Hrund - 01.09.1967, Blaðsíða 53
HVERNIG
LÝSA
STJÖRNURNAR
ÞÉR?
MEYJAR-
MERKIÐ
22. ágúst — 22. september
Meginregla: Kemst þótt hægt fari.
Heppileg störf: Vísindastörf, kennsla,
bókhald, lyfjafræði,
læknisfræði.
Helztu einkenni: Iðni og trúmennska.
Bezti eiginmaður: Þolinmóður og hlédrægur.
Bezta eiginkona: Nægjusöm og háttvís.
Stjörnurnar ráða: Smáþarmar og kviðarhol.
Litir Meyjarinnar eru fjólublátt, blátt, gulgrænt
og dökkir, óræðir litir.
Tala Meyjarinnar er fimm.
Gimsteinar Meyjarinnar eru marmari, topaz og
aquamarine.
Sá vikudagur, sem venjulega er tengdur
Meynni, er þriðjudagur.
JÁKVÆÐIR Ef þú ert af sterkari gerð Meyjarinnar, vekur þú aðdáun og virðingu þeirra, sem þú umgengst.
EIGINLEIKAR: Hæfileikar þínir samlagast öllu því, sem krefst samvizkusemi, skynsemi og gagnrýni.
Þér tekst það, sem þú ætlar þér, vegna þess að þú gefst ekki upp, hversu langvinnt og erfitt
sem viðfangsefnið er. Þú ert hugvitsöm og brýtur þér hægt braut til frama og elju og áhuga.
Þú vinnur að friði í heiminum, því að þér leiðist ósamræmi, og ert því máttarstólpi hvers þjóð-
félags. Þinn hlutur er aldrei smár. Þú veizt af innsæi þínu hvað fólki er gott, ert hjálpsöm og
vilt þjóna dyggilega.
NEIKVÆÐIR Veikari gerð Meyjarinnar er varkár og feimin. Gagnrýni þín er oft of skörp. Þú getur verið
EIGINLEIKAR : munnhvöss við aðra, en átt bágt með að þolo ávítur sjálf. Fáir þola, að minnzt sé á galla þeirra,
því glataröu oft vinum þínum.
Þú getur verið smámunasöm. því að siðgæðiskennd þín er afar sterk. Mesti veikleiki þinn er
yfirdrepsskapur, þú sérð í gegnum fingur við sjálfa þig en ekki aðra. Þú hefur ofurást á hrein-
læti, en ert of önnum kafin við smámunina til að taka vel eftir því, sem meira máli skiptir.
Forðastu sjálfsmeðaumkun.
SKAPGERÐ
Höfuðþátturinn í skapgerð
þinni er hve hagsýn þú ert.
Það er ekkert tilviljana-
kennt við störf þín, þú ert
vísindalega nákvæm í öllu
því, sem þú tekur þér fyrir
hendur. Tilfinningar fá
engu breytt, ef skynsemi
þin hefur tekið ákvörðun.
Þú ert afar jarðbundin og
tekur mikið tillit til smá-
atriða. Gagnrýni þín særir
oftlega, þvi að þú hefur lag
á að hitta naglann á höfuð-
ið. Háttvísi er ekki þín
sterka hlið og þú átt erfitt
með að þroska hana með
þér.
Þú átt gott með að læra,
en þér leiðist að sitja lengi
yfir námsbókum. Þú hefur
áhuga á vísindum og vilt
hafa menntað fólk í kring-
um þig. Þú ert ekki hug-
sjónamanneskja né
ævintýrakona, en þú ert
trygg og heiðarleg. Þú ert
róleg og hæversk og hugs-
ar mjög vel um útlit þitt.
Þú hyggur að staðreyndum
í hverju máli og lætur þig
engu skipta hugmyndaflug
og ímyndanir. Þú íhugar
vandlega allar aðstæður,
áður en þú dregur ályktanir.
Þú hefur enga löngun til
að kanna leyndardóma
þessa lífs né annars.
Þú hefur góðan lista- og
bókmenntasmekk, en þig
skortir tilfinningu til að
skapa sjálf.
Þú ert venjulega skapgóð
og seinreitt til reiði, en ef
þú reiðist, ertu langrækin.
HEILSA
Þú ert venjulega heilsugóð
með afbrigðum — enda
veiztu, hvernig ber að lifa
lífinu skynsamlega. Þú
hræðist veikindi og gerir
mikið úr, ef eitthvað bjátar
á.
Þínar veiku hliðar
likamlega eru magi og
taugakerfi. Þú skalt borða
reglulega og gæta þannig
meltingarfæranna. Þú
þarfnast mikillar hvíldar,
rólegs umhverfis og ættir
að gera líkamsæfingar
reglulega.
Þú lítur vel út, ert vel vaxin
og hefur ákveðna andlits-
drætti. Meyjarkonur eru
oft fagrar á tómlegan og
kaldan hátt. Þú eldist seint
- ert ungleg lengi, en
gætir fitnað á efri árum.
VINNAN
Þú helgar þig starfi þínu,
ert stolt af því og heldur þvi
venjulega lengi. Þú kemur
þér vel við vinnuveitendur
þína og kemst langt með
eljusemi og áhuga.
