Akureyri - 26.06.2014, Qupperneq 14

14 24. tölublað 4. árgangur 26. júní 2014
AÐSEND GREIN SELMA HÖRN VATNSDAL
Unglingar sem hætta of
snemma í íþróttum
Hreyfing er eitthvað sem allir
stunda daglega. Að ganga í skól-
ann á morgnana eða ganga á milli
kennslustunda er hreyfing. Fyrir
börn og unglinga er hreyfing mjög
mikilvæg og er því áhyggjuefni
hve mikið brottfall er úr íþróttum
á meðal unglinga. Þeir eru kannski
á þeim tíma í lífi sínu þar sem þeir
þarfnast hreyfingar mest.
Unglingar missa áhugann
Í grein sem Kolbrún Baldursdóttir
sálfræðingur skrifaði kemur fram
að íþrótt sem er skipulögð af félagi
er ekki bara staður þar sem krakk-
ar koma saman og hreyfa sig heldur
er einnig um forvarnargildi að ræða
þar sem krakkar fá útrás, læra
almenn samskipti, styrkja sjálfs-
mynd og öðlast sjálfsaga. Það eru
alls ekki nýjar fréttir að þegar nær
dregur unglingsárum fara krakkar
að missa áhugann á íþróttinni sinni
eða jafnvel bara hætta. Engin veit
raunverulega hvað það er sem gerir
það að verkum að unglingar hætta
of snemma í íþróttum. Margir hafa
þó komið með mögulegar skýringar.
Ég ætla að telja hér upp nokkrar
ástæður sem ég tel að geti orsakað
brottfall unglinga úr íþróttum.
Vinirnir mikilvægari en hreyfingin
Unglingar upplifa oft félagsskapinn
mikilvægari en hreyfinguna. Það eru
of mörg dæmi um að unglingar, sem
eru duglegir að hreyfa sig hvort sem
það er í skipulagðri íþrótt eða bara
á eigin vegum, hætti of snemma að
hreyfa sig vegna þess að þeir vilji
frekar elta vinina. Þessir einstak-
lingar sjá yfirleitt eftir því þegar þeir
eru ekki lengur í góðu formi. Svo get-
ur það aukið líkur á brottfalli ef ung-
lingurinn hefur ekki æft neina sérs-
taka íþrótt sem barn heldur flakkað
á milli íþrótta og gefist upp á end-
anum. Það getur valdið brottfalli að
ekki séu nægir peningar til að borga
æfingagjöldin. Einnig getur það
verið ástæða að krakkar vilji ekki
keppa. Flestar íþróttir leggja áherslu
á keppni og þá er mjög gott að vera
með sérstaka hópa fyrir þá sem
langar að stunda íþróttina en vilja
ekki keppa. Ekki eru mörg íþrótta-
félög með svoleiðis hópa sem er ekki
nógu gott. Hvað sem öllu þessu líður
er mjög mikilvægt að foreldrar og
þjálfarar styðji og hvetji börnin til að
halda áfram að hreyfa sig því að það
er svo hollt og mikilvægt.
Hvað er hægt að gera?
Á Akureyri er verið að reyna að
koma til móts við þá foreldra sem
eiga ekki næga peninga aukalega
til þess að leyfa krökkunum sín-
um að æfa íþrótt. Með styrknum
sem íþróttafélögin fá, til dæmis frá
Samherja, er hægt að lækka æf-
ingagjöldin og fleiri fá að stunda
íþrótt við sitt hæfi.
Þegar áhugann vantar er ekki
mikið hægt að gera nema reyna
að vekja hann. Þegar EM eða HM í
handbolta er í sjónvarpinu bíður til
dæmis íþróttafélagið Þór frítt að æfa
handbolta hjá þeim þann mánuð
sem mótið er. Það finnst mér vera
flott og gæti vakið áhuga einhverra
og einnig er hægt að vekja áhuga
með því að hafa kynningar um mis-
munandi íþróttir í skólanum og leyfa
unglingum að prófa þær í skólaí-
þróttum. Ef gerðir væru hópar innan
sem flestra íþróttagreina sem gerði
unglingum kleift að æfa íþróttina af
skemmtun en ekki til þess einungis
að keppa gætum við komið í veg fyr-
ir brottfall úr íþróttum.
