Fréttir - Eyjafréttir - 18.12.2008, Blaðsíða 25

Fréttir / Fimmtudagur 18. desember 2008
25
ina en verkefnið var nánast að búa
til fyrirtæki og viðskiptaáætlun fyrir
það.
Öm segir að sitt verkefni standi sér
nærri, hann bjó til viðskiptaáætlun
fyrir upplýsingamiðstöð í Vest-
mannaeyjum. „Þetta stendur mér
kannski svolítið nærri því ég hef
verið að sinna ferðamönnum á Nátt-
úrugripasafninu og hef fundið þörf
fyrir að taka upplýsingamál í Eyjum
fastari tökum. Fyrir það fyrsta hefur
upplýsingamiðstöðin verið svolítið
á reki undanfarin ár og vantað fastan
samastað. Með tilkomu Þekkingar-
seturs og þess húsnæðis sem á að
hýsa starfsemina, er upplagt að
koma fyrir myndarlegri upplýsinga-
miðstöð þar. Staðsetningin er góð,
niðri við smábátabryggjuna og vel
hægt að tengja þessa miðstöð við
starfsemi Þekkingarseturs og bryg-
gjulífsins. Þá vantar almennilegt
netkaffi í Eyjum sem ætti vel heima
þama og sömu leiðis minjagripaver-
slun. Þessi miðstöð yrði rekin með
aðkomu Vestmannaeyjabæjar og
Þek k i ngarsetu rs i n s. “
Ertu með nafn á fyrirtækinu?
„Já, en það var lengi að fæðast. Eg
var búinn að velta þessu fyrir mér
lengi hvað svona upplýsingamiðstöð
gæti heitið en svo kviknaði hug-
myndin einn morguninn þegar vekj-
araklukkan hringdi, Vissan."
Fenguð þið einkunn fyrir lokaverk-
efnið?
„Einkunnin fólst fyrst og fremst í
lófaklappi þegar búið var að kynna
viðskiptaáætlunina og ég held að ég
hafi fengið gott klapp. þannig að ég
er sáttur,“ sagði Örn að lokum.
Sigríður Stefánsdóttir:
Var sjálf að hefja
rekstur
Sigríður Stefánsdóttir fór á nám-
skeið Nýsköpunarmiðstöðvar en
hún hafði sama dag keypt fyrirtæki í
samfloti með Eygló Guðmunds-
dóttur, mágkonu sinni. Fyrirtækið,
Total flytur inn sápuskammtara sem
seldir em um allt land en höfuð-
stöðvarnar em í Vestmannaeyjum.
Signður segir að henni hafi fundist
námskeiðið eiga vel við þar sem hún
væri að fara út í fyrirtækjarekstur.
„Eg reyndar sá auglýsinguna aðeins
of seint, eða sama dag og við tókum
við Total þannig að ég missti af
fyrsta kennsludeginum. En ég var
svo ákveðin í að komast inn á
námskeiðið að ég hafði samband við
Frosta og þeir voru svo Ijúfir að
leyfa mér vera með. Mér fannst líka
sniðugt að á sama degi og við fórum
af stað sá ég auglýsinguna og fyrsti
kennsludagurinn kom upp á sama
degi. Ég hafði unnið í 27 ár hjá
sama fyrirtækinu áður en við flutt-
um út til Spánar og þó ég hafi unnið
lengi hjá þessu fyrirtæki þá hafði ég
enga reynslu af stjórnun eða rekstri
fyrirtækis. Þetta námskeið var eins
og sniðið fyrir mig.“
Hvemig unnu nemendur saman á
námskeiðinu?
„Við deildum upplýsingum okkar á
milli en verkefnin voru auðvitað
misjöfn eins og þau em mörg. Hins
vegar veitti þetta manni gott aðhald,
ég vildi auðvitað ekki mæta í tíma
óundirbúin og vildi frekar vaka nótt-
ina áður til að vera með eitthvað í
höndunum,“ segir Sigríður bros-
andi.
