Fréttablaðið - 10.10.2014, Blaðsíða 6
10. október 2014 FÖSTUDAGUR| FRÉTTIR | 6
1. Hvað á að gera við þau 32 tonn sem
eftir eru af írska smjörinu sem fl utt
var inn fyrir jólin?
2. Hvaða íslenskur rithöfundur er
meðal þrettán höfunda sem hljóta
Bókmenntaverðlaun Evrópusam-
bandsins í ár?
3. Í hvaða skipti var kveikt á friðarsúl-
unni í Viðey í gær?
SVÖR:
1. Það verður notað í gerð kálfafóðurs.
2. Oddný Eir Ævarsdóttir. 3. Sjöunda sinn.
NEYTENDUR Mjólkursamsalan tók ákvörð-
un mjög fljótlega um að nýta aðeins hluta
þess smjörs sem hún flutti inn frá Írlandi
til íblöndunar í ostaframleiðslu. Þetta
segir Einar Sigurðsson, forstjóri MS.
„Það var tekin sú ákvörðun strax í upp-
hafi að nýta aðeins þann hluta smjörs-
ins sem þyrfti til að anna eftirspurninni.
Við pöntuðum ríflega af smjörinu. Þetta
var afgangurinn. Ég man nú ekki mjög
nákvæmlega hvenær ákvörðun var tekin
um að hætta að nota smjörið, en það var
mjög fljótlega upp úr áramótum,“ segir
Einar.
Fréttablaðið greindi frá því í gær að 32
tonn af írsku smjöri væru enn til í frysti-
geymslum á Akureyri, ónýtt frá síðustu
jólum. Mjólkursamsalan hefur ekki í
hyggju að nota smjörið í framleiðslu sinni
heldur nota það í kálfafóður. „Við fram-
leiðum fóður fyrir kálfa hérna hjá samlag-
inu og því nýtist smjörið enn innanhús,“
segir Einar. Fram kom í Morgunblaðinu
í janúar á þessu ári að eftirstöðvar írska
smjörsins yrðu sendar aftur úr landi. Ekki
varð af því heldur var smjörið tollafgreitt
og flutt norður á Akureyri. - sa
Mjólkursamsalan tók mjög fljótt þá ákvörðun að nota ekki allt írska smjörið.
Smjörið nýtist enn innanhúss
SMJÖR Tóku fljótt ákvörðun um að nota ekki allt írska smjörið.
Ég man nú ekki mjög nákvæm-
lega hvenær ákvörðun var tekin um
að hætta að nota smjörið, en það var
mjög fljótlega upp úr áramótum.
Einar Sigurðsson, forstjóri Mjólkursamsölunnar.
VEISTU SVARIÐ?
Fæst án lyfseðils
Verkir?
Verkjastillandi og
bólgueyðandi!
SVEITARFÉLÖG Rekstrarafkoma sveit-
arfélaganna batnaði á síðasta ári.
Tekjur þeirra jukust þá um 17 millj-
arða króna milli ára og voru tuttugu
milljörðum hærri en útgjöld á borð
við laun og annan rekstrarkostnað.
„Það má segja að sá árangur sem
hefur náðst í bættri fjármálastjórn
og öflugri rekstri hafi skilað sér,“
segir Gunnlaugur Júlíusson, sviðs-
stjóri hag- og upplýsingasviðs Sam-
bands íslenskra sveitarfélaga.
Gunnlaugur kynnti niðurstöður
úr rekstri og afkomu á árinu 2013 á
Fjármálaráðstefnu sveitarfélaganna
sem haldin var á Hilton Reykjavík
Nordica í gær. Þar fór hann yfir
tölur úr A-hluta sveitarfélaganna
sem er að mestu fjármagnaður með
skatttekjum og er undirstaðan í
rekstri þeirra.
„Sveitarfélögin greiddu niður
skuldir á árinu 2013 eins og þau
hafa gert síðustu ár. Það þýðir að
rekstur þeirra stendur á traustari
fótum og einnig að tekjur
þeirra nýtast þá betur
þegar kemur að fjármögn-
un á þjónustu við íbúa,“
segir Gunnlaugur.
