Hrund - 01.09.1967, Blaðsíða 35

og oft verið mjög ánægð með framkomu
þeirra og hvað þeir hafa gert fyrir þessar þjóðir.
En í Aden hafa þeir af litlu að státa. Eg nánast
skammaðist mín og hraðaði mér á brott þaðan
sem fyrst.
Aður en leiðir okkar skildu, lagði frú Wilkie
ríka áherzlu á það við mig að láta ekki hjá
líða að líta inn til Elizabeth Arden fyrir-
tækisins í London, ef ég væri þar á ferð. Eg
þakkaði auðvitað gott boð en þóttist þess
fullviss, að það yrði löngu gleymt, áður en ég
ætti þess kost að þiggja það.
En það fór á annan veg- og nokkrum vikum
seinna hittumst við aftur í London. Því miður
höfðum við aðeins skamman tíma til umráða
svo að ekki var unnt að skoða verksmiðjur
fyrirtækisins. Hinsvegar sýndi frú Wilkie mér
skrifstofurnar, sölumiðstöð og skóla, þar sem
stúlkur voru þjálfaðar í meðferð og sölu á
snyrtivörum fyrirtækisins. Síðan skoðuðum
við snyrtistofnun Elizabeth Arden, sem er til
húsa við Gamla Bond Stræti númer 25, rétt
þar sem Gamla Bond Stræti tekur við af Nýja
Bond stræti.
Við dyrnar stóð miðaldra dyravörður með
gyllta hnappa og hvíta húfu og vísaði við-
skiptavinum veginn að þessu undarlega völ-
undarhúsi.
Það lét ekki mikið yfir sér utan frá séð og
virtist ekki stórt, - en reyndist býsna drjúgt er
inn kom, fimm hæðir og mikill fjöldi herbergja.
Innréttingar allar voru mjög hlýlegar og allt
virtist miða að því að skapa notalegt andrúms-
loft. Teppi á gólfum, rósótt eða mynztruð
veggfóður, gamaldags húsgögn, mjög þægileg,
og fornir skrautmunir. Hvarvetna ríkti ró og
friður, og þegar maður var kominn inn í eitt
af herbergjunum, sem flest voru mjög lítil,
heyrðist ekkert hljóð utanfrá. Þetta virtist sem
sagt æskilegasti staður til þess að láta líða úr
sér þreytu og gleyma ys og áhyggjum lífsins
úti fyrir.
Byrjaði maður dvölina á efstu hæð hússins
og héldi áfram niður, hafði maður fengið
allsherjar yfirferð, frá tám og upp á topp, ef svo
mætti segja, og það fyrir aðeins um sex
sterlingspund. Á efstu hæð var svokölluð æf-
inga- og hressingardeild. Þar gat að líta gufu-
böð, rök og þurr, leikfimisal, nuddstofur og
böð, sem mér skildist að væru mjög heppileg
fyrir gigtveika. Á næstu hæð var hárgreiðslu-
stofan, þar sem hægt var að fá bæði venjulega
hárgreiðslu, klippingu, litun, premanent og
þar fram eftir götunum, en einnig var þar veitt
sérstakt nudd fyrir hársvörðinn og með-
höndlaðir ýmiss konar hársjúkdómar.
Á þessari sömu hæð var deild fótasérfræð-
inga. Var gerður glöggur greinarmunur á
„pedicure," sem er aðeins fótsnyrting, gert
að nöglum og svo framvegis, og „chiropody,“
þar sem fæturnir fengu ítarlegri meðferð,
m.a. nudd og fjarlægð líkþorn og hart skinn
og þar fram eftir götunum.
Enn höldum við áfram, niður á 3ju hæð
og komum í andlitssnyrtideildina. Þar starfa
átján stúlkur að því að fegra og snyrta við-
skiptavinina á allan hugsanlegan hátt, m.a.
með nuddi, vaxböðum, ljósum, kremböðum
og þess háttar. - og loks málningu. Ætli maður
á dansleik eða aðra meiri háttar skemmtun og
vill vanda málninguna alveg sérstaklega, er
hægt að bregða sér til Elizabeth Arden,
staldra þar við í klukkustund og koma þaðan
út aftur með fyrsta flokks málningu í stíl við
klæðnaðinn og tilefnið. Ennfremur tekur
stofnunin við sjúklingum, sem hafa fengið
húðsjúkdóma, skurði eða ör á andlitið eða á
annan hátt hlotið andlitslýti. Læknar senda
sjúklingana til Elizabeth Arden og þar er
þeim kennt, hvernig þeir geti gert þessi
andlitslýti minna áberandi. Stúlkurnar sögðu
þennan þátt starfsins hvað skemmtilegastan -
„það er mjög þakklátt verk að hjálpa þessu
fólki, maður finnur hvernig sjálfstraust þess
vex.“
Á annarri hæð eru móttökuherbergi og
afgreiðsla og þar gat að líta sýnishorn af ýmiss
konar klæðnaði, sem hægt var að panta fyrir
milligöngu Elizabeth Arden, m.a. náttkjóla,
síðdegis - og kvöldkjóla.
Að loknum erindum á afgreiðslunni er um
tvær leiðir að velja út úr húsinu. Önnur er
sú er fyrst var getið, framhjá dyraverði með
gyllta hnappa — hin liggur gegnum verzlun
Elizabeth Arden þar sem sáraauðvelt er fyrir
hverja venjulega manneskju að tæma budduna
sína á örskammri stundu - ekki sízt þegar hún
er nýkomin úr höndunum á snyrtistúlkunum
uppi og hefur sannreynt, að með þessum
varningi er hægt að gera - ja, allt að því krafta-
verk, sé rétt á haldið.
35