Fréttablaðið - 22.10.2014, Side 44
| 10 22. október 2014 | miðvikudagur
Horfur í íslensku efnahagslífi eru
bjartari en um langt árabil. Sam-
kvæmt nýrri spá hagdeildar ASÍ
má búast við góðum vexti lands-
framleiðslunnar á komandi árum.
Spáin gerir ráð fyrir að hagvöxt-
ur verði 3,1-3,5% fram til ársins
2016, árlegur vöxtur einkaneyslu
verður á bilinu 3,4%-4,3%. Fjár-
festingar taka við sér og aukast á
bilinu 14,8%-17,2% en gert er ráð
fyrir að ráðist verði í byggingu
þriggja nýrra kísilverksmiðja og
að íbúðafjárfesting aukist um
rúm 20% á ári út spátímann. Þá
dregur úr atvinnuleysi. Áhyggju-
efni er að verðbólga fer vaxandi
og verður yfi r verðbólgumark-
miði Seðlabanka Íslands næstu
tvö árin og vextir hækka. Þó að
dragi úr atvinnuleysi og atvinnu-
þátttaka aukist þá virðist meira
atvinnuleysi en þekktist fyrir
hrun vera að festast í sessi hér á
landi.
Stefnuleysið skaðar
Þrátt fyrir batnandi stöðu eru
undirliggjandi veikleikar í hag-
kerfi nu. Við búum enn við gjald-
eyrishöft og enn bólar ekkert á
tillögum ríkisstjórnarinnar um
gengis- og peningamálastefnu.
Ekki þarf að fara mörgum orðum
um það hversu skaðlegt það er
að ekki liggi fyrir stefna í þess-
um lykilþáttum efnahagslífsins
sex árum eftir hrun. Þá er útlit
fyrir að hagvöxtur verði bor-
inn uppi af vexti þjóðarútgjalda
í stað þess að útfl utningur dragi
vagninn. Jöfnuður í viðskiptum
við útlönd versnar því á komandi
árum. Þrátt fyrir að ríkissjóður
verði rekinn með afgangi er ekki
sjáanlegt að ríkisfjármálin muni
styðja við það sem hlýtur að vera
eitt helsta markmið efnahags-
stjórnarinnar sem er að viðhalda
stöðugleika. Þvert á móti virð-
ast stjórnvöld ætla að gera sömu
hagstjórnarmistökin og gerð voru
á árunum fyrir hrun þegar ríkis-
fjármálin unnu beinlínis gegn við-
leitni Seðlabankans til að koma á
stöðugleika. Þá má gera ráð fyrir
að sú hrina launaleiðréttinga, sem
hófst í upphafi ársins, muni halda
áfram þannig að taktur launa-
breytinga verði svipaður næstu
árin og á yfi rstandandi ári.
Óvissa á vinnumarkaði
Aðilar vinnumarkaðarins hafa
í sameiningu unnið að því að
leggja grunn að því að við getum
búið við sambærilega kjara- og
efnahagsþróun og önnur Norður-
lönd. Þar er áhersla lögð á geng-
is- og verðstöðugleika og upp-
byggingu kaupmáttar í hægum
en öruggum skrefum án þess að
veikja samkeppnisstöðu útfl utn-
ingsatvinnuveganna. Til þess að
slíkt geti gengið eftir þarf ann-
ars vegar breiða sátt um að það
fyrirkomulag sé æskilegt og hins
vegar trúverðuga efnahagsstefnu
sem hefur sama markmið. Hvor-
ugt er til staðar. Langt er síðan
jafn lítil samstaða hefur verið á
vinnumarkaði um launastefnu.
Þannig samdi ríkisvaldið t.d. um
tæplega 30% hækkun launa fram-
haldsskólakennara í rúmlega
tveggja og hálfs árs samningi þar
sem 16% launahækkun kemur á
fyrsta ári samningstímans á
meðan almennar launahækkan-
ir margra hópa voru 2,8% í eins
árs samningi. Þá hafa stjórnvöld
á engan hátt staðið við yfi rlýsing-
ar um að haga ákvörðunum sínum
og stefnumörkun í efnahags- og
félagsmálum þannig að þær styðji
við samninga sem lagt geta grunn
að stöðugleika.
Á komandi árum mun reyna á
hvort við getum tekist á við veik-
leika hagkerfi sins og komið hér á
svipaðri efnahagslegri umgjörð
og er í nágrannalöndunum eða
hvort við ætlum að láta tækifærin
líða hjá og halda áfram í gamla
farinu. Verði ekki veruleg hugar-
farsbreyting hjá ríkisvaldinu mun
viðleitni aðila vinnumarkaðarins
til að koma hér á breyttri nálgun
í efnahags- og kjaramálum verða
unnin fyrir gýg.
