Fréttablaðið - 30.07.2013, Qupperneq 6

30. júlí 2013 ÞRIÐJUDAGUR| FRÉTTIR | 6
Við tjöldum því besta
Verslunarmanna-
helgartilboð
Kirby 400 - 4 manna tjald, gott fortjald, 195cm
lofthæð, 3000mm vatnsheldni, eldvarinn dúkur
95kr. 64.9
Tilboð
kr. 8.995
Tilboð
Wilderness 350
Svefnpoki
DÓMSMÁL Ríkissaksóknari hefur
sent þeim sem hlutu dóm í Guð-
mundar- og Geirfinnsmálinu bréf
þar sem óskað er eftir afstöðu
þeirra til mögulegrar endur-
upptöku málsins. Aðeins eitt
svar hefur borist og þar er ekki
tekin afdráttarlaus afstaða til
spurningar innar.
Fjórir þeirra sex sem hlutu
dóm í málinu eru enn á lífi; Albert
Klahn Skaftason, Erla Bolladóttir,
Guðjón Skarphéðinsson og Krist-
ján Viðar Viðarsson. Þau fengu
öll sent bréf af þessu tagi 29. maí
síðast liðinn. Hinir tveir, Sævar
Ciesielski og Tryggvi Rúnar Leifs-
son, eru látnir.
Í bréfinu eru fjórmenningarn-
ir í fyrsta lagi spurðir hvort þeir
hafi í hyggju að leggja sjálfir fram
beiðni um endurupptöku málsins.
Hins vegar eru þeir spurðir, hygg-
ist þeir ekki gera það, hver afstaða
þeirra sé til þess að ríkissaksókn-
ari leggi fram slíka beiðni, yrði
það niðurstaðan af skoðun emb-
ættisins á gögnum málsins.
„Það var komið svar frá einum
en ég veit ekki til þess að það hafi
komið meira,“ segir Sigríður J.
Friðjónsdóttir ríkissaksóknari,
sem er nú í sumarleyfi.
„Fólk er greinilega eitt-
hvað að hugsa þetta.“
Hún segir þetta
eina svar ekki vera
afdráttarlaust til eða
frá. „Það er svona
hvorki né. Viðkom-
andi er fyrst og fremst
að velta fyrir sér gögn-
um.“
Ríkissaksóknari hóf
athugun á mögu-
legri endur-
upptöku
Guðmund-
ar- og Geir-
finns-
málsins í kjölfar þess að
starfshópur innanríkisráð-
herra um málið skilaði skýrslu
sinni í mars. Niðurstaða hóps-
ins var að „veigamiklar ástæð-
ur“ væru fyrir því að málið yrði
tekið upp að nýju í ljósi þess
að hafið væri yfir vafa
að framburður allra
sakborninga hefði
verið óáreiðanlegur.
Sigríður segir það
vera eðlilega stjórnsýslu að óska
eftir afstöðu þeirra sem voru
dæmdir í málinu áður en lengra
verður haldið.
„Það breytir svo sem engu um
það hvað ég mundi gera, en ég
vildi samt vita hver þeirra hugur
væri. Ef fólkið hefur engan áhuga
á þessu þá ætlar ákæruvaldið ekki
að stökkva til og gera eitthvað í
óþökk dómfelldu.“
stigur@frettabladid.is
Kannar hug dæmdu
til endurupptöku
Ríkissaksóknari spyr þá sem hlutu dóm í Guðmundar- og Geirfinnsmálinu
um af stöðu þeirra til endurupptöku málsins. Aðeins einn hefur svarað en ekki
afdráttar laust. Breytir svo sem engu um það hvað ég mundi gera, segir saksóknari.
ÚR DÓMSALNUM Guðmundar- og Geirfinnsmálið er umtalaðasta dómsmál
Íslandssögunnar. Hér má sjá Sævar Ciesielski í Sakadómi Reykjavíkur árið 1977.
FRÉTTABLAÐIÐ/GVA
Albert Klahn Skaftason
1 árs fangelsi
Erla Bolladóttir
3 ára fangelsi
Guðjón Skarphéðinsson
10 ára fangelsi
Kristján Viðar Viðarsson
16 ára fangelsi
Sævar Marinó Ciesielski (látinn)
17 ára fangelsi
Tryggvi Rúnar Leifsson (látinn)
13 ára fangelsi
Dómur Hæstaréttar
SIGRIÐUR FRIÐJÓNSDÓTTIR
1. Hver er aðaldriff jöðurin í
Reykjavíkur maraþoninu?
2. Hvaða sjálfboðaliðasamtök hafa
fengið inni í íbúðarhúsinu Stóra-Seli
við Holtsgötu í Reykjavík?
3. Hver er Íslandsmeistari kvenna í
höggleik í golfi árið 2013?
SVÖR
1. Pétur Jóhann Sigfússon 2. Veraldarvinir
3. Sunna Víðisdóttir
ÍRAK, AP 58 manns hið minnsta eru
látnir og tugir eru sárir eftir hrinu
sprenginga í Írak í gær, meðal ann-
ars í höfuðborginni Bagdad.
Á fjórða þúsund hafa látist í
sprengjutilræðum í Írak það sem af
er ári, þar af um 680 manns í júlí-
mánuði einum saman.
