Fréttablaðið - 05.07.2014, Side 28

FÓLK| HELGIN
Hvað er það sem þú gerir alltaf um helgar?
Ég er yfirleitt á fullu að vinna, eins og
aðra daga, því það er í raun ekkert sem
skilgreinist sem helgi fyrir tónlistarmann.
Hvað ætlar þú að gera sérstakt um þessa
helgi? Ég verð að spila á pikknikk-tón-
leikum í Norræna húsinu í kvöld og svo á
Rifi á Snæfellsnesi og Bjarteyjarsandi. Mig
langar að lauma einni nótt í sumarbústað
með fjölskyldunni meðfram þessu en það
gæti verið ansi mikil bjartsýni.
Hvar finnst þér best að vera um helgar?
Um helgar langar mig alltaf norður í
Skagafjörð en það er yfirleitt bara um
verslunarmannahelgina sem ég kemst
almennilega norður til að njóta þess að
eiga frí.
Vakirðu lengur um helgar? Ég vaki alltaf
dálítið lengi enda er ég nátthrafn og dútla
mér mikið í næturkyrrðinni. Um helgar
finnst mér þó best að geta eytt dálitlu af
deginum með fjölskyldunni.
Ertu árrisull eða sefurðu út? Mér þykir
gott að sofa út en dóttirin á þriðja árinu
er ansi góð vekjaraklukka.
Hver er draumamorgunverðurinn? Í
góðum félagsskap, með fjölskyldunni
eða góðum vinum, og þá skiptir litlu máli
hvað er borðað.
Hvernig er dæmigert laugardagskvöld í
þínu lífi? Það er langt síðan eitthvað hefur
verið dæmigert í mínu lífi, og hvað þá
helgar, en stundum náum við fjölskyldan
að hola okkur niður eða fá góða gesti í
heimsókn og eiga notalega kvöldstund.
Það er nú alveg yndislegt. Algengara er
að ég sé að spila einhvers staðar og komi
svo heim um miðnætti og reyni frekar að
taka skemmtilegan sunnudagsmorgun
með fjölskyldunni. Kaffibollaspjall inni í
eldhúsi á hvaða tíma dags sem er er alltaf
snilld.
Ertu með nammidag og hvert er uppá-
haldssælgætið þitt? Ég er alger nammigrís
og huggugámur og borða nammi mér til
huggunar í dagsins önn. Íslenskt sælgæti
er í miklu uppáhaldi og ég kjamsa á því
eins og Glámur og Skrámur í Sælgætis-
landi. Svo fyllist ég sektarkennd og verð
rosalega pirraður út í sjálfan mig, eins og
sannur, breyskur Íslendingur.
Hvað maularðu í sjónvarpssófanum? Það
sem hendi er næst. Ég fyllist stundum
ugg um að grípa eitthvað eins og höndina
á konunni minni í misgripum og japla
á henni í smástund áður en ég fatta að
þetta er hún, öskrandi í sársauka og
örvæntingu.
Heldurðu hvíldardaginn heilagan? Ekki
sem slíkan. Ég skilgreini hins vegar hvíld-
ardagana sjálfur, svona einu sinni í mán-
uði eða svo. Jafnvel sjaldnar. Þeir dagar
eru teknir mjög alvarlega og stundum hef
ég hvíldarklukkustund sem ég held mikið
upp á.
Ferðu til kirkju eða hlustarðu á útvarps-
messuna á sunnudögum? Ef ég er beðinn
um að syngja í kirkju finnst mér óskap-
lega gaman að vera með í henni. Annars
er heimilið mitt kirkjan mín þegar það er
stund á milli stríða. Þá er útvarpsmessan
ekkert verri en hvað annað til að hafa í
eyrunum. Stundum þekki ég prestinn og
þá er ég glaður.
Hvað verður með sunnudagskaffinu og
með hverjum drekkur þú það? Sunnu-
dagskaffið verður vonandi tekið með
kókópöffs (hinu íslenska sumarbústaða-
morgunkorni) eftir vel heppnaða tónleika
í Frystiklefanum í Rifi á Snæfellsnesi í
kvöld. Ég ræ að því öllum árum að fjöl-
skyldan verði með í þeirri fyrirætlan.
Til hvers eru helgarfrí, að þínu mati? Helg-
arfrí eru til að rækta tengsl við fjölskyld-
una og sjálfan sig, eyða tíma með þeim
sem eru manni mikilvægastir og styrkja
böndin. Mig dreymir um hjólreiðatúra,
gönguferðir, kaffihúsahangs og heim-
sóknir með fjölskyldunni um helgar, og
stundum tekst manni að láta það rætast.
Stundum dugar bara morgunfúlt hangs
við eldhúsborðið. Samveran er svo mikil-
væg. Frí eru ótrúlega takmörkuð auðlind
fyrir mig og þess vegna finnst mér alltaf
erfitt að horfa upp á fólk sóa þeim í fyllerí
og djamm fram eftir nóttu, með tilheyr-
andi þynnku og ómöguleika daginn eftir.
En fólk lærir mikilvægi frítímans smám
saman. ■ thordis@365.
NAMMIGRÍS
„Ég er alger
nammi grís og
huggugámur og
borða nammi
mér til huggunar
í dagsins önn. Ís-
lenskt sælgæti er
í miklu uppáhaldi
og ég kjamsa á
því eins og Glám-
ur og Skrámur í
Sælgætis landi.”
JAPLAR Á KONUNNI
HELGIN Tónlistarmanninn Svavar Knút langar að sofa í sumarbústað í nótt.
Hann segir heimilið vera sína kirkju en langar alltaf í Skagafjörð um helgar.
SÍSTARFANDI
Svavar Knútur hefur
í nógu að snúast við
sönginn en hefur líka
lært að meta mikil-
vægi frítímans.
MYND/GVA
Útsala
Gallabuxur í úrvali

Háar í mittið
og með stretch
Sendum í póstkröfu!
Útsöluverð 13.290
Vertu iv nur kko ar á F acebook
Ótrúlegt
úrval íbúða til sölu
eða leigu!
STÆRSTI
HÚSNÆÐISVEFUR
LANDSINS
fonix.is Hátúni 6a 105 Reykjavík S. 552 4420
Heimilistæki