Fréttir - Eyjafréttir - 03.09.1981, Blaðsíða 2
á FRÉTTIR |
í
Ritstjóri og ðbm.: Guólaugur Sigurðsson
Útgefandi: EYJAPRENT HF.
Fiimusetning og offset-prentun:
Eyjaprent hf. Strandvegi 47, 2. hæö
Sími 98-1210
k
Tillaga um jarðvegsskipti
Viðbótarlóð
fyrir Stakk
Nýlega tók Hafnarstjórn
fyrir erindi frá fiskverkunar-
stöðinni Stakk h/f þar sem
óskað er eftir viðbótarlóð
sunnan við núverandi lóð
fyrirtækisins. Um er að ræða
autt svæði milli lóðar Stakks
h/f og lóðar Eimskipafélags
Islands, samtals lll4 m2.
Hafnarstjórn samþykkti að
verða við erindinu.
PLAST
ÖLD
Hefur þú nokkurntíma
leitt hugann að því, til hve
margra hluta plast er not-
að? Það er notað í fötin þín,
utan um matvæli, bækur,
vélahluti, o.s.frv. o.s.frv.
Veist þú, hve margir
plastpokar eru til á heimili
þínu? Svo til hver einasta
verslun hér í bænum, sem
annarsstaðar á landinu,
býður viðskiptavinum sín-
um plastpoka undir þær
vörur, sem keyptar eru
hverju sinni.
Meðalstórt heimili fær
3-5 plastpoka í verslunum
á degi hverjum. Þar hlað-
ast þeir upp og ekki fer
nema einn og einn undir
rusl.
Hefur þú hugleitt, hvað
verður um alla hina pok-
ana? Þegar þeir eru farnir
að kallæra þig, treður þú
þeim í einn af þeim sjálfum
og fleygir þeim í tunnuna.
Svo tekur „Kári“ við, og
feykir þeim af haugunum,
yfir eyjuna og verður af
hinn mesti óþrifnaður.
Þess vegna skulum við
nú fara að venja okkur á að
nota innkaupanetið eða
töskuna, sem fólk notaði
hér áður. Hvernig fórum
við að, áður en plastpok-
arnir komu til sögunnar?
Plast er eitt þeirra efna,
sem eyðist ekki eins og t.d.
pappír og það er ömurleg
sjón að sjá þetta rusl fjúk-
andi um allar trissur, er
vindur blæs.
Hættum þessu plastpoka-
fári og drögum fram góðu
gömlu innkaupatöskuna!
HUSMÓÐIR.
Landakirkja:
Sunnudagur 6. september:
Messa kl. 11 fyrir hádegið.
Sóknarprestur.
Viðtalstími sóknarprests:
Mánudaga til og með föstu-
dögum frá kl. 16.00 - 17.00.
sími 1607
Spámaðurinn
I síðasta blaði Frétta voru
nokkrir Eyjamenn fengnir til
að spá fyrir um úrslit í bikar-
leik IBV og Fram. Árni
Johnsen, blaðamaður, reynd-
ist sannspár, því hann spáði
úrslitum 3-2 IBV í hag og lét
það fylgja að þetta yrði mikill
baráttuleikur.
Bæjarfulltrúar Sjálfstæðis-
flokksins hafa lagt frairreftir-
farandi tillögu:
”Með tilvísan til umræðna
um ástand Dalavegar á fundi í
dag, (25. ágúst ’81) leggja
bæjarfulltrúar Sjálfstæðis-
flokksins fram eftirfarandi
tillögu:
Bæjarstjóm Vestmannaeyja
samþykkir að láta hefja jarð-
vegsskipti í Dalavegi frá
gatnamótum Sóleyjargötu að
gatnamótum fyrir ofan Smára-
götu. (Þar sem malbikaði
kaflinn tekur við.)
Jafnframt verði ráðist í nauð-
synlegar framkvæmdir vegna
frárennslislagna, til að koma í
veg fyrir stórtjón af völdum
vatnselgs.
Við það skal miðað að
verkinu ljúki í haust, og við
það að þessi hluti Dalavegar
verði malbikaður sumarið
1982”.
Bæjarráð samþykkti á síð-
asta fundi sínum að láta gera
kostnaðaráætlun fyrir umrætt
verk og leggja fyrir bæjarráð
sem fyrst.
íbúðir til sölu
Stjórn verkamannabústaða í Vestmanna-
eyjum auglýsir til sölu tvær íbúðir að
Áshamri 75 og eina íbúð að Foldahrauni 42.
