Fréttablaðið - 05.07.2013, Blaðsíða 6
5. júlí 2013 FÖSTUDAGUR| FRÉTTIR | 6
1. Af hverju var Bátadögum á Breiða-
fi rði frestað?
2. Hvað heitir nýtt safn sem verið er
að byggja í Vestmannaeyjum?
3. Hvenær hyggur Albert Belgíu-
konungur á afsögn úr embætti?
SVÖR:
1. Vegna veðurs. 2. Eldheimar 3. 2 1 . júlí
2013
VEISTU SVARIÐ?
Góði
tannhirðirinn
Félag íslenskra tannfræðinga mælir með Zendium tannkremi.
LANDBÚNAÐUR Þegar á að hefjast handa um að
skapa aðstöðu til að flytja inn nýtt erfðaefni til
innblöndunar í íslenska holdanautastofninn. Þetta er
meðal þess sem starfshópur um eflingu nautakjöts-
framleiðslunnar leggur til.
Frá því er greint á vef Landssambands kúabænda
að hópurinn, sem var skipaður af atvinnuvega-
ráðherra í mars, hafi skilað ráðherra skýrslu sinni
á þriðjudag.
„Starfshópurinn telur að flytja eigi inn erfðaefni
af holdakyninu Aberdeen Angus og á síðari stigum
verði kannaðir möguleikar á innflutningi á erfða-
efni Limousin-gripa,“ segir í tillögunum. Lagt er til
að erfðaefnið verði flutt inn frá Noregi í samvinnu
við ræktunarfélög þar í landi. Um leið er lögð til
ítarleg áhættugreining varðandi fyrirkomulag inn-
flutnings á erfðaefni. Sérstaklega á því hvort unnt
verði að leyfa innflutning sæðis beint til einstakra
bænda.
Landssamband kúabænda telur afar brýnt að
unnið verði hratt og skipulega að því að hrinda til-
lögum hópsins í framkvæmd. - óká
Starfshópur ráðherra um eflingu nautakjötsframleiðslu skilar af sér:
Vill flytja inn erfðaefni nauta
ANGUS-NAUT Í ARGENTÍNU Starfshópur vill láta kanna hvort
koma megi hér upp sérstöku ræktunarbúi til þess að byggja
hér upp hreinræktaðan stofn Aberdeen Angus nautgripa.
NORDICPHOTOS/AFP
VIÐSKIPTI Frá árinu 2010 hefur þeim fjölgað
um tuttugu prósentustig sem eru jákvæðir í
garð aðalviðskiptabanka síns og um fjórtán
prósentustig sem eru jákvæðir í garð
tryggingafélags síns.
Fram kemur í nýrri könnun sem MMR
vann fyrir Samtök fjármálafyrirtækja (SFF)
að um 59 prósent Íslendinga eru jákvæð
gagnvart banka sínum og 56 prósent eru
jákvæð gagnvart tryggingafélagi sínu. Fyrir
þremur árum stóð þetta hlutfall í 39 og 42
prósentum.
Þá kemur fram í könnuninni að tæplega
fimmtíu prósent bera traust til síns aðalvið-
skiptabanka og tæplega 49 prósent til aðal-
tryggingafélags síns. „Árið 2010 bar hins
vegar einungis þriðjungur landsmanna
traust til síns aðalviðskiptabanka og aðal-
tryggingafélags,“ segir í tilkynningu SFF um
könnunina.
Haft er eftir Guðjóni Rúnarssyni,
framkvæmdastjóra SFF, að niðurstaða
könnunar innar sé fagnaðarefni. Ljóst sé
að endurheimtur hafi verið hluti af því
trausti sem glatast hafi. Erfiðar aðstæður í
efnahags málum síðustu ár hafi haft áhrif á
afstöðu fólks til fjármálageirans.
Alls svöruðu 912 manns á aldrinum 18 til
67 ára könnun MMR sem fram fór á netinu
13. til 18. júní. - óká
Viðsnúningur hefur orðið í afstöðu fólks til banka og tryggingafélaga samkvæmt nýrri könnun MMR:
Sífellt fleiri segjast treysta bankanum sínum
MEÐ HENDUR Í HÁRI UNGS KÚNNA Þeir eru orðnir afar margir kollarnir sem Villi
Valli hefur snyrt. MYND/HALLDÓR
MANNLÍF Vilberg Vilbergsson, rakari á Ísafirði, lagði frá sér skærin
síðastliðinn föstudag og þar með lauk 65 ára þjónustu hans við hár-
prúða Vestfirðinga. Hann segir margt hafa breyst á þessum tíma. „Það
var oft fjörugt á stofunni hjá mér þegar kosningar voru í nánd,“ segir
hann. „Menn voru ekkert að panta tíma heldur biðu bara og þá var oft
tekist á á meðan,“ segir hann. „En svona í seinni tíð heyrir það til und-
antekninga að menn ræði mikið um pólitíkina.“ Vilberg, sem er jafnan
kallaður Villi Valli, er einnig tónlistarmaður svo nú gefst honum frek-
ara næði til að þenja nikkuna eftir að skærin eru komin á hilluna. - jse
Hættur að klippa eftir 65 ára þjónustu við Vestfirðinga:
Villi Valli sestur í helgan stein
FERÐAÞJÓNUSTA Hlutur Íslands
á markaði skemmtiferðaskipa í
Evrópu nam 0,7 prósentum, sam-
kvæmt tölum sem norski ferða-
vefurinn Boarding.no hefur tekið
saman.
