Hrund - 01.09.1967, Blaðsíða 52
HVERNIG
LÝSA
STJÖRNURNAR
ÞÉR?
LJONS-
MERKIÐ
21. júlí — 21. ágúst
Meginregla: Settu ekki öll eggin þín i
eina körfu.
Heppileg störf: Leiklist og stjórnmál.
Helztu einkenni: Sjálfstæði, þróttur,
hreinskilni og sjálfstraust.
Bezti eiginmaður: Ástríkur, umburöarlyndur
og umfram allt
stjórnsamur.
Bezta eiginkona: Kvenleg, sem treystir
fullkomlega á þig og gerir
aldrei neitt rangt.
Stjörnurnar ráða: Mæna, hryggur og hjarta.
Litir Ijónsins eru gult. appelsínugult, rautt og
gyllt.
Tala Ijónsins er einn.
Gimsteinar Ijónsins eru demantar og rúbínar.
Sunnudagur er sá dagur. sem venjulega er
tengdur merki Ijónsins.
JÁKVÆÐIR Þú ert gædd meira þreki og lífsorku en annað fólk, bæði líkamlega og andlega. Þú ert metnað-
EIGINLEIKAR: argjörn og afar örugg með sjálfa þig. Þú ert áhrifamikil og gegnir jafnan háum embættum,
þó svo að þú hafir enga sérstæða hæfileika. Ef þú, auk þessa, hefur til að bera ágætar gáfur.
muntu komast langt. Ef þú ert staðföst, verður þú ekki eingöngu formaður að nafninu til,
heldur góður foringi, sem hefur bætandi áhrif á aðra.
Þú ert ákveðin í hugsun og gerðum. Þegar þú hefur ákveðið þig, getur ekkert stöðvað þig.
Þú ert venjulega sannfærð um réttmæti gerða þinna og ákvarðana, en stundum gæti verið
gott að endurskoða þær frá annarra sjónarhóli. Þú hefur kannski ekki alltaf rétt fyrir þér og
mátt gæta þin að kúga ekki aðra.
NEIKVÆÐIR Hrokinn er þín veika hlið. Oft hefurðu of mikið álit á sjálfri þér og ofmetnaður þinn gæti aflað
EIGINLEIKAR: þér óvinsælda. Yfirborðið hefur oft meiri áhrif á þig en raunverulegt gildi hlutanna.
Þótt þú sért góðgjörn. hjálpsöm og oft mjög ástrík, eyðileggur þú stundum þessa eiginleika
þína með ópolandi eigingirni og stjórnsemi. Þú átt bágt með að líta á annað fólk sem jafningja
og fælir frá þér þá. sem einnig vilja vera sjálfstæðir.
Oft safnar þú um þig hirð aðdáenda til að sýnast fyrir öðrum. Þú vilt vera miðsviðs og lætur
fólk ekki gleyma því. Reyndu að temja þér meira raunsæi.
SKAPGERÐ
I framkomu ertu höfðingleg
og vekur virðingu manna.
Margir mestu leiðtogar
mannkynsins eru fæddir
undir þessu merki. Þú og
þínir líkar mynda kjarna
hvers þjóðfélags.
Þú ert hugrökk og örlát,
góðgjörn og stórlynd. Þú
ert bráðþroska og snýst
jafnan gegn hverjum vanda
með oddi og egg. Ljónið
er merki íþrótta, skemmtana
og alls kyns ánægju, og
hefur þú yndi af hvers kyns
tilbreytingu á þeim sviðum.
Að eðlisfari ertu áreiðanleg
og stjórnsöm. Þú vilt alltaf
vera í fararbroddi, vera
foringi, því að þú veizt, að
þú hefur til þess góða
hæfileika.
Þú ert hreinskilin, víðsýn
og réttlát, en þú hefur afar
ákveðnar skoðanir og getur
verið mjög þrjósk. Þú ert
stundum uppstökk, en fljót
að jafna þig aftur.
Þú ert fædd leikkona, á
því er enginn vafi, og hefur
einnig Ijóðræna hæfileika.
Þú annt fegurð og skrauti.
Aðrir komast fljótt að raun
um, að þú ert mjög veik
fyrir fagurgala - jafnvel
oflofi - þar sem þú finnur
svo mjög til yfirburða
þinna. Þó ertu ekki hégóm-
leg. Hrós getur hjálpað til
að sannfæra þig, en það
getur ekki rekið þig til að
gera neitt. Þú þolir illa að
fólk þrábiðji þig eða krefjist
einhvers af þér. Þó ertu að
vissu marki háð meðbræðr-
um þínum.
HEILSAN
Þú ert hraust og heilbrigð
yfirleitt. Þú ert að eðlisfari
iðin og áhugasöm við
vinnu og átt það til að taka
að þér verk, sem þú ert ekki
fær um að vinna.
Þú ættir að gæta þess að
ofreyna ekki hjarta og
hrygg. Þú ert næm fyrir
hjartasjúkdómum, slaga-
veiki og gigt, en jafnar þig
brátt eftir hver veikindi.
En þú ertslæmursjúklingur
meðan á veikindunum
stendur, vilt sífellt vera
á flakki.
Þú elskar lifið umfram allt
og verður gáskafullt gamal-
menni. Þú ættir að verða
langlif, ef þú gætir hófs í
mat og drykk.
Ljóns-konan er oft mjög
aðlaðandi, ber sig vel og
er full af lífsfjöri. Bæði kyn
eru myndarleg og hafa
sérstaklega falleg augu.
Sumir eiga það þó til að
verða þunglamalegir með
aldrinum og of þreknir.
