Hrund - 01.05.1967, Blaðsíða 19
Það er ekki alltaf tekið út með sæld-
inni að vera ljósmyndafyrirsæta. Því
starfi fyigir mikið erfíði og oft er
unnið við afleitar aðstæður. Þessar
myndir voru teknar fyrir u.þ.b. þremur
árum á norðurströnd Frakklands, á
Bretagne-skaga. Þar þurftu fyrirsæt-
urnar að sýna baðföt og sólföt í hunda-
kulda, roki og snjókomu. Þetta var
einhverntíma laust upp úr áramótun-
um og myndirnar voru ætlaðar fyrir
vorblöðin. Og auðvitað var þeim fyrir-
skipað að brosa og brosa eðlilega, rétt
eins og þær væru staddar í sólskininu
suður við Miðjarðarhaf. „Hversvegna
þeir fóru ekki heldur suður á bóginn
til þess að taka þessar myndir var mér
gersamlega óskiljanlegt," sagði María.
„A myndinni til vinstri tókst mér enn
að vera sæmilega styrk, en á hinni hafði
ég misst alla stjórn á mér, varirnar á
mér skulfu svo, að ég varð að taka
höndunum fyrir þær. Við grétum bók-
staflega af kulda og ein fékk lungna-
bólgu.“
Oðru sinni, u,þ.b. ári seinna, vorum
við í baðfatamyndatöku í Suður-Frakk-
landi í ámóta kulda og var okkur þá
skipað að synda. Ljósmyndarinn og
þeir, sem stjórnuðu myndatökunum
voru dúðaðir í þykka vetrarfrakka, með
trefla og hanzka, en okkur var ætlað
að stinga okkur í ískalt vatnið. Þá var
mér nóg boðið — ég sagðist ekki gera
þetta og fór. Þegar þeir kvörtuðu við
Dorian Leigh svaraði hún: „María er
reiðubúin að koma strax aftur, ef þið
fallizt á að vera líka í baðfötum við
myndatökurnar. Þeir viidu ekki ganga
að þessu og ég fór ekki aftur suður-
eftir.“
Ein af fyrstu tízkumyndum Maríu —
samkvæmiskjóll.
Glæsilegur og íburðarmikil! samkvæm-
iskjóll frá Pierre Balmain. Myndin er
tekin veturinn 1965.
19