Fréttir - Eyjafréttir - 11.12.2008, Blaðsíða 2
2
Frcttir / Fimmtudagur 4. desember 2008
Drífandi stéttarfélag í samningaviðræðum við Vestmannaeyjabæ:
Eðlilegt að ná almenn-
um lágmarkslaunum
-Krafa um hækkun í launaflokkum og jafnrétti í launum
Sérákvæði vegna launa-
flokka og jafnréttismál
Á gildistíma aðalkjarasamnings-
ins skuiu starfsmenn raðast 2
launaflokkum hærra en samn-
ingurinn segir til um. Þó skal
enginn starfsmaður taka lægri
laun en sem nemur launaflokki
119 sé ætlunin að ráðning hans
standi lengur en 3 mánuði.
Aðilar eru sammála um að
gerð verði úttekt á launa-
myndun kvenna og karla,
starfshlutfalli þeirra og jafnra
mögulcika kynjanna til starfa og
starfsþróunar þeirra sem eru í
starfi hjá Vestmannaeyjabæ.
Stefnt verði að því að niður-
stöður úttektarinnar liggi fyrir
eigi síðar en 31. ágúst 2009 svo
þær megi nýtast báðum samn-
ingsaðilum til áframhaldandi
framþróunar í jafnréttismálum í
tengslum við kjarasamninga.
Félagsfundur bæjarstarfsmanna í
Drífanda stéttarfélagi á mánudaginn
lýsti yfír eindregnum og fullum
stuðningi við samninganefnd félags-
ins í samningaviðræðum við bæinn.
Segir fundurinn þær hóflegu kröfur
sem samninganefndin er með um-
fram samning Launanefndar sveitar-
félaganna aðeins örlítið skref í áttina
að leiðréttingu lægstu launa og
aukins launajafnréttis kynjanna.
Skorar fundurinn á bæjaryfirvöld
að fallast á hófsamar kröfur samn-
inganefndarinnar enda sé ástandið
gott í Eyjum og engin ástæða til að
gera samdráttar- og kreppusamning
eins og gert hefur verið víða um
landið.
Þetta var samþykkt á fundinum og
sagði Arnar Hjaltalín, formaður
Drffanda, að þarna væri verið að
taka mið af ástandinu í Eyjum. „Hér
er ekkert kreppuástand eins og víð-
ast annars staðar á landinu. Við
höfum stundum þurft að taka mið af
slæmu ástandi í Eyjum við okkar
samningagerð en núna þegar staðan
er nokkuð góð, ekki síst hjá bæjar-
sjóði finnst okkur rétt að tekið sé
mið af því,“ sagði Arnar.
Reyndar sagði hann kröfur félags-
ins mjög hófsamar og megintilgang-
urinn sé að koma þeim lægst
launuðu upp í lögbundin lágmarks-
laun og rétta hlut kvenna.
I greinargerð sem send var
bæjarstjórn er vísað til þess að
nokkur stéttarfélög innan Starfs-
greinasambandsins hafi skrifað
undir samning við Launanefnd
sveitarfélaganna 29. nóvember sl. í
framhaldinu hittust fulltrúar Launa-
nefndar og Drífanda 2. desember til
viðræðna um kjarasamninginn.
Önnur útfærsla á launa-
flokkum
„Við vorum með kröfu um aðra
útfærslu á launaflokkum samn-
ingsins, kröfu um yfirlýsingu vegna
jafnréttismála auk smávægilegra
breytinga á sérákvæðum. Gat launa-
nefndin ekki orðið við þessunt kröf-
um og benti okkur á að hafa sam-
band við fulltrúa bæjarins sem var
og gert eins og venja hafði verið til.
Eftir nokkur samskipti kom fram
ósk af hálfu bæjarins um að kröf-
urnar yrðu sendar beint til bæjar-
ráðs,“ segir í greinargerðinni og
hefur það verið gert.
Helstu kröfurnar eru breytingar á
júníuppbót til handa starfsmönnum
sem ráðnir voru fyrir 29. maí 2005
og muni það eðli málsins samkvæmt
hafa sífellt minni kostnaðaráhrif
fyrir Vestmannaeyjabæ.
