Fréttir - Eyjafréttir - 27.11.2008, Blaðsíða 16
Sun
Investments S.L
FASTEIGNASALA Á SPÁNI
LINDA RÓS
(0034) 646 930 757
lindarosg@hotmall.com
www.suninvftstmentsl.com
plús
™ iWS sum”s"“"
UiVifíöÐÍiEWM
Ej'föÍlrirJib' JlrirJÍL^jímrJ
"Húsasmíði er mitt fag
og þjónustu mína veiti.
Hringdu ímig strax í dag
og húsinu þínu ég breyti. “
Snkkarnn
I SigurðurOddur | húsasmiður j
| simi:899-2576 | eyjar1@hotmail.com [
LÍKN GEFUR TIL HSV. Kvenfélagið Líkn kom færandi hendi og afhenti Heilbrigðisstofnun Vestmanna-
eyja höfðinglegar gjatir á mánudag. Kvenfélagið sem hefur nánast séð stofnuninni fyrir tækjabúnaði
afhenti sjúkranuddhekk til sjúkraþjálfunar, fóstursírita sem fylgist með hjartslætti barns í móður-
kviði á fæðingarstofu og tvo hjólastóla til sjúkrahússins. Heildarverðmæti gjafanna er 2.152 þúsund
krónur. Líkn stendur fyrir ýmsum fjáröflunum og m.a. kaffisölu sem kennd er við 1. des en verður
nú haldin í Höllinni fimmtudaginn 27. nóvember. Allur ágóði af sölunni rennur til sjúkrahússins.
Engin ákvörðun liggur
fyrir um niðurskurð
Undanfarna daga hafa borist fréttir
af fyrirhuguðum niðurskurði hjá
heilbrigðisstofnunum á landinu og
m.a. var sagt frá tilskipun frá heil-
brigðisráðuneyti um að loka ætti
skurðstofunni á Heilbrigðisstofnun
Suðurnesja. Gunnar K. Gunnarsson,
forstöðumaður Heilbrigðisstofnunar
Vestmannaeyja, kannast ekki við
slíkar tilskipanir og segir að leitað
hafi verið til forstöðumanna og
óskað eftir hugmyndum um hvernig
skera mætti niður rekstrarkostnað.
„Við fengum bréf frá heilbrigðis-
ráðuneytinu fyrir um hálfum mánuði
og því fylgdi afrit af bréfi frá fjár-
málaráðuneytinu þar sem óskað var
eftir hugmyndum um hvernig hægt
væri að skera rekstrarkostnað niður
um 10%. Við fórum í þá vinnu og
sendum hugmyndir til ráðuneytisins
en þetla er allt í vinnslu og engin
ákvörðun liggur fyrir.
Hvaða áhrif hefur það á stofnunina
ef þessar hugmyndir ná fram að
ganga?
„Við vitum að ef um niðurskurð er
að ræða þá þarf að draga úr þjónustu.
En það liggur ekkert fyrir um þetta
ennþá. Það verður fundur með öllum
forstöðumönnum heilbrigðisstofn-
ana á föstudag þar sem farið verður
yfir þessi mál og ég reikna með að
þetta skýrist á næstu vikum þar sem
fjárlög verða afgreidd fyrir næstu
áramót. I raun og veru er ekkert
óeðlilegt við að leita til forstöðu-
manna til að athuga hvaða stofnanir
geta dregið úr útgjöldum. Það vita
hins vegar allir að stofnanir hafa
verið í svelti og margar farið talsvert
fram úr fjárheimildum á undan-
förnum árum. Þetta á í raun við um
heilbrigðis- og félagsþjónustu þann-
ig að niðurskurður fjárheimilda til
þessara stofnana er ómögulegur án
þess að dregið verði úr þjónustu. A
móti kemur að það hefur aldrei þótt
góð latína að draga úr framkvæmd-
um á vegum hins opinbera til þess að
spoma við kreppu þannig að það er
ekkert létt verk hjá ríkisstjórninni að
draga úr útgjöldum án þess að at-
vinnuleysi aukist. Mér finnst eðlilegt
að við þær aðstæður sem uppi eru í
þjóðfélaginu sé leitað leiða til að
draga úr kostnaði. Ég ítreka að það
liggur ekkert fyrir um til hvaða
aðgerða verður gripið,“ sagði
Gunnar.
Volcano Café
opnað 4. des.
