Fréttir - Eyjafréttir - 30.12.2008, Blaðsíða 2
2
Fréttir / Þriðjudagur 30. desember 2008
Drangavík VE komin heim eftir breytingar:
Gott skíp orðið enn betra
-segir Magnús skipstjóri sem er mjög ánægður með hvernig til tókst
Drangavík VE 80 kom til Vest-
mannaeyja á annan dag jóla eftir
miklar breytingar og endurbætur í
Gdansk í Póllandi. Skipið var smíð-
að í Portúgal 1991 og Vinnslustöðin
hefur gert það út síðan 1994.
Drangavík, sem er ísfiskveiðiskip,
hélt til Póllands þann 15. júlí sl. og
kom í heimahöfn rúmum fimm
mánuðum seinna.
„Ég er mjög ánægður með hvernig
til tókst með breytingar og lag-
færingar á skipinu. Verkið var
dálítið á eftir áætlun en hún er
komin og útkoman góð. Nú er verið
að setja í hana aðgerðarkerfi og gera
klárt. Við vonumst til að hún fari
betur með áhöfnina en áður og skili
betri afla í land,“ sagði Sigurgeir
Brynjar Kristgeirsson, fram-
kvæmdastjóri Vinnslustöðvarinnar.
Magnús Ríkarðsson, skipstjóri,
sigldi skipinu heim en hann hefur
verið skipstjóri á Drangavík síðan
1992. „Ég kom með Drangavíkina
nýja og það má segja að ég hafi
komið með hana nýja núna. Skipið
lofar góðu, við fengum brjálað
veður á leiðinni heim og það reynd-
ist vel,“ sagði Magnús en breytingin
á skipinu er mikil.
„Skipið var lengt um 3 metra, skipt
var um brú sem var sett á nýtt dekk,
og byggt yfir síðuna. Settur var
veltitankur í skipið, ný togspil og
stjórnbúnaður við þau. Ný skrúfu-
blöð og hringur, auk þess var sett ný
stýrisblaðka. Vinnsludekk var
endurnýjað og nýr vinnslubúnaður
frá Vélaverkstæðinu Þór settur í
skipið. Auk þess ný ískrapavél til
forkælingar á fiski, lestarkæling
endurnýjuð sem er spíralkæling í
stað blásturs. Nýr borðsalur er í
skipinu og eldhús og gólfefni í
öllum rýmum endumýjuð og þá var
ýmis rafeindabúnaður endumýjaður
í brú. Skipið var einnig sandblásið,
galvaníserað og málað."
Magnús sagði að upphaflega hafi
verið reiknað með að breytingarnar
tækju þrjá mánuði en verkið hafi
dregist og tekið fimm mánuði.
„Ólafur Friðriksson hjá Skipa-
lyftunni var yfir verkinu úti og ég og
Gunnar Jónsson, vélstjóri, vorum úti
í tvo mánuði. Guðni Ingvar
Guðnason, útgerðarstjóri Vinnslu-
stöðvarinnar bar síðan hitann og
þungann af verkinu í heild sinni,"
sagði Magnús en öll aðstaða um
borð batnar og stækkar til mikilla
muna. „Brúin er ný og þetta er
nánast eins og nýr vinnustaður.
Veltitankur róar hreyfingar skipsins
og það fer því betur með mannskap-
MÆTTUR á Verðandiafmælið Magnús lét sig ekki vanta á afmæli Verðandi á laugardaginn og hér er
hann á spjalli við Sindra Oskarsson, skipstjóra á Frá.
inn um borð og með nýjum tækja-
búnaði náum við að koma með betra
hráefni að landi.“
Drangavík fer væntanlega á sjó um
miðjan janúar en enn er eftir að
ljúka tengingum við togspil og
vinnu við millidekk er ekki lokið.
Sex manna áhöfn var um borð á
heimsiglingunni en slæmt veður
varð til þess að skipið náði ekki
heim fyrir jól. „Við áttum ekki von á
því að vera úti á sjó um jólin og
hefðum náð heim ef veðrið hefði
verið þokkalegt. Við reiknuðum
með að koma heim á aðfangadag en
fengum brjálað veður á leiðinni og
komum þar af leiðandi við í Dan-
mörku og stoppuðum þar í 16 tíma.
Við hefðum að sjálfsögðu viljað
vera heima með okkar fólki um
jólin."
Tíu skipverjar verða á Drangavík
sem er sami fjöldi og verið hefur.
„Kjaminn er sá sami og verið hefur
og nokkrir búnir að starfa saman í
yfir tuttugu ár. Ég er mjög ánægður
með hvernig tekist hefur til með
breytingamar á skipinu sem gerir
gott skip enn betra. Það tekur
ákveðinn tíma að fínstilla og læra á
nýjan tækjabúnað en menn eru
fljótir að aðlagast. Kvótastaðan hjá
okkur er góð og það verður spenn-
andi að halda á veiðar aftur.“
BÆTT AÐSTAÐA Vinnuaðstaða á dekki, millidekki og lest er
mun betri eftir breytingarnar. Magnús með Stefáni Halldórssyni
og Páli Grétarssyni.
Fráærir tónleikar
Einhverjir skemmtilegustu tónleikar ársins vom á sunnudaginn í
Safnaðarheimilinu þar sem hljómsveitin Mandal tróð upp með
íslensk og ensk jólakvæði og nýárskvæði. Áhersla var á lög
við kvæði séra Jóns Þorsteinssonar sem sennilega þjónaði í
Vestmannaeyjum á árinu 1611 og þar til hann var drepinn í
Tyrkjaráninu 1627. Segir í kynningar- og textabæklingi að hann
hafi verið eitt þekktasta skáld síns tíma. Orti hann auk sálma
rímur og Biblíusálma.
