Fréttablaðið - 24.09.2014, Blaðsíða 34

| 8 24. september 2014 | miðvikudagur
„Þessa dagana fer mest af mínum
tíma í að undirbúa komu 1800 og
þar er allt að smella. Við erum að
ráða fólk og semja við fjarskipta-
fyrirtæki og önnur fyrirtæki um
þessa þjónustu,“ segir Andri Árna-
son, framkvæmdastjóri 1800 ehf.
Andri hefur undanfarin fjögur
ár unnið að því að koma á fót fyrir-
tæki sem mun sérhæfa sig í sölu á
upplýsingum um símanúmer ein-
staklinga og fyrirtækja.
„Við höfum stefnt að því að fara
í samkeppni við 118 og nú lítur
út fyrir að það sé að fara að tak-
ast,“ segir Andri. Hann bætir við
að ákvörðun Póst- og fjarskipta-
stofnunar í sumar, um breytt fyrir-
komulag á miðlun símaskrárupp-
lýsinga, hafi verið nauðsynlegur
þáttur í að skapa rekstrargrund-
völl nýja fyrirtækisins.
Andri er stúdent frá Verslun-
arskóla Íslands og hann lauk BS-
námi í viðskiptafræði við Við-
skiptaháskólann í Kaupmannahöfn
(CBS) árið 2007.
„Ég á mjög góðar minningar
þaðan og við kærastan reynum að
heimsækja Danmörku eins oft og
við getum,“ segir Andri.
Hann hóf störf hjá fjölskyldu-
fyrirtækinu Miðlun sama ár og
hann útskrifaðist. Faðir Andra,
Árni Zophoníasson, stofnaði fyrir-
tækið árið 1983.
„Þegar ég byrjaði þar vann ég
sem sölumaður en ég hef verið
starfandi framkvæmdastjóri frá
árinu 2010 og sinnt daglegum
rekstri fyrirtækisins. Nú ætla ég
í auknum mæli að færa mig yfi r til
1800 og sinna uppbyggingu þess
fyrirtækis.“
Andri er í sambúð með Sólrúnu
Maríu Reginsdóttur, nema og fl ug-
freyju hjá Icelandair. Spurður um
áhugamál nefnir hann golf, te og
30 kílóa hund af tegundinni Golden
Retriever.
Eyðir frítímanum í hundinn, golf og te
Andri Árnason, framkvæmdastjóri 1800 ehf., lærði viðskiptafræði við CBS í Kaupmannahöfn og hóf störf hjá fjöl-
skyldufyrirtækinu Miðlun árið 2007. Fjölskyldan rekur einnig Tefélagið sem selur te í búðir og á veitingastaði.
FRAMKVÆMDASTJÓRINN Andri heldur mikið upp á Danmörku en þar átti hann heima í
fjögur ár. FRÉTTABLAÐIÐ/GVA
„Andri er frábær drengur í alla staði og minnir mig stundum
á örlítið yngri og örlítið hávaxnari útgáfu af sjálfum mér og
eigum við því vel skap saman. Ég kynntist honum þegar
hann eftir áralanga baráttu náði að klófesta Sólrúnu, konuna
sína, en hún er systir nr. 3 í röð fegurðardísa sem bera eftir-
nafnið Regins. Fyrir utan kvensmekkinn deilum við miklum
og djúpum áhuga á rauðvíni og góðum mat og höfum átt
mjög margar eftirminnilegar stundir saman við matarborðið
og ég er nokkuð viss um að við munum einhvern tíma
opna veitingastað saman. Svona til að toppa þetta þá virðumst við einnig vera
með mjög áþekkan fatasmekk og höfum oftar en ekki mætt í nánast sams konar
fötum í matarboð og er okkur þá gjarnan ruglað saman … eða þannig.“
Gunnar Már Sigfússon rithöfundur
„Ég kynntist Andra Árnasyni þegar við stunduðum nám í
Kaupmannahöfn. Andri er hógvær maður og hreykir sér ekki,
oft og tíðum það hógvær að þrátt fyrir að við tölum saman
daglega þá kemst maður oft að því eftir á að hann er búinn
að vera að vinna að einhverju mjög merkilegu í þó nokkurn
tíma. Andri er fróðleiksfús og gæddur þeim eiginleika að ná
að skoða bróðurpart internetsins daglega. Hann er hafsjór af
fróðleik og getur maður alltaf leitað svara hjá honum, hvort
sem það er vegna nýjustu trenda í viðskiptalífinu eða nafns
á götu í erlendri stórborg. Það sem Andri gerir, gerir hann vel. Hann anar ekki út í
neitt og ef hann hefur ekki fundið réttu lausnina þá bíður hann þar til hann finnur
hana. Andri er klár, ósérhlífinn og duglegur.“
Sigurgísli Bjarnason, veitingamaður á Snaps og Nings
FRÁBÆR DRENGUR OG HÓGVÆRSVIPMYND
Haraldur Guðmundsson | haraldur@frettabladid.is
„Ég á hundinn ásamt kærustunni.