Á starfsferlinum og í viðskiptum er okkur stöðugt
kennt að við þurfum að mæta þörfum hins aðil-
ans. Markaðsdrifin fyrirtæki mæta þörf-
um markaðarins og starfsferilskráin er
löguð að þörfum fyrirtækisins – það er
jú markaðssetning á okkur sjálfum. En
hvað með okkur? Getum við alltaf verið
það sem hinn aðilinn vill? Eigum við
ekki líka að hugsa um okkur sjálf?
Ég vinn mikið með minni fyrirtækj-
um í markaðsmálum. Höfuðregl-
an í markaðsstarfinu er að upp-
fylla þarfir markaðarins. Flestir
stofna hins vegar fyrirtæki
vegna þess að þeir hafa brenn-
andi ástríðu fyrir því sem þeir
gera, og við vonum að sem
flestir velji sér starfsvettvang á sömu forsendum.
Það vefst fyrir mörgum viðskiptavinum mínum
að samræma þetta tvennt: Það sem markaðurinn
vill og það sem ég sjálf(ur) vil. Það er fullkomlega
skiljanlegt. Hins vegar ef ég er risafyrirtæki með
fullt af fjármunum og tækifæri á markaði, þá spyr
ég ekki að því hvort ég hafi ástríðu fyrir því. Ég
spyr bara hvort það er viðskiptalega góð ákvörð-
un. Síðan ræð ég rétta fólkið til að mæta þörfum
markaðarins.
Hver er þinn X-faktor?
Sá sem rekur lítið fyrirtæki, eða sækir um starf,
þarf að huga að fleiru en bara hvað hinn aðilinn
vill. Við þurfum að huga að því hvað við viljum.
Hver við erum. Hver ástríða okkar er og hver sér-
staða okkar er. Það er nógu erfitt fyrir að reka
lítið fyrirtæki en það er ómögulegt án ástríðu. Sér-
staða okkar getur heldur ekki bara ráðist af því
sem hentar fyrir markaðinn, því að hún er sam-
ofin persónuleika okkar sjálfra. Þess vegna þurf-
um við fyrst að leita inn á við og finna fyrir hvað
við stöndum, hver okkar ástríða er og hvað er sér-
stakt við okkur sem við getum nýtt okkur, hvort
sem er í viðskiptum eða starfi. Rúna vinkona mín
kallar þetta að finna X-faktorinn sinn. Þetta er
okkur öllum svo mikilvægt að hún er m.a.s. búin
að skrifa bók um það! Við megum ekki vanmeta
mikil vægi þess að setja fyrst súrefnisgrímuna á
okkur sjálf, áður en við uppfyllum þarfir annarra.
Ég er heppin. Ég hef náð að samræma ástríðu
markaðsnördsins því að byggja upp fyrirtæki sem
mætir markaðsþörf og viðskiptalegt vit er í. Ég
hef náð að finna minn X-faktor. Hver er þinn?
Hvað þarft þú?
Hin hliðin
ÞÓRANNA K.
JÓNSDÓTTIR,
MBA, markaðsnörd
Skoðun
Ólafur Darri Andrason
hagfræðingur ASÍ
Forstjóri Total lést í árekstri á flugvellinum í Moskvu
Vöxtur framundan í íslensku efnahagslífi
LÉST Í MOSKVU Christope de Margerie, forstjóri franska olíufyrirtækisins Total, lét lífið í árekstri á flugvellinum í Moskvu á mánudagskvöld
þegar einkavél hans lenti í árekstri við drukkinn ökumann á snjóplóg. Þrír úr áhöfn vélarinnar létust að auki. Hlutabréf í Total féllu um 1,35
prósent í Kauphöllinni í París í gær og flaggað var í hálfa stöng fyrir utan höfuðstöðvar fyrirtækisins í París. NORDICPHOTOS/AFP
Eyjólfur Árni Rafnsson, sem gegnt
hefur starfi forstjóra Mannvits
síðastliðin 12 ár, mun að eigin ósk
láta af störfum sem forstjóri um
næstu áramót. Í tilkynningu segir
að hann muni áfram starfa fyrir
félagið á sviði verkefnastjórnunar
og markaðs- og kynningarmála.
Við starfi Eyjólfs Árna tekur Sig-
urhjörtur Sigfússon, en hann hefur
verið fjármálastjóri Mannvits frá
því 2012. Sigurhjörtur er löggiltur
endurskoðandi og viðskiptafræð-
ingur frá Háskóla Íslands. Áður en
hann réðst til Mannvits var hann
forstöðumaður áætlana og grein-
inga hjá Skiptum.
Mannvit er alþjóðlegt ráðgjafar-
fyrirtæki, en fyrirtækið og dótt-
urfélög þess er með starfsemi auk
Íslands í Þýskalandi, Ungverja-
landi, Noregi, Bretlandi og Síle.
Hjá fyrirtækinu starfa um 350
manns.
Sigurhjörtur Sigfússon tekur við forstjórastöðu af Eyjólfi Rafnssyni:
Úr stóli forstjóra
eftir tólf ára starf
.
LÆTUR AF STÖRFUM Eyjólfur Árni Rafnsson hættir í starfi forstjóra Mannvits um áramótin.