gerð gjaldþrota í því ástandi sem nú ríkir. * Að boðað verði til kosninga svo þjóðinfái aðfella sinn dóm um það sem gerst hefur og með hvaða hætti hún telur framtíðinni best borgið. Ég er þess fullviss að ef farið verður af stað með þessi og önnur áþekk og jákvæð markmið í far- teskinu mun íslenska þjóðin á undraskömmum tíma ná áttum og byggja réttlátara þjóðfélag en það sem nú er okkur flestum svo mikil byrði. Ragnar Óskarsson Spurning vikunnar: Ulltll kosningar? Hraln Sævaldsson - Ég hef aldrei kosið, jú reyndar einu sinni og það var í nem- endaráð í 10. bekk. Ég er hlutlaus. Kiartan Bergsteínsson - Nei, ekki strax. Ekki fyrr en þeir eru búnir að rétta skútuna aðeins við. Kannski í sumar eða haust. Cretar Þórarinsson - Ekki núna. Mér finnst að það eigi að gefa þeim tíma til að gyrða upp um sig. Ég er fyrst og fremst að hugsa um hag þjóðarinnar. Magnús Svelnsson - Nei, ég vil ekki sjá kosn- ingar. Alls ekki. Smáar Góð kerra til sölu. Til sýnis að Ægisgötu 2. Bílverk ehf.s. 481-2782. Einbýlishús til leigu Einbýlishús er til leigu, fjögur svefnherbergi auk þess tvær stofur og stórt tölvuherbergi. Um 200 fm og er laust strax. Leigist á 80 þúsund og greiðist fyrirfram. Upplýsingar í síma 820-1665. íbúð óskast í höfuðborginni Ég er 20 ára stelpa sem er að fara í nám í Reykjavík eftir áramót. Óska eftir íbúð til leigu á viðráðanlegu verði. Er reglusöm og reyklaus og lofa skilvísum greiðslum. Hægt er að ná í mig í síma 868-4378. Bíll til sölu Toyota 4 Runner árgerð 1996, 3L, turbo diesel. Skoðaður 10.09. i góðu lagi. Uppl. í s. 847 2056.

x

Fréttir - Eyjafréttir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttir - Eyjafréttir
https://timarit.is/publication/977

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.