Hann er fjögurra og hálfs árs gam-
all og ég reyni að gefa honum eins
mikla athygli og ég get. Því fylgja
margir göngutúrar og mikil umönn-
un,“ segir Andri og heldur áfram:
„Svo rekum við fjölskyldan
annað hliðarfjölskyldufyrirtæki
sem heitir Tefélagið þar sem við
seljum te í áskrift og í búðir og á
veitingastaði. Það fer dálítill kraft-
ur í það líka því við hittumst tvisv-
ar í mánuði og pökkum og veljum
te fyrir næstu mánuði. Te er því
dálítið stór partur af mínum frí-
tíma.“
Ásdís Halla Bragadóttir er eigandi
EVU ehf., sem á og rekur meðal
annars félagið Sinnum ehf. Sinn-
um sérhæfi r sig í alhliða heima-
þjónustu, heimahlynningu, heima-
hjúkrun eða hvíldardvöl fyrir eldri
borgara, fatlaða, langveika, sjúka
og aðra þá sem þarfnast þjónustu
til að geta búið heima við. Þá á
EVA einnig Heilsumiðstöðina sem
starfar í Lágmúla og á og rekur
Hótel Ísland. Þannig verður veit-
ingastaðnum góðkunna, Broadway,
breytt í Lækna- og heilsumiðstöð
sem verður í um 3.000 fermetra
rými á neðstu hæðum hússins
ásamt því sem sjúklingar geta
fengið gistingu í sama húsnæði og
þeir fá heilbrigðis- eða aðra vel-
ferðarþjónustu. Kjölfesta, sjóður
í eigu lífeyrissjóðanna, keypti 30
prósent í EVU nýlega en félagið
veltir um 800 milljónum á ári.
Ásdís ræðir um starfsemi EVU
og dótturfyrirtækja í Klinki vik-
unnar, ásamt kostum einkarekst-
urs í heilbrigðisþjónustu sem er
oft mjög umdeildur í umræðunni.
Ásdís segir að þar sem þjóðin sé að
eldast fl jótt muni stærri og stærri
hluti af sameiginlegum sjóðum
þurfa að renna í heilbrigðisþjón-
ustu. Nauðsynlegt sé að fi nna nýjar
leiðir til þess að bæta þjónustuna
en með hagkvæmum hætti. Nýj-
asta þátt Klinksins þar sem rætt
er við Ásdísi má nálgast á forsíðu
Vísis.
Fanney Birna Jónsdóttir
fanney@frettabladid.is
Viðtalið við Ásdísi Höllu
Bragadóttur er hægt að sjá í
þættinum Klinkinu á www.visir.is.
ÁSDÍS HALLA BRAGADÓTTIR
Það verða að eiga sér stað
breytingar á næstu árum
„Okkur finnst mjög spennandi
að læknar og heilbrigðisstarfs-
fólk hafi val um vinnustaði og á
þessum sjö árum sem eru liðin
frá því að við stofnuðum EVU þá
höfum við hitt marga lækna og
heilbrigðisstarfsfólk sem hefur
áhuga á því að gera eitthvað á
eigin vegum – hafa eitthvað um
vinnuna sína að segja.“
„Það verður aldrei þannig að
einkaaðilar fari að gera allt það
sem Landspítalinn er að gera.
Alls ekki. Þetta verður bara
brotabrot af þeirri starfsemi. Það
er fullt af hlutum sem eiga heima
inni á Landspítalanum og hann
er að gera mjög vel en það eru
ákveðnir hlutir sem geta allt eins
verið framkvæmdir af læknum
utan spítalans.“
„Við gerum ráð fyrir að sömu
samningar gildi fyrir lækna sem
starfa þar [hjá Heilsumiðstöð-
inni], til dæmis sérfræðilækna,
og þá sem eru að starfa í
Glæsibæ eða Domus eða Orku-
húsinu eða annars staðar þannig
að Sjúkratryggingar greiði fyrir þá
þjónustu sem Sjúkratryggingar
hafa áhuga á og eru tilbúnar til
þess að kaupa.“
„Oft þegar talað er um einka-
rekstur þá bregður mönnum og
þeir spyrja: eiga sjúklingarnir að
fara að greiða fyrir þjónustuna?
Nei. Það er ekki það kerfi sem
ég tala fyrir og ég held að það
séu ekki margir á Íslandi sem
vilja fara í þá átt.“