Malbikun og jafnrétti
Þá er íárið fram á breytingar vegna
malbikunarvinnu. Að upphæð fata-
peninga verði hækkuð í samræmi
við hækkun verðlags frá mars á
árinu 2001. „Þetta mun jafnvel
engin áhrif hafa á útgjöld Vest-
mannaeyjabæjar þar sem stendur til
eftir okkar upplýsingum að leggja
malbikunarstöðina niður, en óveru-
leg útgjöld ef malbikað verður af
bæjarstarfsmönnum, þar sem þetta
er greitt í mjög skamman tíma í
senn,“ segir í greinargerðinni.
Yfirlýsing um jafnréttismál vegur
þungt en félagið telur mjög brýnt að
skoðuð verði launamyndun karla og
kvenna hjá Vestmannaeyjabæ til að
sjá hver staðan er raunverulega í
þessum málum í dag. Þannig að
báðir aðilar geti í framtíðinni gert
kjarasantninga sem taka mið af
niðurstöðum úttektarinnar og gert
úrbætur ef í ljós kemur að hallar á
annað hvort kynið. „Jafnréttisáætlun
Vestmannaeyjabæjar tekur ekki sem
slík á þessu máli. Stéttarfélagið er
reiðubúið að koma að þessu með
sérfræðiþekkingu frá Alþýðusam-
bandi íslands og vonast eftir góðu
samstarfi um þetta mál.“
Um röðun í launaflokka segir að í
almennum samningum sé ákvæði
um lágmarkslaun. Eru þau kr.
145.000 í dag og verða a.m.k. kr.
157.000 þann 1. mars nk. Laun í
nýgerðum kjarasamningi Launa-
nefndarinnar nái ekki almennum
lágmarkslaunum fyrr en í launa-
flokki 118. „Við teljum eðlilegt að
vinnandi fólk nái almennum lág-
markslaunum. Nýbúið er að gera
samning við HS og hljóðar hann
upp á krónutöluhækkun og 2
launaflokka í hækkun að auki. Víða
á Suðurlandi er greitt mun hærra
fyrir sambærileg störf, t.d. á Hellu er
greiddur launaflokkur 122 fyrir að-
stoðarstörf í eldhúsi en launaflokkur
ARNAR sagðist ekki eiga von á
öðru en að bæjarstjórn tæki
kröfum félagsins vel.
115 í Vestmannaeyjum fyrir sömu
störf. Er það víðar þannig að hærra
er greitt án þess að við teljum það
upp hér. Síðast en ekki síst þá er
ástandið gott í Vestmannaeyjum,
bæjarsjóður og fyrirtækin standa vel
eftir okkar heimildum og ekki
fyrirsjáanleg breyting þar á og þvf
engin ástæða til að innleiða kreppu-
samning við þær aðstæður. Það er
því sanngjörn og eðlileg krafa að
starfsmenn raðist 2 launaflokkum
hærra en Launanefndarsamningur-
inn gerir ráð fyrir og lágmarks-
launaflokkur sem greiddur er fyrir
fólk í föstu starfi sé launaflokkur
119.
Að framansögðu er ljóst að kröfur
félagsins fyrir hönd félagsmanna
eru hógværar og væntum við þess
að þær verði samþykktar af bæjar-
ráði,“ segir í lokaorðum greinar-
gerðarinnar.
Arnar sagðist ekki eiga von á öðru
en að bæjarstjórn tæki kröfum
félagsins vel og bæti jafnvel í frekar
en hitt. „Þær eru ntjög hóflegar og
við höfunt stundum setið eftir þegar
illa hefur árað. Nú eru aðstæður
tiltölulega góðar og því teljum við
þetta frekar réttlætismál," sagði
Arnar að endingu.
Vel sótt friðar-
ganga
Á föstudag var efnt til firðar-
göngu frá Landakirkju að
Stakkagerðistúni. Áður en
gangan hófst var samveru- og
bænastund í Landakirkju sem
prestar kirkjunnar og
Hvítasunnusafnaðar leiddu.
Þátttaka í samveru og göngu var
fín og síðan var gengið á
Stakkagerðistún þar sem tendrað
var á jólatrénu og mikil hát-
tíðarhöld.
Börnin hittu jólasveina og þáðu
af þeim góðgæti og sannkölluð
hátíðarstemmning enda jólin
framundan.
