Fréttablaðið - 13.06.2013, Blaðsíða 54

13. júní 2013 FIMMTUDAGUR| MENNING | 38
ENGLAR ALHEIMSINS GULLREGN JÓNSMESSUNÓTT MÝS OG MENN BLAM!RAUTT
ÞAU BESTU Allir
verðlauna hafarnir
á Grímu hátíðinni
í gær voru hylltir
í lok verðlauna-
afhendingar innar í
gærkvöld.
FRÉTTABLAÐIÐ/STEFÁN
HEIÐRAÐUR Gunnar Eyjólfsson fékk heiðursverðlaun Leiklistar-
sambands Íslands fyrir ævistarf sitt í leikhúsinu. FRÉTTABLAÐIÐ/STEFÁN
MENNING
Ekkert verk skaraði fram úr
á Grímuverðlaununum, sem
veitt voru við hátíðlega athöfn í
Þjóðleikhúsinu í gær. Til marks um
jafna skiptingu féllu verðlaunin í
flokkum sýningar ársins, leikrits
ársins og fyrir leikara og leikonu
í aðal- og aukahlutverkum öll sitt
hverri sýningunni í hlut.
Macbeth dró vagninn með
fern verðlaun, þar á meðal sem
sýning ársins en einnig fékk það
verðlaunin fyrir lýsingu, tónlist
og hljóðmynd. Englar alheimsins
hlutu þrenn verðlaun; sem
leikrit ársins og fyrir búninga
og leikmynd. Þetta kemur
óneitanlega á óvart. Margir spáðu
Englunum meiri velgengni á
Grímuverðlaunahátíðinni; verkið
hefur fengið lofsamlega dóma
og góða aðsókn og fékk flestar
Grímutilnefningar, alls níu.
Macbeth var aftur á móti
umdeildara og særði meðal
annars fram ritdeilu milli þeirra
Hallgríms Helgasonar rithöfundar
og Jóns Viðars Jónssonar,
leiklistar gagnrýnanda DV, fyrr á
árinu. Samstarf Þjóðleikhússins
og Andrews við uppsetningu á
Shakespeare hefur hins vegar
reynst farsælt, en Lér konungur
hlaut flest verðlaun á Grímunni
2011, alls sex.
Það voru mestmegnis
gamalkunn andlit sem stigu á
svið í Þjóðleikhúsinu í gærkvöldi.
Kristbjörg Kjeld hlaut verðlaun
fyrir leik í aðalhlutverki annað
árið í röð fyrir Jónsmessunótt
Hávars Sigurjónssonar. Ólafur
Darri var valinn leikari ársins
í aðalhlutverki fyrir Mýs og
menn. Þetta er í fyrsta sinn sem
hann hlýtur verðlaunin í þessum
flokki en hann hefur tvívegis
verið verðlaunaður fyrir leik í
aukahlutverki.
Brynhildur Guðjónsdóttir
var valin leikkona ársins í
aukahlutverki fyrir frammistöðu
sína í Gullregni. Þetta eru fjórðu
Grímuverðlaunin sem Brynhildur
hlýtur fyrir leik, tvö fyrir
aðalhlutverk og tvö fyrir auka.
Eini leikarinn til að taka við
verðlaunastyttu í fyrsta sinn, var
Hilmar Guðjónsson.
Ragnar Bragason, sem hlotið
hefur einna flest Edduverðlaun,
bætti fyrstu Grímunni í safnið í
gær en hann var valinn leikstjóri
ársins fyrir frumraun sína á
leiksviði, Gullregn.
Vytautas Narbutas hlaut einnig
sín fyrstu Grímuverðlaun fyrir
leikmynd í Englum alheimsins.
Filippía I. Elísdóttir hlaut
verðlaun fyrir búninga í sömu
sýningu en þetta er í fimmta sinn
sem hún hlýtur Grímuverðlaunin.
Gunnar Eyjólfsson var
heiðraður fyrir framlag sitt
til leiklistar. Þá hlaut Kristján
Ingimarsson og leikhópur
hans, Neander, sprotann fyrir
uppfærsluna á verkinu Blam! í
samstarfi við Borgarleikhúsið.
