Fréttablaðið - 25.04.2013, Qupperneq 48

Grillið4
Heimatilbúnar kaldar grillsósur og kryddsmjör lyfta góðum grill-
mat upp í hæstu hæðir. Það er lítið mál að útbúa góðar kaldar sósur án
þess að styðjast við sérstaka uppskrift. Sem grunn má notast við sýrð-
an rjóma, hreina jógúrt eða gríska jógúrt. Fínt saxaður hvítlaukur er
vinsæll og mjög velkominn í grillsósuna en það er líka tilvalið að nota
ferskan rauðan chilipipar og sleppa þá fræjunum. Smátt skorin agúrka
hentar einstaklega vel í sósuna og ekki má gleyma smátt söxuðum
rauðlauk og skalottlauk. Alls kyns sinnep gefa sósunni gott bragð og
til að fríska upp á hana er gott að kreista smá sítrónu- eða límónusafa
yfir. Ekki má gleyma fersku kryddjurtunum. Steinselja og graslauk-
ur standa alltaf fyrir sínu en það má líka prófa aðrar kryddjurtir eins
og basilíku, dill og kóríander. Hefðbundin krydd í
kryddstauk eru líka velkomin, eins og papr-
ikukrydd eða jafnvel Season All. Gráðaost-
ur og annar mygluostur gefa líka grillsósunni
skemmtilegt bragð. Salt og pipar í lokin setja
síðan punktinn yfir i-ið.
Gerð kryddsmjörs er enn einfaldari.
Í smjörið má blanda söxuðum hvít-
lauk, rauðum chilipipar, berki og
safa úr sítrónu eða límónu. Ferskar
kryddjurtir á borð við steinselju, bas-
ilíku, graslauk eða kóríander smellpassa
einnig í kryddsmjörið. Kryddsmjör hent-
ar ekki bara með nauta- og lambakjöti. Það er
ljúffengt með kjúklingi og grilluðum fiski.
Punkturinn yfir i-ið
Á hraðleið inn í daginn
Heimir og Kolla
Virka daga kl. 6.50 – 9