I viðskiptum ættir þú að
hafa með þér annan aðila,
sem getur lagt til eidmóð
og hugrekki, þannig að
eiginleikar ykkar myndi
jafnvægi. Iðni þín og trú-
mennska gera þig ómiss-
andi vinnukraft, en þú vilt
ekki taka á þig of mikla
ábyrgð. Þú vekur sjaldan
öfund hjá fólki.
PENINGAR
Þú ert varkár í fjármálum
og hefur gott verzlunarvit.
Þú metur peninga mikils
og leitar stöðugt að nýjum
leiðum til að auðgast.
Varastu öll óheiðarleg við-
skipti — einn fugl i hendi
er betri en tveir á grein.
Þú ert ekki eyðslusöm,
hefur meiri áhuga á að
kaupa nauðsynjar en eyða
peningum í skemmtanir og
munað. Þú ert sjaldan
fædd til auðæfa en vinnur
þig oft upp.
HEIMILI
Þú ert ekki ráðrík á heimili
þinu, en þú vilt, að þar sé
allt i röð og reglu, hver
hlutur á sínum stað. Þú
stendur öruggan vörð um
velferð heimilis þins og
fjölskyldu.
Umhverfi þitt þarf að vera
rólegt, annað getur valdið
þér heilsutjóni. Þú hefur
gaman af tilbreytingu -
þykir gaman að flytja á
nýja staði. Það er í þér
vottur af flökkueðli.
Þú ert góður kokkur, en
hugsar stundum um of um,
hvað hollt er og hvað
óhollt. Heimili þitt er alltaf
lýtalaust.
VINÁTTA
Þú ert vandlát á val vina
og eignast fáa. Helzt viltu
eiga að kunningjum gáfað
fólk og framagjarnt. Þú ert
góður og hjálpsamur vinur,
en vilt að vinátta þin sé
metin að verðleikum og að
þér sé þakkaður hver greiði.
Þér er illa við einveru. Þú
vilt hafa fólk í kringum þig
og þráir viðurkenningu. Ein
ertu hjálparvana og finnst
þú vanrækt og yfirgefin.
ÁSTIR
Þú ert of hagsýn til að vera
rómantísk. En kuldi þinn
gagnvart hinu kyninu getur
gert þig enn girnilegri í
augum þess.
Sá, sem vinnur ást þína, á
auðvelt með að ráða yfir
þér, því er mikilvægt fyrir
þig að velja réttan mann.
Þó máttu ekki vera of vand -
lát í makavali.
Þú átt erfitt með að láta
tilfinningar þinar í Ijós,
virðist jafnvel skammast
þín fyrir þær stundum.
Einkalifi þinu viltu halda
fyrir þig. I rauninni ert þú
ástrik og ættir að sýna þá
hlið þina meira en þú
gerir.
Þú ert félagslynd og ættir
fyrst að byggja upp
vináttu, áður en ástin
kemur til sögunnar. Þú
gleymir því stundum, að
ást þarfnast skilnings en
þolir ekki gagnrýni.
Konur Meyjarmerkisins eru
sjaldan ástriðufullar og láta
ekki tilfinningarnar hlaupa
með sig í gönur.
HJÓNABAND
Þér finnst skynsamlegt að
vera hamingjusöm og
hagsýnt að giftast. Þú ert
tryggur maki og vel fallin
til heimilislifs. En þú ert
gagnrýnin og þrasgjörn og
átt oft erfitt með ákveða,
hvort þú átt að svara
játandi eða ekki. Stundum
verður þetta til þess að
ekkert verður úr giftingu.
Margir pipra, sem fæddir
eru í þessu merkí.
Þú átt ekki gott með að
gefa sjálfa þig.
Eiginmaðurinn, fæddur i
þessu merki, er sjaldan
ástríðufullur maki, en oft
daðurgjarn. Hannervenju-
lega vanafastur maður, sem
kvænist af þjóðfélagslegri
þörf. Oft á hann til nízku.
Hann sér vel um fjölskyldu
sína efnahagslega, en
hugsar litt um þægindi og
munað.
Eiginkonan, fædd í
þessu merki, er að mörgu
leyti fullkomin. Hún lítur
oft á hjónabandið sem
viðskiptasamning og sér
afar vel um heimili sitt. En
oft er hún of gagnrýnin -
finnur að öllu - leiðist hin
vanabundnu störf og jagast
þá í sífellu. Hún má gæta
sín að vera ekki of sjálfselsk
og of ströng við börn sín.
Börn, fædd í þessu merki,
hafa oft áhyggjur af öllum
sköpuðum hlutum. Það
verður að kenna þeim að
greina á milli þess, sem
skiptir máli og þess, sem
engu máli skiptir. Það á að
hvetja þau til að ganga
menntaveginn.
Hunon mocuLEiKR cefur
mmi I HBPPDRŒIII SfBS
III1B2B0 UinmnCSHRFR :
Brjóstnála
Hálsmen
Lyklahringar
Viðhengi
Bókahnífar
Bókamerkf
Jeskeiðar o.fl.
Ár silfri með
stjörnumcrkjurn
fást i skartgripa
verzluninni
'Skólavörðustíg 21