Ég bið
að heilsa
Ut er kominn geisladiskur með
nokkrum af þekktustu og vin-
sælustu lögum Inga T Lárus-
sonar. Það er Kór Fjarða-
byggðar sem gefur diskinn út en
kórinn samanstendur af söng-
fólki sem að mestu leyti kemur
úr kirkjukórum í Fjarðabyggð.
Kórinn var stofnaður árið 1998
í því augnamiði að stofna til
gagnkvæmra kynna kórfólks í
Fjarðabyggð og til að hægt væri
að takast á við stærri og metn-
aðarfyllri flutning á kórverkum.
Kórinn hefur staðið fyrir og
tekið þátt í flutningi á mörgum
verkum bæði kirkjulegum og
veraldlegum, auk þess hefur
kórinn tekið þátt í flutningi
stærri verka með Sinfóníu-
hljómsveit Norðurlands.
Stjórnendur kirkjukóranna í
Fjarðabyggð hafa að langmestu
leyti haft veg og vanda af starfi
hans en stundum hafa verið
fengnir gestastjómendur til að
lyfta undir og krydda starfið.
Einvalalið hljóðfæraleikara
leikur undir á diskinum en út-
setningar fyrir hljómsveitina
gerði Norðfirðingurinn Stefán
Arason. Einsöngvari í þremur
lögum er Tinna Árnadóttir sem
er fædd og uppalin á Eskifirði.
Það er Kári Þormar, sem stjórnar
kórnunt en hann er forstöðu-
maður Kirkju- og menningar-
miðstöðvar Fjarðabyggðar á
Eskifirði. Kári stundaði nám í
píanóleik hjá Jónasi Ingimundar-
sy'ni og orgelleik hjá Herði
Áskelssyni.
Textahefti fylgir diskinum og
er þar einnig að finna æviágrip
textahöfundanna og að sjálf-
sögðu er fjallað um skáldið Inga
T. Lárusson. Magnús Ingimars-
son útsetti flest lögin á diskinum
en einnig gerðu það Karl Billich
og Ágúst Ármann Þorláksson.
Upptökur fóru fram í Kirkju- og
menningarmiðstöðinni í
Fjarðabyggð í apríl sl. undir
stjórn Sveins Kjartanssonar.
Með góðri kveðju, jyrir hönd
Kórs Fjarðabyggðar, Elma
Guðmundsdóttir.
Saga GV fæst í
Golfskálanum
Nokkuð hefur verið spurst fyrir
um bókina Saga Golfklúbbs
Vestmannaeyja í 70 ár, en bókin
kom út í sumar í tilefni af 70 ára
afmæli klúbbsins. Bókin, sem
að sjálfsögðu er hin ágaætasta
jólagjöf til golfáhugamanna, fæst
í Golfskálanum og kostar 5000
krónur.
Útgefandi: Eyjiisýii elif. 480278-0549 - Vcstmannacyjum. Bitetjóri: ðmar (iiinlaisson.
Blaðamemi: Guðbjörg Sigurgeii-silóttír og Júlíiis Ingason. íþróttír: Ellert Scheving.
Ábyrgðarmenn: ðniar (iaiöaisson & Gísli Valtýsson.
Prentvinna; Eyjasýn/ Eyjaprent. Vestniiinnaeyjuin. ASsetnr ritstjómar: Strandvegi 47.
SimaK 481 1300 & 481 3310. Myndriti: 481-1293. Netfang/rafpóstuK frettir@cyjafrettir.is.
Veffang: http/Avww.eyjafretti r. is
FRÉTi'itt konia ót alln fininitiidiigii. Blaðið er sclt í áskrift og eiiinig í lansasölu á Kletti,
Tvistinuni, Toppnnm, Vöruval, Herjólfi, ílnghafnarvei'sluninni, Krónunni, Isjakanuin,
veislun 11-11 og Skýlinu i Friðarhöfn.. FBÉTHR eru prentadar i 3000 eintökum.
FRÉ'iTiB eru aðilar ad Samtökum hæjar- og héraðsfréttablaða. Eftírpi'entun, hljóðritun,
notkiin ljósmynda og ánnað er óheimilt nema heimilda sé getið.