Fréttablaðið - 24.09.2014, Blaðsíða 46

24. september 2014 MIÐVIKUDAGUR| MENNING | 26
TÓNLIST ★★★★ ★
Guðrún Ingimarsdóttir sópran
og Rastrelli sellókvartettinn
LISTASAFN ÍSLANDS
SUNNUDAGINN 21. SEPTEMBER
Ég heyrði strengjakvartett skil-
greindan á eftirfarandi hátt á
sunnudagskvöldið: Fyrsta fiðlan
er góði fiðluleikarinn, önnur fiðlan
er lélegi fiðluleikarinn og víólan er
fyrrverandi fiðluleikarinn. Selló-
leikarinn er hins vegar maðurinn
sem hatar fiðluleikarana.
Það var listrænn stjórnandi
Rastrelli sellókvartettsins sem
komst svo að orði á tónleikum í
Listasafni Íslands á sunnudags-
kvöldið. Samkvæmt skilgreining-
unni samanstóð kvartettinn þar
af fjórum mönnum sem þola ekki
fiðluleikara. Ástæðan fyrir hatr-
inu er sú að fiðluleikarar fá allt-
af að spila safaríku melódíurnar á
sinfóníutónleikum. Sellóin eru oft-
ast í leiðinlega undirleikshlutverk-
inu. Það er óþolandi.
En ekki núna. Hér var enginn
fiðluleikari til að eyðileggja stemn-
inguna. Sellóin voru allt í öllu. Og
samt ekki. Guðrún Ingimarsdótt-
ir sópran söng með kvartettinum í
u.þ.b. helmingi dagskrárinnar.
Sambandið á milli hennar og
kvartettsins var dálítið spes.
Þegar Guðrún var ekki að syngja
spilaði kvartettinn eldfjöruga tón-
list. Þar á meðal var 24. kaprísa
Paganinis. Hún var í hugmynda-
ríkri útsetningu eins sellóleikar-
ans, Sergei Drabkin, sem útsetti
líka hin lögin á dagskránni. En
þegar Guðrún gekk inn í salinn
datt allt í dúnalogn. Maður fékk
að heyra íslenska vögguvísu, Við
gengum tvö, o.s.frv. Það var eins
og sellóleikararnir væru snarvit-
lausir krakkar að leika sér inni í
stofu, en Guðrún væri mamma
þeirra. Þegar mamman labbaði inn
í stofuna hegðuðu krakkarnir sér
almennilega. En um leið og hún fór
út voru þeir komnir upp um alla
veggi á ný.
Guðrún er frábær söngkona og
hún er stórglæsileg á sviði. Hún
söng af gríðarlegri tilfinningu og
tæknilegum yfirburðum. Röddin
var tær og fókuseruð, kraftmik-
il og fögur. Djasslögin eftir hlé,
eins og t.d. Night and Day eftir
Cole Porter og I Got Rythm eftir
Gersh win voru þó ekkert sérstak-
lega sannfærandi hjá henni. Slík
lög þurfa aðeins hrárri söngstíl.
Guðrún er of skóluð sem óperu-
söngkona. En hún söng lögin engu
að síður vel á sinn hátt, því er ekki
hægt að neita.
Sellóleikararnir voru magnaðir.
Eins og áður segir voru þeir ákaf-
lega fjörugir, samspilið var pott-
þétt og þeir hristu erfiðustu tóna-
hlaup fram úr erminni. Þetta með
að Guðrún væri eins og mamma
þeirra fjaraði smám saman út, og
undir það síðasta var söngkona og
kvartett eins og ein manneskja.
Það var skemmtilegt.
Loks ber að nefna að það var
ánægjuleg upplifun að fara á tón-
leika í Listasafni Íslands. Ég held
að ég hafi ekki gert það síðan
Harpan var opnuð. Hljómburður-
inn í safninu er prýðilegur og það
er gaman að vera innan um öll
flottu málverkin. Ég vona að ég
fái að fara oftar á tónleika þarna
í framtíðinni.
Jónas Sen
NIÐURSTAÐA: Flottir tónleikar með
frábærri söngkonu og fjórum afburða
sellóleikurum.
Óþekkir sellóleikarar og mamma þeirra
RASTRELLI SELLÓKVARTETTINN „Sellóleikararnir voru magnaðir. Eins og áður segir voru þeir ákaflega fjörugir, samspilið var
pottþétt og þeir hristu erfiðustu tónahlaup fram úr erminni.“
Jazzklúbburinn Múlinn er að hefja
starfsemi sína á nýjan leik eftir
sumarfrí og býður upp á tónleika
með söngkonunni Sigríði Thor-
lacius í aðalhlutverki sem opnun-
aratriði. Söngkonan kemur fram
ásamt Múlasextettinum sem skip-
aður er Birki Frey Matthíassyni
sem leikur á trompet, saxófónleik-
urunum Hauki Gröndal og Ólafi
Jónssyni, píanóleikaranum Eyþóri
Gunnarssyni, Þorgrími Jónssyni
sem leikur á bassa og trommu-
leikaranum Scott McLemore.
Leikin verður tónlist frá fimmta
áratugnum í anda Als Cohn, Zotts
Sims og fleiri ásamt útsetningum
af ýmsum djassperlum sem Sigríð-
ur syngur.
Tónleikarnir, sem hefjast klukk-
an 21, fara fram á Björtuloftum á
5. hæð í Hörpu.
Sigríður á opnunar-
tónleikum Múlans
Jazzklúbburinn Múlinn hefur haustdagskrána á
Björtu loft um í Hörpu klukkan 21 í kvöld.
STJARNA KVÖLDSINS Sigríður Thorlacius verður í aðalhlutverki á opnunartón-
leikum Múlans í kvöld. FRÉTTABLAÐIÐ/VALLI
Hildur Knútsdóttir og Sigfríður
Gunnlaugsdóttir hafa umsjón
með bókakaffi í menningar-
miðstöðinni Gerðubergi í kvöld
klukkan 20. Þær fjalla um radd-
ir innflytjenda í bókmenntum,
með áherslu á höfunda sem flutt
hafa til og frá Afríkuríkjum.
Sérstaklega verður fjallað um
rithöfundinn Doris Lessing en
hún var í raun alls staðar „inn-
flytjandi“, bæði í Evrópu og í
Afríku. Einnig verður rætt um
bókina The Jive Talker; Or How
to get a British Passport eftir
malav íska höfundinn Samson
Kambalu.
Bókakaffið hóf göngu sína í
Gerðubergi haustið 2011 og er
hluti af dagskrárröð sem boðið
er upp á á miðvikudagskvöldum
í samvinnu við Borgarbókasafn
Reykjavíkur. Markmiðið er að
kynna áhugaverðar bókmenntir
og ræða um þær á óformlegan
hátt svo og að sýna fjölbreyti-
leika íslenskra bókmennta og
sagnamennsku. Aðgangur er
ókeypis og allir velkomnir.
Raddir innfl ytjenda
í bókmenntum
Fjallað um bækur eft ir Doris Lessing og Samson
Kambalu á bókakaffi í Gerðubergi í kvöld.
ALLTAF INNFLYTJANDI Doris Lessing
var í raun alls staðar „innflytjandi“,
bæði í Evrópu og í Afríku.
MENNING
stærsti rafgeymaframleiðandi
í heiminum
Save the Children á Íslandi