Hrund - 01.06.1967, Blaðsíða 18
FRÚAR-
LEIKFIMI
Bára Magnúsdóttir
leiðbeinir
Kæru lesendur,
I síðasta blaði var ein góð magaæfing, sem ég vona, að ykkur hafi gengið vel að æfa og sem flestar
hafi tekið þátt í.
Við höldum áfram með magann að þessu sinni og tökum eina æfingu í viðbót. Hún er nokkuð erfiðari en
hin, sem á undan kom, og þið skuluð gera nokkrar fótsveiflur bæði á undan og á eftir æfingunni.
Þá eru fyrst fótsveiflurnar: Leggist beinar á bakið og sveiflið fótleggjunum rösklega upp, til skiptis
hægri og vinstri fæti. Mynd I. Gætið þess vel, að fætur séu beinir, og varist einkum að beygja fótinn,
sem er í gólfi.
Þetta skuluð þið gera nokkrum sinnum, og liggið ekki á liði ykkar, því að æfingin hitar ykkur upp fyrir
magaæfinguna og grennir, stinnir og fegrar fótleggi og læri.
Nú komum við að magaæfingunni:
1. Leggist beinar á bakið. Sveiflið hægri
fæti rösklega upp, en gætið þess að hafa
fótinn beinan, sem er í gólfi. Mynd 1.
Síðan látið þið hægri fótinn síga niður
og lyftið vinstri fæti á móti, þannig að
fæturnir mætist á miðri leið. Mynd 2;
hægri fótur fer í gólf, en vinstri fótur
sveiflast áfram upp og síðan í gólf. Þá
byrjið þið aftur, nú með vinstri fæti, og
gerið eins: sveifla, mætast, sveifla, niður.
Þessa æfingu skuluð þið gera fjórum
sinnum til að byrja með og smám saman
auka við eftir getu.
Magaæfingunum skal raða þannig
niður, að byrjað sé á æfingunni, sem var
í síðasta blaði, þá gerið þið fótsveiflut og
magaæfinguna, sem við fjöllum um í
þessu blaði, og að lokum fótsveiflurnar
aftur.
Nú snúum við okkur að barminum:
1. Gerið þessa æfingu helzt fyrir framan spegil. Haldið með hægri
hendi um vinstri upphandlegg og með vinstri hendi um hægri upp-
handlegg. Gætið þess að halda handleggjum í axlarhæð. Athugið
mynd 3.
Gerið síðan snöggar hreyfingar þannig, að þið þrýstið handleggj-
unum saman. Haldið bakinu vel beinu.
Gerið æfinguna fyrst með jöfnum hraða þannig: „kreppa, slappa''
og teljið 1-2, 1-2.
Skiptið yfir þannig, að vinstri handleggur leggist yfir þann hægri.
Gerið æfinguna fyrst fjórum sinnum báðum megin.
Síðan breytið þið til og gerið æfinguna nú þannig, að þið kreppið
og teljið upp að fjórum áður en þið slappið af. Það verður þá: „kreppa
1-2-3-4 slaka." Gerið þetta einnig fjórum sinnum báðum megin.
Gerið æfingarnar samvizkusamlega í fjórar vikur og þið munuð
sannfærast um gildi þeirra!