Fréttir - Eyjafréttir - 04.12.2008, Blaðsíða 2
2
Fréttir / Fimmtudagur 4. desember 2008
Eyjamenn kunna að meta
það þegar vel er gert
-Segir Björgvin Rúnarsson sem á laugardaginn opnar kaffihúsið og
skemmtistaðinn Volcano Café ásamt konu sinni Margréti
ardaginn. „Það mun hafast en þá
ætlum við að opna staðinn formlega
með sýningu á verkum Berglindar
Kristjánsdóttur klukkan tólf á laug-
ardaginn. Frá klukkan fimm til hálf
ellefu verður einkasamkvæmi og
eftir það byrjar fjörið. Þá mun hinn
landsþekkti Kiddi Bigfoot þeyta
skífum til klukkan þrjú um nóttina.
A aðventunni ætla snillingarnir Sæ-
þór Vídó og Þórir Olafsson að halda
uppi jólastemmningu. Fimmtu-
daginn átjánda desember verður
ábreiðusveit sem helgar sig Guns
and Roses og á Þorláksmessu ætlum
við að leggja okkar af mörkum til að
skapa réttu stemmninguna í
bænum,“ sagði Björgvin.
En er hann bjartsýnn á að dæmið
gangi upp? „Er maður ekki alltaf
bjartsýnn,“ svarar Björgvin og hlær.
„Annars værum við ekki að standa í
þessu. Við lítum á Volcano Café
sem góða viðbót við það sem fyrir
er í bænum og vonandi eiga Vest-
mannaeyingar og gestir eftir að nýta
þá þjónustu sem ætlum að bjóða upp
á. Við leggjum upp af miklum
metnaði og það er mín reynsla að
Eyjamenn svara kallinu þegar vel er
gert enda annálaðir gleðimenn,“
sagði Björgvin að endingu.
BJÖRGVIN: Við lítum á Volcano Café sem góða viðbót við það sem
fyrir er.
Hjónin Björgvin Rúnarsson og
Margrét Hildur Ríkharðsdóttir róa á
móti straumnum nú þegar íslenskt
samfélag siglir inn í verstu kreppu í
áratugi. A laugardaginn opna þau
kaffihúsið og skemmtistaðinn
Volcano Café í Drífanda sem er á
horni Bárustígs og Strandvegar.
Framkvæmdir voru í fullum gangi
þegar Fréttir litu þar við á þriðju-
dagsmorguninn. Þarna voru áður
skemmtistaður og verslun sem hafa
verið sameinuð og verður Volcano
Café á tæplega 300 fermetrum þann-
ig að rúmt verður um gesti. Þó ýmis-
legt hafi verið óklárað á þriðju-
daginn var ekki annað að sjá en að
þarna verði bjart og skemmtilegt
kaffihús og veitingastaður sem yrði
góð viðbót við það sem fyrir er í
Eyjum.
„Okkar metnaður stendur til að
starfrækja í Vestmannaeyjum kaffi-
hús og skemmtistað sem stenst
samanburð við það besta sem við
þekkjum annars staðar,“ sagði
Björgvin þegar hann var spurður um
áherslur sem þau hjón ætla að hafa
að leiðarljósi í rekstrinum.
„A daginn verður þetta kaffihús
með aðgang að þráðlausri tengingu
fyrir tölvur og einnig verður hægt að
koma og glugga í blöðin. Til að
byrja með ætlum við að bjóða upp á
alvöru kafft og kakó og vöfflur með
rjóma, samlokur og létta pastarétti.
Við verðum með fjölbreytt úrval af
kaffi sem bæði er hægt að drekka á
staðnum eða taka með sér, „take
away cup“. A kvöldin og um helgar
verður Volcano Café skemmtistaður
og verður opið til klukkan 11:30 frá
sunnudegi til miðvikudags, til eitt á
frmmtudögum og til klukkan þrjú á
föstudögum og laugardögum.
Aðgangur miðast við átján ára og
verður gengið stíft eftir nafn-
skírteinum og gerð krafa um snyrti-
legan klæðnað."
Boðið verður upp á lifandi tónlist
og í framtíðinni ætla Björgvin og
Margrét að auka fjölbreytni í mat í
samstarfi við Einsa kalda veislu-
þjónustu. „Við getum boðið upp á
veislusal fyrir 60 til 80 manns og á
kvöldin verðum við ýmist með
plötusnúða, trúbadora eða hljóm-
sveitir.“
Þó eitthvað virðist í land með að
framkvæmdum ljúki er Björgvin
bjartsýnn á að það hafist fyrir laug-
Dagmæður í barnvænu húsnæði
Tvær nýjar dagmæður hafa tekið til
starfa í Vestmannaeyjunr og hafa
komið upp aðstöðu við Brekastíg þar
sem skóladagheimilið var áður til
húsa. Asa Sif Tryggvadóttir og
Dagný Sjöfn Guðmundsdóttir hófu
starfsemina 1. desember og þær hafa
lagt metnað í að gera aðstöðuna
aðlaðandi, auk þess er góð aðstaða
fyrir útiveru sunnan við húsið.