Unglingar hætta of snemma
í íþróttum um allt land og það er
vandamál. Mér finnst þetta vera
mikilvægt málefni sem þarfnast
lausnar. Ástæðurnar geta verið
margar en lausnirnar eru það líka.
Ég held að ef að allir hjálpist að
ættum við að geta leyst vandamál-
ið þó það taki langan tíma. Þetta
er mikilvægt. Heilsa og hreyfing er
mikilvæg fyrir alla!
Greinin er unnin upp úr mál-
stofuverkefni sem nemendur 10.
bekkjar fluttu munnlega á heimatil-
búnu málþingi í Giljaskóla í febrúar.
Ör vöxtur í framboði á
gistingu á Norðurlandi
Lögmannsstofan LEX hefur gefið
út 70 síðna leiðarvísi fyrir ferða-
þjónustuna um þau lögfræðilegu
atriði sem þarf að huga að við
stofnun og rekstur ferðaþjónustu-
fyrirtækja. Ritinu er dreift ókeypis
til ferðaþjónustufyrirtækja um allt
land, þar á meðal þeirra hátt í 250
fyrirtækja í greininni sem starfa á
Norðurlandi eystra.
„Það hefur verið jafn og góður
vöxtur í ferðaþjónustunni á Norð-
urlandi eystra,“ segir Helgi Jóhann-
esson lögmaður hjá LEX, ritstjóri
leiðarvísisins. „Fyrir tíu árum voru
76 gististaðir á Norðurlandi eystra
á skrá Hagstofunnar, en 2013 voru
þeir orðnir 105 talsins. Hlutfalls-
lega hafði gistinóttum fjölgað enn
meira á þessu 10 ára tímabili, eða í
rúmlega hálfa milljón á ári. Ferða-
þjónustufyrirtæki með leyfi frá
Ferðamálastofu eru 111 á Norður-
landi eystra og til viðbótar kemur
svo fjöldinn allur af bílaleigum og
fólksflutningafyrirtækjum á svæð-
inu.“
„Þegar svo mikill vöxtur á sér
stað á skömmum tíma er ekki
sjálfgefið að allir hafi nægilega yf-
irsýn um þau fjölmörgu lagalegu
álitamál sem geta komið upp við
stofnun og rekstur fyrirtækjanna.
Snertifletir ferðaþjónustunnar við
yfirvöld, lög og reglur eru margir
og ekki allir jafn augljósir. Við hjá
LEX ákváðum því að leggja okk-
ar af mörkum til að vísa veginn og
gefa ferðaþjónustunni afrakstur-
inn,“ segir Helgi.
Í leiðarvísinum er farið ítar-
lega yfir leyfisöflun, stofnun einka-
hlutafélaga, ábyrgð, tryggingamál,
skattamál, samningagerð, sam-
skipti við yfirvöld og fleira. Leiðar-
vísirinn er ekki tæmandi leið-
beiningarrit, en ætti að gefa góða
yfirsýn. Eintök liggja frammi hjá
sýslumönnum og dómstólum og
einnig er leiðarvísirinn aðgengileg-
ur á vefsíðu LEX svo og á vefsíðu
SAF, Samtaka ferðaþjónustunnar.
„Þessi leiðarvísir okkar hjá LEX
er jafnt ætlaður stjórnendum í nýj-
um sem rótgrónum fyrirtækjum,
til að hjálpa þeim að átta sig á því
hvort þeir séu með allt á hreinu í
lagalegu tilliti, eða hvort þeir þurfa
að bæta úr í einstaka atriðum,“ seg-
ir Helgi Jóhannesson. a
AÐSENT
Selma Hörn Vatnsdal