Fréttablaðið - 05.07.2014, Qupperneq 78

5. júlí 2014 LAUGARDAGUR| LÍFIÐ | 46
EVRÓPUFRUMSÝNING
Í TÉKKLANDI
Tónleikamynd Bjarkar Guðmundsdóttur,
Björk: Biophilia Live, verður Evrópufrum-
sýnd á alþjóðlegu kvikmyndahátíðinni
Karlovy Vary í Tékklandi sem hófst í gær
og stendur til 12. júlí. Frumsýningin er 6.
júlí en myndin verður einnig sýnd 10. júlí.
Myndin var heimsfrumsýnd
á Tribeca-kvikmyndahá-
tíðinni þann 26. apríl en
í henni er fylgst með
Biophilia-tónleikum
Bjarkar og við
þá er blandað
hreyfimyndum
úr smáforritinu
sem var þróað
sem hluti af
plötunni. - lkg
NELSON SKÍRIR
DRENGINN
Bardagaíþróttafólkið og parið fallega,
Gunnar Nelson og Auður Ómarsdóttir,
hafa látið skíra drenginn sinn en hann
hlaut nafnið Stígur Týr. Það var enginn
annar en Hilmar Örn
allsherjargoði sem
sá um að gefa
drengnum nafnið
fallega. Gunnar fór út
til Dyflinnar
fyrir skömmu,
þar sem hann
æfir sig af
kappi fyrir
sinn næsta
bardaga í UFC
sem fram fer
19. júlí.
ÚTSALA
38
ÞREP
Laugavegi 49 / sími 561 5813
„Ég ákvað bara að láta mig dreyma
stórt og sótti um. Þetta er búið að
vera mjög súrrealískt,“ segir Anna
María Tómasdóttir, sem á dögunum
fékk inngöngu í The Actors Studio
Drama School í New York en þar
fer hún í mastersnám í leikstjórn.
Leiklistarskólinn er á lista yfir þá
allra bestu í heiminum en þar hafa
heimsþekktir leikarar líkt og Brad-
ley Cooper menntað sig, en stórleik-
arinn Al Pacino er listrænn stjórn-
andi við skólann. Anna María er
fyrsti Íslendingurinn sem kemst inn
í þetta mastersnám. Hún er alls ekki
ókunnug leiklistinni en hún hefur
unnið að leikmyndum og búning-
um við hinar ýmsu bíómyndir, sjón-
varpsþætti og auglýsingar, ásamt
því að hafa sett upp verk, skrifað
og leikstýrt.
„Ég er útskrifuð með BA frá
Listaháskólanum af braut sem
heitir Fræði og framkvæmd og
það hefur alltaf verið draumur-
inn að leika, allt frá því að ég var
lítil að dandalast með mömmu
minni uppi í leikhúsi,“ segir Anna
María, en móðir hennar er Þór-
unn Sveinsdóttir búningahönnuður.
The Actors Studio er vel þekkt félag
leikara í Bandaríkjunum og virkar
eins og eins konar símenntunar-
félag, þar sem leikarar og leikstjór-
ar geta viðrað hugmyndir sínar við
aðra og fengið álit annarra innan
félagsins. Árið 1994 var masters-
námið síðan sett á laggirnar en
námið er kennt í Pace-háskóla í New
York. Anna María vann við tökur á
bresku sjónvarpsþáttunum Forti-
tude sem fóru fram á Reyðarfirði
í ársbyrjun en flaug út í prufurn-
ar til New York í einu tökuhléinu.
„Ég fékk Dóru [Jóhannsdóttur], vin-
konu mína og leikkonu sem búsett
er í New York, til þess að hjálpa
mér en það mátti ekki flytja senuna
einn. Þetta var mjög löng prufa og
við gerðum senuna nokkrum sinn-
um. Þetta endaði svo með því að
þau tóku mig inn í leikaranámið á
staðnum. Ég fór svo í viðtal í kjöl-
farið og þegar þau skoðuðu feril-
skrána mína sáu þau að ég hafði
líka víðtæka reynslu á öðrum svið-
um en leik svo þau spurðu mig hvort
ég hefði einnig áhuga á því að fara
í leikstjórn en leikstjórarnir starfa
mikið með rithöfundum og leikur-
unum. Ég ákvað því að slá tvær
flugur í einu höggi og læri því að
leika og leikstýra,“ segir Anna
María, sem heldur út til New York
í haust en námið hefst 3. september.
kristjana@frettabladid.is
Súrrealískt að vera
komin inn í skólann
Anna María Tómasdóttir fékk inngöngu í The Actors Studio Drama School í New
York en skólinn er ofarlega á lista yfi r bestu leiklistarskóla heims. Anna María
fetar í fótspor þekktra Hollywoodleikara sem hafa menntað sig við sama skóla.
DRAUMURINN RÆTTIST
Anna María Tómasdóttir
komst inn í hinn virta
Actors Studio Drama School
í New York.

Spjallþátturinn Inside the Actors Studio hefur lengi notið gríðarlegra
vinsælda en James Lipton stjórnar þættinum Lipton fær til sín þekkt fólk
úr leiklistarheiminum og ræðir við það um daginn og veginn. Áhorfendur
í sal, sem allt eru nemendur við skólann,
eiga svo möguleika á að
spyrja viðmælandann
spjörunum úr.
Á YouTube má finna
mörg skemmtileg
innslög úr Inside the
Actors Studio. Þar má
meðal annars sjá Brad-
ley Cooper, sem þá
var nemandi við
skólann, spyrja
þá leikreyndu
Sean Penn og
Robert De
Niro út
í ákveðin
hlutverk.
Inside the Actors Studio
Ábendingahnappinn má finna á
www.barnaheill.is
FRÉTTABLAÐIÐ/DANÍEL
FER Í KASTLJÓSIÐ
Helga Arnardóttir, frétta- og dag-
skrárgerðarkona, hefur sagt upp starfi
sínu hjá 365 miðlum en hefur þó ekki
kvatt fjölmiðlana. Hún mun hefja
störf hjá RÚV næsta haust og bætast
í hóp þáttastjórnenda Kastljóssins.
Helga hefur undanfarna mánuði verið
í fæðingarorlofi en hefur
starfað síðastliðin sjö ár
hjá 365 miðlum. Hún var
fréttamaður á Stöð 2 og
vann til blaðamannaverð-
launa fyrir umfjöllun sína
um Geirfinnsmálið. Hún
vakti einnig athygli
fyrir þætti sína Manns-
hvörf og Óupplýst lög-
reglumál sem sýndir
voru á Stöð 2. - ebg
„Ég væri ekki hér
án Davids. Hann
fyllir mig öryggi
og hvetur mig til
að gera það sem
ég geri. Ég geri
það sama fyrir
hann.“
VICTORIA BECKHAM
LOFAR EIGINMANN
SINN, DAVID
BECKHAM, Í VIÐTALI
VIÐ BRESKA VOGUE.
ÚTSÖLU
MARKAÐUR
FÁKAFENI 11
Bolir Peysur Úlpur
Jakkar
Buxur
Töskur
Íþróttafatnaður
Smáhlutir
Opið frá kl. 12:00 - 18:00 virka daga
og laugardaga 11:00 - 16:00