Hún keypti ásamt eiginmanni
sínum, Eyjamanninum Guðmundi
Guðmundssyni, íbúð á Heiðarveg-
inum í haust. Upphaflega hug-
myndin var að eiga þar afdrep í
heimsóknum til Vestmannaeyja og
átti að mála íbúðina eftir að hún var
keypt.
„En þegar við byrjuðum sáum við
að það var talsverð meiri vinna fyrir
höndum, við þurftum að rífa út eld-
húsinnréttinguna og skipta um
gólfefni. Svo þegar öllu þessu var
lokið þá var íbúðin orðin svo fín að
okkur fannst ómögulegt að láta hana
standa tóma stóran hluta ársins. Við
tókum því þá ákvörðun að prófa að
búa í Eyjum í eitt ár og sjá hvernig
okkur líkaði," sagði Sigríður.
Sjálf segist hún í fyrstu ekki hafa
getað hugsað sér að búa í Vest-
mannaeyjum enda fannst henni því
fylgja of mikil einangrun. „Aður
fyrr fannst mér það hræðileg til-
hugsun að komast ekki til Reykja-
víkur nema þegar öðrum hentaði að
flytja mig þangað. En eftir að hafa
búið erlendis þá sé ég að höfuðborg-
in er ekki nafli alheimsins. Ef
maður hefur eitthvað fyrir stafni þar
sem maður er, þá er tilgangslaust að
vera á einhverju flakki."
Sigríður vann að viðskipta- og
markaðsáætlun fyrir fyrirtæki sitt og
Eyglóar, Total, á námskeiðinu.
„Total er fyrirtæki sem var búið að
vera í fjölskyldunni en sá sem var
með fyrirtækið ætlaði að leggja það
niður. Okkur Eygló fannst þessar
vörur einfaldlega of góðar til að
hætta að selja þær á Islandi og við
ákváðum því að kaupa fyrirtækið.
Við flytjum inn sápuskammtara en
höfum bætt við tveimur vöru-
flokkum, speglum og klósettrúllu-
haldara með blaðagrind.
Meiningin er að bjóða síðar upp á
fleiri vöruflokka en vörur frá okkur
eru nú þegar seldar út um allt land.
Hér í Eyjum er Miðstöðin með
vörur frá okkur. Svo er hægt að
kaupa þetta í Alfaborg, Lena Bjerre
í Kópavogi, Sturta.is, Draumalandi í
Keflavík og svo var að bætast við
verslun á Isafirði. Við erum bæði að
selja þetta til einstaklinga og
sömuleiðis fyrirtækja og ætlum að
kynna þetta sérstaklega fyrir
hótelum á næstunni enda sjáum við
að svona skammtarar spari talsvert
fyrir þau. Við erum með póst-
verslun á netinu og reynum að flytja
vörurnar sjálfar enda fylgir mikill
kostnaður því að senda þær upp á
land. Svo erum við með lítinn lager
í Reykjavík sem við notum tals-
vert.“
Nú kaupið þið fyrirtækið á við-
sjárverðum tíma, bankahrunið kom
stuttu eftir það. Hefur það ekki sett
strik í reikninginn hjá ykkur?
„Já, viku eftir að við fórum af stað
hrundi allt. En við sluppum með
vörusendingu stuttu áður og áttum
því talsverðan lager. En við Eygló
erum bjartsýnar enda erum við með
auðseljanlega vöru. Við munum
nota viðskiptaáætlunina sem ég
vann á námskeiðinu í rekstri fyrir-
tækisins og svo sjáum við hvort það
gangi ekki eftir,“ sagði Sigríður að
lokum.
Anna Guðný Magnús-
dóttir Laxdal:
Ekki sinnt mark-
aðsmálum
Blaðamaður Frétta sá eina kynningu
nemenda en það var Anna Guðný
Magnúsdóttir Laxdal, saumakona,
sem var að kynna fyrirtæki sitt,
AGLaxdal. Anna Guðný sagði í
samtali við Fréttir að hún hefði ekki
sinnt rekstrinum sem skyldi.