Enginn hefur enn lýst yfir
ábyrgð á sprengingunum, en þær
þykja bera vott um handbragð Al
Kaída. Tólf bílsprengjur sprungu
á markaðs torgum og bílastæðum í
hverfum sjía í Bagdad þar sem 37
létust, og ellefu til viðbótar féllu í
sprengingum í Mamúdía í nágrenni
höfuðborgarinnar og borgunum
Basra og Kut í suðurhluta landsins.
Ofbeldi milli trúarhópa í Írak
hefur stigmagnast síðan í apríl
þegar öryggissveitir stjórnarinnar,
þar sem sjíar ráða ríkjum, gerðu
árás á mótmælendur úr hópi súnnía.
Margir óttast að ástandið stefni
hraðbyri í átt að viðlíka átökum og
gengu yfir landið í kjölfar þess að
Bandaríkin steyptu Saddam Húss-
ein af stóli fyrir réttum áratug.
Tvö ár eru síðan bandarískar her-
sveitir yfirgáfu Írak. - þj
Tugir létu lífið í fjölda sprengjuárása í Bagdad og víðar í gær:
Ofbeldi stigmagnast enn í Írak
Í TÆTLUM 58 manns hið minnsta létust
og tugir særðust í sprengingum í Írak
í gær, meðal annars í höfuðborginni
Bagdad. NORDICPHOTOS/AFP
ÍTALÍA, AP Að minnsta kosti 38 létu lífið þegar rúta fór
fram af brú í suðurhluta Ítalíu í fyrrinótt, en tala lát-
inna gæti enn hækkað. Tíu manns, þar af fimm börn,
voru enn á sjúkrahúsi í gærkvöldi.
Rútan ók í gegnum steypta hliðartálma á fjallavegi
um 60 kílómetra frá Napólí, og féll um 30 metra niður
af veginum ofan í skógi vaxið gil.
Ekki er vitað hvað olli slysinu, en bílstjórinn er einn
af þeim látnu. Fjölmiðlar á Ítalíu hafa þó eftir sjónar-
vottum að rútan hafi ekið á „eðlilegum hraða“ þar til
hún fór að rása á veginum og ók utan í aðra bíla. Ein-
hverjir töldu sig hafa heyrt hvell sem bendir til þess
að hjólbarði hafi sprungið.
Rannsakendur hafa þegar farið fram á krufningu á
bílstjóranum.
Farþegarnir komu frá litlum bæjum í nágrenni
Napólí og voru að sögn fjölmiðla á heimleið úr stuttri
ferð til heilsulindar í nágrenni við Avellino. - þj
Óljóst hvað olli bílslysi sem kostaði 38 rútufarþega lífið:
Eitt versta rútuslys í sögu Ítalíu
HARMLEIKUR Rútan féll þrjátíu metra fram af brúnni og
hafnaði í gilinu neðan við. Á myndinni má sjá rútuna á slys-
stað og líkkistur fyrir hina látnu. FRÉTTABLAÐIÐ/AP
BRETLAND Undir bílastæði í
Leicester, skammt frá þeim stað
þar sem beinagrind Ríkharðs
þriðja fannst á síðasta ári, hefur
fundist blýkista. Ekki er vitað hver
er grafinn þar, og óvíst hvort það
kemur nokkurn tímann í ljós, en
fornleifafræðingar eru farnir að
undirbúa það að opna kistuna til að
kanna innihaldið. Athygli vekur að
líki konungsins var nánast hrúgað
niður í holu á meðan svo vel var
búið um hinn ókunna í blýkistunni.
- gb
Fleiri fornleifar í Leicester:
Blýkista rétt hjá
Ríkharði þriðja
BANDARÍKIN, AP Töluverð vantrú á
að árangur náist virðist fylgja upp-
hafi nýrra friðarviðræðna milli
Ísraela og Palestínumanna, sem
hófust í Bandaríkjunum gær. Þetta
eru aðeins undirbúnings viðræður,
en leiðtogar hittast ekki nema þær
skili árangri. Það er utanríkis-
ráðherra Bandaríkjanna sem hefur
mánuðum saman unnið að því að fá
menn ti lað ræða saman á ný. - gb
Viðræður hefjast vestra:
Samningur er
vart í sjónmáli
LÍKNARMÁL Guðni Páll Viktors-
son kajakræðari kom í gær
til hafnar á Djúpavogi. Hann
kemur til Hafnar í Hornafirði
eftir tvo daga og lýkur þar með
hringferð um landið sem staðið
hefur yfir í tæpa þrjá mánuði.
Róðurinn er safnaðar átak
undir nafninu Lífróður Sam-
hjálpar en þangað fer ágóðinn.
- jse
Lífróður á lokasprettinum:
Kajakræðari
lokar hringnum
GUÐNI PÁLL Í KAJAKNUM Þetta er auð-
velt á Pollinum á Ísafirði en nú fer Guðni
Páll fyrir Austfirði. FRÉTTABLAÐIÐ/RÓSA
JOHN KERRY OG MARTIN INDYK
Indyk mun hafa umsjón með við-
ræðunum. NORDICPHOTOS/AFP
VEISTU SVARIÐ?