Hann segir langtíma-
skuldir hafa lækkað tals-
vert en bendir á að ýmsar
framkvæmdir hafi af þeim
sökum þurft að bíða líkt og
undanfarin ár. Um 91 pró-
sent sveitarfélaga teljast nú vera
með lágar skuldir. Hin níu pró-
sentin eru með miklar skuldir en
helmingur þeirra býr aftur á móti
við góðan rekstur sem á,
að sögn Gunnlaugs, að geta
staðið undir þeim.
„Það er munur milli ein-
stakra sveitarfélaga eins og
liggur í hlutarins eðli. En ef
þú tekur heildina þá er þró-
unin jákvæð.“
Gunnlaugur nefnir
Grundarfjörð, Fjallabyggð
og Skagafjörð sem dæmi
um sveitarfélög sem hafi náð mikl-
um viðsnúningi í rekstri.
„Einnig má nefna sveitarfélög
á höfuðborgarsvæðinu sem lentu í
miklum erfiðleikum vegna hækkun-
ar lána og endurgreiðslu á bygging-
arrétti og lóðum sem þau hafa unnið
mjög vel úr.“
Í kynningu Gunnlaugs kom fram
að reglugerð um fjármálareglur og
fjárhagsleg viðmið sveitarfélaga,
sem gefin var út árið 2012, hafi gjör-
breytt nálgun sveitarstjórnarmanna
og skilað miklum árangri.
„Umræðan um fjármál sveitar-
félaganna er orðin markvissari og
ákvarðanatakan orðin vandaðri
bæði hvað varðar rekstur og fjár-
festingar.“ haraldur@frettabladid.is
Afkoma sveitarfélaga
batnaði á síðasta ári
Tekjur sveitarfélaganna jukust um 17 milljarða króna í fyrra. Greiddu niður skuldir
en framkvæmdir sitja áfram á hakanum. Um 91% sveitarfélaga eru með lágar skuldir.
Grundarfjörður, Fjallabyggð og Skagafjörður hafa náð miklum viðsnúningi í rekstri.
MÁLIN RÆDD Bjarni Benediktsson fjármálaráðherra og Halldór Halldórsson, for-
maður Sambands íslenskra sveitarfélaga, tókust á um samskipti ríkisins og sveitar-
félaganna á ráðstefnunni í gær. FRÉTTABLAÐIÐ/VILHELM
GUNNLAUGUR
JÚLÍUSSON
DÓMSMÁL Lán sem SPRON veitti
Existu 30. september 2008 að upp-
hæð tveir milljarðar króna var
eina lánið sem samþykkt var af
stjórn SPRON á árunum 2007 og
2008. Þetta kemur fram í ákæru
Sérstaks saksóknara gegn spari-
sjóðsstjóranum og fjórum stjórn-
armönnum.
Ákæran var birt opinberlega í
gær, samkvæmt lögum um með-
ferð sakamála. Í henni segir að
það hafi verið mjög óvenjulegt að
stjórn sparisjóðsins tæki ákvörð-
un um slíkt lán, enda lánið afar
hátt miðað við fjárhag sparisjóðs-
ins.
„Full ástæða var fyrir meðlimi
stjórnarinnar að fara varlega við
ákvörðun sína og fara eftir öllum
reglum vegna slíkra lánveitinga,
ekki síst í ljósi þeirrar stöðu sem
upp var komin á fjármálamörk-
uðum 30. september 2008. Því
fór hins vegar fjarri að ákærðu
færu eftir þeim varúðarreglum
sem þeim bar skylda til í störfum
sínum,“ segir í ákærunni.
Þvert á móti hafi lánið verið
veitt án nokkurra trygginga. Þá
hafi ekki farið fram mat á stöðu
Existu og greiðslugetu, þrátt fyrir
að ákærðu hafi hlotið að vera ljóst
að eignir þess hefðu fallið mikið í
verði á mörkuðum auk þess sem
gengi hlutabréfa í Existu hafi fall-
ið mjög á mörkuðum.
Ákærðu eru Guðmundur Hauks-
son, Margrét Guðmundsdóttir,
Rannveig Rist, Ari Bergmann
Einarsson og Jóhann Ásgeir Bald-
urs. - jhh
Sérstakur saksóknari telur að stjórn SPRON hafi ekki farið af varúð í lánveitingum haustið 2008:
Lánið til Existu án nokkurra trygginga
ÁKÆRÐUR Guðmundur Hauksson, fyrr-
verandi sparisjóðsstjóri, er einn hinna
ákærðu. FRÉTTABLAÐIÐ/ARNÞÓR