Fréttir - Eyjafréttir - 30.12.2008, Blaðsíða 14
14
Fréttir / Þriðjudagur 30. desember 2008
HEIÐRAÐIR Bergur Páll, formaður ásamt Þórði Rafni, Bergvin, Ágústi og Grími.
Glæsileg afmælishátíð Verðandi
Skipstjóra- og stýrimannafélagið
Verðandi í Vestmannaeyjum hélt
upp á það á laugardaginn að þann
27. nóvember sl. voru 70 ár frá
stofnun félagsins. Afmælisveislan
fór fram í Höllinni þar sem mikið
var um dýrðir og voru nokkrir
heiðraðir við það tækifæri.
Stofnendur voru 60 talsins, allt
starfandi skipstjórnarmenn í Eyjum
en félagið var stofnað til að vinna
að byggingu vitans á Þrídröngum.
Bergur Páll Kristinsson, formaður
félagsins, var mjög ánægður með
hvernig til tókst á laugardags-
kvöldið. Bergur Páll heiðraði, fyrir
hönd félagsins, þá Þórð Rafn
Sigurðsson, útgerðarmann í Eyjum
fyrir sjávarútvegssafn sitt og Grím
Karlsson úr Njarðvík sem smíðað
hefur fjölda bátalíkana í gegnum
tíðina. Ágúst Bergsson, fyrrum
skipstjóri á Lóðsinum og líka oft
kenndur við Kap VE og Bergvin
Oddsson á Glófaxa VE voru gerðir
að heiðursfélögum.
Einnig var Björgvin Sigurjónsson,
hönnuður Björgvinsbeltisins
heiðraður. „Við fengum líka góða
heimsókn þegar Hilmar Snorrason,
skólastjóri Slysavarnaskóla sjó-
manna, mætti. Hann upplýsti að í
fyrsta skipti í mörg ár hefði enginn
sjómaður farist á íslenska skipa-
Botanum. Er vonandi að það hald-
ist þá daga sem eftir eru ársins,"
sagði Bergur sem afhenti skólanum
1 milljón að gjöf til tækjakaupa.
Veislan var á allan hátt mjög
glæsileg og hófst með margrétt-
uðum galdinner sem Einar Björn og
hans fólk galdraði fram. Tríkot lék
undir borðum en á eftir tróðu lista-
menn úr Reykjavík upp með
sýningar þar sem sómakonurnar
Janes Joplin og Tina Tumer voru í
aðalhlutverki. Einnig tróðu upp
Reiðmenn vindanna, með Helga
Björnsson fremstan meðal
jafningja."
Þessu lauk síðan með dansleik þar
sem SSSól lék fyrir dansi fram á
nótt. „Við getum ekki annað en
verið ánægðir því kvöldið heppn-
aðist í alla staði frábærlega og
verður öllum ógleymanlegt," sagði
Bergur Páll en í skemmtinefnd voru
Guðmundur Huginn Guðmundsson,
Birgir Þór Sverrisson, Gylfi Viðar
Guðmundsson, Gunnar Friðriksson,
Guðmundur Ingi Guðmundsson og
Sigurbjöm Árnason.
„Loks vil ég svo þakka gjafir og
kveðjur sem félaginu bárust," sagði
Bergur Páll að endingu.
ÞEIR voru lengi sanian á Vestmannaey VE, Guðmundur Alfreðsson, MYNDARLEG GJÖF Bergur Páll, formaður Verðandi, afhendir
Eyjólfur Pétursson og Birgir Þór Sverrisson. Hilmari, skólastjóra Slysavarnaskólans myndarlega gjöf.
EINAR á Kapinni var mættur með sitt fólk.