Fréttablaðið - 17.02.2014, Síða 54

17. febrúar 2014 MÁNUDAGUR| LÍFIÐ | 30
„Traustur vinur með Upplyftingu,
því traustur vinur getur gert
kraftaverk.“
Björn Ingi Halldórsson, hönnuður vefjanna
Vinur.is og Makaleit.is.
MÁNUDAGSLAGIÐ
„Brettin sem listaverkin okkar
prýða eru komin í sölu,“ segir
listamaðurinn Margeir Dire
Sigurðsson en hann ásamt
Georg Óskari Giannakou dakis
mynda saman listamanna-
tvíeykið Góms. Þeir hönnuðu
listaverk sem prýðir snjóbretti
sem íþróttavörumerkið Head
hefur sett í sölu. Head er þekkt
merki í íþróttaheiminum og þá
sérstaklega í vetraríþróttaheim-
inum.
Svissneska snjóbrettadívan
Sina Candrian notar bretti sem
verk Góms prýðir á Vetraról-
ympíuleikunum í Sotsjí. „Það er
gaman að sjá svona virtan snjó-
brettakeppanda nota bretti með
okkar listaverki,“ segir Margeir
léttur í lundu.
Þeir félagar eru æskuvinir
og hafa unnið saman í mynd-
list í allmörg ár. Fyrir utan
brettalistaverk vinnur Margeir
hörðum höndum við að skreyta
veggina sem umlykja hjarta-
garðinn á milli Laugavegs og
Hverfisgötu. „Ég er einnig að
vinna í því að opna eigið gall-
erí og verslun sem mun heita
33, enda stendur sú aðstaða við
Laugaveg 33,“ útskýrir Margeir.
Þá er Georg Óskar með sýningu
í Reykjavík Art Gallery, við
Skúlagötu 30.
- glp
Íslensk listaverk prýða snjóbretti í Sotsjí
Tveir Íslendingar hönnuðu listaverk á snjóbretti frá íþróttavörufyrirtækinu Head.
SAMVINNA Margeir Dire Sigurðsson
og Georg Óskar Giannakoudakis, ásamt
Míu Margeirsdóttur, vinna vel saman og
skipa listamannatvíeykið Góms.
MYND/EINKASAFN
Sigrún Lilja Guðjónsdóttir, konan
á bak við hönnunarmerkið Gyðja
Collection, hlýtur heiðursverðlaun
á virtu verðlaunahátíðinni Expy
Awards í New York sem fer fram
í byrjun apríl. Verðlaunin hlýtur
hún fyrir framúrskarandi störf sín
við að deila reynslu sinni og þekk-
ingu til annarra, meðal annars með
námskeiðunum Konum til athafna,
Empower Women og upp úr bók-
unum tveimur sem hún skrifaði
ásamt fleiri sérfræðingum úr við-
skiptalífinu hvaðanæva úr heim-
inum, The Next Big Thing og The
Success Secret. Þá mun margverð-
launaði rithöfundurinn Brian Tracy
einnig fá heiðursverðlaun.
Sigrún Lilja fór af stað með nám-
skeiðin Konur til athafna fyrir rúmu
ári og í kjölfarið fer hún af stað með
alþjóðleg samtök þar sem stefnt er
að því að hvetja konur til athafna
úti í heimi, þá r sérstaklega hugsað
um að sníða það að þörfum kvenna
í þriðja heims löndunum. Hug-
sjón Sigrúnar Lilju með Konum til
athafna er að hvetja konur til dáða,
að vera óhræddar við að láta til sín
taka og fylgja draumum sínum eftir,
hverjir svo sem þeir eru. Aðspurð
segist Sigrún vera mjög upp með sér
yfir verðlaununum.
„Sérstaklega fyrir þær sakir að
ég er talin með í hópi svona mikils
metinna einstaklinga. Ég stefni að
sjálfsögðu á að mæta til að taka á
móti verðlaunastyttunni en vegna
mikilla anna hjá Gyðju Collection
á þessum tíma er ekki enn öruggt
að ég muni sjá mér fært að mæta,“
segir Sigrún Lilja. - lkg
Hlýtur heiðursverðlaun
Sigrún Lilja Guðjónsdóttir, konan á bak við Gyðju
Collection, nýtur mikillar velgengni erlendis.
SIGURSÆL
Sigrún Lilja
fékk verðlaun
í Los Angeles
árið 2011.
MYND/EINKASAFN
➜ Sigrún Lilja hafði áður
fengið tvenn verðlaun í Los
Angeles, árin 2011 og 2012.
