Akureyri - 20.02.2014, Side 2

2 7. tölublað 4. árgangur 20. febrúar 2014
Brjóstahaldarinn
kostaði fangelsisdóm
Héraðsdómur Norðurlands eystra
hefur dæmt konu frá Ólafsfirði í 30
daga skilorðsbundið fangelsi fyrir
þjófnað. Konan hnuplaði laugar-
daginn 5. október 2013, ísskáps-
seglum, ofnhönskum, svampi, krydd-
kvörnum og Remington dömurakvél,
samtals að verðmæti 19.665 krónum
í versluninni Bykó við Óðinsnes á
Akureyri. Þá tók hún brjóstahaldara
að verðmæti 4.990 krónum í versl-
un Hagkaupa við Furuvelli á Akur-
eyri ófrjálsri hendi miðvikudaginn
18. desember síðastliðinn. Fulltrúi
sýslumanns sótti málin.
„Til þess ber að líta að ákærða
játaði brot sín við lögreglurann-
sókn málsins og var þýfinu komið
til skila á brotavettvangi til eigenda.
Afrakstur brota ákærðu var einnig
harla rýr. Þá lýsti ákærða fyrir dómi
iðran vegna gjörða sinna. Að þessu
virtu og með hliðsjón af viðeigandi
ákvæðum 70. gr. almennra hegn-
ingarlaga verður refsing ákærðu
bundin skilorði,“ segir í dómsorði.
Engan sakarkostnað leiddi af
rekstri málsins samkvæmt yfirlýs-
ingu fulltrúa lögreglustjóra. a
Mývetningar skiptast í tvær
fylkingar vegna virkjunar
Aðalfundur Veiðifélags Mývatns
fór fram í Seli um helgina. Þar bar
Bragi Finnbogason upp ályktun um
að Bjarnarflagsvirkjun yrði mótmælt
og hlutaðeigandi og fjölmiðlum yrði í
kjölfarið send ályktun aðalfundarins.
Tillagan var svohljóðandi:
„Veiðifélag Mývatns skorar á sveit-
arstjórn Skútustaðahrepps og aðra
sem koma að leyfisveitingum á vegum
sveitarfélagsins að veita ekki frekari
leyfi til framkvæmda við jarðgufu-
virkjanir í næsta nágrenni Mývatns.
Svæðið er á rauðum lista um-
hverfisyfirvalda vegna áforma um
Bjarnarflagsvirkjun, mengandi frá-
rennslis frá mannabyggð og hnign-
unar kúluskíts.
Bleikjuveiðin, löngum stór-
felld hlunnindi vatnsbænda í Mý-
vatnssveit, er að engu orðin. Í þrjú
ár hefur bleikjuveiði aðeins verið
heimil í tvær vikur að vetri undir ís.
Urriðaveiði hefur einnig verið tak-
mörkuð og nú eru jafnvel horfur á
að takmarka verði hana enn frekar.
Rannsóknir á lífríki svæðisins hafa
staðið í áratugi og leitt í ljós að litlar
breytingar geta valdið kollsteypum,
samspil einstakra þátta er flókið og
lítt fyrirsjáanlegt.
Þau áhrif gufuvirkjunar í
Bjarnar flagi sem mestum áhyggj-
um valda eru minna hitastreymi
til vatnsins vegna kólnunar og/eða
minna rennslis og eiturefnamengun
af borholuvökva.
Aðalfundur Veiðifélags Mývatns
fer fram á að varúðarreglan gildi og
hætt verði við öll áform um jarðfugu-
virkjanir og aðra mengandi starfsemi
í næsta nágrenni Mývatns.“
Miklar umræður urðu um til-
löguna á fundinum og komu ýmis
og ólík sjónarmið fram. Gengið var
til leynilegrar atkvæðagreiðslu um
málið og var tillagan naumlega felld
með 18 atkvæðum gegn 14.
Í hópi þeirra sem töluðu gegn
ályktuninni voru sveitarstjóri Mý-
vetninga og verktaki við undirbún-
ingsframkvæmdir vegna fyrirhug-
aðrar Bjarnarflagsvirkjunar.
Á dögunum var stofnað félag í
Mývatnssveit sem ætlað er að efla
sjálfbærni svæðisins og vernda líf-
ríki náttúrunnar, enda sé um ein-
stæða náttúrperlu í veröldinni að
ræða, sem beri að njóta vafa þegar
virkjunarframkvæmdir séu annars
vegar. a
Kringlumýrinni breytt í leiksvið
Fjöldi manns hefur síðustu daga
verið að störfum í Kringlumýrinni
við gerð sjónvarpsauglýsingar á
vegum Republik ehf. Kaupandi aug-
lýsingarinnar fæst ekki upp gefinn
en vettvangsstjóri upplýsir að um
dekkjaauglýsingu sé að ræða.
