Fréttablaðið - 25.04.2013, Page 26

25. apríl 2013 FIMMTUDAGURSKOÐUN
HALLDÓR
FRÁ DEGI
TIL DAGS
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is
MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
Framsóknarflokkurinn vill nú allt í einu
slá byggingu nýs Landspítala á frest í 4-6
ár. Þess í stað ætla framsóknarmenn að
setja 12-13 milljarða í Landspítalann „og
umhverfi hans“, gera við gamlar byggingar
á lóðinni og „byggja undir ný tæki“, hvað
sem það nú þýðir. Hér vitna ég í Vigdísi
Hauksdóttur á fundi með tannlæknum sl.
miðvikudag.
Hvað þýðir það að „gera ekki neitt“ í
byggingarmálum spítalans í 4-6 ár? Rekst-
ur LSH á 17 stöðum í borginni kostar auka-
lega 3 milljarða króna á ári. Frestun Fram-
sóknar mun þannig kosta ríkissjóð 12-18
milljarða króna í óþarfa rekstrarkostnað
á þessum tíma – frestunin þýðir í reynd að
henda þeim peningum út um gluggann!
Í áætlunum um byggingu nýs Landspít-
ala er reiknað með viðhaldi, niðurrifi og
endurnýjun eldri bygginga við Hringbraut
upp á 11-14 milljarða. Þær áætlanir byggja
á því að nýr spítali taki við sjúklingum og
starfsemi þannig að hægt sé að rýma þau
eldri og endurnýja þau. Framsókn vill setja
12-13 milljarða í umhverfi og viðgerðir á
eldri byggingum án þess að til staðar sé ný
bygging til að taka á móti sjúklingunum á
meðan. Það er ljóst að gömlu byggingarnar
við Hringbraut þjóna ekki lengur hlutverki
sínu. Ef hætt verður við nýbygginguna og
eins ef henni verður slegið á frest í 4-6 ár
eins og Framsókn vill, þá þarf einfaldlega
að rýma þær til að endurbyggja þær. Svo
einfalt er málið. Og hvert eiga sjúklingarn-
ir að fara á meðan?
Bygging nýs Landspítala er þjóðhagslega
hagkvæm framkvæmd. Hún mun borga
sig upp á 25-30 árum með hreinum sparn-
aði í rekstri. En fjárhagslegur ávinningur
er ekki aðalatriðið hér heldur betri þjón-
usta við sjúklinga og aðstandendur, meira
öryggi vegna minni sýkingarhættu, betri
vinnuaðstaða og aðbúnaður fyrir starfsfólk
og nema á heilbrigðissviði og loks meiri
árangur í rannsóknum á sviði heilbrigðis-
vísinda. Þetta hafa allir flokkar skilið og
stutt til þessa – þar til núverandi forysta
Framsóknar skarst úr leik á síðustu dögum
þingsins í vor.
Sem heilbrigðisráðherra beitti ég mér
fyrir og studdi dyggilega við ný byggingu
Landspítalans. Það gerðu líka fyrri ráð-
herrar Framsóknarflokksins. Núverandi
forystu þess flokks er hins vegar ekki
treystandi í þessum efnum. Á hverju ári
koma 100 þúsund sjúklingar alls staðar að
af landinu á Landspítalann. Sá hlekkur í
heilbrigðisþjónustu okkar má ekki bresta.
VG vill forgangsraða í þágu velferðar
á næsta kjörtímabili. Við höfum skapað
svigrúm í heilbrigðis- og menntamálum.
Í því felst m.a. að reisa nýjan Landspítala
og gera betur við starfsfólk í aðbúnaði og
launum.
Framsókn og Landspítalinn
HEILBRIGÐIS-
MÁL
Álfheiður
Ingadóttir
þingmaður VG
F
ram til þessa hefur kosningabaráttan snúist um niður-
fellingu á skuldum heimilanna. Reyndar bara þeirra
heimila sem skulda húsnæðislán. Nokkrir flokkar tala um
leiðréttingu og réttlætismál. Peningarnir eiga að koma úr
samningaviðræðum við erlenda aðila sem hafa fjárfest hér
á landi og sitja fastir með peningana sína á Íslandi vegna gjaldeyris-
hafta.
Samningaviðræður við þessa svokölluðu erlendu kröfuhafa – sem
stundum eru kallaðir vogunarsjóðir og jafnvel hrægammasjóðir –
eru viðkvæmar. Óábyrg umræða nú getur skaðað viðræður um að
losa hér gjaldeyrishöft og hleypa þessum sjóðum úr landi. Svo ekki
sé talað um hversu glórulaust það
er að vilja hirða af þessu fólki
peningana þess. Að verulegum
hluta eru þetta jú peningar fólks
sem fjárfesti í sjóðum sem síðan
tóku áhættu og fjárfestu hér á
Íslandi í góðri trú.
Í framtíðinni má gera ráð fyrir
að við Íslendingar viljum laða til okkar erlent fjármagn. Til þess
þurfum við að bjóða upp á góð fjárfestingartækifæri og traust.