Ibúðirnar eru allar 3ja herbergja. Kaup-
endur íbúðanna þurfa að greiða 20% íbúðar-
verðs við afhendingu íbúðanna en 80%
kaupverðs eru lánuð úr Byggingarsjóði
Verkamanna. Við úthlutun skal umsækjandi
uppfylla eftirfarandi skilyrði. A) Eiga lög-
heimili í Vestm. B) Eiga ekki íbúð fyrir eða
samsvarandi eign í öðru formi. C) Hafa haft í
meðaltekjur sl. þrjú ár eigi hærri fjárhæð en
sem svarar 5.952.000 gkr. fyrir einhleyping
eða hjón og 526.000 gkr. fyrir hvert barn á
framfæri innan 16 ára aldurs.
Eyðublöð fyrir væntanlega umsækjendur
liggja frammi á skrifstofu Verkalýðsf. Vm.
og hjá Elíasi Björnssyni Hrauntúni 28 sími
1929.
Umsóknarfrestur er til 25. september.
Stjórn Verkamannabústaða
í Vestmannaeyjum
PYSJUTÍMINN HAFINN! Bílar með háu ljósin á og
krakkar með pappakassa og vasaljós leitandi í hverjum
krók og kima á kvöldin, það leynir sér ekki að pysjan er
komin. En það er fleira sem fer á stjá á kvöldin, en
pysjan og krakkarnir. Iðulega má sjá ketti í blóðugum
leik með pysjur sem enginn hefur hirt. Kattareigendur
ættu að sjá um að loka ketti sína inni yfir hápysju-
tímann svo ekki verði tugir blóðugra hræja á götunum á
morgnana til vitnis um veiðigetu kattanna.
Þessir hressu krakkar sleppa "aflanum” frá síðasta
kvöldi, út á Eiði.
Mánaðarlaun hjá
Bæjarsjóði 1981
Hjá Bæjarsjóði Vestmannaeyja hefur verið
tekið saman, hversu mikið hefur verið greitt hvern
mánuð, sem af er þessu ári, I laun alls auk
yfírvinnu. Hér é eftir fer tafla, sem sýnir þessi
laun, en taka ber fram, að þarna er ekki reiknað
með Sjúkrahúsi og Rafveitu.
Mánuður: Laun alls: Eftirvinna: Hlutfall
Janúar 1.179.025 205.980 17,4%
Febrúar 1.329.499 248.811 18,7%
Mars 1.290.364 224.073 17,4%
Apríl 1.356.409 261.930 19,3%
Maí 1.289.944 240.094 18,6%
Júní 1.445.491 239.313 16,6%
Júlí 1.391.086 292.126 21,0%
Samtals 9.281.818 1.712.327 18,5%
Viltu spara?
Svið á tilboði:
17.30 krónur kílóið!
HOLAGOTU 28
IBV til lands á morgun
Á morgun spáir betri tíð, og von til þess að ÍBV komist til lands.
Áætlað er að leika við Val annað kvöld, en þessum leik varð að fresta
15. ágúst s.l. Á sunnudaginn leikur IBV hér við Víking. Sem kunnugt
er, er nú fótboltaspennan í hámarki og hver einasti leikur sem eftir er
hreinn úrslitalcikur fyrir IBV. Verði heilladísirnar jákvæðar Eyja-
mönnum í þeim leikjum, sem eftir eru, má reikna með að deildar-
bikarinn komi líka til Eyja. Þá verða smiðir að taka til hendinni og
smíða nýja kassa utan um þessa bikara í Iþróttamiðstöðinni.
Þursaflokkurinn og Jakob
Magnússon með tónleika hér
Mjög líklegt er að Vestmannaeyingar fái í heimsókn á
næstkomandi miðvikudag þursaflokkinn og Jack Magnet
eða Jakob Magnússon eins og hann kallast á íslensku.
Þeir kappar hafa í hyggju að fremja tónlist fyrir
Eyjamenn, nk. miðvikudag kl. 21.00 í bíósal Samkomu-
hússins. Er ekki að efa að þar verði stemming mikil þar
sem þetta eru með bestu ef að ekki bestu starfandi
tónlistarmenn landans í dag. Því er full ástæða til að
hvetja alla unga sem aldna til að mæta á miðvikudaginn í
samkomuhúsið og hlýða á Þursana og Jakob.
Fréttatilkynning.