Alls hlutu sýningar
Þjóðleikhússins átta verðlaun á
móti fimm verðlaunum sem runnu
til Borgarleikhússins, fyrir utan
samstarfssýningar.
bergsteinn@frettabladid.is
Macbeth valin sýning ársins
Verðlaun skiptust nokkuð jafnt á milli verka á Grímuhátíðinni í gær. Macbeth fékk fl est verðlaun allra sýninga, alls fern, þar á meðal
sem sýning ársins. Englar alheimsins hlutu þrenn verðlaun. Kristbjörg Kjeld var valin leikkona ársins í aðalhlutverki annað árið í röð.
Ragnar Bragason var valinn leikstjóri ársins fyrir frumraun sína á sviði og Gunnar Eyjólfsson var heiðraður fyrir framlag sitt til leiklistar.
Sýning ársins
MACBETH
William Shakespeare
Sviðsetning Þjóðleikhúsið
Leikstjórn Benedict Andrews
Þýðing Þórarinn Eldjárn
Leikrit ársins
ENGLAR ALHEIMSINS
Sviðsetning Þjóðleikhúsið
Leikstjórn Þorleifur Örn
Arnarsson
Leikgerð Þorleifur Örn
Arnarsson og Símon Birgisson
Byggt á skáldsögu eftir Einar
Má Guðmundsson
Leikstjóri árins
Ragnar Bragason fyrir
Gullregn í sviðsetningu
Borgarleikhússins.
Leikari ársins í
aðalhlutverki
Ólafur Darri Ólafsson fyrir
Mýs og menn í sviðsetningu
Borgarleikhússins.
Leikkona ársins í
aðalhlutverki
Kristbjörg Kjeld fyrir
Jónsmessunótt í sviðsetningu
Þjóðleikhússins
Leikari ársins í
aukahlutverki
Hilmar Guðjónsson fyrir
hlutverk sitt í verkinu Rautt í
sviðsetningu Borgarleikhússins.
Leikkona ársins í
aukahlutverki
Brynhildur Guðjónsdóttir
fyrir hlutverk sitt í verkinu
Gullregn í sviðsetningu
Borgarleikhússins
Leikmynd ársins
Vytautas Narbutas fyrir
Engla alheimsins.
Búningar ársins
Filippía I. Elísdóttir fyrir
Engla alheimsins.
Lýsing ársins
Halldór Örn Óskarsson fyrir
Macbeth.
Tónlist ársins
Oren Ambarchi fyrir tónlist í
leiksýningunni Macbeth.
Hljóðmynd ársins
Kristinn Gauti Einarsson
og Oren Ambarchi fyrir
hljóðmynd í leiksýningunni
Macbeth í sviðsetningu
Þjóðleikhússins
Söngvari ársins
Alina Dubik fyrir hlutverk
sitt í óperunni Il Trovatore
í sviðsetningu Íslensku
óperunnar.
Dansari ársins
Aðalheiður Halldórsdóttir
fyrir hlutverk sitt í dansverkinu
Walking Mad í sviðsetningu
Íslenska dansflokksins
Danshöfundur ársins
Katrín Gunnarsdóttir
og Melkorka Sigríður
Magnúsdóttir fyrir kóreógrafíu
í dansverkinu Coming Up
í sviðsetningu Íslensku
hreyfiþróunarsamsteypunnar
Útvarpsverk ársins
Opið hús eftir Hrafnhildi
Hagalín í leikstjórn Kristínar
Eysteinsdóttur. Framleitt af
Útvarpsleikhúsinu á RÚV.
Sproti ársins
Kristján Ingimarsson og
Neander fyrir uppfærsluna á
verkinu Blam! í sviðsetningu
Neander og Borgarleikhússins
Heiðursverðlaun
Leiklistarsambands
Íslands
Gunnar Eyjólfsson fyrir
ævistarf í þágu sviðslista á
Íslandi
Handhafar Grímunnar 2013
Bergsteinn
Sigurðsson
bergsteinn@frettabladid.is