Hrund - 01.12.1967, Blaðsíða 47
Hvers vegna skyldu jólagjaf-
irnar alltaf vera dýrar?
Nú fást í skóverzlunum margar tegundir vatnsstígvéla, sem eru ekki
mjög dýr. Ef þú kaupir til dæmis hvít stígvél og þrykkir blómamynd á
utanverðan legginn, er komin tilvalin gjöf handa litlu systur.
5
Hvernig væri að senda nýkvæntum bróður þínum, sem barnsins vegna
kemst aldrei út með konunni sinni, jólakort, þar sem þú býðst til að sitja
yfir barninu fyrir þau nokkur kvöld í vetur. Það væri þeim áreiðanlega
kærkomin jólagjöf.
6
Maður á aldrei nóg af sleifum og öðrum tréáhöldum. Bindið nokkur
saman með rauðum silkiborða og þar er komin fyrirtaks jólagjöf.
7
I blómabúðum bæjarins fást blómapottahlífar úr plasti eða öðru efni.
I slíka hlíf mætti setja sherryflösku, raða saltkexi og kringlum umhverfis
og binda silkislaufu á flöskuhálsinn. Þar er komin prýðileg jólagjöf.
Nú nálgast jólin óðum og við þurfurn að fara að huga að jólagjöfunum.
Og þá er spurningin, hvernig eigum við að láta launin endast fyrir öllu
því sem kaupa þarf. Væri nú ekki ráð á þessum síðustu og verstu tímum
að draga úr fjárútlátunum og reyna því meira að beita hugmyndafluginu
til þess að finna skemmtilegar ódýrar gjafir. Hér eru nokkrar uppástungur
um það, hvernig hægt er að útbúa skemmtilegar jólagjafir án mikils
tilkostnaðar: Kannski getið þið notað einhverja þeirra - eða þær minni
ykkur á eitt og annað, sem þið eigið sjálfar í fórum ykkar og gætuð búið
til úr eitthvað skemmtilegt.
1 Hvernig væri til dæmis að gefa systur þinni eða góðri vinkonu nýja
kokkabók í jólagjöf? Ekki þó bók, sem þú kaupir dýru verði í bóka-
verzlunum, heldur skaltu búa hana til sjálf. Til dæmis gætirðu keypt
venjulega stílabók, klætt hana vatnsheldum pappir eða plastefni, sem
þolir bæði vatn og fitu og síðan skrifarðu inn í bókina helztu eftirlætis-
réttina þína, sem þú hefur hingað til haldið fast í. Það má nota mismunandi
litt blek til þess að gera bókina sem líflegasta.
2 Kannski áttu niðri í kjallara litla gamla strákörfu, sem þú ert löngu hætt
að nota. Þessa körfu mætti mála með rauðum olíulit fylla hana síðan
kryddkrukkum ýmis konar og binda græna eða hvíta slaufa um hand-
fangið. Þær, sem vinna eldhússtörfin mundu áreiðanlega kunna að meta
slíka gjöf.
3 Ef þú ert ekki búin að fleygja aðventukransinum frá í fyrra, skaltu binda
á hann heimatilbúið sælgæti, vafíð í skrautlegan pappír, þannig að varla
sjái í grenið sjálft, stinga síðan fjórum kertum í hann og sannaðu til,
að hann er boðlegur hverjum, sem er.
47