Fréttablaðið - 14.02.2013, Blaðsíða 16

14. febrúar 2013 FIMMTUDAGUR| FRÉTTIR VIÐSKIPTI | 16
Ótrúlegt
úrval íbúða til sölu
eða leigu!
STÆRSTI
HÚSNÆÐISVEFUR
LANDSINS
Viðskiptaráð hvatti til nýrrar
þjóðar sáttar um efnahagsmál á
árlegu Viðskiptaþingi sínu í gær.
Þá gaf ráðið út skýrslu sem nefnist
13 tillögur að aukinni hagkvæmni,
sem inniheldur hugmyndir ráðsins
um hvernig auka megi verðmæta-
sköpun á Íslandi.
„Stóru skilaboðin af þinginu
eru þau að við teljum vanta meiri
samstöðu um þær grunnstoðir sem
hægt er að byggja stefnu í efna-
hagsmálum á,“ segir Hregg viður
Jónsson, formaður Viðskipta-
ráðs, og heldur áfram: „Í ræðu
minni minntist ég á þjóðarsáttina
frá 1990 sem er eitthvert mesta
efnahagsafrek lýðveldisins. Með
henni tókst að binda enda á lang-
varandi óráðsíu í efnahagsmálum
þjóðarinnar. Við viljum sjá sams
konar samstöðu núna.“
Skýrsla Viðskiptaráðs er inn-
blásin af nýlegri skýrslu alþjóð-
lega ráðgjafarfyrirtækisins
McKinsey um hagvaxtarmögu-
leika Íslands. Segir Hreggviður að
skýrsla McKinsey sé góður grunn-
ur til að byggja á. Þá hrósar hann
stjórnvöldum fyrir að setja í kjöl-
farið á fót samráðsvettvang um
aukna hagsæld en á vettvanginum
eiga sæti fulltrúar stjórnmála-
flokkanna, helstu hagsmunasam-
taka, atvinnurekenda, háskólasam-
félagsins og stjórnsýslunnar.
Í skýrslu Viðskiptaráðs eru
kynntar þrettán tillögur sem ráðið
telur geta stuðlað að aukinni verð-
mætasköpun á Íslandi. Byggja
tillögurnar á þeim skilaboðum
McKinsey að hagvöxtur eigi að
byggja á aukinni skilvirkni í inn-
lendri þjónustu, hámörkun á virði
takmarkaðra auðlinda og alþjóð-
lega samkeppnishæfu viðskipta-
umhverfi.
Meðal tillagnanna má í fyrsta
lagi nefna að fjárfesting verði aukin
í innviðum ferða þjónustunnar á
grundvelli markvissrar gjaldtöku
á helstu ferðamannastöðum.
Í öðru lagi telur Viðskiptaráð
rétt að afnema styrki og verndar-
tolla í landbúnaði og gefa heild-
söluverðlagningu landbúnaðar-
afurða frjálsa. Í þriðja lagi leggur
Viðskiptaráð til að grunn- og fram-
haldsskólanám verði stytt, fram-
lög til háskóla verði aukin og að
námsframboð verði samræmt
þörfum atvinnulífsins.
Þá hvetur Viðskiptaráð til víð-
tækari gagnaöflunar Hag stofunnar
um íslenskt efnahagslíf, stofnunar
óháðs efnahagsráðs sem meti
efnahagsleg áhrif lagafrumvarpa
og að íslenskt lagaumhverfi verði
yfirfarið með það fyrir augum að
auðvelda nýsköpun og verðmæta-
sköpun fyrirtækja svo eitthvað sé
nefnt. magnusl@frettabladid.is
Viðskiptaráð kallar eftir
þjóðarsátt um betri lífskjör
Viðskiptaráð hélt í gær sitt árlega Viðskiptaþing og kynnti þar nýja skýrslu sem nefnist 13 tillögur að aukinni
hagkvæmni. Á þinginu var kallað eftir meiri samstöðu um markmið í efnahagsmálum og þá kynnti ráðið
fjölda tillagna um hvernig stuðla mætti að aukinni verðmætasköpun í íslensku efnahagslífi.
VIÐSKIPTAÞINGI Í GÆR Fram kom í ræðu Hreggviðs Jónssonar, formanns Viðskiptaráðs, að um 180 skýrslur hefðu komið út
um íslenskt efnahagslíf á síðustu árum. Því væru nægar tillögur til staðar en það sem skorti væru ákvarðanir og samstaða.
FRÉTTABLAÐIÐ/GVA
Auðlindatengd starfsemi
■ Aukin fjárfesting í innviðum ferðaþjónustunnar
■ Hagkvæmni ráði för í sjávarútvegi
■ Samkeppnishæft rekstrarumhverfi auðlindagreina
■ Skilvirkara og fjölbreyttara landbúnaðarkerfi
■ Allir kostir í orkunýtingu fullkannaðir
Alþjóðleg starfsemi
■ Samkeppnishæfari mannauður
■ Sátt um langtímastefnumörkun
■ Bætt fjárfestingarumhverfi fyrirtækja
■ Áhersla á bættar tengingar
Innlend þjónusta
■ Einfaldara umhverfi neysluskatta
■ Úrbætur á samkeppnisumhverfi innlendrar þjónustu
■ Aukin skilvirkni opinberrar þjónustu
■ Umfangsmeiri söfnun og birting hagtalna
Tillögur Viðskiptaráðs
Formenn stjórnmálaflokkanna ræddu möguleikana
á pólitískri samstöðu um efnahagsstefnu og tæki-
færi íslensks efnahagslífs á Viðskiptaþingi í gær.