„Ég stofnaði saumastofuna AG-
Laxdal vorið 2006 en hafði ekki
sinnt markaðsmálum af neinu viti.
Ég sá hins vegar auglýsingu um
Sóknarbraut og hugsaði með mér að
nú væri kominn tími til að læra að
reka fyrirtæki, fyrst ég var með eitt
slíkt á minni könnu. Sóknarbraut
var akkúrat það sem mig vantaði og
námskeiðið var alveg frábært. Ég
lærði alveg helling um allar hliðar á
rekstri fyrirtækja. Fyrirlesarar
fengu mig til að hugsa aðeins út
fyrir kassann en ég vissi ekki mikið
um viðskiptaáætlanir, markaðsáætl-
anir og þess háttar áður en ég byrj-
aði á námskeiðinu. Ég vissi hins
vegar að ef ég ætlaði að vera með
þennan rekstur áfram, yrði ég að
læra þetta.“
Hvernig fannst þér námskeiðið
ganga?
„Mér fannst umgjörð námskeiðsins
mjög góð, leiðbeinendur voru mjög
góðir og það var vel haldið utan um
okkur nemendurna. Frosti var
okkur alltaf innan handar og náms-
efnið hentaði mér mjög vel. Svo var
gott að vinna þetta í hópi því við
gátum skipst á skoðunum, fengið
aðra sýn á það sem við vorum að
gera og sem dæmi þá voru strákarnir
mjög duglegir að búa til slagorð
fyrir AGÉaxdal," segir Anna.
Hún segist sinna allri saumavinnu
á stofunni sinni, viðgerðum, breyt-
ingum og almennri saumavinnu.
„Eg hef líka verið með ákveðna
vöruflokka sem ég hef verið að
þróa, m.a. barnalínu sem saman-
stendur af vöggusettum, bílstóla-
pokum og flísfatnaði. Það sem mig
hefur vantað er að auglýsa þessar
vörur en þrátt fyrir það hefur þetta
gengið ágætlega. Svo hef ég líka
verið að þróa svokallaðan tækni-
fatnað en þá tek ég klassfskan tísku-
fatnað, þræði LED-ljós inn í
bróderingu þannig að fötin eru með
Ijósum. Mér var bent á að sækja um
styrk til að þróa þetta enn frekar í
sjóðinn Atvinnumál kvenna, sem ég
gerði og fékk styrkinn. Þannig að
vonandi verður þetta nýjasta tískan
innan skamms."
Hvernig sérðu svo framtíð
AGLaxdal fyrir þér?
„Núna er verið að vinna í því að
koma saumastofunni fyrir í eigin
húsnæði en ég ætla að innrétta bíl-
skúrinn hjá mér. En stefnan er fyrst
og fremst að skapa mér atvinnu og
hafa lífsviðurværi mitt af sauma-
stofunni."
Sísí gerði það gott í Knattspyrnuskóla Man United:
Eina stelpan í 38
manna úrvali
-sem valið var úr 20.000 nemendum skólans í sumar
Sigrfður Garðarsdóttir er 14 ára
Eyjamær en hefur þrátt fyrir ungan
aldur náð ótrúlegum árangri í
íþróttum. Og hún er ekki við eina
fjölina felld í þeim efnum því hún
stundar golf, knattspyrnu og hand-
bolta, hefur náð frábærum árangri
og unnið til fjölda verðlauna í
þessum þremur greinum. En
hápunkturinn var þó í haust þegar
hún var eina stúlkan sem valin var í
38 manna úrval af 20.000 krökkum
sem sóttu knattspymuskóla
Manchester United í sumar. Var
þeim boðið á framhaldsnámskeið í
nóvember og fengu þau m.a. að æfa
á sjálfum Old Trafford fyrir leik
Man U og Hull.