„Þetta er í fyrsta skiptið sem ég
gegni starfi yfirförðunarmeist-
ara og það spillir ekki fyrir að það
gerist á New York Fashion Week,“
segir Tinna Empera Arlexdóttir,
sem var yfir förðun hjá fatamerk-
inu María Ke Fisherman á tísku-
sýningu á New York Fashion Week,
sem er nýafstaðin.
„Það var brjálað að gera meðan
á hátíðinni stóð. Það er loksins
aðeins byrjað að róast í dag. Merk-
ið er spænskt, og hefur verið að
ryðja sér til rúms. Þau eru búin að
fá verðlaun hjá Vogue og Style, og
bæði Katy Perry og Miley Cyrus
hafa klæðst fötum frá þeim á tón-
leikum hjá sér. Öll fötin frá þeim
eru rosa 90‘s. Ekki eitthvað sem ég
myndi klæða mig í, en þau eru að
verða ansi stór, og það er gaman að
taka þátt í þessu.“
María Ke Fisherman var að sýna
í fyrsta skipti á New York Fashion
Week. „Undirbúningi var þann-
ig háttað að við sátum fundi með
hönnuðum og hárgreiðslumeistur-
um til þess að ákveða heildarlúkk
út frá fatalínunni. Allar ákvarð-
anir voru teknar í sameiningu.
Hönnuðirnir komu ekki til New
York fyrr en þremur dögum fyrir
sýningu, en við vorum í samskipt-
um á netinu fram að því.“
Tinna hefur búið í New York í
tæp þrjú ár. „Ég hef séð um förð-
un í fullt af sýningum, bæði hér og
heima. Ég hef meðal annars unnið
með Andreu Helgadóttur og gert
ýmislegt fyrir Reykjavík Fashion
Festival heima, og hef farðað fyrir
ýmis tímarit. Meðal íslenskra
merkja sem ég hef ég unnið fyrir
eru Kríu Jewellery og KALDA.“
Tinna var ráðin í gegnum
umboðsskrifstofu sem heitir
Laicale. „Hún er tengd hár-
greiðslustofu sem ég vinn á, sem
heitir líka Laicale. Ég lærði hár-
greiðslu heima, og líka förðun hjá
skóla sem hét M Make-up school,
sem er ekki til lengur. Svo byrj-
aði ég að vinna í Mac og vann þar
í einhvern tíma áður en ég flutt-
ist hingað. Ég er með bandarísk-
an ríkisborgararétt og vildi nýta
hann áður en ég festist heima.“
Hárgreiðslunám frá Íslandi
gefur forskot í Bandaríkjunum.
„Hér úti er mismunandi eftir
fylkjum hvað hárgreiðslunám-
ið er langt. Sums staðar er það
ekki nema sex vikur. Í New York
og Los Angeles er langlengsta
námið, sem er samt ekki nema
níu mánuðir. Heima er allt hár-
greiðslunám fjögur ár. En það
er mikið um námskeið alls stað-
ar hér í New York sem fólk nýtir
sér, og ef þú vilt vera á góðri stofu
þarftu að læra á hárgreiðslustofu í
mörg ár. En hárgreiðslumenn hafa
allavegana mjög mismikla mennt-
un og reynslu, og hárgreiðsla er
mjög misdýr. Hér er hægt að fá
klippingu fyrir sjö dollara og líka
fyrir tvö þúsund dollara. Stofan
sem ég vinn á er miðlungsdýr og
er í Soho. Klipping hér kostar frá
90 dollurum upp í 160.“
ugla@frettabladid.is
Spillir ekki að byrja á
New York Fashion Week
Katy Perry og Miley Cyrus hafa klæðst fötum frá María Ke Fisherman, en Tinna
Empera Arlexdóttir var yfi rförðunarmeistari á fyrstu tískusýningu merkisins í
New York. Merkið er spænskt og hefur fengið verðlaun hjá Vogue og Style.
FRÁBÆR LÍFSREYNSLA Tinna Empera Arlexdóttir ásamt samstarfskonu á New York Fasion Week. MYND/ÚR EINKASAFNI.
STUTT Í STÓRU STUNDINA Fyrirsæta í sminki á New York Fashion Week.
MYND/ÚR EINKASAFNI.
Öll fötin frá þeim
eru rosa 90‘s. Ekki
eitthvað sem ég myndi
klæða mig í, en þau eru
að verða ansi stór, og
það er gaman að taka
þátt í þessu.
Tinna Empera Arlexdóttir
➜ Svissneska snjóbrettadívan
Sina Candrian notar bretti sem
verk Góms prýðir á Vetrar-
ólympíuleikunum í Sotsjí.