Árið 2012 sóttu landið heim 204
þúsund gestir með skemmtiferða-
skipum. Til samanburðar má nefna
að ríflega helmingi fleiri notuðu
þennan ferðamáta til að heimsækja
Danmörk og Svíþjóð. Noregur ber
svo höfuð og herðar yfir önnur
Norðurlönd þess-
um efnum með
2 , 5 mi l ljónir
gesta.
Þá kemur fram
í umfjöllun Boar-
ding.no að lang-
mestur vöxtur sé
í þessari tegund
ferðamennsku í
Noregi. Á meðan
fj ö ld i ge s t a
skemmtiferðaskipa jókst í fyrra
um sextán prósent í Evrópu þá var
aukningin 28 prósent í Noregi.
Ólafía Sveinsdóttir, deildarstjóri
skipadeildar ferðaskrifstofunnar
Atlantik, segir þróunina hér í þá
átt að skipin sem hingað komi séu
stærri, þótt komum skipa hafi ekki
fjölgað mjög. „En þessi þróun hefur
haft í för með sér mikla fjölgun
ferðamanna í heild,“ segir hún.
Áður voru hér algeng skip sem
tóku færri en þúsund farþega.
„Núna sjáum við þessar stóru tölur,
frá þetta tólf og fjórtán hundruð
farþegum og allt upp í þrjú þúsund
farþega skip,“ segir Ólafía.
Að auki sé svo vöxtur í minni
lúxus skipum sem taki hundrað til
tvö hundruð farþega. „Við erum
með nokkur þannig lúxusskip sem
flokkast allt upp í sex stjörnur.“
Þó að eftir miklu sé að slægjast á
risastórum markaði skemmtiferða-
skipa í Evrópu þar sem markaðs-
hlutdeild Íslands er lítil, þá segir
Ólafía að aðstæður hér setji okkur
nokkrar skorður hvað varði auknar
komur skipa.
„Hér er skipatímabilið mjög
stutt,“ segir Ólafía og bendir á að
það nái bara yfir júní, júlí og ágúst
og fram í september, þótt unnið sé
að því að fjölga ferðum hingað í maí.
„Og það eru dagar sem eru þannig
að skipin eru of mörg í einu.“
Sums staðar nálgist landið því
efri mörk í getu til að taka á móti
skemmtiferðaskipum. „Það þýðir
ekkert að fá þennan fjölda til lands-
ins nema hægt sé að bjóða gest-
unum upp á þá þjónustu sem þeir
vilja fá.“ Þannig þurfi að vera til
staðar rútur og leiðsögumenn, veit-
ingastaðir og önnur afþreying sem
annar fjöldanum. „Og á sumum
dögum erum við komin algjörlega
að þolmörkum.“ olikr@frettabladid.is
Í efri mörkum með
brot af markaðnum
Ísland nær ekki í nema 0,7 prósent ferðamanna sem heimsækja Evrópulönd með
skemmtiferðaskipum. Erum engu að síður nálægt þolmörkum í komu slíkra skipa.
Komum skemmtiferðaskipa fjölgaði í Evrópu í fyrra og hvergi meira en í Noregi.
Land Fjöldi gesta Markaðshlutdeild
Ítalía 6,2 milljónir 21,2%
Spánn 5,1 milljón 17,7%
Grikkland 4,7 milljónir 16,4%
Noregur 2,5 milljónir 8,5%
...
Danmörk 525 þúsund 1,8%
Svíþjóð 516 þúsund 1,8%
Ísland 204 þúsund 0,7%
Heimild: Boarding.no
Skemmtiferðaskip í Evrópu 2012
SKIP Í HÖFN Þótt komum skemmtiferðaskipa hingað hafi ekki fjölgað mikið hefur
þróunin verið í þá átt að skipin sem sigla hingað eru stærri og taka fleiri farþega.
FRÉTTABLAÐIÐ/GVA
ÓLAFÍA
SVEINSDÓTTIR
Viðhorf
fólks til
aðalvið-
skipta-
banka
síns:
Viðhorf
fólks til
aðaltrygg-
ingafélags
síns:
Mjög eða frekar
jákvæður
Mjög eða frekar
neikvæður
Bæði og
58,9%
15,8%
55,8%
30,2%25,3%
14%
➜ Viðhorf til banka og
tryggingafélaga