„Við sáum auglýsingu þar sem
óskað var eftir dagforeldrum og
ákváðum að slá til,“ segir Ása Sif en
hún og Dagný Sjöfn eru báðar með
börn á fyrsta ári. Þær hafa lagt alúð
við að mála húsnæðið, á veggjum
eru barnvænar myndir og það er búið
húsgögnum sem hæfa litlum börn-
um. Dúkkukrókur og hvíldarhorn
eru á sínum stað og í öðrum
endanum á salnum er fullbúið eldhús
með góðri aðstöðu til að matast.
„Börnin eru í aðlögun hjá okkur
núna og flest þeirra eru hjá okkur frá
klukkan 08.00 til 16.00 en það er
líka hægt að fá pláss hálfan daginn.
Börnin hjá okkur eru frá því að vera
6 mánaða og fram að leikskólaaldri.
Við megum vera með átta börn hjá
DAGMÆÐURNAR Dagný Sjöfn og Ása Sif.
okkur,“ segir Ása Sif og nú þegar eru
nokkur börn komin inn og þeir sem
hafa hug á að fá pláss fyrir börn sín
ættu að hafa samband sem fyrst.
Dagný Sjöfn segir að þær leggi
mikla áherslu á að hafa starfsemina
sem líkasta því sem gerist á leik-
skóla þannig að börnin komi vel
undirbúin þegar þau hefja skólavist
þar.
„Bömin fá morgunverð, hádegisverð
og síðdegishressingu auk þess sem
við erum með ávexti á milli mála.
Við erum með ákveðið dagskipulag
sem byggist upp á útiveru, leikjum,
föndri, sögustund og svo er hvíldar-
tími nauðsynlegur fyrir svona ung
börn,“ segir Dagný og þær ætla að
leggja áherslu á söng og skapandi
leiki með börnunum.
„Við höfum safnað að okkur leik-
föngum en ef bæjarbúar eiga leik-
föng og barnabækur sem þeir mega
missa þá er það vel þegið,“ segja Ása
Sif og Dagný Sjöfn en þær eru báðar
félagar í Félagi dagforeldra á
Suðurlandi.
Nýr Glitnir fjármagnar smíði á Þórunni Sveins
Á fimmtudaginn undirrituðu Ós
ehf., útgerðarfélag Sigurjóns Ósk-
arssonar og fjölskyldu, og Nýi
Glilnir samning um fjármögnun á
smíði nýs 39 m togveiðiskipi,
Þórunnar Sveinsdóttur VE.
Skipið verður smíðað hjá dönsku
skipasmíðastöðinni Karstensens
Skibsværft A/S. Samningur þess
efnis höfðu reyndar undirritaður á
vordögum 2007 en í ljósi mjög
breyttra og versnandi aðstæðna á
fjármálamörkuðum, m.a. vegna
óhagstæðrar þróunar gengis taldi
útgerðin rétt að fara ítarlega yfir
allar áætlanir sínar.
Niðurstaðan, sem er einkar
ánægjuleg, er að halda ótrauð áfram
smíðinni eins og áætlað var og fá
nýja Þórunni Sveins til Eyja á haust-
dögum 2009 en þá á útgerðarfélagið
einmitt fjörtíu ára starfsafmæli.
Birna Einarsdóttir, bankastjóri
Nýja Glitnis var ánægð með
samninginn. „Það er Nýja Glitni
ánægja að staðfesta aðkomu sína að
smíðinni og tryggja fjármögnun
hennar allt til loka verksins. Við
teljum þetta mikilvægt í ljósi þeirrar
staðreyndar að útgerðin Ós ehf. er
samfélaginu í Vestmannaeyjum
gríðarlega mikilvæg. Þarna eru enn-
fremur með reyndari útgerðarmönn-
um landsins með um 40 ára farsæla
útgerðarsögu. Það er bankanum
gleðiefni að finna að hann nýtur
þess trausts að fjármagna svo stórt
verk sem snýr að grunnatvinnuvegi
landsins. Það er einnig mikilvægt að
styðja vel við það öfluga byggðarlag
sem Vestmannaeyjar er, þar sem
áræðni og bjartsýni er ríkjandi í
samfélaginu," sagði Bima.