Volcano Café verður opnað 4.
desember en staðurinn verður í
hjarta miðbæjarins á horni Strand-
vegar og Bárustígs þar sem
Drífandi var áður til húsa. Miklar
breytingar hafa verið gerðar á
húsnæðinu undanfarnar vikur,
staðurinn stækkaður og allar
innréttingar endurnýjaðar sem og
búnaður.
Björgvin Þór Rúnarsson sagði að
við opnunina 4. desember yrði
Siggi Hlö á staðnum en hann
hefur m.a. verið með útvarps-
þáttinn „Veistu hvar ég var?“ á
Bylgjunni á laugardögum.
Þátturinn nýlur mikilla vinsælda
og Björgvin lofar ‘80s stemmn-
ingu um kvöldið og þá verða
leikin öll skemmtilegustu lögin
frá diskó tímabilinu.
Volcano Café ætlar að standa
fyrir tónleikum einu sinni í
mánuði og fyrstu tónleikarnir
verða þann 18. desember. Þá mun
Guns N Roses cover band spila en
í bandinu eru úrvals tónlistarmenn
eins og Gummi Bjarna, Snorri
Idol og fleiri góðir menn.
Eyjabúð hættir
Eyjabúð, elsta verslun í Vestmanna-
eyjum, er að hætta starfsemi sinni.
I Fréttum í dag er auglýsing þar
sem kynnt er útsala á öllum vörum
verslunarinnar, þar sem verslunin sé
að hætta.
„Nei, þetta eru ekki kreppuáhrif,"
segir Friðfinnur Finnbogason, eig-
andi Eyjabúðar og þriðji ættliðurinn
sem stendur bak við búðarborðið.
„Þetta á sér lengri aðdraganda og ég
er búinn að vera að pæla í þessu um
nokkurn tíma og minnka við mig í
ýmsu. Ég verð t.d. ekki með
flugelda fyrir þessi áramót.“
Friðfinnur segir nokkrar ástæður
fyrir því að hann hefur ákveðið að
hætta en vill ekki nefna þær. „En
það er Ijóst að þessi verslun virðist
ekki henta lengur þessu nútímasam-
félagi.“ Hann segist viss um að
fólk muni finna fyrir því þegar
verslunin er hætt og ekki verður
lengur hægt að fá ýmsa þá smáhluti
sem hægt hefur verið að ganga að
þar. Gegnum tíðina hefur verið
hægt að kaupa í Eyjabúð hluti á
borð við skrúfur og bolta í stykkja-
tali en nú er sú tíð brátt á enda.
„I október sl. héldum við upp á að
þá voru 55 ár síðan afi stofnaði
verslunina og ég neita því ekki að
mér finnst það nokkur viðbrigði að
þurfa að hætta. Eftir að hafa unnið
hér í tæp 40 ár eru það vissulega
erfið skref að verða að gera þetta,“
segir Friðfmnur.
A útsölunni, sem hefst í dag, er 30
til 50% afsláttur á öllum vörum.
Friðfinnur segir að hann vonist til
að loka fyrir áramót. Hann bendir á
að þarna megi finna ýmislegt sem
hentað geti til jólagjafa enda vöru-
úrvalið mikið eins og þeir vita sem
þekkja til í Eyjabúð.
„Ég vil t.d. benda á gott úrval af
verkfærum, veiðivörur og svo gæti
verið hagstætt á þessum þrenginga-
tímum að geta keypt garðáhöld á
50% afslætti," segir Friðfmnur og
bætir við að þarna sé líka að finna
ýmislegt sem engir aðrir séu með.
„Það er óvíst enn hvað tekur við
hjá mér,“ segir Friðfinnur. „Ég
verð áfram með ferðaþjónustuna
sem ég hef verið með undanfarin ár.
Það eru vissulega vonbrigði að
þurfa að gera þetta en svona er lífið,
skin og skúrir á víxl og verður bara
að taka því.“
VIKUTILBOÐ
27. nóv - 3. des
Egils Jólaöl 0,51
verð nú kr 118,-
verð óður kr 138,-
Goodfellas Pizzur
verð nú kr 578,-
verð aóur kr 798,-
B.D. núðlur
verð nú kr 65,-
verð óður kr 85,-
Búrf.nautahakk
verð nú kr 899,-
verð óður kr 1198,-
SS rauðvinl. helgarsteik
verð nú kr/kg 1698,-
verð óður kr/kg 2098,-