Fréttablaðið - 29.04.2013, Page 15

Umhverfisátak
Til að þvo bílinn á sem bestan máta fyrir um-
hverfið er gott að þvo hann á bílaþvottaplani
bensínstöðva eða í bílaþvottastöðvum sem eru
sérstaklega hannaðar til að taka við menguðu
þvottavatni.
Potturinn er samsettur úr þremur hlutum, potti, sigti og loki, en allir hlutarnir hafa líka sitt sjálf-
stæða líf,“ útskýrir Hjörtur Matthías
Skúlason, nýútskrifaður vöruhönn-
uður. Lokið á pottinum segir hann
til dæmis hægt að nota sem disk og
sem eldfast mót þegar því er snúið
við, potturinn sé skál og sigtið segir
Hjörtur henta vel sem ávaxtaskál því í
gegnum götin leiki súrefni um ávext-
ina.
Potturinn Ker er útskriftarverk-
efni Hjartar frá LHÍ og er til sýnis á
Listasafni Reykjavíkur, Hafnarhúsi, þar
sem sýning 76 útskriftarnema skólans
stendur nú yfir. Í rannsóknarvinnu
sinni í lokaverkefninu skoðaði Hjörtur
meðal annars aldagamlar aðferðir við
að verka mat og geyma og hvernig ílát
úr leir hafa gegnt mikilvægu hlutverki
í matseld gegnum aldirnar. Hann segir
pottinn eiga fullt erindi inn í nútíma-
eldhús.
„Þó að hann sé byggður á og sniðinn
utan um okkar gömlu aðferðir þá fellur
hann vel að nútímanum, til dæmis
hugmyndum um hægeldun, sem allir
eru á kafi í núna, og hann er líka hægt
að nota til að gufusjóða mat. Ég hef
prófað að reykja í honum en þá eru
til dæmis settar kryddjurtir í botninn,
maturinn látinn liggja á sigtinu, lokið
sett á og potturinn svo settur yfir gas-
loga. Ég hef líka eldað grænmetisrétti í
pottinum og gufusoðið í honum ýmis-
legt. Hann virkar mjög vel,“ segir Hjört-
ur og viðurkennir að vera matmaður.
„Já, ég hef mjög gaman af að elda
og finnst alveg ofboðslega gaman að
borða góðan mat,“ segir hann hlæj-
andi. „Ég held meira að segja að ég sé
ekki slæmur kokkur, ég allavega uni
mér vel í eldhúsinu.“ ■ heida@365.is
UNIR SÉR Í ELDHÚSI
ÚTSKRIFTARSÝNING LHÍ Hjörtur Matthías Skúlason kafaði ofan í íslenskar
matarhefðir og hannaði fjölnota leirpott. Hann útskrifast úr vöruhönnun.
REYKTUR LAX Pott-
urinn hentar til dæmis
vel til að reykja mat.
Kryddjurtir eru þá jafn-
vel settar í pottinn, lax
lagður á sigtið og lokið
sett á. Potturinn er svo
settur yfir gasloga.
MATMAÐUR Hjörtur
Matthías Skúlason,
nýútskrifaður vöru-
hönnuður, unir sér vel í
eldhúsinu.
MYND/PJETUR SÉRFRÆÐINGAR Í RAFGEYMUM
Mesta úrval landsins af rafgeymum í allar gerðir farartækja