Sísí, eins og hún er venjulega
kölluð, er eitt sólskinsbros þegar
hún rifjar þetta upp með blaða-
manni en upphafið var þegar hún
fékk í fermingargjöf eina viku í
knattspymuskóla Man U. Það
gladdi Sísí mikið enda mikil
áhugakona um ensku knattspyrn-
una. Reyndar hélt hún með
Liverpool en það átti eðlilega eftir
að breytast. „Við fórum fjórar
stelpur og einn strákur héðan í
skólann í ágúst en í allt voru þetta
um 90 krakkar frá fslandi. Annars
voru þarna krakkar frá öllum lönd-
um,“ sagði Sísí sem var mjög
ánægð að hafa fengið þetta tækifæri
til að kynnast innviðum ensku
knattspymunnar.
„Þetta var alveg geggjað og við
æfðum alla dagana. Við fengum
ekki að hitta stjömurnar en sáum
einn leik hjá varaliðinu. Það var
mjög gaman.“
Alls voru þau um 200 og var æft
allan daginn en það sem Sísí vissi
ekki var að þau söfnuðu stigum
sem gefrn voru eftir hverja æfingu.
„Ég vissi ekkert af þessu fyrr en í
lokin en þá var tilkynnt að ég og
ítalskur strákur hefðum fengið flest
stig. Þetta hafði verið í gangi allt
sumarið en í allt voru þetta um
20.000 krakkar á aldrinum átta til
sextán ára sem voru í skóla
Manchester United í sumar. Við
vorum svo 38 sem vorum efst, 37
strákar og ég,“ sagði Sísí og Ijóm-
aði af stolti þegar hún sagði frá
þessu.
Það var svo í síðasta mánuði sem
hópurinn hittist í höfuðstöðvum
United á Old Trafford. „Þar tókum
við þátt í knattspyrnuþrautum í
æfingahúsi við Old Trafford. Það
var alveg frábært en mest var
gaman að fá að koma á aðalvöllinn
á Old Trafford. Það var á leiknum
á móti Hull. Við fengum að spila á
vellinum áður en liðin komu inn á
til að hita upp og leika okkur í
hálfleik. Þá var líka tilkynnt hvaða
þrír hefðu fengið flest stigin í
knattspymuskólanum."
Sísf var ekki í þeim hópi en það
eitt að hún skyldi hafa komist alla
leið, vakti mikla athygli að sögn
föður hennar, Garðars
Garðarssonar. „Það var eins og
enginn hefði reiknað með að stelpa
gæti náð þetta langt," sagði Garðar
stoltur af dótturinni.
A sjálfum leiknum sátu þau á
góðum stað aftan við annað markið
og urðu vitni að hörkuleik þar sem
United hafði sigur á Hull, 4:3. Ekki
náðu þau að tala við goðin sjálf en
Sísí segir að þetta hafi verið
ótrúlegt ævintýri. „Við fengum að
skoða allar aðstæður og þetta er
ekkert smá flottur völlur. Það var
líka æðislegt að sjá Ronaldo og alla
hina spila en þetta var í fyrsta skipti
sem ég fer á leik í ensku knatt-
spyrnunni," sagði þessi fyrrum
aðdáandi Liverpool. „Já, það er rétt,
ég hélt með Liverpool og Torres er
flottur en núna held ég að sjálf-
sögðu með Manchester og Ronaldo
er flottastur.“
Sísí slær ekki slöku við í íþrót-
tum. Þar síðustu helgi var hún á
landsliðsæfmgu í handbolta og
helgina þar á undan á æfingu með
knattspymulandsliðinu. Hún er
ekki ennþá búin að gera upp við sig
hvort handboltinn eða fótboltinn
eða jafnvel golfið verður ofan á.
„Ég veit ekki,“ sagði hún brosandi
þegar hún var spurð hvort fót-
boltinn yrði ekki fyrir valinu.
„Það kemur að því að hún verður
að velja,“ skaut pabbinn inn í. En
það er sama hvert valið verður,
þama koma IBV og Eyjamenn til
með að eiga glæsilegan fulltrúa
sem getur náð glæsilegum árangri.
í BÚNINGSKLEFANUM hjá goðunum. Krakkarnir fengu að fara um
allt svæðið og hér er Sísi við snagann hans Ronaldo sem hún segir
þann llottasta í boltanum i dag.