Fréttablaðið - 30.07.2013, Síða 22

KYNNING − AUGLÝSINGMaraþon ÞRIÐJUDAGUR 30. JÚLÍ 20132
Hagfræðineminn Arnar Péturs-
son hefur sigrað karlaflokkinn í
Reykjavíkurmaraþoninu síðast-
liðin tvö ár og stefnir ótrauður
að sigri í ár. Hann tók fyrst þátt
í Reykjavíkur maraþoninu átján
ára gamall, skráði sig beint í heilt
maraþon og lenti í öðru sæti. Það
þykir ótrúlegur árangur, sér-
staklega í ljósi þess að þá hafði
hann ekki æft hlaup að neinu
ráði. Hann byggir þó á góðum
grunni enda hefur hann verið nær
óstöðvandi í öðru frá unga aldri.
„Ég byrjaði í fimleikum þriggja,
fjögurra ára. Síðan fór ég í fót-
bolta og körfu. Karfan tók svo yfir-
höndina og ég var á fullu í henni
til tvítugs. Markvissar hlaupa-
æfingar hófust svo eftir það,“ segir
Arnar, sem er tuttugu og tveggja
ára í dag.
Arnar fór í nokkur styttri hlaup
með móður sinni, Sigrúnu Jóns-
dóttur, á unglingsárum en var þó
ungur búinn að bíta það í sig að
hlaupa einhvern tíman maraþon.
Pabbi minn, Pétur Hrafn Sigurðs-
son, hljóp maraþon árið 2005. Mig
langaði með en þá var ég ekki
nógu gamall, enda þarf maður
að hafa náð átján ára aldri til að
mega taka þátt. Árið 2009 var ég
hins vegar kominn á aldur og
ákvað að skrá mig tveimur vikum
fyrir hlaup. Foreldrum mínum
leist ekkert á blikuna og voru að
vonum mjög undrandi þegar ég
lenti í öðru sæti,“ segir Arnar og
segir daginn seint líða fjölskyld-
unni úr minni.
„Það er gaman að segja frá því
að mamma og pabbi höfðu komið
sér fyrir úti á Seltjarnarnesi til að
hvetja mig áfram á lokametrunum
þegar þau fengu fréttir af því að
ég væri að koma í mark og þurftu
að bruna á staðinn til að ná mér.“
Eftir þetta f yrsta hlaup fór
Arnar að fá hvatningu til að leggja
hlaupin fyrir sig, meðal annars frá
frænda sínum Birgi Sævars syni,
sem er mikill maraþonhlaupari.
„Ég ákvað þó að vera áfram í körf-
unni og tók ekki þátt á ný fyrr en
árið 2011. Það ár hljóp Arnar á
2.44:18 sem dugði honum til sig-
urs og árið eftir var tíminn 2.41:06
sem gerði hann einnig að sigur-
vegara þess árs. Í ár stefnir hann
á að vera í kringum 2,30 og helst
undir. Besta tíma Íslendings í
Reykjavíkurmaraþoninu á Sig-
urður Pétur Sigmundsson, eða
2,28:50. Íslandsmetið 2.17:12 á
hins vegar Kári Steinn Karlsson
en það var sett í Berlín árið 2011.
Þrátt fyrir sigurinn í fyrra lenti
Arnar í talsverðum skakkaföllum
og var um sjö mínútum frá mark-
miði sínu þá. „Eftir átján kíló-
metra fékk ég hræðilegan verk í
síðuna sem ég losnaði ekki við og
var við það að gefast upp það sem
eftir lifði hlaups. Ég á því von á að
geta gert betur í ár. Stóra mark-
miðið í ár var hins vegar að slá
Íslandsmetið í f lokki tuttugu til
tuttugu og tveggja í hálfu mara-
þoni. Ég reyndi við það í Haag í
Hollandi í apríl en það gekk ekki
betur en svo að ég jafnaði metið
upp á sekúndu á f lögutímanum.
Þegar kemur að Íslandsmetum er
hins vegar miðað við byssutíma
og þar sem ég var ekki fremstur á
ráslínunni var ég fjórum sekúnd-
um frá því að setja met.“ Arnar
ætlar þó að gera aðra tilraun í
Frakklandi í nóvember. - ve
Stefnir á Íslandsmet
Arnar Pétursson hefur þrívegis hlaupið maraþon í Reykjavíkurmaraþoninu og
í hvert sinn lent á verðlaunapalli. Hann stefnir ótrauður á sigur og betri tíma í
ár. Í vetur reynir hann svo við Íslandsmet í hálfu maraþoni.
Besti tími Arnars hingað til er 2.41:06. Hann stefnir á 2.30 eða minna í ár. MYND/STEFÁN
STÓRU HLAUPIN FIMM
Margir íslenskir hlauparar eiga sér þann draum að taka þátt í mara-
þonhlaupi erlendis. Maraþonhlaup eru haldin víða um heim allt árið
um kring en þau fimm hlaup sem Íslendingar sækja mest eru haldin í
London, Boston, New York, Chicago og París. Eru þessi fimm maraþon-
hlaup yfirleitt kölluð „Big five“ meðal hlaupara hérlendis eða stóru
hlaupin fimm.
Boston-maraþonhlaupið fer fram í apríl ár hvert en það fór fyrst fram
árið 1897. Rúmlega 20.000 manns keppa þar á hverju ári en um hálf
milljón manns fylgist með keppninni. Um 45.000 manns hlaupa árlega í
New York-maraþonhlaupinu sem fer alltaf fram í nóvember. Sami fjöldi
hleypur í Chicago-maraþonhlaupinu sem haldið er í október ár hvert.
Maraþonhlaupið í París var haldið í fyrsta skiptið árið 1896. Það fer fram
í apríl og er hámarksfjöldi þátttakenda 37.000 manns. London-maraþon-
hlaupið hefur verið haldið síðan 1981 og var fjölmennasta maraþon-
hlaup heims á síðasta ári ef tekið er tillit til þeirra sem luku hlaupinu.
Auk fyrrnefndra hlaupa má nefna maraþonhlaupið í Berlín sem haldið
er yfir helgi í september ár hvert. Flest heimsmet hafa verið slegin þar
enda aðstæður með besta móti í borginni.
Öflugt GPS æfingaúr
með fjölnota
stillingum.
Fylgstu með tíma,
vegalengd, hraða
og hjartslætti.
Vatnshelt úr, löng
rafhlöðuending.
VERÐ KR.
49.900
Forerunner 310XT
– Hlauparinn
Ögurhvarfi 2, 203 Kópavogi
S: 577 6000 | www.garmin.is
ZonePerfect næringar-
stykki eru einstaklega
bragðgóður millibiti.
Þau eru hlaðin vítamínum
og næringarefnum sem
þú þarft til að halda þér
gangandi.
NUTRITION BARS

Við eyddum mánuðum, stundum árum, í að fullkomna bragðtegundirnar. 19vítamín &
steinefni
12g
prótein
Frábært
bragð
PIPA
R\TBW
A
• SÍA