Hrund - 01.07.1967, Blaðsíða 3
FRÁ
OTGEFANDA
Allt frá byrjun, og þó einkum síðustu vikur, höfum við fengið fjölda bréfa frá lesendum, þar
sem þeir láta í Ijós álit sitt á blaðinu, koma með ráðleggingar, hrósyrði og gagnrýni. Einnig höfum
við sjálf haft samband við lesendur og leitað álits þeirra. Náið samband við lesendur er nauð-
synlegt hverju blaði, heldur því lifandi og forðar því frá stöðnun.
Margar óskir og margvíslegar hafa komið fram, því að sitt sýnist hverjum hér sem annars
staðar. Margar hafa beðið um framhaldssögu og sú ósk rætist í þessu blaði með sögunni Leik-
brúðurnar sjö, sem mun birtast í þrem næstu blöðum auk þessa.Handavinnu vilja flestar konur,
og munum við ekki vanrækja hana framvegis. Nýstárlegar mataruppskriftir frá ýmsum löndum
heims munu birtast í næstu blöðum, auk þess sem þegar hefur verið hafinn undirbúningur að
aukablaði um matreiðslu, sem mun væntanlega koma út fyrir jól. Anna Guðmundsdóttir, hús-
mæðrakennari, annast ritstjórn þess blaðs. Fleiri aukablöð um ýms efni munu fylgja í kjölfarið
Tilgangurinn með útgáfu þessara aukablaða er sá, að festa ekki HRUND um of í formi, en gefa
okkur frjálsari hendur um efnisval.
Nokkrar konur hafa gagnrýnt okkur fyrir of ríkulegar myndskreytingar. Einkum hefur verið
bent á greinar okkar um þær Maríu og Gerði (HRUND 2 og 3). Því er til að svara, að oft segja
myndir meira en ótal orð; hvernig er unnt að lýsa Maríu sem Ijósmyndafyrirsætu og listferli
Gerðar, án þess að nota þá tækni, sem fyrir hendi er til myndprentunar? HRUND hefur þann
kost fram yfir önnur íslenzk blöð, að blaðið er prentað með prentaðferð, sem gefur mjög góða
möguleika til myndprentunar. Engu að síður verður að stilla myndskreytingum í hóf, og það
mun verða gert.
i þessu tölublaði HRUNDAR er m.a. fjallað um vandamál í samskiptum foreldra og unglinga.
Blaðakona HRUNDAR, Silja Aðalsteinsdóttir, tók þessa grein saman. Hún fór á stúfana, ræddi
bæði við fulltrúa foreldra og unglinga af báðum kynjum og reyndi að fá hreinskilin svör.
Nýlega fréttum við að skáldið Þorsteinn Valdimarsson hefði ort Ijóð og samið lag til ungrar
vinkonu sinnar. Okkur fannst það fallegt, og Pétur Þorsteinsson, Ijósmyndari, tók skemmtilega
mynd af skáldi og þarni.
Nini Björnsson er ung stúlka, sem býr í París og hefur lagt stund á teikninám. Hún var nýlega
á ferð hér heima og talaðist svo til, að hún sendi okkur efni frá París öðru hverju. Hún sótti tízku-
sýningar helztu tízkuhúsa Parísar í lok júlí og sendi okkur stutta frásögn og myndir, sem hún
teiknaði sjálf.
Næsta tölublað HRUNDAR kemur út í september, blaðið verður stækkað töluvert og fjöl-
breytni aukin.
MÁNAÐARLEGT KVENNABLAÐ - ÚTGEFANDI: HANDBÆKUR H.F
Ritstjóri: Margrét R. Bjarnason, ábm. - Framkvæmdastjóri: Einar Sveinsson. - Blaöamaöur: Silja Aöalsteinsdóttir.
Hönnun: Peter Behrens - Filmusett og offsetprentaö i Lithoprent hf. - Prentun á útsiðum:
Myndprent hf. - Myndamót fyrir litprentun: Litróf hf. - Ritstjórnarskrifstofa: Lindargötu 48, simi 19645. - Sölu og
auglýsingaskrifstofa: Tjarnargötu 14, sími 19400. - Verö: í lausasolu kr. 65.00, í áskrift kr. 55.00, greitt fjóröa hvern
mánuð. Söluskattur innifalinn.
EFNISYFIRLIT:
6 Audrey Hepburn
Eftir Henry Gris. Frá U.P.I. með einkarétti
á íslandi.
12 Leikbrúðurnar sjö
Framhaldssaga eftir Paul Gallico.
Teikning; Einar Hákonarson.
Silja Aðalsteinsdóttir þýddi.
14 Hver eru helztu ágreiningsmál foreldra og
unglinga ?
Texti: Silja Aðalsteinsdóttir.
Teikningar: Sigurður Örn Brynjólfsson.
18 París, 28. 7. ’67
Texti og myndir: Nini Björnsson.
20 Hann grciddi þcim lokka svo létt, svo létt...
Texti: Silja Aðalsteinsdóttir.
22 Skáldið og barnið
24 Sitt lítið af Aröbum og matarsiðum þeirra
Texti: Silja Aðalsteinsdóttir.
26 Velmegunarmein
Vigdís Jónsdóttir, skólastjóri, skrifar.
27 Búum heimilin okkar hlýlegum Ijósum
Helga Egilsson leiðbeinir.
28 Ég elska þig
29 Frúarleikfimi
Bára Magnúsdóttir sýnir og leiðbeinir.
Ljósmyndir: Lars Björk.
31 Hvað segja stjörnurnar ?
32 Uppi í skýjunum ...
Eftir Michael Caine.
34 Barnatízka
38 Þegar barnið er frábrugðið . ..
Eftir Maríu Eiríksdóttur.
40 Tízka hinnar ungu Evu
Ljósmyndir: Óli Páll.
42 I næsta blaði
FORSÍÐUMYNDIN
Forsíðumyndin að |x'ssu sinni er af Sigríði
Garðarsdóttur. Sigríður er tuttugu og tvcggja
ára, hcfur gagnfrxðapróf frá Akrancsi og var
cinn vctur á Húsmxðraskóla Rcykjavikur.
Hún vinnur nú í Herrabúðinni í Austurstrxti
LJÓSM. OLAI l'R K. MAGNÚSSON
3