Vissulega skaðaðist orðstír okkar mikið þegar allt bankakerfið
hrundi og það mun taka tíma að bæta hann. Allur málflutningur um
að hirða hundruð milljarða af umræddum sjóðum eykur ekki traust
erlendra fjármagnseigenda á okkar litla landi.
Umræðan er til komin vegna þeirrar einföldu staðreyndar að
kosningabaráttan snýst um hag heimilanna í landinu. Í fljótu bragði
er erfitt að sjá hvort mjög skuldsett heimili séu miklu bættari með
tuttugu prósenta niðurfellingu skulda. Miklu nær væri að bjóða
þeim fjölskyldum sem verst eru staddar að fara lyklaleiðina svoköll-
uðu. Þá kæmist fólk úr skuldafangelsi og gæti byrjað upp á nýtt.
Ef það verður svo niðurstaða viðræðna við erlendu fjármagns-
eigendurna að þeir geti farið með fé sitt frá Íslandi og gjaldeyris-
höftin verði afnumin væri miklu nær að ríkið greiddi niður erlendar
skuldir með hugsanlegum afgangi. Nú þegar greiðum við 90 millj-
arða í vexti af þessum skuldum árlega og þær fara ekki minnkandi.
Ein mesta kjarabót allra Íslendinga felst í að geta minnkað þessar
skuldir verulega. Á einu kjörtímabili er hægt að gera mikið fyrir 90
milljarða á ári.
Fasteignakaup á Íslandi hafa lengi verið einhvers konar lotterí.
Þannig var hægt að kaupa íbúð á tíunda áratugnum og horfa á verð
hennar margfaldast á örfáum árum. Allir virtust græða og lítil
krafa var um að fólk deildi þeim hagnaði með þjóðinni allri. Enda er
það oft þannig að þegar einhver græðir vill viðkomandi ekki deila
en sé tap er þörfin mikil fyrir að aðrir taki þátt í að borga það tap
niður.
Ekkert bendir til þess að húsnæðiskaup almennings hætti að vera
áhættusöm. Hins vegar hefur verið bent á ýmsar áhugaverðar leiðir
í þessari kosningabaráttu. ASÍ átti gott útspil með dönsku leiðinni
svokölluðu og hér í Reykjavík eru hafnar miklar framkvæmdir við
byggingu leiguhúsnæðis. Aftur koma þessar nýju lausnir ekki þeim
skuldugustu að neinu gagni. Ekki frekar en það myndi hjálpa þeim
að lækka skuldirnar um fimmtung. Fólk þarf tækifæri til að byrja
upp á nýtt í stað þess að lengt sé í hengingarólinni.
Kosið um niðurfellingu húsnæðisskulda:
Lengt í
hengingarólinni
Mikael
Torfason
mikael@frettabladid.is
Firði Hafnarfirði Sími 555 6655 - 662 5552 • kokulist@kokulist.is
Hreinskilinn frambjóðandi
Um Brynjar Níelsson má margt
segja. Eitt af því er þó ekki að hann
liggi á skoðunum sínum, en hann
er óhræddur við að láta þær í ljós,
hversu vinsælar sem þær eru. Þannig
hikaði hann ekki við að segja á
kosningafundi að lítið yrði að marka
stjórnarsáttmála Sjálfstæðis- og
Framsóknarflokks, vegna tillagna
síðarnefnda flokksins. Hann
talaði býsna skýrt í grein á
heimasíðu sinni á Pressunni
þar sem hann ræddi tillögur
Framsóknar í skuldamálum
heimilanna. Hann mun
ekki leggja nafn sitt við þær
og eigi að verða samstarf
flokkanna tveggja þarf
Framsókn að leggja
þær til hliðar.
Tengslin ræktuð
Fáir munu vera jafn skorinorðir
og Brynjar í aðdraganda kosninga.
Það er gömul saga og ný að þegar
að stjórnarmyndun kemur verður
tryggðin við kosningaloforðin minni
en þegar sannfæra á kjósendur.
Það er hins vegar ljóst að margir
flokksmenn Sjálfstæðis- og Fram-
sóknarflokks eru farnir að rækta
tengslin sín á milli– þó að formlegar
viðræður séu ekki hafnar.
Hvar er Björt?
Björt Ólafsdóttir er oddviti
Bjartrar framtíðar í Reykja-
víkurkjördæmi norður. Það eru
kannski nokkur tíðindi
fyrir lesendur, þar
sem varla hefur
til hennar
spurst frá því tilkynnt var að hún
mundi taka að sér að leiða listann.
Hún hefur ekki mætt í sjónvarpsvið-
ræður fyrir hönd flokksins, nokkuð
sem aðrir oddvitar hans hafa hins
vegar gert. Kannski telur Björt
framtíð hina oddvitana betur til þess
fallna, en erfitt er að sjá hver eigi
betur heima í umræðum oddvita
allra flokka úr Reykjavík
norður, en oddvitinn í
Reykjavík norður. Björt
mætti þó ekki í þann
þátt, heldur Heiða
Kristín Helgadóttir.
kolbeinn@frettabladid.is