Mandal skipa Chris Foster og Bára Grímsdóttir úr dúóinu
Funa og Helga Jónsdóttir og Amór Hermannsson sem víða hafa
komið við í tónlistinni og eru m.a. í Hippabandinu. Öll em þau
þrautþjálfaðir tónlistarmenn sem í samstarfi við Þekkingarsetrið,
Sögusetur 1627 og Fandakirkju buðu upp á þessa tónleika gest-
um að kostnaðarlausu, góð jólagjöf það.
Vopnuð gítar, langspilum, lítilli hörpu og eigin röddum náðu
þau að gæða lífi allt að 400 ára gömul lög svo unun var á að
hlýða. Raddir þeirra féllu vel saman og þau eru með
hljóðfæraleikinn á hreinu. Útkoman var hreint frábærir tón-
leikar og vonandi eiga þau eftir að vinna meira saman á þessum
vettvangi
Arnór, Helga, Bára og Chris.
Hulda í Vatnsdal skrifar:
Vanþakk-
látt starf
Formenn Drífanda stéttarfélags
standa í sérkjarasamningum við
Vestmannaeyjabæ. Eru þeir tregir
í taumi samkvæmt venju. Það er
hrikalega vanþakklátt starf að að
vera formaður verkalýðsfélags.
Lykilatriðið til að ná árangri í
kjaramálum er að félagsmenn
standi þétt að baki formönnum
félagsins. Ég varð fyrir þeirri
lífsreynslu að mæta á fund í
Ráðhúsinu fyrir tveimur eða
þremur árum með yfirmönnum
bæjarins og formanni Drífanda.
Ég varð gersamlega miður mín
eftir þennan fund. Lítilsvirðingin
við formann Drífanda var með
ólíkindum.
Þegar við vorum á leið frá
ráðhúsinu spurði ég hann hvemig
hann gæti staðið í þessu. Hann
svaraði því til að þetta vendist
með tímanum. Þama gerði ég
mér ljóst að formenn Drífanda
eiga svo sannarlega skilið hvatn-
ingu og stuðning sinna félags-
manna.
Að lokum! Mér skilst að mikill
tími formanna félagsins fari í að
leiðrétta brot á kjarasamningum
við félagsmenn. Það kemur mér
ekki á óvart eftir tæplega sextán
ára starf hjá Vestmannaeyjabæ.
Hulda Sigurðard.
Tiíshjrfar 'KraíiÍMvóm 'Vesímunnaeijjum
mih.’ihiítyinny. /ntmétr,ijtmúírs/nj, 6f. ir.oo
Tlaal vtr&ur aí nlauha/aanaa fni tvtimur Hóéum,
arman vtýtr fn Shrfrif&a oy hins vtjar fni Siemsslóéum
7,ílttinjtr* (utém ríoéum íí
fnfst tvo f.I « 00. jiurMtja
Göngustyrkt-
arhlaupið
Hressó vill minna á Göngu-
styrktarhlaup til styrktar Krabba-
vörn í Vestmannaeyjum sem fer
fram á gamlársdag á vegum
Hressó kl.l 1.00.
Þetta er í annað árið sem þetta
er gert en í fyrra safnaðist um ein
milljón króna sem mnnu óskiptar
til Krabbavamar. Nú verða í boði
tvær leiðir, þar sem verður byrjað
við Stórhöfða og hins vegar við
Steinsstaði. Þátttakendur ganga
eða hlaupa síðan niður Höfðaveg,
lllugagötu, Hlíðarveg, inn
Strandveg og endað í Volcano
Café þar sem í boði verða veit-
ingar frá Volcano Café og Einsa
kalda.
Þátttökugjald er 1500 krónur og
við höfum leitað til fyrirtækja og
þau eru örlát á styrki. „Miklu
máli skiptir að allt styrktarfé og
þátttökugjald rennur óskipt til
Krabbavarnar sem er krabba-
meinsfélag í Vestmannaeyjum. I
fyrra safnaðist um ein milljón
króna og við vonumst eftir
svipaðri þátttöku og styrktarfé á
þessu ári,“ sagði Hafdís Kristj-
ánsdóttir sem hefur veg og vanda
af uppákomunni.
Skráning í göngustyrktarhlaupið
fer fram á Hressó í síma 481
1482.
ÍJtgefandi: Eyjasýn elif. 480^78-0549 - Yostmnnnaeyjuin. BitBtjóri; Óinar Garðarsson.
Blaðamenn: Gudbjörg Sigurgeii'sdóttir og Júlíns Ingason. Iþróttir: Ellert Scheving.
Ábyrgðarmenn: Ómar Garðarsson & Gísli Valtýsson.
Ibentvinna; Eyjasýn/ Eyjaprent. Vestniannaeyjiun. Aðsetnr ritstjómar: Strandvegi 47.
Simar: 481 1300 & 481 3310. Myndriti: 481-1393. Netfang/rafpóstnr frettir@eyjafrettir.is.
Veffang: bttp//www.evjafrettir. is
FRÉTTER koma út alla fimmtudaga. Blaðið er selt i óskrift og einnig í lansasölu á Ivletti,
Tvistinum, Toppnum, Vöruval, Ilcrjólfi, Flngbafnarversluninni, Krónunni, lsjakanum,
verslnn 11-11 og Skýlinu í Eriðarhöfn.. FRÉTHR eru prentaðar í 3000 eintökum.
FRÉTTLR eru aðilar að Samtökum bœjar- og hcraðsfréttablaðiu Eftirprenhin, hljóðritun,
notkun ljósmynda og annað er óheinúlt nenia beimilda sé getid.