■ „Mér líst vel á margt af því
sem segir í þessari skýrslu.
Þessi skýrsla fjallar ekki bara
um það að við þurfum að auka
hagkvæmni og framleiðni í
einkageiranum heldur líka í
opinbera geiranum. […] Getum
við náð saman á vettvangi
stjórnmálanna og milli okkar
og aðila vinnumarkaðarins?
Já, við höfum okkar eigin sögu
til vitnis um það. En því miður höfum við verið
föst í ágreiningi um stór mál. Við höfum til dæmis
deilt alltof mikið um það hvernig við ætlum að um-
gangast grunnatvinnuvegina. […] Við eigum ekki
að éta útsæðið og ráðast að grunnatvinnu vegunum
í stað þess að leyfa þeim að blómstra í friði.“
Bjarni Benediktsson,
formaður Sjálfstæðisflokksins
■ „Mér finnst þessar tillögur
góðar, margar þeirra eru eins
og skrifaðar upp úr stefnu
Samfylkingarinnar. Það er til
vitnis um það að við getum
náð mjög víðtækri samstöðu
um jákvæðar leiðir fram á
við. Hins vegar verðum við
að greina hlutina rétt. Ég hef
tekið eftir að bleiki fíllinn stóri
sem var ræddur mikið af Jóni
Sigurðssyni, forstjóra Össurar, hér á Viðskipta-
þingi fyrir ári síðan, gjaldmiðilinn, hefur ekki
verið ræddur hér í dag. […] Hvað er það sem tengir
svo mörg af þessum vandamálum? Of lítill útflutn-
ingur, lítill alþjóðlegur geiri, við vitum alveg hvert
rótarmeinið er.“
Árni Páll Árnason,
formaður Samfylkingarinnar
■ „Ég held að það sem skipti
sköpum fyrir Ísland á kom-
andi árum […] sé útflutnings-,
framleiðslu- og hugvitsdrifinn
hagvöxtur. Hann þarf að vera
fjölbreyttur, sjálfbær og jafn
en það sem við þurfum ekki
er skuldsettur bóluvöxtur sem
kann að líta fallega út á pappír
en endar í hruni.“
Steingrímur J. Sigfússon,
formaður Vinstri grænna
■ „Maður hefur oft heyrt spurt
af hverju geta stjórnmálamenn
ekki bara unnið saman að því
sem er augljóst […] en vanda-
málið er bara það að það eru
ekki allir Framsóknarmenn.
Þrátt fyrir allt hafa menn mjög
ólíkar skoðanir um hvað eigi
að gera og hugmyndafræðin til
vinstri og hægri er enn þá alltof
ríkjandi. […] Það þarf að fara að
líta á hvert og eitt úrlausnarefni meira út frá stað-
reyndum og rökum en verið hefur.“
Sigmundur Davíð Gunnlaugsson,
formaður Framsóknarflokksins
■ „Eftir að hafa prófað nokkra
flokka hef ég komist að þeirri
niðurstöðu að það sé full þörf
á pólitískri nýsköpun. […] Mér
finnst ég þó þurfa að eyða
ákveðnum misskilningi. Okkar
nálgun snýst ekki um að eyða
ágreiningi […]. Ég held að við
Sigmundur verðum alltaf mjög
mikið ósammála um ýmislegt
en við verðum að líta á það sem
kost. Við verðum að kunna að líta á okkur ólíku við-
horf, nálganir og reynslu sem kosti.“
Guðmundur Steingrímsson,
formaður Bjartrar framtíðar
Allir til í samráð en áherslurnar ólíkar
Alls voru 184 þúsund stykki af
falsaðri evrumynt gerð upptæk
í Evrópu á síðasta ári.
Þetta kemur fram í
tölum seðlabanka
Evrópu.
Þetta er ekki
óvenju mikið
en þó nokkru
meira en í
fyrra. Lang-
algengast er að
reynt sé að falsa
tveggja evru mynt,
en það eru um tveir
þriðju hlutar af heildinni.
Um 16,5 milljarðar af ófalsaðri
evrumynt eru í umferð þannig að
hlutfallið er um það bil ein fölsuð
mynt á móti 100.000 ófölsuðum.
Þá voru 513.000 falsaðir evr-
useðlar teknir úr umferð í fyrra.
- þj
Falsanir á evrusvæðinu:
Tugþúsundir
falsaðra mynta
Leiðtogar Evrópusambandsins
og Bandaríkjanna kynntu í gær
áform um fríverslunarsamning
sem yrði sá stærsti í sögunni.
„Bæði við og Bandaríkin
þurfum hagvöxt,“ sagði Jose
Manuel Barroso, forseti fram-
kvæmdastjórnar ESB, þegar
hann skýrði frá þessu í gær. „Og
bæði við og Bandaríkin eigum í
vandræðum með fjárlagagerð.“
Viðskipti milli Bandaríkjanna
og Evrópusambandsins nema nú
þegar tveimur milljörðum evra
á dag, eða nærri 350 milljörðum
króna. - gb
ESB og Bandaríkin:
Vilja samning
um fríverslun
JOSE MANUEL BARROSO Fram-
kvæmdastjóri Evrópusambandsins
skýrði frá áformunum. NORDICPHOTOS/AFP