Friðar-
ganga og
jólatré
Næsta föstudag verður kveikt á
jólatrénu á Stakkagerðistúni.
Áður en athöfnin hefst verður
friðarganga frá Landakirkju og
hefst hún klukkan 16.45. Gengið
verður frá kirkjunni niður á
Stakkó og ljósin tendruð á trénu
klukkan 17.00.
Lúðrasveit Vestmannaeyja
leikur nokkur lög undir stjórn
Jarls Sigurgeirssonar. Páll
Marvin Jónsson, formaður fjöl-
skyldu- og tómstundaráðs, tlytur
ávarp. Sr. Kristján Bjömsson sér
um helgistund og Litlu læri-
sveinarnir syngja jólalög undir
stjórn Védísar Guðmundsdóttur.
Það verður engin önnur en
Leiðindaskjóða sem tendrar
ljósin á jólatrénu og að sjálf-
sögðu verða jólasveinar á
staðnum sem gefa góðum og
glöðum krökkum góðgæti.
Frostrósir á
þriðjudaginn
Frostrósir verða með jólatónleika
í Höllinni næsta þriðjudag Tón-
leikarnar verða ekki eins um-
fangsmiklir og í Reykjavík en
hingað koma þrjátíu manns til að
skemmta Vestmannaeyingum.
Helstu söngvarar á tónleikunum
á þriðjudag eru Margrét Eir,
Hera Björk, Jóhann Friðgeir,
Edgar Smári og Guðrún Ámý
auk bamakórs. Strengjakvartett
og hluti Stórhljómsveitar Frost-
rósa leikur undir.
Samúel Kristjánsson, fram-
kvæmdastjóri Frostrósa, sagði að
tónleikamir hæfust klukkan
20.00 og að bæjarbúar gætu
keypt miða á midi. is eða á
Pósthúsinu í Vestmannaeyjum.
Jólatónleikar Frostrósa hafa
notið mikilla vinsælda í Reykja-
vík og nú stefnir í að 10 til 15
þúsund manns sæki jólatónleika
þeirra í ár. Miðaverð er 3.490
krónur en þetta er í fyrsta skipti
sem Frostrósir fara um landið
með tónleika.
Upplýsingar
óskast
Fimmtudaginn 20. nóvember sl.
um klukkan 18.00 ók ég bifreið
minni um Hamarsveg í vesturátt.
Skuggsýnt var og skyndilega
keyrði ég á stein sem var á veg-
inum og varð bfllinn minn fyrir
umtalsverðu tjóni.
Lögmaður minn hafði samband
við starfsmenn Gámaþjónust-
unnar sem voru að vinna við
flutninga á efni frá fyrirhuguðu
knattspymuhúsi á þessum stað.
Þeir neita að bera nokkra ábyrgð
og segja ekkert grjót hafa verið á
veginum af þeirra völdum.
Vegna þessa bið ég þá sem vom
á ferðinni þama umræddan dag
og geta veitt upplýsingar um
framangreint að hafa samband
við mig í síma.
Með fyrirfram þökk fyrir
upplýsingarnar,
Lovísa Gísladóttir,
Dverghamri 30.
Sími 422-5541 eða 481-2031.
ÍJtgefandi: Eyjasýn elif. 480*478-0549 - Vestinannaoyjuin. Ritstjóri: Ómar (lanlaissnu.
Blaúainenri: (iudlijörg Sigiirgeiisdóttir og Jnlíiis Ingason. Iþróttir: Ellert Selieving.
Ábyrgdarmenn: Omar (iarilaisson & (iísli Valtýsson.
Prentvinna: Eyjasýn/ Eyjaprent. Vestmannaeyjiun. Aðsetnr ritstjómar: Strandvegi 47.
Símar: 481 1300 & 481 3310. MyndritL 481-1*493. Netfang/rafpóstur: frettir@cyjafrettir.is.
Veffang: http/Avvvw.eyjafivttir.is
EHÍÍTfllt koma útalla fimmhidaga. Blaðið er selt í áskriftog einnig í laiisasölu á Kletti,
Tvistiimm, Toppniim, Vöinval, llerjólfi, ITiighafnarveishminni, Kríinimni, Isjakaniim,
verslun 11-11 og Skýlinu í Kriðarliöfn.. ITtÉ'iTIK eru prentaðar í 2000 eintökum.
ERÉTTER eru aðilar að Samtökum bæjar- og héraðsfréttablaða. Eftirprentun, hljóðrihin,
notkun ljósmynda og annað er óheimilt iiema heimilda sé getið.