VINNAN
Bezt likar þér vinnan, ef þú
hefur ein með höndum alla
stjórn. Þú hefur lag á að
gefa fyrirskipanir, þú ert
blátt áfram og gagnrýnir af
hreinskilni, sem oft getur
verið móðgandi. En fólk,
sem vinnur undir þinni
stjórn, virðir þig og gerir
sitt bezta til að þóknast
þér. Þú átt gott með að
skilja mannlegt eðli og ert
vel greind.
Þú ert stolt og tekur illa
ósigrum. Öll þjónustuvinna
er þér á móti skapi. Þú
hefur mikla ábyrgðartilfinn-
ingu og þolir ekki óréttlæti.
Oft ertu listræn og hefur
sköpunarhæfileika, sem
einkum njóta sin í sam-
bandi við leiklist.
PENINGAR
Þú ert að eðlisfari eyðslu-
söm, en einnig dauð-
hrædd við fátækt. Þú vilt
eiga næga peninga og
hefur bæði gáfur og stefnu-
festu til að afla þeirra. Oft
verður þú efnuð á unga
aldri og þarft þá ekki-að
hafa fjárhagsáhyggjur
framar. En þú ættir að gæta
þín að eyða ekki of miklu
til að sýnast fyrir náung-
anum. Þú hefur mikla
ánægju af að gefa dýrar
gjafir.
HEIMILIÐ
Gott heimilislif er þér mikils
virði; þú þarfnast staðar,
þar sem þú getur hvílzt.
Þú vilt ráða á heimilinu og
láta aðra fjölskyldumeðlimi
lita upp til þin.
Þú ert góður gestgjafi og
hefur gaman af að bjóða
fólki heim. En þú vilt velja
gesti þína sjálf. Þú kannt
þá list að láta fólki líða vel.
Heimili þitt er mjög fallegt,
ef þú á annað borð hefur
efni á að prýða það.
VINÁTTA
Þú ert vinsæl og átt marga
vini. Þú átt auðvelt með að
eignast vini og þá trygga.
Oft verða vinir þínir til þess
að hjálpa þér að komast
áfram.
Vinir þínir komast fljótt að
raun um það, að þú vilt
vera foringinn í hópnum
og láta taka mikið tillit til
þín. En þú átt mjög gott
með að umgangast fólk.
ÁSTIR
Þú getur elskað heitt - oft
jafnvel of heitt. Þótt þú
sért ihaldssöm á flestum
sviðum, er líklegt, að ástin
stígi þér til höfuðs. Innst
inni ertu viðkvæm og
rómantísk-og Ijóns-mað-
urinn gengst upp í riddara-
mennsku. Þú ert ekki
daðurgjörn og tekur ástar-
ævintýri alvarlega. Því
sama býstu við af hinum
aðilanum. Þú ert trygg í
ástum.
Maki þinn verður að
venjast því að sjá þig
miðdepil samkvæma og
gefa alla afbrýðisemi upp
á bátinn frá byrjun. Margar
konursjá í Ijóns-manninum
hinn fullkomna elskhuga,
hann er ástríðufullur, kröfu-
harður og áleitinn.
Ef þú velur rangan maka,
áttu afar bágt með að
viðurkenna það, og stolt
þitt bíður mikinn hnekki.
Þú ætlast til sömu tryggðar
hjá öðrum og þú sýnir
sjálf.
HJÓNABAND
Þú tekur hjónabandsheitið
mjög alvarlega og reynir af
fremsta megni að halda
það til æviloka - jafnvel
þótt þú finnir, að maki þinn
er ekki alls þessa verður.
Ástvinir þínir ættu að gera
sér grein fyrir þvi, að það
er ekki auðvelt að búa með
þér, en þú bætir það upp
með persónutöfrum þínum
og ástriki. Sá, sem gerir sér
far um að skilja þig og
umbera, fær ómak sitt ríku-
lega endurgoldið.
Eiginmaðurinn, fæddur i
þessu merki, er góður
heimilisfaðir. Hann vill að
kona hans og fjölskylda
séu virt í þjóðfélaginu og
gerir hvað hann getur til
þess að svo geti orðið.
Hann vill vera húsbóndi á
sinu heimili og þolir illa
virðingarleysi gagnvart sér.
Hann er rómantískur og
tilfinninganæmur, en vill
láta hlýða sér.
Honum finnst ekki orð á
gerandi, þótt hann eigi
sjálfur ástarævintýri utan
hjónabandsins, en mundi
hins vegar aldrei þola konu
sinni slíkt.
Eiginkona, fædd í þessu
merki, er góður maki. Hún
elskar heitt, er trygg og
samvinnuþýð. Hún er mjög
dugleg við allt, sem hún
tekur sér fyrir hendur, og
hugsar vel um útlit sitt.
Hún er fyrirmyndarkona
veraldarvönum og
metnaðargjörnum manni,
sem hefur efni á að láta
hana lifa og eyða pening-
um að vild.
Hún er tilfinninganæm og
hugsar afar vel um fjöl-
skyldu sína. Börn hænast
mjög að henni. En hún má
gæta þess að vera ekki of
ráðrík og sölsa undir sig
öll völd á heimilinu.
Börn, fædd í þessu merki,
eru fædd foringjaefni og
vilja ung stjórna öðrum
börnum í leik. Þau munu
gera allt til að vekja á sér
athygli, og verða foreldr-
arnir að reyna með skiln-
ingi og ástúðlegum aga að
venja þau af því.
Látið INNOXA vernda húðina
haldið húð yðar
mjúkri og ferskri
með hjálp INNOXA.
SpuiLSiitin
1 ('IIKA.M IDWDKIt
INNOXA dagkrem, næturkrem, hreinsikrem.
Einnig allt sem viðkemur augnsnyrtingu.
Veljið góðar snyrtivörur, veljið INNOXA