Gerð auglýsingarinnar fer fram
með leyfi lögreglu og bæjaryfirvalda
og einnig þurfti leyfi íbúa 27 húsa
við Kringlumýri til að hægt væri
að breyta heimkynnum fólksins í
vettvang fyrir sjónvarpsauglýsingu.
Nokkur röskun fylgir daglegu lífi
íbúanna vegna gerðar auglýsingar-
innar. Þegar undirbúningur stóð
sem hæst og Akureyri vikublað leit
við voru snjóbyssur úr Hlíðarfjalli í
notkun og mikill hávaði sem þeim
fylgdi. Áhorfendur hafði drifið að
og fylgdist fólk spennt með. Einn
íbúi sem hafði samband við blaðið
sagðist ósáttur yfir að þegar hann
kom heim í hádeginu á þriðjudag
hefði snjóbyssu verið beint að húsinu
hans. „Það var ekki búið að kynna
það fyrir okkur að þetta yrði svona.
Ég þurfti að byrja á að mölva klaka
af hurðinni til að komast inn og núna
sé ekki út um glugga, hvorki í austur
né suður,“ sagði íbúinn.
Óskar Óskarsson, vettvangsstjóri
hjá Republik sem ber ábyrgð á fram-
kvæmd auglýsingarinnar, segist ekki
hafa heyrt annað en gleði meðal íbúa
í götunni, enda sé framleiðsla aug-
lýsingarinnar ákveðið ævintýri. Ef
einhver sé ósáttur vilji hann gjarnan
að viðkomandi hafi beint samband
við sig. Óskar segir umhverfisvænt að
notast við alvöru snjó en ekki frauð
eða mjöl eins og oft sé gert þegar
skapa á snjóstemningu í auglýsingum.
„Það er fullt af mannskap sem hef-
ur atvinnu af þessu hérna í bænum
og ég hef ekki mætt öðru en vina-
legu viðmóti fólks, þetta er ævintýri
í hversdagleikanum, falleg gata og
hún fær fallega umgjörð.“
Aðaltökudagur fór fram í gær við
bestu veðurfarslegu aðstæður. a
Efni úr Vaðlaheiði í göngustíg í bænum
Vel gengur að grafa Vaðlaheiðargöng
að sögn framkvæmdastjóra ganganna
þótt heytt vatn hafi streymt fram sl.
sunnudag, 43ja gráðu heitt. Kominn
er nokkuð meiri hiti innst í göngum
en reiknað var með á þessum stað „...
en annars eru frábær afköst hjá verk-
takanum viku eftir viku þannig að það
er ekkert hægt að kvarta yfir neinu,“
segir Valgeir Bergmann Magnússon,
byggingartæknifræðingur og Fram-
kvæmdastjóri Vaðlaheiðarganga hf.
„Já, þetta er um 43° heitt vatn.
Starfsmenn byrja á að bora tilrauna-
holu til að sjá hvort vatn er. Tilrauna-
holan sem nú hefur verið boruð var
boruð í setlag, þar sem ekkert vatn
er að finna. Þegar starfsmenn fóru
síðan að bora fyrir sprengiefni opn-
aðist svo fyrir þessa heitu vatnsæð,“
segir Valgeir.
Vonir standa til að óvissu um efni
sem til stóð að ISAVIA ætlaði að fá
í flughlað verði eytt.
„En við erum að vinna að finna
nýja efnislosunarstaði þar sem nú-
verandi efnislosunarsvæði er að
fyllast þar sem gangagröftur gengur
það vel og búið að taka mikið svæði
undir brotið gangaefni. En á næstu
dögum ætlar Akureyrarbær að fá
gangaefni í stíg meðfram Drottn-
ingarbraut,“ segir Valgeir. a
HRÍM Á TRJÁM þykir henta vel þegar
skapa á stemmningu í auglýsingu.
Völundur
DAGUR TÓNLISTARSKÓLANNA
Laugardaginn 22. febrúar heldur Tónlistarskólinn á Akureyri uppá dag
tónlistarskólanna.
Af því tilefni efnir skólinn til hátíðar í Hofi og býður á tónleika í Hamra-
borg. Á þessum tónleikum verður stiklað á stóru í tónlistarsögunni í tali og
tónum. Þar koma fram nemendur á öllum stigum, einir sér eða í hópum,
stórum sem smáum. Tónleikarnir verða kl. 13:00 og síðan endurteknir kl.
15:00. Aðgangur er ókeypis og eru miðar afhentir í miðasölu Hofs sem opin
er virka daga frá 13:00-19:00.
Fjórhjólalagerinn
Stapahrauni 7 • 220 Haf • S. 588 3355
www.4h.is
Eigum til reimar í miklu
úrvali í flestar gerðir
snjósleða og fjórhjóla.
Fjórhjólalagerinn
Stapahrauni 7 • 220 Hfj • Sími 588 3355
www.4h.is
Mikið úrval auka og varahluta
í flestar gerðir hjóla.