Fréttir - Eyjafréttir - 09.04.1981, Blaðsíða 2

Skólaskákmótið 1981
Það var haldið föstudag og laugar-
dag 3.-4. mars s.l. þátttakendur voru
hvorki fleiri né færri en 60. Teflt var
í Félagsheimilinu við Heiðarveg og
var teflt eftir Monrad-kerfi, þar sem
þátttakendur voru svo margir.
tefldar voru 6 umferðir, og nokk-
uð bar nú á því að ekki væru allir
komnir langt í skáklistinni, sem
varla er von, því aldurinn var frá 7-
12 ára.
A einu borði kom upp sú staða, að
annar átti eftir hrók og drottningu,
en hinn aðeins kónginn. Sá sem átti
mennina eftir, hann skákaði sitt á
hvað og hann var spurður að því,
hvort hann ætlaði nú ekki að fara að
máta. „Máta!- ha, hvað er það?“
Það má segja að heppilegra hefði
kannski verið að skipta þessum hópi
í tvennt, en það hefði þá tekið miklu
lengri tíma að koma mótinu áfram.
En það var gaman að sjá svipinn á
andlitum sumra, er þeir voru að
leika, sumir læddu mönnunum fram
á borðið, líkt og þeir væru ofboðlítið
feimnir, aðrir skeltu þeim niður með
miklum gassa, svo það söng og hvein
í borðinu, og enn aðrir héldu svo fast
um mennina og slepptu þeim ekki
fyrr en í síðustu lög og löngu eftir að
þeir voru nú komnir á þann reit, sem
þeim var ætlaður staður; þeir ætluðu
sko ekki að leika af sér.
Nokkrir tefldu nú nokkuð yfir-
vegað í eintaka skák og gáfu sér
góðan tíma til þess að hugsa, enda
voru skákirnar eftir því, og eina
skákina varð að setja í bið.
Mér sýndist þó einn bara af, hve
rólega hann tefldi, en það var Ingi
Sigurðsson, og á föstudeginum átt-
ust þeir við, Guðmundur Búi Guð-
mundsson og Ingi, og var skákin vel
tefld og komið fram í endatafl og
þeir virtust gefa sér nokkuð góðan
tíma. Guðmundur var nú kominn
með unna skák og átti aðeins eftir að
útfæra vinninginn, en mátti þó passa
sig nokkuð, enhann varaði sig ekki á
rólegheitum Inga, sem læddist mcð
hrókinn aftan að kóngnum og gm
allt í einu mátað Guðmund, og mátti
sjá, að Guðmundur varð lítt glaður,
sem von var.
Farðu hœgt svo þú komist
áfram!
Nú, Auðunn Jörgensen, hann er
nú alltaf jafn hress með sig og teflir
eftir því og gengur vel. Hann tefldi
til úrslita við Leif Hafsteinsson, sem
hafði, eftir því sem ég heyrði, lítinn
áhuga á því að verða efstur. Auðunn
hafði hvítt og hóf harða sókn, sem
hann réði ekki við og tapaði hann
drottningunni í ellefta leik, en hann
hann hafði þó fengið nokkuð fyrir
sinn snúð, en það var sem Leifur
einblíndi um of á vörnina hjá sér, en
hann gat þvingað fram mát hefði
hann farið í sókn.
Auðunn tefldi nú vel og náði
klemmu, sem hann gat svo þráteflt
úr og skákin varð jafntefli.
Þeir voru nú jafnir að vinningum,
en Auðunn vann á stigum, og er því
Skákmeistari Barnaskólans í Vest-
mannaeyjum 1981.
Ekki er nú mikill munur á þessum
10 efstu drengjum, en þeir þurfa að
fá kennslu í því að tefla, og það er
auðséð að þeir búa yflr góðum
hæfileikum.
Allt þetta mót fór fram með
miklum ágætum, og á Birgir Bald-
vinsson, kennari, góðar þakkir fyrir
þann áhuga, sem hann hefur sýnt
skákinni og það væri óskandi að
þetta starf hans beri þann árangur,
sem að er stefnt.
Birgi til aðstoðar við framkvæmd
mótsins vóru þeir Olafur Her-
mannsson, Stefán Gíslason og Elías
Bjarnhéðinsson.
Úrslit urðu þessi:
Nöfn: vinningar:
Auðunn Jörgensen .......... 5,5,
Leifur Hafsteinsson .........5,5
Guðm. Búi Guðmundsson .... 5,0
Sigmundur Andrésson..........5,0
Greipur Sigurðsson...........4,5
Guðni Einarsson..............4,5
Hlynur Sigmarsson............4,5
Oðinn Jónasson...............4,5
Jón H. Stefánsson............4,0
Ingi Sigurðsson..............4,0
Magnús Valgeirsson...........4,0
Gunnar Örn Ingólfsson........4,0
Sigmundur Andrésson.
VTTRETEX
MÁLNINGIN
á veggina fyrir páska og
fermingar. Urvalsmálning
á góðu verði!
Bókamenn!
Fyrsta bókauppboðið í ár verður haldið á Skút-
anum n.k. laugardag kl. 15.00.
Meðal fágætra bóka verður Tyrkjaránssaga eftir
Björn frá Skarðsá, samin 1643, en útgefm 1866.
Tyrkjaránið á íslandi 1627, Sögufélagið gaf út 1906.
Tyrkjaránið eftir Jón Helgason. - Formannsævi í
Eyjum eftir Þorstein frá Laufási. - Örnefni í
Vestmannaeyjum.
Menn geta fengið lista yfír þær bækur, sem á
uppboðinu verða, í Fornbókaverlsuninni Spörva-
skjóli.
BASAR
Sjálfsbjörg heldur basar laugardaginn 11. aprílkl.
15.00 í Drífanda. marg góðra muna. Gómsætar
kökur.
Stjórnin.
Ljósmyndanámskeið
verður haldið á vegum tómstundaráðs í Landlyst.
Innritun og upplýsingar laugardag 11. apríl frá kl.
14.16.
Hafir þú áhuga á ljósmyndun, þá er þetta rétta
tækifærið!
Galleri Landlyst.
Arshátíð FIV
verður n.k. föstudagskvöld í Alþýðuhúsinu. Allir
boðnir velkomnir á dansleik frá kl. 23.00-03.00.
Hljómsveitin HVER sér um fjörið.
Allir núverandi nemendur FIV geta útvegað
miða, einnig verður miðasala við innganginn.
NFFV.
NÝTT -
COCKTAIL BLÖNDUR
WHISKEY SOUR
TOM COLLINS
BLACK RUSSIAN
O.FL.
ÚTI-KÖKUBASAR
Höldum úti-kökubasar föstudag (á
morgun) kl. 15.00 í Bárugötunni, ef veður hamlar
ekki, annars að Skólavegi 6 (Brunabót).
Kirkjukórinn.